കർനാടകാന്ത്ലി സമകാളീൻ കൊങ്കണി കവിതാ

(2010 വർസാ ഗൊംയ് വിശ്വവിദ്യാലയാച്യാ കൊങ്കണി വിഭാഗാച്യാ വിദ്യാർഥിങ്ക് ദില്ലൊ ഉപന്യാസ്)

കർനാടകാക് കൊങ്കണി ലൊകാചെം യെണെം:

ഗൊംയാം ഥാവ്ന് കർനാടകാക് പയ്ലെ പാവ്ടിം കൊങ്കണി ലൊകാചി പർതണി യാ യെണെം ജാവ്ന് സാഡെചാർശിം വർസാം ഭർതാത്.  മ്ഹള്യാർ ചഡുണെം തെരാവ്യാ ശതകാ ഥാവ്ന് 1730 വർസാ പര്യാന്ത് പയ്ലെം മതാന്തർ, ഉപ്രാന്ത് ഇൻ‍ക്വിജിസാംവ് ആനി നന്തർ സുകിദാഢ് തശെം വെവെഗ്ള്യാ ഹെർ കാരണാങ്ക് ലാഗുൻ കൊങ്കണി ലൊകാചി അസലി പർതണി ഗൊംയാം ഥാവ്ന് കർനാടകാന്ത് ജാല്യാ.

കർനാടകാന്ത് കൊങ്കണി കാവ്യാചി ചരിത്രാ:

ഗൊംയാം ഥാവ്ന് മംഗ്ളുരാക് തശെം ആസ്‍പാസ്ച്യാ ഗാംവാംനി കൊങ്കണി ലോക് ആയ്ലൊ തെന്നാം താംണി താഞ്ച്യാ ബരാബർ ലോക്‍ഗിതാം ഹാഡ്ലിം ആസുംയെതാത്. താന്ത്ലിം കിത്ലിം ഉർല്യാന്ത്, കിത്ലിം നാസ് ജാല്യാന്ത്, കിത്ലിം കൊണെം ബരൊവ്ന് ദവർല്യാന്ത് ഹാചി മ്ഹാകാ ഖബർ നാ. കുഡ്മ്യാഞ്ച്യാ ശിഗ്മ്യാം ഗാണ്യാംനി, തിം ഗാണിം ഗൊംയാം ഥാവ്ന് ആയില്ലിം മ്ഹൺച്യാക് ജായ്ത്യൊ രുജ്വാതി ദിവ്യെത്. (കുഡ്മ്യാഞ്ച്യാ ശിഗ്മ്യാ ഖെളാച്യാ നിമാണ്യാ ദിസാ ‘ദിമിസാൽ’ മ്ഹണുൻ ബൊബാട് ഘാലുൻ തള്യാക് ഉഡ്കി മാർതാത്. ഹൊ ‘ദിമിസാൽ’ സബ്ദ് പെÇർതുഗെജ് ഭാശെഥാവ്ന് ആയ്ലാ. തശെം മ്ഹള്യാർ ഡിസ്മിസൽ യാ സംപ്ലെം മ്ഹള്ളൊ അർഥ്).

കഥൊലികാംനി തശെം സാരസ്വതാംനി ലഗ്നാ സന്ദർഭാർ മ്ഹൺച്യൊ വൊവിയൊ-വേർസ് ഗൊംയാം ഥാവ്ന് ഹാഡല്ല്യൊ മ്ഹണുങ്ക് ജായ്നാ. കാംയ് ഹെണെ തെണെ ഏക് ദോൻ ആസ്തിത്, വൊവിയാംനി ഗൊംയാന്ത് ആജൂൻ ആസ്ചിം ആനി മംഗ്ളുരാന്ത് ആതാം തൊണ്ഡാർ നാസ്ചിം ഉത്രാം ആസ്തിത്. പുൺ ചഡിത് വൊവിയൊ വേർസ് കർനാടകാക് ആയ്ല്യാ ഉപ്രാന്തച് ലൊകാംനി രച്‍ല്ല്യൊ മ്ഹണ്യെത്:

ആംബൊ പാലെലൊ, കുംബൊ ഫുലലൊ

പയ്ലൊ ഉലയ്ലൊ ഹൊരെത് ആമ്ചെ ഹൊക്ലെലാഗിം

ജാർദ്യാ മഹിന്യാന്ത് സുബ്രമണ്യാന്ത് സഷ്ഠ്

ആമ്കാം കിതെം നഷ്ട് ഹൊരെത് ഉലയ്ല്യാർ?

