ചാരിത്രിക് ദിഷ്ടിന്ത്ല്യാൻ ഏക് അധ്യയൻ
1 ചരിത്രാ മ്ഹണ്ല്യാർ ‘ആദ്ലെം സാംഗ്ചെം’ മ്ഹൺചെം ചിന്തപ് ലൊകാ മതിന്ത് രൊംബൊൻ ഗെലാം. ദെകുൻ ചരിത്രാ മ്ഹൺതച് രായ്, രാണി, രാവ്ളെരാം ആനി ഝുജാം ദൊള്യാം മുകാർ ഖെൾതാത്. ആപ്ല്യാ ആബാ-വ്ഹഡ്ലിമാംയ് വിശിം കൊണായ്കി വായ്ട് സാംഗുങ്ക് ആസാനാ. ദെകുൻ‍ഞ്ച് ചരിത്രാ മ്ഹണ്ല്യാർ പുഗാർണി ജാവ്ന് ഗെല്യാ. മഹാൻ ഇതിഹാസ്‍ശാസ്ത്രി ഇ എച് കാർ ‘ചരിത്രാ മ്ഹണ്ല്യാർ ഇതിഹാസ് അധ്യയനീ ആനി താച്യാ ആകരാം (Souഡിഛിes) മദ്ലൊ തശെഞ്ച് സാർൻ ഗെല്ല്യാ ഭൂത്‍കാൾ ആനി പ്രസ്തുത് ആസ്ച്യാ വർതമാൻ കാളാ മധ്ലൊ നിരന്തർ ആനി ക്രിയാത്മക് സംബന്ധ് മ്ഹൺതാ. കാൽ ആനി ആജ് എകാമെകാ ഫുഡാഫുഡ് ജായ്നാശെം ചരിത്രാ ആസാ ജായ്ത് മ്ഹൺചി ഭോവ് സീമിത് സമ്ജൊണി.
1 അ. കർനാടകാന്ത് അദ്ല്യാ സുമാർ ഹജാർ വർസാം ഥാവ്ന് കൊങ്ക്ണി ലോക് പ്രഭാവിത് രിതിൻ വസ്തി കർൻ ആസാ മ്ഹൺച്യാക് ദുബാവ് നാ. താഞ്ചെം ജാനപദീയ്/ഥൊണ്ഡി സാഹിത് ഗ്രേസ്ത് ആസ്ചെം ആനി താന്ത്ലെ ഥൊഡെ വാണ്ടെ ആജൂൻ വാപർണെന്ത് ആസ്ചെം ആമ്കാം പളെംവ്ക് മെൾതാ. ലാത്യാ ജെജ്വിത് ആഞ്ജെലൊ മാഫായ്ന് കൊങ്ക്ണി ലൊകാച്യാ ഭാശെÉ വിശിം താച്യാച് കാരണാങ്ക് ലാഗുൻ ഉർബാ ദാകയ്ലി. ആനി ത്യാ ഉപ്രാന്ത് കൊങ്ക്ണി ബർപാചി പരംപരാ വ്ഹഡ് മാപാൻ വാഡുങ്ക് ലാഗ്ലി. മാഫായ്ന് വ്ഹഡ് മാപാൻ കൊങ്ക്ണെചൊ ബർപാന്ത് വാപാർ കെലൊ തരി ത്യാ പുർവിഞ്ച് സുമാർ 1858 സുമാരാക് 54 പാനാഞ്ചെം ‘സൊമി ജെജു ക്രിസ്താചി പാശാംവാചി കഥാ’ മൺചെം പുസ്തക് പർഗട് ജാല്ലെം. ഗൊയാന്ത് കൊങ്ക്ണി ഭാസ് രോമി ആനി നാഗരി ലിപിയാംനി സുമാർ 1540 ഥാവ്ന് (ലഗ്ഭഗ് 550 വർസാം ആദിം ഥാവ്ന്) ബർപി സാഹിത് പരംപരാ വാഡുൻ ഘെവ്ന് ആയ്ല്യാ തർ കർനാടകാന്ത് ആദ്ല്യാ 150 വർസാം ഥാവ്ന് കന്നഡ ലിപിന്ത് ഹി പരംപരാ വാഡ്ല്യാ.
1 ആ. കൊങ്ക്ണി ലോക് ടിപ്പുച്യാ ബന്ധഡെ ഉപ്രാന്ത് ചഡ് ആനി ചഡ് ധാർമിക് നിയന്ത്രണാന്ത് രിഗ്ലൊ ജാല്ല്യാൻ താചെം ചഡ്‍ശെം സക്കഡ് ദെവാ-ആൽതാരി-സാന്താം ഭക്താം ഭംവ്തിചെം ജാംവ്ക് ലാഗ്ലെം. ഹാചൊ പരിണാം ജാവ്ന് സുർവായെചെം കൊങ്ക്ണി സാഹിത് ജാംവ് തെം ധാർമികാംനി രച്‍ല്ലെം, ജാംവ് തെം ലായികാംനി രച്‍ല്ലെം, തെം നൊവെനാം, കന്താരാം പുസ്തകാം, ദൊതൊർനെചിം, സാന്താഞ്ച്യാ ജിണെയെചി ചരിതാ,്ര താഞ്ച്യാ നൊവെനാചിം തശെംസ് ദേവ്‍സ്തുതെക് സംബന്ദ് ജാല്ലിം പുസ്തകാം വാ പവിത്ര് പുസ്തകാചെം ഭാശാന്തർ ജാവ്ന് ആസ്‍ല്ലെം. ഹ്യാ നിമ്തിം കൊങ്ക്ണി സാഹിതാച്യാ വാഡാവളിച്യാ സുർവില്യാ ദിസാനിഞ്ച് തികാ രിതി നിതളായെചെം മാന്ത്ല് ൻഹെസൊവ്ന് ജാല്ലെം.
1ഇ. ത്യാ മദെംയ് കൊങ്ക്ണി സാഹിതാക് ദെവാച്യാ ഗർബാഥാവ്ന് ഭായ്ര് ഹാഡ്ന് തിചെ ഥംയ് കാംയ് സാർവത്രികരൺ ആനി മ്ഹൻശ്യാകരണാചി പ്രക്രിയാ ചലൊംവ്ക് ഥൊഡ്യാംനി വാവ്ര് കെല്ലൊ. ചാൽതിം പൊദാം (ചാൽതിം മാഗ്ണ്യാങ്ക് പ്രതി ജവാബ് ജാവ്ന് ആയില്ലിം), ദുമ്ഗാ-ദുമ്ഗെച്യൊ കാണിയൊ ആയ്ല്യൊ. പെദ്രു ജുവാംവ് സൊജ്, ജുജെ സൽദാഞ, ജുജെ രേഗ്, ആലെസ് പായ്സ്, ലുവിസ് മസ്കരേഞ അസല്യാംനി കൊങ്ക്ണി സാഹിത്യാക് ലവ്കിക് അഭിരുചെചിം പാകാം ശിർകാംവ്ക് വർതൊ വാവ്ര് കെലാ. തരീ കന്നഡ ലിപി കൊങ്ക്ണെന്ത് കാദംബരി പ്രകാർ യേംവ്ക് സുമാർ കാൾ രാക്ചി ഗർജ് പഡ്ലി.
1 ഈ. ഗോംയാന്ത് എദ്വാർദോ ബ്രൂനൊ ദെ സൂജാൻ രൊമി ലിപിന്ത് ബരയില്ല്യാ ‘ക്രിസ്തുവാംവ് ഘരാബോ’ മ്ഹണ്ലല്യാ കൃതിയെ ഥാവ്ന് കൊങ്ക്ണെന്ത് കാദംബരി പ്രകാരാചെം സാഹിത് വാഡ്ലെം. ഏക് പാരംപരിക് കുട്മാച്യാ വാഡാവളെചെം, സതാ-നിതിച്യാ സംഘർഷ്യാചെം ചിത്രൺ ഹാംഗാസർ ദിസ്താ. നിമാണെ ബരെം ജിക്താ-വായ്ട് സല്വാതാ മ്ഹൺചൊ ഹാംഗാചൊ സന്ദേശ്
2 കന്നഡ ലിപിന്ത്ല്യാ കൊങ്ക്ണെന്ത് കാദംബരി പ്രകാരാക് സ്വതന്ത്ര് പ്രകാർ ജാവ്ന് പയില്ലെം വാപാർലലി ഖ്യാതി ജൊസ്യാക് മ്ഹൺജെ ജൊകിം സന്താൻ ആല്വാരിസാക് വെതാ. 1950 ഇസ്വെന്ത് താണെ സ്വതന്ത്ര് നവാൽ ബരയ്ലെം. ത്യാ പര്യാം ചഡ്‍ശെം കൊങ്ക്ണി സമാജിക് സാഹിത് വിഡംബനാച്യാ രുപാർ, ഭാശാന്തരിത് വാ സ്വന്ത് കാണ്യെച്യാ രുപാർ ആസ്‍ല്ലെം. ചഡ് കർൻ അസലെം സാഹിത് മ്ഹള്യാർ ഹാസൊംവ്ക് ആസ്ചെം സാഹിത്, ശിക്പാചൊ ഉണൊവ് ആസ്ച്യാങ്ക്, ഖാൽത്യാ ഭൊള്യാ ‘മാണ്ഡ് കൊർപൊണെച്യാങ്ക്’ മ്ഹണുൻ ബരൊവ്പി ആനി പർഗട്ണാർ ചിന്ത്താലെ. അസല്യാ പരിഗതെന്ത് ജൊസ്യാചി ‘ആഞ്ജെൽ’ കൊങ്കണി നാടക് സഭെൻ 1950 ഇസ്വെന്ത് പർഗട്ലി. ഹി 368 പാനാഞ്ചി വ്ഹഡ്‍ജയ്ത് കാദംബരി തവൾ ഫക്ത് പാഞ്ച് (5) രുപ്യാങ്ക് വിക്ലി.
2അ. ഖര്യാൻ കാനഡി ലിപി കൊങ്ക്ണി കാദംബരിഞ്ചൊ ബാപുയ് ജൊസ്യാക് സമാസമി രാംവ്ചൊ ‘പാഞ്ച്‍പെÇണ്ഡ്വാം’ മധ്ലൊ ദുസ്രൊ, കൊങ്ക്ണി ചാരിത്രിക് കാദംബരിഞ്ചൊ ബാപുയ് ഖഡപ്. ഖഡപാൻ (വിശെന്ത് ജുവാംവ് പെദ്ര് സൽദാഞõï) ‘കൊങ്ക്ണി കാദംബരിഞ്ചൊ പിതാമഹ്’ ജാംവ്ചൊ ദാക്ലൊ എകാ താന്ത്രിക് കാരണാക് ലാഗൊൻ ഹൊഗ്ഡാവ്ന് ഘെത്ലൊ. ഖഡപാചി പയില്ലി കാദംബരി ‘കാജിതൊർ കാണെ’ തവൾ‍ച് സാങ്ക്ളി രുപിം ‘രാക്ണൊ’ പത്രാർ പർഗട് ജാതാലി. ആനി 1950 വ്യാ വർസാച്യാ ആകെരി വെളിഞ്ച് തീ രാക്ണ്യാചിം പാനാം സംഗിം കർൻ പുസ്തക് രുപാർ വിക്ര്യാക് ആയ്ലി.