ഹ്യാ വെർസാന്ത് ‘ജാർദൊ’ മ്ഹള്യാർ തുളു മ്ഹയ്ന്യാചെം നാംവ്. ‘സുബ്രഹ്മണ്യ’ കർനാടകാന്ത്ലൊ ഗാംവ്. തശെം മ്ഹൺതാനാ ഹ്യൊ വൊളി കർനാടകാക് ആയ്ല്യാ ഉപ്രാന്ത്‍ച് രച്‍ല്ല്യൊ മ്ഹണജായ് പഡ്താ.

യെജ്മാനിച്യാ ഹുംബ്രാർ ഉദ്കാൻ ഭർലാ തോഡ്

മാംയ് ഫുലാം മാൾതാ ഹൊക്ലെ ഹാത് ജോഡ്

യെജ്മാനിച്യാ ഹുംബ്രാർ കാസുളെചൊ ഖൊലൊ

ലാംബ് സൊഡയാ ഝെലൊ ത്യാവി കസ്തുരെചൊ

വയ്ല്യാ വൊവിയാംനി ‘തോഡ്’ തശെം ‘കസ്തൂർ’ സബ്ദ് ഗൊംയാന്ത് ആസാത് മ്ഹണുങ്ക് ജായ്നാ ജാല്ല്യാൻ ഹ്യൊ വൊവിയൊ ഗൊംയ്ച്യൊ മ്ഹണൊങ്കയ് ജായ്നാ.

തശെം മ്ഹൺതാനാ :

ആപെÇ്രസാചെ വാട്ലെക് മുയാഞ്ച്യൊ ഹാരി

ആയാവൊ നാരി ചവ്ഗി രോസ് ലായാ

ഹെ വൊവിയെന്ത്ലെ ‘ആപെÇ്രീസ്’, ‘ആയാവൊ’ സബ്ദ് മംഗ്ളുരാന്ത് ഹെർ ഖംയ്ച്യായ് സന്ദർഭാംനി ആയ്കുങ്ക് മെളനാന്ത്. മ്ഹൺതാനാ കാംയ് ഹി വൊവി ഗൊംയാം ഥാവ്ന് ഹാഡല്ലി ജാംവ്കയ് പുരൊ.

വൊവിയാഞ്ചി ഗജാൽ തശി ജാല്യാർ കഥൊലികാം മധെം ഗുമ്ടാ ഗാണിം ആജൂൻ ആസാത്. ഹിം ഗുമ്ടാ ഗാണിം ഗൊംയാം ഥാവ്ന് ആയ്ല്യാ ഉപ്രാന്ത് ഘഡല്ലിം മ്ഹൺച്യാക് ഥൊഡ്യൊ രുജ്വാതി മെൾതാത്. ഹെർ ഥൊഡിം ഗുമ്ടാ ഗാണിം ഗൊംയാം ഥാവ്ന് ഹാഡല്ലിം ആസുങ്കയ് പുരൊ.

ഗൊംയ് സാണ്ഡുൻ ആയ്ലി മാംയ്, രൊജാർ സായ്ബിൺ

ഗൊംയ് സാണ്ഡുൻ ആയ്ലി മാംയ്, രൊജാർ സായ്ബിൺ

ഗൊംയ് സാണ്ഡുൻ ആയ്ലി മാംയ്

മെക്ള്യാ കെസാംനി മാംയ്, ദെംവ്ലി സമ്ദിരാക്

മെക്ള്യാ കെസാംനി മാംയ്, ദെംവ്ലി സമ്ദിരാക്

അനി ദെംവ്ലി സമ്ദിരാക് മാംയ്, പാവ്ലി ബൊളാരാക്

ദെംവ്ലി സമ്ദിരാക് മാംയ് പാവ്ലി ബൊളാരാക്

ബൊളാർചെ പെÇബെൻ തികാ ആസ്രൊമൂ ദിലാ…

ഹാംഗാസർ ഹ്യാ ഗാണ്യാചൊ സന്ദർഭച് സാംഗ്താ കി ഹെം ഗാണെം ഗൊംയാം ഥാവ്ന് മംഗ്ളുരാക് പർതണെചെം മ്ഹണുൻ. ബൊളാർ മ്ഹള്യാർ മംഗ്ളുരാന്ത്ലൊ ഏക് ജാഗൊ, ജംയ് രൊജാർ മായെചി ഇഗർജ് ആജൂൻ ആസാ.  കഥൊലികാഞ്ചി സായ്ബിൺ കെദളായ് പളെയാ തി ഉബ്യാ കെസാഞ്ചി.  തി മെക്ള്യാ കെസാഞ്ചി ൻഹയ്. ഹ്യാ ഗാണ്യാന്ത്ലൊ കവി തികാ മെക്ള്യാ കെസാഞ്ചി മ്ഹണുൻ കിത്യാക് ആപയ്താ? മതാന്തർ ജാലാ ജാല്യാരി, സായ്ബിൺ മ്ഹൺതാനാ തെദൊൾ പാസുൻ ദേവി മ്ഹണുൻ ആരാധൻ കർൻ ആസല്ല്യാ മെക്ള്യാ കെസാഞ്ചെ ദുർഗാ ദേവിക് തൊ കാംയ് ദെഖ്താ ആസ്തലൊ.  ഭാശെ മാരിഫാത് സമാജ് ശാസ്ത്ര് ശിക്തല്യാങ്ക് ഹാംഗാസർ വ്ഹഡ് ഏക് വിചാർ ആസാ.

മംഗ്ളുരാക് ബ്രിടിഷ് ആയില്ലെ 1799 വർസാ. താച്യാക്‍യ് പയ്ലെം പെÇർതുഗെജാംനി മംഗ്ളുരാന്ത് രാജ് ചലയ്ലാം, പുൺ ഥൊഡ്യാ കാളാക്. മംഗ്ളുരാക് ബ്രിടിഷ് ആയ്ല്യാ നന്തർ മംഗ്ളുർച്യാ ബായ്ലാങ്ക് താംണി ദവർൻ ഘെത്ലെം ആനി താങ്കാം ഗൊരിം ഭുർഗിംയ് ജാലിം. ആജൂൻ മംഗ്ളുരാന്ത് ബ്രിടിഷ് കുട്മാനാംവ് ആസ്ചൊ ലോക് ആസാ. ഹ്യാ എകാ സന്ദർഭാർ ലൊകാംനി ഘഡ്ലലെം ഏക് ഗാണെം, ജെം മ്ഹജ്യാ ആജ്യാൻ മ്ഹജ്യാ ൽഹാൻ‍പണാർ മ്ഹാകാ ശികയില്ലെം തെം മ്ഹജെ യാദിന്ത് ആസാ:

ആഡ്കുലൊഗൊ ബുഡ്കുലൊ, തെലാ തുപാചൊ

ബായെഗേർ ബാബു ജാലാ ഫിംർഗി രുപാചൊ

മാഡാ മുളാന്ത് ചെർകൊ ജാലാ, ധാംഗ്രൊ ഫെരായാം

ഉടാഗൊ ബായാംനൊ മാന്ദ്രി ഖവ്ളിയാം

ഹാംവ് ആനി രവീന്ദ്ര കെളെകാർ ബാബ് കാംയ് വീസ് വർസാം ആദിം താച്യാ ഘരാ ഭെടല്ല്യാംവ്. ആമ്ചെ ഥൊഡ്യാച് വെളാചെ മുലാകതി വെളാർ ഹൊ പ്രസ്താപ് താണെ കാഡല്ലൊ. ആനി ഹെം ഗാണെം ഗൊംയ്ചെം ൻഹയ് മ്ഹണുൻ താണെം മ്ഹാകാ സാംഗല്ലെം. ഹെം ഗീത് മംഗ്ളുർച്യാ ലൊകാൻ, താഞ്ച്യാ ബായ്ലാങ്ക് ചത്രായ് രാകുങ്ക് രചല്ലെം മ്ഹണുൻ ധർ ധർ കൾതാ.  `ഘർചെം ദൂധ് മാഡാമുളാക് വൊതിനാകാ’ മ്ഹൺതാംവ് ആമി. തശെം മ്ഹള്യാർ ഘരാന്ത്ലൊ ഘുട് സംസാരാക് കളിത് കരിനാകാ മ്ഹണുൻ. പുൺ ഹെ കവിതെന്ത് ഘർചൊ ഘുട് സംസാരാക് കളിത് ജാലാ, ബായെക് ഫിംർഗി ബാബു ജാലാ. ദെകുൻ ഹെ കവിതെന്ത്ലൊ കവി ബായ്ലാങ്ക് യാ ബായാങ്ക് ചത്രായ് ദിതാ, സാംഗുൻ `തുമി നിദനാകാത്, മാന്ദ്രി യാ ശെന്ദ്രി ഖവ്ളൊൻ ബസാ’.

മാഗീർ കൊണെ ഹൊ വാദ് സാർകൊ ൻഹയ് മ്ഹൺതല്യാംനി ആനി ആമ്ച്യാ ബായാങ്ക് സമാധാൻ കർചെ ദിശെൻ ആന്യേക് കവിതാ ഘഡ്ലി:

ആഡ്കുലൊഗൊ ബുഡ്കുലൊ തെലാ തുപാചൊ

ബായെഗേർ ബാബു ജാലാ ഫിംർഗി രുപാചൊ

ദിവൊ ലാവുൻ പളെതാനാ, സാർക്യാ രുപാചൊ

മ്ഹൺതാനാ ഗൊംയാം ഥാവ്ന് ആയില്ല്യാ കൊങ്കണി ലൊകാ മധെം കവിതാ രച്ചി ബർപൂർ താങ്ക് ആസല്ലി മ്ഹൺച്യാക് ഹ്യൊ കവിതാ ഗൊവായ് ദിതാത്.

ഹ്യാച് പരിം ധാർമിക് കാന്താരാം മ്ഹണ്യാ യാ ഗിതാം – തീംയ് ആസല്ലിം. ആട്രാവ്യാ ശതകാന്ത് ഫാ ജൊകിം മിരാന്ദാൻ `രിഗ്ലൊ ജെജു മൊള്യാന്ത്’ കാന്താർ യാ ഭക്തിക് ഗീത് ബരയ്ലെം. താച്യാ ഉപ്രാന്ത് `ആയ്കാ ക്രിസ്താംവ് ജണാ’, `ഉടാ ഉടാ പ്രാണിയാ’ `പാപിയാ നിർഭാഗ്യാ’, `സർഗിം ഥാവുൻ’ – അസലിം ആനി ജായ്തിം ഭക്തിക് കാന്താരാം കൊങ്കണിക് ആയ്ലിം. തിം ഖാസ് കൊങ്കണിചിം ൻഹയ് ആസുൻ, ലാതിൻ ആനി ഹെർ ഭാസാം ഥാവ്ന് കൊങ്കണിക് ആൺകാർ കെല്ലിം.