2ആ. 1950 തേം 1980 ഞ്ചൊ കാൾ പാഞ്ച് പൊണ്ഡ്വാഞ്ച്യാ മുകെൽപണാന്ത് കൊങ്ക്ണി കാദംബരി സംസാരാന്ത് സൊന്യാളൊ കാൾ. ജൊസ്യാ, ഖഡപ്, എട്യെൽ, ഗബ്ബു ആനി ചാഫ്രാച്യാ മുകെൽപണാർ എകാൻ‍ഏക് ഉഞ്ചി സാഹിതിക് വാവ്രാക് ആനി താന്ത്ല്യാതാന്തും കാദംബരിങ്ക്À ഉജ്വാഡ് ലാബ്ലൊ. ജൊസ്യാൻ സാമാജിക് കാദംബരിഞ്ച്യാ ശെതാന്ത് ൽഹാരാം വയ്ര് ൽഹാരാഞ്ച് ഉടയ്ലിം. ‘ആഗ്നെസ് മാവ്ശി’, ‘തെരെസാ ചത്രായ്’ (1951) ‘രിതാചെം കാർബാർ’, ‘ആബൊലെം’, ‘ആലെസാചെം ദായ്ജ്’, ‘മ്ഹജ്യാ സയ്രികെചി കഥാ’ (1952), ‘നൊവ്രൊ ജായ്’, ആവിലാചെം ഝയ്ത് (1954), കവി ആനി രോജ്‍മേരി (1956) ബെജിലാചെം സ്വപാൺ (1957), ചെഡും തെം ചെഡുഞ്ച് (1960) ഹാംവ് അപായാന്ത് ആസാം (1961) ജുജെ ആനി സെവ്രിൻ (1966), മത്ലാബി മൊനികാ, (1969) ഹിൽഡാചി കഥാ, ബൊംബൈ മേരി (1970) നവ്യാ ഘരാന്ത്ലി ഖുൻ, ജൽമാചൊ ഘുട് (1975) ഈവാക് 13വി സയ്രിക്, മദെം രാതിം ആയില്ലൊ പർകൊ (1976) ഗുഡ്ഗുഡി ഫുലാബായ്, ചൊട്ടൊ ബരവ്പി (1979), മ്ഹാകാ നിർമില്ലി ചലി, തും ഫാല്യാം ആസ്ചൊനാംയ് (1980) നപംയ്ച് ജാല്ലി മാദ്ര്( 1981) കമലാചെം ഘർ ഭർ‍ല്ലൊ ആജൊ (1982), മ്ഹാൽ ധെഡ്യാചൊ ഉമൊ (1985) ആനി ഹെർ സബാർ കാദംബരി ബരൊവ്ന് കൊങ്ക്ണി മായെക് വർതി ദെൺഗി ദില്ല്യാ ജൊസ്യാൻ കാംയ് ആവാജ് നാസ്താം ആപ്ലൊ വാവ്ര് കെലൊ. ആപ്ല്യാ കാളാച്യാ സബാർ കൃതികാരാങ്ക് പ്രേരേപക് ജാവ്ന് ജൊസ്യാചി സെവാ വർതി. ജൊസ്യാച്യാ കാദംബരിനിം ആമ്കാം പളെംവ്ക് ലാഭ്ചെം ബര്യാ വായ്ടാചെം സംഘർഷ് ജൊസ്യാ കെദാളായ് ബര്യാക് സത്രി ധർതാ. ആദിംമാഗാം ഥാവ്ന് കൊങ്ക്ണി സാഹിത്യാന്ത് ദെംവൊൻ ആയില്ലെം ധർം‍ഉഞ്ചായെച്യാ പ്രഭാവാചെം രിതിനിതൾ ചിന്തപ് താചെ ഥംയ് ധർ‍ധർ മ്ഹണുൻ ദിസ്താ.
2 ഇ. ഖഡപ് കൊങ്ക്ണി സംസാരാന്ത് ആപ്ല്യാ ലിക്ണെനാംവാ തെകിത് ഖഡപ്‍ച് സയ്. കൊങ്ക്ണി ലൊകാച്യാ ചരിത്രെക് താണെ ജശെം സമ്ജൊൻ ഘെത്ലെം ത്യാ ദിശെൻ താണെ ലിക്ലെല്യൊ കാദംബരി ചാർ കാൾ ഉർച്യൊ ആനി ആമ്ചെ ഥംയ് സദാം ജിവിം ൽഹാരാം ഉടൊംവ്ച്യൊ. ത്യൊ ഖര്യാൻ ബൃഹത് ഗ്രന്ഥ്‍ച് സയ്. എകാച് പാത്ര് വർഗാക് ധർൻ സബാർ കാദംബര്യൊ ബരംവ്ചി താചി ശയ്ലി, ചരിത്രെന്ത് ഘഡ്ലല്യാ ഖര്യാ ഘഡിതാങ്ക് ധർൻ സൊബിത് സുന്ദർ ഘുംവ്ഡ്യൊ ദീവ്ന്, പാത്ര് ചിത്രൺ ലാവ്ന് ഉബെം കർചി താങ്ക് താചി വിശേസ് താചെ കാദംബരിയെന്ത് ഏക് സാങ്കൾ പുഡ്തുഗേജ് ആഡൾത്യാ, വിശേസ് കർൻ ഇൻ‍ക്വിജിസാംവാച്യാ മൊഡ്തി ഭംവാരിം ലിക്ലല്യൊ. ‘സായ്ഭാ ഭൊഗൊസ്’ (1970) ‘പുർവജ് പർദെശാന്ത്’ ( 1971 ) വാഞ്ജെലാചെ വാടെർ (1979) ജിവൊ വ മെല്ലൊ (1980) യാ തരീ മംഗളാപുരി (1982) ഹ്യൊ പാഞ്ച് മുളാൻ രാക്ണ്യാർ സാങ്ക്ളി രുപിം പർഗട്ലല്യൊ
ടിപ്പു സുൽതാനാച്യാ കാട്കായെക് വിഷയ് ജാവ്ന് ഘെവ്ന് താണെ ‘ദെവാച്യെ കുർപെൻ’ ‘ഇംഫെർനാചിം ദാരാം’ സർദാരാഞ്ചി സിനൊൽ, സർദാരാഞ്ചെം സന്നിദാൻ, ബചാവെചി ചാവി, മൊഗാചി മഹിമാ, ബെൽതംഗഡിചൊ ബാൽതാജാർ, ബന്ധഡെന്ത് ബചാവ് കെല്ലെം ദിർവെം അസല്യൊ കാദംബരി ബരയ്ല്യൊ. ഹെച് ൻഹംയ് ആസ്താം ‘താംബ്ഡി പിതുൾ, തൊരിചി ദാൾ, പേട് ആനി പാൾണെം, മൊഗാ മ്ഹാകാ ശികയ്, രുജ്വാത്, കുഡിചി നാഡ് താചൊ ഹെർ മഹത്വാച്യൊ കാദംബരിയൊ. വി ജെ പി ച്യാ കാദംബരിംനി സാഹസാക്, സാധനാങ്ക്, ഹിക്മത്യാങ്ക് ചഡ് ജാഗൊ ആസാ. ആപ്ല്യാ ലൊകാചെം (കെനരാ കഥൊലികാഞ്ചെം) ഘൻ ആനി മാൻ രാക്ച്യാക് താചൊ ഹുസ്കൊ വിശേസ് വി ജെ പി സൽദാഞക് കൊങ്ക്ണി ചാരിത്രിക് കാദംബരിഞ്ചൊ ബാപുയ് മ്ഹൺചെം അഭിദാൻ ദിലാം തെം അർതാഭരിത് ആസാ. കൊങ്ക്ണെന്ത് മാത്ര് ഖഞ്ച്യായ് ഭാഷെന്ത് ഇത്ല്യൊ ചാരിത്രിക് കാദംബരി എകാ വ്യക്തിൻ ബരയ്ല്യാത് തേം ഏക് മഹാൻ ദാക്ലൊച് സയ്.
2 ഈ. പാഞ്ച്‍പൊണ്ഡ്വാം മദെം തിസ്രൊ അപൊലൊ തോമാസ് ലോബൊ. എട്യെൽ മ്ഹണുൻ‍ഞ്ച് മയ്പാസാചൊ ജാലാ. മാംയ്ഗാംവ്ചെ ഉഗ്ഡാസ് ഗുണ്ഡായെൻ ധൊസ്ചെപരിം കരുങ്ക് ഹാച്യാ കാദംബരിങ്ക് വിശേസ് താങ്ക് ആസാ. ഹാച്യൊ വേൾ‍ഘഡി ആനി തും ബരൊ ജാ കാദംബരി ഭാരതീയ് സാഹിത്യാന്ത്‍ച് മൊലാധിക് ഥികാം ജശെം പർജൾതാത്. സൊംപ്യാ വിഷയാക് സൊഭൊംവ്ചി ഹാചി ശാഥി ഹെർ കൊണാക്‍ച് ആയില്ലി ആമ്കാം പളെംവ്ക് മെൾനാം. വേൾ‍ഘഡി കാദംബരി വാച്താനാ പളെംവ്ക് ലാബ്താ തേം വർണൻ ആനി വിവരൺ ഭോവ് ഉഞ്ച്ല്യാ വർഗാചെം. വാപാർലലി ഭാസ് അർഥാഗർഭിത്, മുകാംവൊരാം, വൊവ്ളാം,ഗാദി, ഉത്രാം പ്രാസാഭരിത് സബ്ദാം വാപാർണി എട്യെലാക് എട്യെൽ‍ച് സയ്. ഥൊഡെ പാവ്ടിം എട്യെൽ അതിഭാവുക് ജാതാ മ്ഹണൊൻ ഭൊഗ്ല്യാരീ താചി സൊബായ് ആമ്കാം രുച്താ ഖണ്ഡിത്. ‘ദാദാ വാ കേഡി’, ‘രീദ്’, ‘ദെവാചി ഖുശി’, താച്യൊ ഹെർ കൃതിയൊ.
2ഉ. ചാഫ്രാ മ്ഹണുൻ‍ഞ്ച് കൊങ്ക്ണെന്ത് ഘർ‍ദാരി നാംവ് ജാല്ല്യാ ചാർൽസ് ഫ്രാൻസിസ് ദകോസ്താക് ആമി സർവ് നാടകിസ്ത്, കവി, കാണിയാംഗാർ ജാവ്ന് വൾകാതാംവ് തരീ താണെ. ‘സാസ്ണാചൊ വിശെവ്’, ‘വാട്സുര്യാഞ്ചൊ ഈഷ്ട്’, ‘മെല്ലെം’ അസല്യൊ കാദംബരി ബരയ്ല്യാത് ചാഫ്രാച്യാ കാദംബരിംനി ദിസുൻ യെതാ തി ഭാശെചി ഗ്രേസ്ത്‍കായ് വിശേസ് ജാവ്നാസാ.