ഗൊംയാം ഥാവ്ന് യെതാനാ ക്രിസ്താംവ് ലൊകാൻ `ക്രിസ്ത പുരാൺ’ ഹാഡല്ലെം. തെം കൊങ്കണിക് അനുവാദ് യാ തർജൺ കർചെം കാം സുർവാതിച്യാ കാളാർ ജായ്ത്യാംനി കെലാം.  ഹ്യാ പുരാണാന്ത് 11,018 വൊളി ആസാത്.  ഫാ ലിയൊ സൽഡാൻഹാൻ അനുവാദാചെം കാം സുർവെച്യാ കാളാർ സുരു കെല്ലെം ജാല്യാർ ഉപ്രാന്ത് ഥൊഡ്യൊ വൊളി ജെ ജെ രേഗൊ ആനി ഹെരാംനി കെല്യാത്.  ത്യാ പയ്കി ഫെലിക്സ് പാവ്ല് നൊരെഞõï പ്രമുഖ് ആസാ.

കൊങ്കണി ദിർവെം ആനി ഉപ്രാന്ത്ലൊ കാൾ:

1912 വർസാ കാനഡി ലിപിയെന്ത്ലെം പയ്ലെം മ്യാഗഝിൻ `കൊങ്കണി ദിർവെം’ പർഗടുൻ യേംവ്ക് ലാഗ്ല്യാ മാഗീർ ഖരി കൊങ്കണി കവിതാ പയ്ല്യാൻ പയ്ലി ലൊകാക് വാചുങ്ക് മെളുങ്ക് സുരു ജാലി. താച്യാക്‍യ് പയ്ലെം കവിതാ പുസ്തകാം പർഗട് ജാംവ്ക് നാന്ത് മ്ഹണുൻ ൻഹയ്. ജാല്യാന്ത്.  1904 ഇസ്വെന്ത് പുരന്ദര ദാസാചെം കാവ്യെം കൊങ്കണിക് തർജൺ കർൻ പുസ്തകാ രുപിം പർഗട് ജാലാം.  ത്യാ ഉപ്രാന്ത്‍യ് അസലിം തർജൺ കെല്ലിം ജായ്തിം ൽഹാൻ സാൻ പുസ്തികാം പർഗട് ജാല്യാന്ത്.  പുൺ ഖരെ കൊങ്കണി കവിതെചി സുർവാത് `കൊങ്കണി ദിർവെം’ പത്രാ മാരിഫാത് ജാലി മ്ഹണുൻ ലെകുംയെതാ.

`കൊങ്കണി ദിർവെം’ പത്രാ മാരിഫാത് ജായ്തെ കവി ഉജ്വാഡാക് ആയ്ലെ. പുൺ സഗ്ള്യാന്ത് ഥോർ നാംവ് കെല്ലൊ കവി മ്ഹള്യാർ ലുവീസ് മസ്കരേഞõï.

ലുവീസ് മസ്കരേഞõÁൻ (1887-1961) ഹ്യാ കാളാർ കൊങ്കണി കവിതെചി ജ്യോത് ജളയ്ലി.  തൊ എക്ലൊ സ്വാഭാവിക് കവി.  താണെം ലിഖ്‍ല്ലെം `ആബ്രാംവ്ചെം യജ്ഞദാൻ’ മ്ഹാകാവ്യെം കൊങ്കണി കാവ്യ സംസാരാക് മഹത്വാചെം യോഗദാൻ.  ആതാംയ്, പാവൻശെം വർസാം സംപ്ലിം ജാല്യാരി കൊങ്കണി മുകുടാവയ്ലെം മൊലാധിക് ഥിക് കശെം ഹെം കാവ്യെം സൊഭ്താ.

‘ആബ്രാംവ്ചെം യജ്ഞദാൻ’ ഏക് കാവ്യനാടക്.  ബൈബലാന്ത്ല്യാ എകാ ഘഡിതാ ഭൊംവ്തിം വിണ്ല്യാരി, ആപ്ലെം സംപൂർൺ സ്വാതന്ത്ര്യ് സാംബാളുൻ, നവ്യാ സൃജനാത്മക് പാത്രാങ്ക് ജീവ് ദീവ്ന്, ധർമാച്യൊ വൊംയൊം മസ്തുൻ, ആമ്കാം വെഗ്ള്യാച് എകാ സാമാജിക് വേദിചെർ വ്ഹർൻ പായ്താ. മൻശാചിം ഭാവനാം പ്രകൃതെചെ സൊഭായെ സാംഗാതാ വിണുൻ, ഥളീയ് ചരിത്രെ സംഗിം മാഖുൻ, കവിതെരുപിം പ്രസ്തുത് കെല്ലൊ ഹൊ കവി, ഹ്യാ കാവ്യാദ്വാരിം മാത്ര് ൻഹയ് താണെം രച്‍ല്ല്യാ ജായ്ത്യാ മഹത്വാച്യാ കാവ്യാം ഖാതീർ, താണെം സമഗ്ര് സാഹിത്യാചെർ ഘാല്ല്യാ പ്രഭാവാ ഖാതീർ, ഹെർ കൊങ്കണി കവിങ്ക് ഹുമെദിചി ഝർ ജാല്ല്യാ ഖാതീർ – ആപ്ല്യാ കാളാചൊ ഉഞ്ച്ലൊ തശെം മഹത്വാചൊ കവി അശെം ഥാർതാ.

മൊര്യാ പർവതാച്യാ മുളാന്ത് ആബ്രാംവ്, ഇജാകാക് ഘെവ്ന് പാവ്താ. തവൾ താചെം സംഭാഷൺ പളെയാ:

….

പുരൊ ജാലാം തുകാ, ഉസ്ക്യാർ തക്ലി ദവർ/

കാലീയ് സമാ നീദ് നാ, ആബ്ളെ ദൊള്യാം ഭൊവൊർ/

ഇംഗ്ളൊ ജാല്യാത്; സഗ്ളി രാതീയ് ആവയ്ചൊ ജോപ്/

ഓണ്ട്‍ബി കപെർÇൻ ഗെല്യാത്; താള്വെന്ത് യെതാ ഹുലൊപ്/

ഘരാ ആസ്താസ്താനാ സദാം ജായ്ജായ് ആസ്ലി/

സുക്ണ്യാ പിലാംബരി തുകാ ആവയ് പാസ്ളി/

മൊഗാ-സാവ്ടാക് വാഡൊൻ വൊതാക് പഡ്ല്യാർ പളെ/

ആൽപുലിശി ബാവ്താത് തുജെ അസ്ലെ കളെ/….

ഹൊ കാവ്യനാടക് താണെം `സ ഘാതാഞ്ച്യാ’ (hexചിmeണeഡി) ഛന്ദാൻ പ്രാസാഞ്ചെർ ബരയ്ലാ.  ഉത്രാം ഉത്രാന്ത്, സംഭാഷണാം സംഭാഷണാന്ത് ആപുർബായെൻ ഉതർതാത് ആനി പരത് പരത് ഉജൾച്യാ അന്തപ്രാസാന്ത് സമാവേശ് ജാതാത്.

ലുവീസ് മസ്കരെഞõÁചെം `കവിത്വാചെം ഗുപീത് നന്ദനാവൻ’ ഹാതാള്ളല്യാ വിശയാ ഖാതീർ, രുപാ ഖാതീർ, മാപാ ഖാതീർ മാത്ര് ൻഹയ് ആയ്ച്യാ കാളാര്യ് താന്ത്ലി തീക്ഷ്ണതാ സാംബാളുൻ വെല്ല്യാ ഖാതീർ കൊങ്കണി ചരിത്രെന്ത്ലി അപ്രൂപ് തശെം ഉഞ്ച്ലി കവിതാ അശെം ഹാംവ് ലെക്താം.  മാഗീർ താചെ `മനീസ് മ്ഹൺജെ കിതെം?’ കവിതെൻ‍യ് കൊങ്കണി കാവ്യ ചരിത്രെന്ത് ആപ്ലിം പാവ്ലാം ബളാൻ രൊംബയ്ല്യാന്ത്.