2ഊ. ഹ്യാ പാഞ്ച്‍പൊണ്ഡ്വാം യുഗാന്ത് കാദംബരികാരാം പയ്കി പർജൾചെം ആന്യേക് നാംവ് ജാവ്നാസാ ഗബ്ബുചെം താകാ ശ്രീ ഗബ്ബു ഉർവാ മ്ഹണുൻ‍യീ വൾകൊഞ്ചെം ആസാ. ഗെബ്രിയെൽ ഡിസോജാ ആപ്ല്യാ ബർപാന്ത് മാത്ര് ൻഹംയ് ചിന്ത്പാന്ത്‍യീ ക്രാന്തികാരി, നാസ്തിക് ആനി വാസ്തവിക് ദിഷ്ടാവ്യാചൊ. താണെ ബരയ്ലല്യൊ ചഡാവത് വെക്തി സംബന്ധാങ്ക് ആനി മ്ഹൻശ്യാം ഥംയ് ആസാ ജാംവ്ച്യാ മൊഗാജിവിതാച്യാ രാടാവളിങ്ക് സംബന്ധിത് കാണിയൊ. പൊടാചെ ഭുകെക് (1956) മൊഗാചി മസ്തി (1962), മൊഗാചി മഹിമാ (1966) തുജി ധുവ് മ്ഹജി ബായ്ല് (1967) സാംഗാതാ മെൾതാനാ, സിവ്രി സിമിത്രെന്ത്, ഉചാർൻ സാംഗ്താം (1968), സല്വാല്ലെം സത് (1969) മൊഗാചൊ ഉലൊ (1975) സല്വാല്ലെം സത് (1977) ലഗ്നാ ബാന്ദ്(1978) ഗബ്ബുച്യൊ മഹത്വാച്യൊ കാദംബരിയൊ. ഗബ്ബു ആനി ജൊസാ മദെം സൈദ്ദാന്തിക് വിഷയാഞ്ചെർ സബാർ അഭിപ്രായ് ബെദ് ആസ്‍ല്ലെ. ഹൊ അഭിപ്രായ് ബെദ് താഞ്ച്യാ കാദംബരെച്യാ വിഷയാഞ്ചെർ തശെംസ് ചിന്ത്പാം മണ്ഡൻ ശയ്ലെഞ്ചെർ വ്ഹഡ് മാപാൻ പ്രഭാവ് ഘാലുങ്ക് സക്ലൊ.
2 എ. ഹ്യാ കാളാർ കൊങ്ക്ണെന്ത്ല്യാ സ്ത്രീ ലേകികാ എവ്ലാലിയാ ആല്വാരിസാൻ വ്ഹഡ് മാപാൻ സാഹിതിക് സംരചൻ കാദംബരി രുപാൻ കെല്ലെം തിച്യൊ കൃതിയൊ ലൊകാൻ ഖായ്സ് കർചെം ആമ്കാം പളെംവ്ക് ലാബ്താ. 1956 ഇസ്വെന്ത് തിചി കാദംബരി ഫ്ലോരാചി കഥാ പർഗട്ലി ത്യാ ഉപ്രാന്ത് ഫ്രാൻസിസ് ആനി ക്ലാരാ (സബാർ ഭാഗാംനി ആയ്ലാ) (1957) ഫൊകിചെം കാർബാർ (1958) ഡായ്നാ (1964) ആന്നി കിട്ടി , പെടനാത്‍ല്ലെം തൺ, കാണ്ടെ ആനി ഫുലാം (1969) ജാകിചെം കാജാർ (1970) തിച്യൊ മഹത്വാച്യൊ കൃതിയൊ. ക്രിസ്താചെം ജനൻ, പയ്ണാര്യാഞ്ചൊ ഈഷ്ട് ക്രിസ്തോഫർ ആനി രോബ്-സൊമ്യാചെം ആംഗ്ലെം ധാർമിക് ദിഷ്ടെൻ കാദംബരി സ്വരൂപാൻ ബരയ്ലലി കൃതി. ഹിച്യാ കാദംബരിഞ്ചെർ ഫ്രെഞ്ച്, ഇംഗ്ലിശ് സാഹിതാച്യാ വാച്പാചൊ പ്രഭാവ് ദിസ്താ മാത്ര് ൻഹംയ് ഥൊഡ്യൊ പകത്ത് കൃതി അനുകരൺ (ഞ്ജചിഠിണചിണioടി) രുപാന്ത് ആസാത്.
2 ഏ. ജൊസ്യാ യുഗാന്ത് സബാർ കൃതികാരാംനി താകാ ആപ്ലൊ മെസ്ത്രി ജാവ്ന് ഘെവ്ന് താച്യാച് ശയ്ലെച്യൊ ആനി താച്യാ ഭാശെ സ്വരൂപാച്യൊ കാദംബരി ബരംവ്ച്യൊ ആമി ദെക്താംവ്. സിസിലിയാ ബരയില്ലൊ എം ഫെർനാന്ദ് മുംബയ്, ആഡ്വാർലലെം കാജാർ ബരയില്ലൊ ശ്രീ ജോൻ ലോബൊ ബെന്ദുർ, ബചാവെചി വാട് ലിക്ലലൊ എസ് സി രൊഡ്രിഗസ് കിന്നികംബ, ജിവിതാചൊ ആദാർ കാദംബരി കർതø അനിരുദ്ദ് കുമാർ, ലില്ലിചൊ നൊവ്രൊ കോൺ? ലിക്ലലൊ സൂര്യകാന്ത്, ധീർ യുവക്, വിദ്വിചെം രഡ്ണെം കാദംബരിയൊ ലിക്ലലൊ വി എം ഫെർനാണ്ഡിസ്, മാദ്രിംഗെലി ചലി, ലില്ലി ആനി രവി കാദംബരിയൊ ബരയില്ലൊ ഇജയ്ചൊ ജൊസ്സി പിരേർ, പാത്യെണെചൊ ഈഷ്ട് , നൊരാചെം നൊവെൻ, സയ്താനാചി സല്വൺ(ഭാഷാന്തർ) കാദംബരികർതø രായ്മുന്ദ് മിരാന്ദ്, കോൺ ബാ തെം? പാത്കാഞ്ച്യാ ഖൊണ്ഡാന്ത് ലിക്ലലൊ എമ്ടി അജെകാർ, ദാർ ഉഗ്തെം ജാലെം, തേം രഡ്ലെം- മൊഗാച്യാ സൊദ്നെർ, ജിവിതാചൊ താളൊ കാദംബരി ബരയ്ലലൊ എവ്ജിൻ ഡിസോജാ ബൊളിയെ ഹെ ആനി അസലെ സബാർ ജൊസാക് ആപ്ലെം ആദർശ് ജാവ്ന് ഘെവ്ന് താചെച് ശയ്ലെർ ആനി തസല്യാച് വിഷയാം ഭംവ്തിം ബർപാക് ദെംവ്ലെ. ആജൂൻ ആമ്ചെ മധെം മാൽഘഡൊ സാഹിതി ജാവ്ന് സൊഭ്ചൊ എഡ്ഡി നെട്ടൊ ജൊസ്യാ ശാക്യാചൊ ഏക് പ്രമുക് കാദംബരികാർ താച്യാ കാദംബരിംനി മ്ഹൻശ്യാ മതിചെം ദൂക് പ്രതിഫലൻ ജാതാ. താചി ‘വൊനി’ (1959) കാദംബരി കൊങ്ക്ണി സ്വതന്ത്ര് പ്രകാശനാൻ പർഗട്ലി. ‘വാദാൾ ആനി മോഗ്’, ‘ഗുപ്ത് ധൻ’, ‘നവൊ ക്രിസ്താംവ്’, ‘അമർ ജിവിത്’ താച്യൊ ഹെർ കാദംബരിയൊ. 1954 ഇസ്വെന്ത് ബൊനിഫാസ് വലെരിയൻ സെരാവൊൻ ബരയ്ലല്യാ ‘നിർമൊണെം’ കാദംബരിക് താചെംസ് വിശേസ് സ്ഥാൻ ആസാ. ഹി ഫക്ത് 79 പാനാഞ്ചി കാദംബരി ജീ സാളക് പ്രകാശനാൻ പർഗട്ലലി കാദംബരി ത്യാ കാളാച്യാ ചിന്ത്പാം മധെഞ്ച് വിംഗഡ് രാവ്താ.
2 ഒ. ഹ്യാ യുഗാന്ത് കാദംബരിഞ്ചെം വർതെം ബെളെം യെംവ്ച്യാന്ത് രാക്ണൊ, മിത്ര്, ഝെലൊ അസല്യാ പത്രാഞ്ചൊ വാവ്ര് വിശേസ്. ഹിം പത്രാം ലൊകാക് കാദംബരിയൊ പാവൊംവ്ക് പെചാഡ്താല്യൊ. രാക്ണൊ പത്രാച്യാ മദ്ഗാതി പാനാഞ്ചെർ പുസ്തകാ രുപാചെം സംരചൻ കർൻ തിഞ്ച് പാനാം മുകാർ പുസ്തക് രുപിം മാണ്ഡുൻ ദവർചി വെവസ്ഥാ കരുംയെതാ ആസ്‍ല്ലി. ലൊകാ മദെം സുടാവൾ (ജിഡിee ണime) ചഡ്തിക് ആസ്‍ല്ല്യാൻ ലാംബ് ലാംബ് കാദംബരെങ്ക് ഖായ്സ് ചഡ് ആസ്‍ല്ലെം.
3 1970 ഉപ്രാന്ത്ല്യാ കാളാർ കൊങ്ക്ണി പത്രാം മധെം വാഡ്ലല്യാ സ്പർദ്യാ നിമ്തിം പത്രികാംനി കാദംബരിഞ്ചി പ്രസ്തുതി ചഡ് ജാവ്ന് യെംവ്ചി ആമി പളെതാംവ്. ആപ്ലെം പത്ര് ഉരൊംവ്ക് സാങ്ക്ളി കാണ്യൊ ഗർജെചൊ മ്ഹൺചെം ചിന്തപ് വാഡ്ലെം തശെഞ്ച് വാച്പ്യാങ്ക് നവെം നവെം വാചപ് ദീംവ്ക് ജായ്‍തെം അധ്യയൻ കർചെ പ്രാസ് ആകർഷക് കാദംബരിഞ്ച്യാ പാനാംനി പത്ര് ഭർചെം ലക്ഷൺ ദിസുൻ ആയ്ലെം ഹ്യാ വർവിം സബാർ കാദംബരികാർ ഉജ്വാഡാക് ആയ്ലെ താഞ്ച്യൊ കാദംബരി പത്രാം ദ്വാരിം മാത്ര് ഉജ്വാഡാക് ആയ്ല്യൊ. ഹ്യാ വർവിം ബരെം ജാലെം വ്ഹയ് പുൺ ഗർജെ ഭായ്ല്യാ ആമ്സൊരാൻ ആനി പത്രാങ്ക് ഹഫ്ത്യാ ഹഫ്ത്യാ കാദംബരിയെ വാണ്ടൊ ദാഡ്ന് ദീജെ മ്ഹള്ള്യാ വത്തായക് ലാഗൊൻ കാദംബരിയൊ ദാട് ജാല്യൊ പുൺ താഞ്ചെം സാഹിതിക് മോൽ പാതൾ പഡ്ലെം. കാദംബരി ദാട് ജാംവ്ക് ഹെർ കാരണാം ആസൊങ്കി പുരൊ.
3അ. വൊഡാംഗെലൊ വൊഡൊ, ഖംയ്സർ ആസാ ദിർവെം, സത് സല്വാലെം നാ, ആശീർവാദ്, ആന്ധ്കാരാ ഉപ്രാന്ത്ലൊ ഉജ്വാഡ്, രുജ്വാത് കാദംബരി ബരയ്ലലൊ രൊനാൽഡ് പിരേരാ ആഞ്ജെലോർ, വിധിച്യാ ദാവ്ലെന്ത് ബരയ്ലലൊ വിക്ടർ രൊഡ്രിഗസ് ആഞ്ജെലൊർ, ധുംവ്രി, കിടാൾ, അന്തിം സംസ്കാർ കാദംബരി ലിക്ലലൊ ല്യാൻസ്‍ലെട് ചിക്ക്‍മഗ്ളുർ, വേൾ യെതാനാ, സതാച്യെ സൊദ്നെർ, ആശെല്ലെം സ്വപാൺ, ശൈലാചൊ ഫുഡാർ, എസ്ടേടിചൊ രൈടർ , വൊനി ദെരാചി, ധാണ്ട്ടില്ലെം ദിർവെം ബരയില്ലൊ ഫ്രാൻസിസ് സൽഡാൻഹാ ബാരെബയ്ല്, രഗത് ആനി ഉദക്, ദോൻ ഥെംബെ ദുകാം, ഏക് ആധുരെം പിന്തുർ ബരയില്ലൊ ഹെരൊൽഫിയസ്, ഘാതാ പാട്ലെം സത്, സാവ്ളെ പാട്ലി ദാവ്ലി ബരയില്ലൊ ഡോൽഫി കാസ്സിയാ, താചിം ഹാഡാം ലിക്ലലൊ രോൻ രോച് കാസ്സിയാ, രഡ്തായ് കിത്യാക്?, രൈടരാച്യൊ ശിന്ത്ര്യൊ ബരയില്ലൊ ജെർരി കുൽശേകർ അസല്യാ കൃതികാരാംനി കാദംബരി ശെതാക് വർതി സെവാ ദില്യാ.
4 പാഞ്ച് പാണ്ഡവാം ഉപ്രാന്ത്ല്യാ യുഗാന്ത് എഡ്വിൻ ജെ എഫ് ഡിസോജാ ആനി ഐരിൻ പിണ്ടൊ ഇജയ് ഹ്യാ ദൊഗാംനി കൊങ്ക്ണി കാദംബരി സാഹിതാക് വ്ഹർതി ഗ്രേസ്ത്‍കായ് ഹാഡ്ന് ദില്ല്യാ മ്ഹൺ മ്ഹജൊ അഭിപ്രായ്. കാദംബരി വിഷയാഞ്ച്യാ തശെഞ്ച് നിരൂപണാഞ്ച്യാ വാണ്ട്യാക് താഞ്ചി വ്ഹർതി സെവാ ആസാ. താഞ്ച്യാ ദൊഗാംയ്ച്യാ കൃതിയാംനി സമാജെച്യാ സമകാലീൻ സവാലാങ്ക് ജാപി സൊധ്ചെം പ്രേതൻ ആസാ, അധ്യയനാചി താങ്ക് ആസാ, ആപ്ല്യാ ബരവ്പാചെം കാം ജവാബ്ധാരെൻ ആനി ഗംഭീർപണാൻ ഘെത്‍ല്ലെം ധർ‍ധർ മ്ഹൺ ദിസ്താ.
4അ. വാസു വാലെൻശിയാ മ്ഹണുൻ‍ഞ്ച് നാംവ് ജാല്ല്യാ എഡ്വിനാച്യാ ‘നിമാണി ശെളി’, ‘ജൊവ്ളി വജ്രാം’ അസല്യാ സുർവില്യാ കാദംബരിനിഞ്ച് താച്യാ മുക്ല്യാ സാഹിതിക് വാഡാവളിഞ്ചിം ഖുണാം പാർകുംയെതാത് തരി ‘പിലാതാൻ ദില്ലെം പർമാൺ’ കാദംബരി താചി സാഹിതിക് താങ്ക് പർഗടുഞ്ചി പയില്ലി ഘുംവ്ഡി അശെം ഹാമവ് മാന്താം. ഹി ഘുംവ്ഡി 1972 ഇസ്വെന്ത് ഉജ്വാഡാക് ആയില്ല്യാ താച്യാ ‘ഹാംവ് ജിയെതാം’ കൃതിയെന്ത് സം‍സാർകി ജാതാ. വാസ്തവ്‍വാദാച്യാ ആനി അസ്തിത്വ്‍വാദാച്യാ തളാർ രാവുൻ ഭൊംവ്തിച്യാ സംസ്രാചെർ കൃതികാർ നദർ ഘാൽതാ തെം ആമി ഹാംഗാ ദെക്താംവ്. ഹ്യാ കാദംബരിയെൻ കൊങ്ക്ണി സംസ്രാന്ത് ൽഹാരാം ഉടയ്ലിം മ്ഹൺച്യാന്ത് കാംയ് ദുബാവ് നാ. ഹ്യാ ഭായ്ര് ‘മ്ഹജ്യാ വൊഡ്താന്ത്ലെ ഗുലൊബ്’, ‘ജുദാസാങ്ക് കുരൊവ്’, ‘ജെരികൊചെ പാഗൊർ’, ‘215, ദാരുവാലാ എസ്ടേട്’, ‘രെംവെന്ത്ലെ ഫാതൊർ’, ‘ഖുർസാ പാട്ലൊ ഉജ്വാഡ്’, ‘രാജ്‍ദ്രോഹി’, ‘ശ്ഹെതാന്ത്ലിം ഫുലാം’, ‘മ്ഹൊംവ് ആനി രഗത്’, ‘വിഞ്ചുൻ കാഡ്ലലി പർജാ’, ‘ജാംബിയാ-ദഹശത്’, ‘തേ ആയ്ല്യാത്’ താച്യാ ലിക്ണെ ഥാവ്ന് പർഗട് ജാല്ല്യൊ മഹത്വാച്യൊ കൃതിയൊ. 1972 ഇസ്വെന്ത് താണെ ലിക്ലി ‘ഹാംവ് ജിയെതാം’ കാദംബരി കൊങ്ക്ണിന്ത് ത്യാ പര്യാന്ത് ചാൽതെർ ആസ്‍ല്ല്യാ കാദംബരി ബരവ്പാച്യാ ദിശെക് നവി ഘുംവ്ഡി ദീംവ്ക് സക്ലി. താണെ ലിക്ലലി ബൃഹത് കാദംബരി ‘ഉണ്യാ ഭാവാഡ്താചെ’ മംഗ്ളുരി കഥൊലിക് സമാജെച്യാ തീൻ തക്ലെഞ്ച്യാ സാമാജിക് ആർതിക് ആനി സാംസ്കøതിക് പരിവർതനാഞ്ചി സർ ധർതാ. താച്യാ ‘കാളെം ഭാംഗാർ’ കൃതിയെക് ആനി ത്യാ ധ്വാരിം ഭാരതീയ് സാഹിതാക് താണെ ദില്ല്യാ ദെൺഗെക് മാനുൻ താകാ കേന്ദ്ര് സാഹിത് അകാഡമിചൊ 2017 പുരസ്കാർ ലാഭ്ലാ. എഡ്വിനാൻ ആപ്ല്യാ കാദംബരി ആനി ഹെർ സാഹിതാൻ ഭാരതീയ് സാഹിതാന്ത് ലാംബ് കാൾ ഉർചെ തസ്ലൊ പ്രഭാവ് ഘാലാ.
4ആ. കൊങ്ക്ണി സാഹിത് സംസ്രാന്ത് സ്ത്രീവാദി സാഹിത് ആനി ചഡ് കർൻ സ്ത്രീയെച്യാ ദിഷ്ടാവ്യാച്യൊ കാദംബരി ലിക്ലലി ഖ്യാതി ഐരിൻ പിണ്ടൊ ഇജയ്ചി. തിചി ‘മ്ഹജെം അന്തസ്കർൻ വിസർചെം നാ’ കൊങ്ക്ണി കാദംബരി സാഹിതാന്ത് പയ്ലി ആനി പ്രമുക് സ്ത്രീവാദി കാദംബരി മ്ഹൺച്യാന്ത് ദുബാവ് നാ. ‘സ്ത്രീ’, ‘ബലിദാൻ’, ‘പാൾ‍ല്ലി ഭാസ്’, ‘ഹാംവ് ചുകുൻ പഡുങ്ക് നാ’, ‘തുവെം നെഗാർ കെലെംയ്’, ‘ആശാ ആനി നിരാശാ’, ‘മോഗ് ആനി ഭർവസൊ’, ‘മെല്ലെം’ ഹിച്യൊ ഹെർ മഹത്വാച്യൊ കൃതിയൊ. ഹിച്യാ കാദംബരിംനി ബര്യാ വായ്ടാചൊ സംഘർശ് ചൽതാ. സഡാവത് അന്യായാക് ബലി ജാംവ്ചി തി സതാച്യാ വാടെചെം സംഘർശ് ചലയ്താ തരി ഹ്യാ സംഘർശാന്ത് ത്യാഗ്, ബലിദാൻ അസല്യാ ഉദാത്ത് മൊലാങ്ക് ഉകൽൻ ധർൻ സ്ത്രീ ആപ്ണാച്യാ പ്രതിവാദിക് സല്വണി ദിതാ.
4ഇ. ഹ്യാ ഭായ്ര് എഡ്വർഡ് നജ്രെതാചി ‘നിർമൊണെം’, മിക്‍മ്യാക്സാചി ‘ശനി’, ലിയാബാചി ‘പാടിം ഘരാ’, ജെരൊം എം രൊഡ്രിഗസ് പെർമുദെചി ‘ഫുഡാരാചെ വാടെർ’, സിരിവന്താചി മട്വി കാദംബരി ‘മധുചന്ദ്ര്’, ഹേമാചാര്യാചി ‘ബായ്’ മെല്വിൻ രൊഡ്രിഗസാചി ‘ഭെസാം ജാല്ലെം കാളിജ്’, വിനോദ് ഫെർനാണ്ഡിസ് ഗംഗൊള്ളിചി ‘താംബ്ഡൊ ഗീദ്’ പഞ്ചു ബണ്ട്വാളാചി ‘ഹാംവ് മോഗ് കർതാം’, ഗ്ല്യാഡിസ് രേഗൊചി ‘ജുഗാർ’, വല്ലി വഗ്ഗാചി ‘ജിന്നി കൊണാചെം’ കൊങ്ക്ണി സാഹിത് സംസ്രാന്ത് കാംയ് വിശേസ് പ്രഭാവ് ഘാലുങ്ക് സക്‍ല്ല്യൊ കാദംബരി മ്ഹണുംയെതാ.
5 എക്വിസാവ്യാ ശെക്ഡ്യാച്യാ ദുസ്ര്യാ ദാക്ഡ്യാചി അകേർ ജാവ്ന് യെംവ്ച്യാ ഹ്യാ സന്ദർബർ രാവുൻ പളെല്യാർ കൊങ്ക്ണി കാദംബരി സാഹിത് ഉപ്ജുൻ യെംവ്ചെം രാവ്ലാം മ്ഹൺചെപരിം ദിസ്താ ഹി ഗജാൽ ഖണ്ഡിത് ബെജാരായെചി. നവെ കാദംബരികാർ കൊൺ‍ഞ്ച് കൊങ്ക്ണിന്ത് ഉദെംവ്ചെം ദിസുൻ യേനാ, ത്യാ സവെം കാദംബരി ശെതാക് നവെം രഗത് വ്ഹാളുൻ യെംവ്ചെം ദിസാനാ. ഹ്യാ വിശിം ചിന്തപ് ആടൊംവ്ക് കൊങ്ക്ണി പത്രാംനി, സംഘ്‍സംസ്ഥ്യാംനി, ശിക്പാ മണ്ഡളെംനി, അകാഡമിൻ ആനി ഹെർ സംഘടനാംനി തുർതാചിം മെടാം കാഡ്ചി ഗർജ് ആസാ.
5അ. കാനഡി ലിപിന്ത്ല്യാ കൊങ്ക്ണി കാദംബരിഞ്ചെർ ഏക് ഗിദാ നദർ ചരയ്താനാ താന്തും സഭാർ ഉഞ്ചി സ്ഥർ ദിസ്താത് ഥംയ് ഹാംഗാ തഗ്സണ്യൊയി ദിസുൻ യെതാത്. ആശയ്, വിഷയ്, പാത്ര് ചിത്രൺ, ഭാസ്, നിരൂപൺ ആനി ശയ്ലെച്യാ ദിഷ്ടെൻ കാംയ് ഥൊഡ്യാംനി ഭോവ് ഉത്തീം സാധനാം കെലാം തർ ഹെർ ഥൊഡ്യാ സന്ദർബാംനി പാനാം ഭർചെം പ്രേതൻ കെല്ലെംയ് ആസാ. ഹെം സർവ് ഭാശെ സന്ദർബാംനി ജാതാ ആനി ഹെം കാംയ് കൊങ്ക്ണെക് നിർദിഷ്ട് മ്ഹണുങ്ക് ജായ്നാ. തശെം മ്ഹണുൻ ഗുണാത്മക് വാഡാവൾ ഖണ്ഡിത് ജാല്യാ. ഉണെം ബരയ്ലല്യാംനി ബരെം ബരയ്ലലെ ദാക്ലെയ് ആസാത്. കാംയ് ചഡ് ബരയ്ലല്യാംനി തിത്ലെം കാംയ് ബരെം നാത്‍ല്ലെം ലിക്ലലെംയ് ആസാ. വിവിധ് വിഷയാഞ്ചെർ ആനി ചിന്ത്പാഝരിഞ്ചെർ, സിദ്ധാന്താഞ്ച്യാ തളാഞ്ചെർ കാദംബരി ആയ്ല്യാത്. ആനികീ ഥൊഡ്യാ പ്രാകാരാഞ്ച്യൊ യെവ്യെത്യൊ യേംവ്ക്‍നാന്ത്, തശെം തരി ഗ്രേസ്ത് കാദംബരി സാഹിത് എദൊൾ കാനഡി ലിപി കൊങ്ക്ണിന്ത് ആയ്ലാം മ്ഹൺച്യാക് മ്ഹാകാ ദുബാവ് നാ.
ഷരൊ: ഹ്യാ അധ്യയൻ പത്രികെന്ത് വാപാർലലെ വിശേഷൺ (കാദംബരിഞ്ചൊ ബാപുയ്, പാഞ്ച് പൊണ്ഡൊവ് ഇത്യാദി സാഹിതിക് സൊബായെചെ ശിവായ് അധ്യയനാത്മക് ബളാചെ അശെം ഘെംവുനാംയെ)
പുസ്തക സൂചി
1 സർദേസായ്, മനോഹർ‍രായ്: എ ഹിസ്ടരി ആഫ് കൊങ്കണി ലിടരേചർ; പ്ര_ സാഹിത്യ അകാഡമി, രബീന്ദ്ര ഭവൻ, 25, ഫിരോജ്‍ഷഹാ രോഡ്, നവദെഹലി-110001; 2000 പു 315 രൂ 160/
2 ഗോമ്സ്, ഡാ ഒലിവിൻഹൊ: ഓൽഡ് കൊങ്കണി ല്യാംഗ്വേജ് ഏണ്ഡ് ലിടരേചർ- ദ പോർചുഗീസ് രോൽ- പ്ര കൊങ്കണി സാരസ്വത് പ്രകാസൻ- ചാന്ദോർ ഗോവാ, ഒക്ടോബർ 1999 പു 923 രൂ- 850/
3 ക്വാഡ്രസ്, സ്ടീവൻ പെർമുദെ : സാഹിത്യ് ആനി വിമർസൊ, പ്ര; സ്വപ്ന പ്രകാശന മംഗളൂരു 2003 ,പു 199 + 6 രൂ 100/
4 രേഗൊ, ഗ്ല്യാഡിസ്: കന്നഡ ലിപിയെന്ത് കൊങ്ക്ണി പുസ്തകാം ഗ്രന്ഥ് സൂചി(1858-2010), പ്ര: മാണ്ഡ് സൊഭാൺ(നൊ) മംഗളൂരു , നവെംബർ 2011, പു 256, രൂ 250/
5 പിണ്ടൊ ഡാ. ജെരാൽഡ്, കല്യാൺ‍പുർ(സം): 20 വ്യാ ശെക്ഡ്യാചെ കൊങ്ക്ണി മ്ഹാൻ മനിസ് (ഭാഗ്-1) പ്ര: കർനാടക കൊങ്കണി സാഹിത്യ് അകാഡമി മംഗളൂരു 2007 പു 444 രൂ 200/
6 മൊരാസ്, പാവ്ല് : കൊങ്കണി ചള്വൾ- പ്ര: കൊങ്കണി സംസ്ഥെ, സന്ത അലോഷിയസ് കാലേജു, മംഗളൂരു 2002 പു 319 + 20 രൂ 500/
7 മൊരാസ്, പാവ്ല് : ജാഗരൺ – പ്ര: കൊങ്കണി സംസ്ഥെ, സന്ത അലോഷിയസ് കാലേജു, മംഗളൂരു 2005 പു 416 + 25 രൂ 500/
8 മൊരാസ്, പാവ്ല് : മൊഗ്രെം കാരൺ – പ്ര: പഡ്വൾ പ്രകാശൻ ബിജൈ, കാപികാഡ്, മംഗളൂരു 2008 പു 455+ 68 രൂ 1500/
9 ഉപാധ്യ, മുരുളീധര ഹിരിയഡക,(സം): കൊങ്കണി ഭാഷെ-സാഹിത്യ പ്ര: കൊങ്കണി അധ്യയന പീഠ, രാഷ്ട്രകവി ഗോവിന്ദ പൈ സംശോധന കേന്ദ്ര, ഉഡുപി 576 102 പു 179 + 19 രൂ 75/
10 വേഗസ്, സരിതാ ക്യാരൽ(പ്ര):സിരിവന്താചിം ലിക്ണെ മൊത്യാം :- പ്ര-സാളക് പ്രകാശൻ, വേഗസ് കംപൌണ്ഡ്, ഹിൽ‍വേ, മംഗളൂരു-575002 , 2007, പു 10 +545, രൂ 200/
കൊങ്ക്ണെന്ത് ചാരിത്രിക് കാദംബരിയൊ
* സ്ടീവൻ ക്വാഡ്രസ് പെർമുദെ
കാദംബരി പ്രകാർ സംസ്രാച്യാ സാഹിത് ചരിത്രെന്ത് ഭോവ് പർനൊ കാംയ് ൻഹംയ് തരി കാംയ് ഉണ്യാ പ്രഭാവാചൊയി ൻഹംയ്. ആജ് ലൊകാക് ചഡ് ആകർശിത് കർചൊ ആനി വിവിധ് വിഷയാംനി വ്ഹാളൊംവ്ക് സക്ചൊ സാഹിത് പ്രകാർ കാദംബരെചൊ. ഗദ്യ് സാഹിത് പ്രകാരാന്ത് വിശേസ് നവെസാംവ് ഹൊ പ്രകാർ ഹാഡ്ന് ആയ്ലൊ ദെകുൻ ‘നവാൽ’ ‘നോവെൽ’ മ്ഹണുൻ‍ഞ്ച് ഇംഗ്ലിശാന്ത് ഹാകാ ആപയ്താത്. ഭാണഭട്ടാൻ ബരയില്ലി ‘കാദംബരി’ സംസ്കøതാന്ത് അസല്യാ ദീർഘ് ചിത്രണാചി ഭോവ്‍പാത്രി പയില്ലി കൃതി ദെകുൻ ഹ്യാ പ്രകാരാക് ഭാരതാന്ത് കാദംബരി മ്ഹൺതാത്.
പാശ്ചാത്യ് സംസ്രാന്ത് കാദംബരി മ്ഹള്യാർ മധ്യയുഗാന്ത് വാഡ്ലലൊ രോമാൻസി തൾ ആസ്ചൊ വിവരണാത്മക് ഗദ്യ്‍പ്രകാർ. പാത്ര്, ഘടനാം ആനി ക്രിയാ വാസ്തവ്‍ഭൂമികാ, മനോഭൂമികാ ആനി കൽപനാഭൂമികാ മ്ഹൺച്യാ തീൻ തളാഞ്ചെർ ജശെം ഘഢ്താത് തശെം കതാശുദ്ദതാ സാംബാൾൻ, ഘടനാക്രം സാർകെം ദവർൻ ഘെവ്ന് ശബ്ദക്രമാച്യാ അദ്വിതീയെൻ മാണ്ഡ്ചി കാദംബരി ജാതാ. ഹേം തിക്കെശെ ലാംബ് ജാലെം ദെകുൻ വിസ്കളാവ്യാം. കാദംബരിന്ത് കിതെം ആസൊങ്ക് ജായ്? തീൻ സംഗ്തി
1 പാത്ര് വാ കിർദാർ (ഹാങ്കാം ഥൊഡെ രോൽ മ്ഹൺതാത് ആനി ഥൊഡെ ക്യാരെക്ടർ മ്ഹൺതാത്)
2 ഘടനാം (ഇവെണ്ട്സ്) ആനി
3 ക്രിയാ (ഏക്ട്സ് എണ്ഡ് ഏക്ശൻസ്)
നിർദിഷ്ട് ഘടനാന്ത് നിർദിഷ്ട് പാത്ര് കസലി ക്രിയാ ദാകയ്താ ഹാചെം സുന്ദർ ഗദ്യ് വിവരൺ കാദംബരി.
കാദംബരെൻ പാത്രാംനി ഖംയ് സക്കഡ് ചലൊംവ്ച്യാ ക്രിയാങ്ക് പ്രസ്തുത് കരുങ്ക് ജായ്? എകാ യശസ്വി കാദംബരെൻ ‘സഗ്ളൊ സംസാർ ആപ്ലി പാട്‍ഭുംയ് കർൻ ഘെവ്ന് തൾ നിർദിഷ്ട് ജായ്ജെ’ മ്ഹൺതാത്. വ്ഹഡ് വാദ് കാദംബരിച്യാ ലാംബിയെ-രുന്ദിയെ വിശിം ആസാ. ‘കിത്ലിം പാനാം എകാ കാദംബരിന്ത് ആസൊങ്ക് ജായ് മ്ഹൺചെ പ്രാസ് ത്യാ പാനാംനി ആപ്ണെം ഉബെം കെല്ല്യാ പാത്രാം ദ്വാരിം, കിത്ല്യാ യശസ്വി രിതിൻ മ്ഹൻശ്യാ സംസ്രാച്യാ പ്രവർതനാങ്ക്, ഥംയ്സർ‍ച്യാ സങ്കീർണതായെക് ഉജ്വാഡാക് ഹാഡ്ലാം മ്ഹൺചെം ഗർജെചെം’ മ്ഹണുൻ പണ്ഡിത് സാംഗ്താത് തരീ കാദംബരിങ്ക് കഥാ, നീൾഗഥാ ആനി ദീർഘ് കഥാ കാദംബരിയൊ മ്ഹണുൻ തീൻ വാണ്ടെ കർചെം ദിസുൻ യെതാ. കാദംബരിംനി കൃതികാരാൻ ഖരൊ സംസാർ (വാസ്തവഭൂമി), കാൽപനിക് സംസാർ (സ്വപ്നഭൂമി) ആനി മനോ സംസാർ (മനോഭൂമി) അശെം തീൻ ഹന്ത് ഉബെ കർചെ ആസാത്. കാദംബരിന്ത്ല്യാ പാത്രാംനി ഹ്യാ തീൻ‍യീ ഹന്താംനി യേവ്ന് വെച്യാക് സലീസ് ജാംവ്ക്‍ജായ്. ഹ്യാ യേവ്ന് വെച്യാക് സലീസ് ജാംവ്ചെ പരിം പ്രതിസംസാരാഞ്ചെം നിർമാൺ കർചെം കാദംബരികാരാഞ്ചെം സാഹസ്. ഹ്യാ വാവ്രാന്ത് താഞ്ചി യശസ്വി കാദംബരിചി യശസ്വി.
കാദംബരികാരാചിം മൊലാം കസലിം ജായ്ജയ് മ്ഹള്ള്യാ സവാലാക് ആദിംമാഗാം ഥാവ്ന് തീം സമാജെമുഖി (പ്രൊ സൊസായ്ടി), മ്ഹൻശ്യാമുഖി (ഹ്യൂമനിസ്ട്) ആനി ജാഗതിക് മായാമൊഗാചിം ജാവ്നാസാജെ മ്ഹള്ളെം ജെരാൽ ചിന്തപ് ആസാ. കാദംബരെം ദ്വാരിം വ്ഹഡ്‍വ്ഹഡ് സാമാജിക്-രാജകീയ് പരിവർതനാം ജാല്ലിം പളെംവ്ക് മെൾതാത്. ത്യാ പ്രവർതനാം പാട്ല്യാൻ ഏക് നിർദിഷ്ട് ജവാബ്ദാരി ആനി ഹുസ്കൊ ഭർലലെം സാഹിതിക് മൻ വാവുർതാ മ്ഹള്ളെം വിസ്രാനാംയെ.
കാദംബരികാർ ആപ്ലെം സംരചൻ ഉബെം കർതാനാ കസല്യാ ജാണ്വായെ ഹന്ത് വാപാർതാ. ഹർ ലൊകാക് കളിത് ആസ്ച്യാ സാദ്യാ സംഗ്തിം ഥാവ്ന് തൊ സംവഹൻ ചലയ്താ വാ ഭോവ് ഉഞ്ച്ല്യാ ജാണ്വായെ താള്യാൻ തൊ ഉലയ്താ ഹാചെർ എകാ കാദംബരെചി യശസ്വി ഹൊന്ദുൻ ആസാ. കസലിം മൊലാം തൊ വാണ്ട്താ ആനി കൊണാക് തൊ വാണ്ടുൻ ആസാ? താച്യാ വിവരണാന്ത് ആസ്ചി ഭാസ് ആനി വിഷയ് താച്യാ ആശയാക് ജൊക്ത്യാൻ പ്രതിഫലിത് കരുങ്ക് സക്ല്യാന്ത്? ഹിം സവാലാം കാദംബരികാരാൻ ആപ്ല്യാ കാദംബരെചൊ പയില്ലൊ വാച്പി ജാവ്ന് ആപ്ണാക്‍ച് ഘാൽൻ ഘെംവ്ചി ഗർജ് ആസാ. ഭോവ് ഉണ്യാ ജാണ്വായെച്യാ പുൺ വർത്യാ സംവഹൻ സമ്ജണെച്യാ കാദംബരികാരാംനി യശസ്വി ജൊഡ്ല്യാ തർ താണി മുകാർ മാണ്ഡ്ലലിം സംവഹനാത്മക് സംരചനാം ആനി പരിനിർമാണാം വാച്പ്യാഞ്ച്യാ മതിപഡ്ദ്യാർ രൂപ്‍രുപിം ഉബെം ജാംവ്ക് സക്ല്യാന്ത് തേം കാരൺ ആസുംയെതാ. ദെകുൻ‍ഞ്ച് കാദംബരികാരാക് ഭാഷെച്യാ ജാണ്വായെ പ്രാസ് ഭാസ് വാപാർണെചി ജാണ്വായ് വർത്യാ ഗർജെചി മ്ഹൺതാത്.
കാദംബരിങ്ക് വിവിദ് രിതിംനി വർഗീകരൺ കെലാം. സാമാജിക് കാദംബരി, ധാർമിക് കാദംബരി ആനി ചാരിത്രിക് കാദംബരി മ്ഹണുൻ തീൻ വർഗീകരൺ കർചി വെവസ്ഥാ ആമ്ചെ മദെം ആസാ തസലെം വർഗീകരൺ കർൻ താന്ത്ല്യാ എകാ വാണ്ട്യാചെം ചഡ് കർൻ ഖഡപാച്യാ ചാരിത്രിക് കാദംബരിഞ്ചെം ആധ്യയൻ ഹാംഗാ മാണ്ഡ്താം.
കാനഡി കൊങ്ക്ണി മാത്ര് ൻഹംയ് ജെരാൽ ഥരാൻ കൊങ്ക്ണി ചാരിത്രിക് കാദംബരെഞ്ചൊ ബാപുയ് മ്ഹണുൻ‍ഞ്ച് നാംവാഡ്ലാ ‘ഖഡപ്’. ഖഡപ് മ്ഹൺചെം വിൻസെണ്ട് ജൊൻ പീടർ സൽദാഞ മ്ഹൺജെ വിജെപി സൽദാഞചെം ലിഖ്ണെ നാംവ്. കൊങ്ക്ണി സാഹിത്യാച്യാ വാണ്ട്യാക് വ്ഹഡ് ബുന്യാദി ഖഡപ് ജാവ്ന് തൊ അജൂൻ ഉർലാ മ്ഹൺചെം ഖരെം. 1950 ഇസ്വെ ഉപ്രാന്ത് ചാരിത്രിക് കാദംബരിയൊ ബരംവ്ക് ധർല്യൊ ആനി മുക്ല്യാ 35 വർസാം പര്യാം തോ ബരയിത്ത് ഗെലൊ. താണെ ടിപ്പു സുൽതാനാ ഖാൽ കെനരാച്യാ ലൊകാൻ ഫുഡ് കെല്ലെ കഷ്ട്-സങ്കഷ്ട് വർണുൻ 12 കാദംബരിയൊ ബരയ്ല്യാത്. തശെംസ് ഗൊംയാന്ത് ചലുൻ ആസ്‍ല്ല്യാ ധർം ന്യായാധീകരൺ വെവസ്ഥ്യാച്യാ (ഇൻ‍ക്വിജേസാംവ്) കഠൊരായെ വിശിം, ത്യാ കാളാച്യാ അനാചാരാം വിശിം ആനി ലോക് ഗോംയ് സാണ്ഡുൻ ശാന്ത് സമാധാൻ സൊധുൻ മംഗ്ളുരാക് വെചെ വിശിം ‘സായ്ഭ ഭൊഗൊസ്’ ശിങ്ക്ളെചെ പാഞ്ച് കാദംബരിയൊ ബരയ്ല്യാത്. ഇത്ല്യൊ ചാരിത്രിക് കാദംബരിയൊ ബരയ്ലലൊ ദാക്ലൊ ഫകത്ത് കൊങ്ക്ണെന്ത് മാത്ര് ൻഹംയ് ഭാരതാച്യാ ഹെർ ഭാസാംനിംയ് ദുസ്രൊ നാ. (ഹെ പുസ്തക് കാംയ് പാതൾ കഡ്തില്യൊ ൻഹംയ് ബഗാർ ഹര്യേക് 250-300 പാനാഞ്ച്യൊ)
സുട്കെ ഝുജാന്ത് ബ്രിടീഷാങ്ക് ഭാരതീയാംനി ദാകയ്ലല്യാ സബാർ പ്രതിരോധാം പയ്കി അധ്യയനാത്മക് സാഹിതിക് പ്രതിരോധ്‍യീ മഹത്വാചൊ. കീത്, വിൻസെണ്ട് സ്മിത്ത് , ശിരോൽ അസലെ സാമ്രജ്‍വാദി കൃതികാർ ഇണ്ഡിയാന്ത്ല്യാ ബ്രിടിഷ് വാസ്ണുക്‍ശാഹി രാജ്‍പാടാക് അധ്യയനാത്മക് രിതിൻ ബൾ കരിത്ത് താകാ ജായ് തേം സംരചൻ കർൻ ആസ്താനാ. ജയസ്വാൽ (ഹിന്ദൂ പാലിടി) ആർ. ജി. ഭണ്ഡാർകർ (ഹിസ്ട്രി ആഫ് ഡെക്കൻ), നീലകണ്ഠ ശാസ്ത്രി(ചോളാസ്) അസലെ രാഷ്ട്രീയവാദി ചരിത്രാകാർ ആപ്ല്യാ അധ്യയനാംനി ആനി കൃതിയാംനി ബ്രിടിഷ് രായ്പാടാക് വിരോദ് കർൻ ആമ്ച്യാ ദെശാന്ത് ബ്രിടിഷ് യെംവ്ച്യാ ഹജാർ ഹജാർ വർസാം പുർവിഞ്ച് പ്രജാതന്ത്ര് വാഡ്‍ല്ലെം, അശോക, കാനിഷ്ക, തസലെ ശ്രേഷ്ട് രായ് ഹാംഗാസർ ലോക്‍വാദി പ്രജാതാന്ത്രിക് രായ്പാട് ചലയ്താലെ മ്ഹണൊൻ പാസാർതാത്. ബ്രിടിഷാം പ്രാസ് കാംയ് വാണ്ട്യാൻ ആമി ശ്രേഷ്ഠ് മ്ഹൺചെം ചിന്തപ് വാഡൊങ്ക് അജന്താ, എല്ലോരാ, പട്ടദകല്ല്, തസല്യാ ഗ്രേസ്ത് വാസ്തു കേന്ദ്രാഞ്ചെം സംശോധൻ സിന്ധു സഭ്യതെചെം സംശോധൻ, വേദോപനിഷദ് സാഹിത്യാചിം സൊദ്നാം ആനി തിത്ലെം പ്രേരക് ജാതാത്. ‘ബ്രിടിഷാം പ്രാസ് ആമി വർതെ’ മ്ഹൺച്യാ വാദാചെം വിസ്തരൺ ‘ദെശാ ഭിതർ‍ച് ഹര്യെകാ സ്ഥളിക് ലൊകാ ജമ്യാംൻ ആപുൺ ഹെർ ലൊകാ ജമ്യാം പ്രാസ് ശ്രേഷ്ട് മ്ഹണൊൻ ആപ്ലി വിശേസ് അസ്മിതായ് സൊധുങ്ക് വെച്യാന്ത്’ ആമി പളെതാംവ്. കെനരാ കൊങ്ക്ണി കഥൊലികാംനി അസലി അസ്മിതായ് ആനി മഹത്വ് ജൊഡ്ച്യാ പ്രേതനാഞ്ചൊ ഫൾ മ്ഹള്ളെപരിം ഖഡാപാച്യൊ ചാരിത്രിക് കാദംബരി ഉദെവ്ന് ആയ്ല്യൊ അശെം ഹാംവ് ലെക്താം.
ഖഡാപാച്യാ ചാരിത്രിക് കാദംബരിംനി വസഹതോത്തർ ചരിത്രാ സംരചൻ സാഹിത്യാചിം (Posണ അoടoടിiചിട ഊisണoഡിiഛിചിട ഈiഛിണioടി Wഡിiണiടിgs) സർവ് ലക്ഷണാം ദിസുൻ യെതാത്. പണ്ഡിതാം പർമാണെ അസല്യാ ബരവ്പാംനി
1) പ്രാദേശിക്‍പൺ ആനി ത്യാ പ്രാദേശിക് ഥളാ വിശിം ലെകാവർതൊ അഭിമാൻ.
2) സാമാജിക് ആനി രാജകീ സ്ഥരാംനി ബഹുഭാഷിക്‍പൺ.
3) അധികാർ കേന്ദ്രാ സവെം ബരൊ സംബന്ധ് ദവർൻ ഘെംവ്ക് പെചാഡ്ചെം.
4) സ്ഥളീക് സാംസ്കøതിക് ഥളാർ ആപ്ണാക്‍ച് സ്ഥാൻ‍മാൻ ജോഡ്ന് ഘെംവ്ക് പെചാഡ്ചെം.
5) ആപ്ല്യാ ലൊകാഞ്ച്യാ സ്ഥളീക് സംഘർഷാങ്ക്, സുകാ ദുകാക് സംബന്ധി ജാവ്ന് ബരംവ്ചെം. അസലിം ലക്ഷണാം ആസാജെ. ഹീം ചഡ്‍ശിം ലക്ഷണാം ഖഡാപാച്യാ കൃതിയാംനി ആമി പളെതാംവ്.
ഖഡപാചി ‘സായ്ഭാ ഭൊഗൊസ്’, സാങ്കൾ പാഞ്ച് പുസ്തകാഞ്ചി. (‘സായ്ഭാ ഭൊഗൊസ്’ ‘പുർവജ് പർദെശാന്ത്’, ‘വാഞ്ജെലാചെ വാടെർ’, ‘ജിവൊ വ മെല്ലൊ’, ആനി ‘യാ തരീ മംഗളാപുരി’,) ഗൊംയാന്ത്ല്യാ കഥൊലിക് ധർം‍ന്യായാധീകരണ വെവസ്ഥ്യാച്യാ (ഇൻ‍ക്വിജേസാംവ്) കഠൊരായെ വിശിം, ത്യാ കൊഡ്തിച്യാ പാദ്രി നിതിദാരാഞ്ചൊ അനാചാർ, ദെവാച്യാ നാംവിം ചലൊംവ്ചൊ അന്യായ് വിവരിതാനാ ഖരൊ കഥൊലിക്, ജിണ്യെന്ത് മര്യെചൊ വർതൊ ഭക്ത് ഖഡപ് സതാനിഷ്ട് ജാതാ, സത് ആപ്ണാക് ആനി ആപ്ല്യാങ്ക് കിത്ലെം കൊഡു ജാല്യാരീ ഹടാൻ ഉഗ്താഡാക് ഹാഡ്താ. ഹ്യാ കാദംബരിചിം സുമാർ 1500 പാനാം ഗോംയ് ശ്ഹെരാന്ത്, അൽ‍ജുബെന്ത്, ബന്ദ്രാംനി, താർവാംനി, ചാരിത്രിക് വ്യക്തിം മദെം, ഗൊംയ്ച്യാ ദേവ്‍തെംപ്ലാംനി, രാവ്ളെരാംനി ഗോംയ് ഥാവ്ന് മംഗ്ളുരാ പര്യാം വാടെംനി, മംഗ്ളുരാന്ത്ല്യാ ജാഗ്യാംനി ദാംവ്താംനാ അധ്യയനാചി താങ്ക് ഖണ്ഡിത് ദിസൊൻ യെതാ. അൽ‍ജുബെച്യാ , ഇൻ‍ക്വിജേസാംവാച്യാ കഠോരായെ വിശിം, ഉഞ്ച്ല്യാ പാദ്രി ലൊകാഞ്ച്യാ കപട്പണാ വിശിം ആനി കപിതാൻ ജുവാംവ് ദെ ഫർദിനാന്ദാച്യാ സാഹസാം വിശിം സാംഗ്താം സാംഗ്താം തൊ ഉത്പ്രേക്ഷെക് ലാഗ്താ. ‘ആപ്ലൊ മാംയ്ഗാംവ് കൊഡ്യാൾ പുഡ്തുഗെജാഞ്ചെം രായ്‍ശ്ഹെർ ഗോംയാം പ്രാസ് ഭോവ് വർതൊ’ മ്ഹൺചൊ ഖഡാപ് ആപ്ല്യാ ലൊകാക് വ്ഹഡ്പൺ വോഡ്ന് ദിംവ്ചെം സാധൻ കർതാ. കാണി കശീ കശി ഘുംവ്ല്യാരീ തർനാടൊ വീർ കപിതാൻ ജുവാംവ് ദെ ഫർദിനാന്ദ് സാധനാഞ്ചൊ വീർ ജാതാ. ഹാംഗാസർ സഹജ് മ്ഹൺചെപരിം ഖഡാപാക് ഇതിഹാസാ പ്രാസ് ആപ്ലൊ ദിഷ്ടാവൊ ആനി ആപ്ല്യൊ ആനി ആപ്ല്യാ ലൊകാച്യൊ ഗർജൊ മഹത്വാച്യൊ ജാതാത്. തരീപുൺ ഖഡാപാച്യാ ഹെർ കൃതിയാങ്ക് തുലൻ കെല്യാർ ഹ്യാ സാങ്ക്ളിന്ത് ചഡ് വിഷയ്‍നിഷ്ടതാ ആസാ.
ടിപ്പു സുൽതാനാൻ കെനരാന്ത് ചലയില്ല്യാ ആഡൾത്യാക് ആനി ഖാട്കായെക് സംബന്ധ് ജാവ്ന് ഖഡാപാൻ ബരയില്ല്യാ കാദംബരിംനി സായ്ഭാ ഭൊഗൊസ് ശിങ്ക്ളെംനി ദിസൊൻ യെതാ തീ സത്യനിഷ്ടതാ ജാംവ് വിവർ നിർദിഷ്ടതാ ജാംവ് ദിസുൻ യേനാ. ഹ്യാ വിശിം താണെ ‘ദെവാച്യെ കുർപെൻ’, ‘സൊവൊ സുംർഗാരുൻ’, ‘സർദാരാഞ്ചി സിനൊൽ’ രുജ്വാത്, ബചാവെചി ചാവി, താംബ്ഡി പിതുൾ, തൊരിചി ദാൾ, സർദാരാഞ്ചെം സന്നിദാൻ, ‘മൊഗാ മ്ഹാകാ ശികയ്’, ‘മൊഗാചി മഹിമാ’ ‘ബെൾതംഗഡിചൊ ബാൽതാജാർ’ ‘ഇംഫെർനാചിം ദാരാം ‘ബന്ദഡെന്ത്ലെം ദായ്ജ്’ കാദംബരിയൊ ലിക്ല്യാത്. ഹ്യാ സർവാഞ്ചൊ വിഷയ് കാദംബരിഗാരാക് (ഖഡാപാക്) ലാഗ്ശിലൊ, താച്യാ ലൊകാക് ശീദാ സംബന്ധിത്. ദെകുൻ ഹാംഗാസർ കാദംബരിഗാർ ചരിത്രെക് നീത് കർചെപ്രാസ് ആപ്ല്യാ ആനി ആപ്ല്യാ ലൊകാച്യാ ഭൊഗ്ണാം ഭാവനാഞ്ചി സെവാ പയ്ലി കർതാ. ചാരിത്രിക് വിവർ ദിതാസ്താനാം സതാം താകാ ചഡ് മഹത്വാചിം ജായ്നാന്ത്. (Iടി ചിടി ചിmbiണious ഠിഡിogഡിചിmme oജി ചിഡിണiഛിuടചിണiടിg ണhe ‘Pചിsണ’ ണhe ംuണhoഡിs eveടി ജisണoഡിണeജ ണhe sഛിieടിണiജിiഛി hisണoഡിഥി. ഖിhe hisണoഡിiഛിചിട ചിടിജ ഛിuടണuഡിചിട sണuജies തിeഡിe ജisണoഡിണeജ bഥി ണhe iടിണeഡിesണ gഡിouഠിs eveടി തിiണh ണhe ഠിചിണഡിoടിചിge oജി sണചിണe ചിടിജ soഛിieണഥി ജിoഡി sണഡിeടിgണheടിiടിg ഡിevivചിടism.-ഏuഡിuഠി-3)
ഖഡപാച്യാ വാണ്ട്യാക് കെനരാ ഖഞ്ചൊയ് ഏക് ഗാംവ് ൻഹംയ്, കെനരാന്ത്ലെ കൊങ്ക്ണി കഥൊലിക് സാദെ വ്യക്തി ൻഹംയ്. തെ താചെച് ആനി തൊ താഞ്ചൊ. സുട്കെ (1947) ഉപ്രാന്ത്ല്യാ കാളാന്ത് ആപ്ലൊ സമുദായ് ആപ്ലിം മുളാം (കെനരാ) സാണ്ഡുൻ പൊടാ ഭുകെ ഖാതിർ സംസാർ‍ഭർ ശിംപ്ഡുൻ വചുങ്ക് ലാഗ്‍ല്ല്യാ വെളിം ആപ്ല്യാ ദുബ്ള്യാ ഭാംവ്ഡാങ്ക് താഞ്ചൊ വയ്ബവോപേത് പൂർവ്‍കാൾ ഉഗ്ഡാസ് കർൻ ദിംവ്ചെം മ്ഹണിയാർപൺ ഖഡപ് ആപ്ല്യാ ഖാന്ദ്യാർ ഘെതാ. കുമെരിന്ത്, ഗാദ്യാന്ത്, ബേട്, ബയ്ലാന്ത് സാഗൊളി കർൻ പോട് ഭർൻ ആസ്‍ല്ല്യാ, എവ്രോപി തൊടാ സാവ്കാരാഞ്ച്യാ കാപ്യെ, എള്യാ തൊടാംനി രായ്ടർ ജാവ്ന് ഘൊൾതെല്യാങ്ക് തൊ ടിപ്പു സുൽതാനാചെ സർദാർ കർതാ, ഘൊഡ്യാർ ബസയ്താ. ചാരിത്രിക് നവാൽ കാളാചി പിന്ത്രാവ്ണി ൻഹംയ് നവാൽഗാരാച്യാ മതി പഡ്ദ്യാർ സമകാലീൻ ദാബാവാഞ്ചെർ ഹൊന്ദുൻ ഉദെല്ല്യാ പിന്തുരാചി പിന്ത്രാവ്ണി മ്ഹൺചെം ഖഡാപാച്യാ ഹ്യാ കാദംബരിംനി ജരൂർ സത് ദിസ്താ.
ഖഡപാച്യാ സർവ് ചാരിത്രിക് കാദംബരിം പയ്കി മ്ഹാകാ സൊഭിത് ആനി അപുർബായെചി ലാഗ്ചി ‘സർദാരാഞ്ചി സിനൊൽ’ (ഹി കാദംബരി ഖഡാപാൻ മാഗിർ നാടക് രുപാർ‍യീ ഹാഡ്ല്യാ ) ടിപ്പു സുൽതാനാൻ കെനരാന്ത്ലെ ക്രിസ്താംവ് ആപ്ണാ വിരോദ് ദുസ്മാൻ ബ്രിടിഷാങ്ക് പാടിംബൊ ദിതാത് മ്ഹണൊൻ സമ്ജൊൻ ഘെവ്ന് 1784 ഇസ്വെ ഉപ്രാന്ത് താങ്കാം ഭംഗൊംവ്ചെം, ഉപ്രാന്ത് സുങ്കേരി ഥാവ്ന് ഹൊസ്ദുർഗാ പര്യാന്ത്ല്യാ സുമാർ 60000 ക്രിസ്താംവാങ്ക് പട്ണാക് ആംബുഡ്ന് വ്ഹർചെം ആനി താകാ പ്രതിരോദ് ജാവ്ന് കെനരാന്ത്ല്യാ ഥൊഡ്യാ ക്രിസ്താംവ് മുകെലി യുവജണാംനി ഗുപ്തിം കാട്കായൊ ചലൊംവ്ച്യൊ, തസല്യാ മുകെല്യാങ്ക് ടിപ്പു സുൽതാനാച്യാ പ്രദാൻ സർദാരാൻ കൊഡ്യാൾ‍ഗാർ സർദാർ സിമാംവ് പെദ്രു പ്രഭുൻ ഗുപിത് പാടിംബൊ ദിംവ്ചൊ. ഹീ കാണി. സർദാർ സിമാംവ് ഹ്യാ യുവകാങ്ക് ഏക് സിനൊൽ ദിതാ, തീ സിനൊൽ എകാ അർലുകെചെം അർദ്. ഹ്യാ സിനൊലെ ഭംവ്തിം, സർദാരാ ഭംവ്തിം ആനി ഗുപ്തി മുകെല്യാം ഭംവ്തി ഹീ കൃതി ആസാ. ടിപ്പു സംബന്ധിച്യാ ഖഡപാച്യാ ഹർ‍യെക് കൃതിയാംനി ഹെച് വിവർ ആമ്കാം പർത്യാം പർത്യാം ലാബ്താത്.
സതാ ഥാവ്ന് ഥൊഡെം പയ്സ് ആനി ആപ്ല്യാ ഗർജാം തെകിത് ഖഡപാൻ ദില്യാത് ത്യാ ഥൊഡ്യാ ഘുംവ്ഡെങ്ക് ആമി പളെയാം.
1) ടിപ്പു സുൽതാനാൻ കെനരാന്ത് ആപ്ല്യാ രിസാലാം ദ്വാരിം ചലയില്ല്യാ അനാചാരാചെ വിവർ, ഹാംഗാ ഥാവ്ന് ആംബുഡ്ന് വെല്ല്യാ ക്രിസ്താംവാഞ്ചൊ സങ്കൊ ആജൂൻ സത് സാർകെം അധ്യയൻ ജാംവ്ക്‍നാം തരീ വിശേസ് ഉത്പ്രേക്ഷെ വിവർ താണെ ദില്യാത്.
2) കാട്കായെ വെളിം ഥൊഡെ ജൺ ടിപ്പുച്യാ സൊജെരാഞ്ച്യാ ഹാതാന്ത്ലെ ചുകൊൻ രാവ്ലെ, ഥൊഡ്യാ ഫിർഗജാങ്ക്, ടിപ്പുൻ ധൊസുങ്ക് നാ. പുൺ ഹെ എകാ നിർദിഷ്ട് ഫിർഗജെചെ, നിർദിഷ്ട് ജാതി പംഗ്ഡാചെ, അശെം കിത്യാക്?
3) സർദാർ സിമാംവ് ഖര്യാൻ ഇസ്ലാമിക് രാജാചൊ ജിമ്മി താകാ ഖഡപാചൊ ടിപ്പു നിതിയാസണാർ ബസയ്താ, ഹെം ഇസ്ലാമിക് രാജാന്ത് കശെം സാദ്യ്? ഇസ്ലാമിക് രാജാന്ത് മുസ്ലിമേതർ, കൊൺ‍ംയി തൊ ജാംവ് താകാ പർജെ ഹക്കാഞ്ച് നാന്ത്. ഹാംഗാ തസലൊ എക്ലൊ നിതിദാർ ജാതാ കശെം? ഹ്യാ വെക്തി വിശിം ആമ്കാം ഖംയ്സർ‍യി ചാരിത്രിക് വിവർ ലാഭാനാന്ത് കിത്യാക്?
4) ടിപ്പു സുൽതാനാച്യാ സൊജെരാഞ്ച്യാ ഹാതാന്ത് പഡുൻ സക്കഡ് ഹൊഗ്ഡാവ്ന് ഘെത്‍ല്ല്യാ ക്രിസ്താംവാം പയ്കി എക്ലി സ്ത്രീ (വെരോനികാ) ആപുൺ കിത്ലൊ ലോഞ്ച് ദീവ്ന് തരി ആപ്ണാക് ജായ്‍ജാല്ല്യാങ്ക് സൊഡൊവ്ന് ഹാഡ്താം മ്ഹൺതാ, ഹേം കശെം?
5) മംഗ്ളുർഗാരാം ക്രിസ്താംവാം മദെം ത്യാ കാളാർ കാംയ് ഝുജാചി ആതുരായ് ജാംവ്, സംയ്ബ് ജാംവ് ആസ്‍ല്ലെം ദിസൊൻ യേനാ. എകാൻ‍ഏക് ടിപ്പുച്യാ ബളാധിക് ഫവ്ജെക് ഫുഡ് കർൻ രാവൊൻ സർകാരാ വിരോദ് ദംഗ്വാൾ ചലൊംവ്ചെം ധയ്ര് ആനി ബൾ ഖംയ് ഥാവ്ന് ഹാങ്കാം ആയ്ലെം? ജാംവ് ഹാങ്കാം ബ്രിടിഷാംനി പാടിംബൊ ദിലൊ മ്ഹണുൻ മാന്യാം! പുൺ താചൊ എക്‍ച് ഏക് വിവർ ഖംയ്സർ‍യീ നാം തരീ കിത്യാക്? അസലെ ആനി സഭാർ സംഗ്തി ആസാത് തരി സദ്ദ്യാക് ഹെ പുരൊ.
ഖഡപാച്യാ കാദംബരിംനി വാപാർല്യാ തീ ഭാസ് ഖര്യാൻ ഭോവ് വർതി. ഥംയ്സർ ഉഭിം കെല്യാന്ത് തിം സംരചനാം അധ്യയനാച്യാ ബളാചിം മ്ഹണുൻ സാംഗുങ്ക് നർഗാജയ് മണുൻ നാ. ദോം ഫിദാലീ, ഇസ്ലാമിക് സർദാരീ-സുൽതാനീ ഭാസ് ആനി കൊഡ്യാൾഗാരാഞ്ചി ഥളാവി ഭാസ് താണെ സമ്ജുൻ ജൊക്ത്യാൻ വാപാർല്യാ. ആപുൺ ഖഞ്ച്യാ കാളാ വിശിം ബരയ്താം ത്യാ കാളാചി വളക് സമ്ജുൻ ഘെവ്ന് തി വളക് ആപ്ല്യാ വാച്പ്യാങ്ക് ഉത്രൊംവ്ക് ഖഡപാൻ ഖരിം പ്രേതനാം കെല്യാന്ത്.
ഖഡപാച്യാ ചാരിത്രിക് കാദംബരെംനി ഉത്പ്രേക്ഷാ ആസാത്, അവയ്‍ജ്ഞാനിക് വിവർ ആസാത് മ്ഹണുൻ ആമി ദാക്ഷിണെവിൺ ഒപുൻ ഘെത്ലെം തരി ഏക് ശ്രേഷ്ട് കൃതികാർ ജാവ്ന് താചെം സ്ഥാൻ‍മാൻ കെദിഞ്ച് ഉണ്യാചെം ജാംവ്ചെംനാ. ആജ്‍കാൽ പർഗട് ജാംവ്ച്യാ ഥൊഡ്യാ ചാരിത്രിക് കാദംബരിങ്ക് പളെല്യാർ ഥംയ്സർ ചരിത്രായ് ആസാനാ സാഹിത്‍യി ആസാനാ. തസല്യാം മധെം ഖഡപ് ഖര്യാൻ ഭോവ് ഉഞ്ചായെൻ സൊഭ്താ. ഇത്ല്യാ രോമാഞ്ചക് ആനി ആകർശക് ശയ്ലെൻ ആപ്ല്യാ ലൊകാക് താഞ്ച്യാ മാൽഗഡ്യാം വിശിം അഭിമാൻ പാംവ്ചെ പരിം കെല്ലി കീർത് ഖഡപാചി, ഹ്യാ പ്രക്രിയെന്ത് താണെ ചരിത്രെച്യാ സതാഞ്ചൊ മോഗ് കർചെ പ്രാസ് ആപ്ല്യാ ലൊകാച്യാ ഭൊഗ്ണാം-ഭാവനാഞ്ചൊ മോഗ് കെലാ തൊ ഖരൊ തരി താണെ കാദംബരി ബരയ്ല്യാ ആനി ത്യാ ദ്വാരിം ആപ്ല്യാ ഭാഷെച്യാ സാഹിത്യാക് വർതി സെവാ ദില്യാ മ്ഹണുൻ ഘെത്ല്യാർ ആനി ഹാംഗാസർ ചഡ് ‘വിഷയനിഷ്ട് (എംഫിരിസിസ്ട്) ചരിത്രെക് [ജീ മൊൾബാ പന്ദാ എദൊൾ ലാബൊങ്ക് നാ തി] സൊധിനാശെം രാവ്ല്യാർ ഖഡപാച്യാ കൃതിയെഞ്ചി രൂച് ചാകുങ്ക് സലീസ് ആനി താന്ത്ല്യാൻ ചുസ്ചൊ രോസ് വിശേസ് ജായ്ത്
(ഗോംയ് വിശ്വവിദ്യാലയാന്ത് ചാരിത്രിക് കാദംബരിഞ്ചെർ മാണ്ഡ്ലലൊ പ്രബന്ധ്)
– സ്ടീവൻ ക്വാഡ്രസ് പെർമുദെ