കവിത്വാചെം ഗുപീത് നന്ദനാവൻ

ചാൽത്യാ മൻശാ, സർ തും പാടിം,

നാകാ തിളുങ്ക് ഭിതർ:

സഗ്ള്യാൻ ചൊംവ്ചി ചഞ്ചാൾ ആശാ

ആനി പെÇകൾ ഹാസൊ, പിശ്യാ,

വ്ഹർശി ജർതർ,

രാവൊൻ വചത് ബാരീക് വ്ഹാൾചി

സംഗീത് ഗണാഞ്ചി ഝർ,

ഭിതർ സൊഭ്ചൊ പ്രകാസ് ലിപത്

കവിത്വാചെം മായ്നാ ഉബത്

ഗാംവ്ചെം ഥംയ്സർ,

വനാന്തരി ഭൊംവ്താത് രച്ണാം

കവിത്വാചിം സുന്ദർ,

തുജി ഏക്‍ച് ചഞ്ചാൾ ദീശ്ട്

പുരൊ താങ്കാം കരുങ്ക് ഭശ്ട്-

തിളുംനാകാ ഭിതർ.

പാഗരാ ഭായ്ര് രാകൊൻ രാവ് തും

വ്ഹാളൊൻ യെതാ മ്ഹണസർ

രംഗീത് ഗായാൻ വാര്യാർ ഉപ്യെവ്ന്

ആയില്ല്യാക്ഷൺ, ജികുൻ ലിപെÇൻ

ഥംയ്ചൊ നിസർ.

ലുവീസ് മസ്കരേഞõï

ഹി കവിതാ, പാഞ്ച് വൊളിഞ്ചി (ഛിiടിquചിiടി oഡി quiടിണeണ) കവിതാ. ‘ഛിiടിquചിiടി’ പാഞ്ച് വൊളിഞ്ചി കവിതാ തരി താന്തും ആസജെ ജാല്ല്യാ തുക്ഡ്യാങ്ക് ലാഗുൻ ഹെ കവിതെ പ്രാസ് വെഗ്ളി. ‘ചിbഛിഛിb’ പ്രാസാചെർ ലുമൻ ബരയില്ലി ഹി സഗ്ളി കവിതാ ബാന്ദുൻ ഹാഡ്ല്യാ. ദുസ്രെ വൊളിചൊ നിമാണൊ സബ്ദ് തശെം പാഞ്ച്വെ വൊളിചൊ നിമാണൊ സബ്ദ് കവിതെച്യാ പെÇന്താൻ പെÇീന്ത് എകാ പ്രാസാന്ത് ഗുന്ത്ലാ തർ, തിസ്രെ തശെം ചവ്തെ വൊളിഞ്ചെ നിമാണെ സബ്ദ് എകാമെകാ പ്രാസാംനി മിസ്ളല്യാത്. മാഗീർ ദുസ്രെ വൊളിചെം ആനി ചവ്തെ വൊളിചെം നിമാണെ വെഞ്ജൻ കവിതെച്യാ പെÇന്താൻ പെÇന്താ ഏക്‍ച് ‘ർ’ ഉർലാം.

കൊങ്കണിന്ത് മാത് ൻഹയ് ഖംയ്ചേയ് ഭാശെന്ത് – ദോൻ, തീൻ ആനി ചാർ വൊളിഞ്ച്യാ കവിതാങ്ക് സർ കെല്യാർ – പാഞ്ച് വൊളിഞ്ച്യൊ കവിതാ വാചുങ്ക് മെൾച്യൊ അപ്രൂപ്.

കവിതെച്യാ പെÇന്താൻ പെÇന്താ എകെ ആമ്കെ മാണ്ഡാവളിർ ദവരല്ലെ ഉത്രാഞ്ചെ തുക്ഡെ (sഥിടടചിbടes) ദിസ്താത്. ഹി മാണ്ഡാവൾ 8+6+8+8+4 തുക്ഡ്യാഞ്ചി.

കവിതെന്ത് ഉത്രാഞ്ച്യാ നാദാചി ഏക് രീത് മ്ഹൺ ആസ്താ. ഇംഗ്ലിഷ് കവിതെംനി ആസ്ചെം ചിടടiണeഡിചിണioടി (നാദാസാദ്) ഹാംഗായ് പയ്ലെ പംഗ്തിന്ത് ഝൾകതാ.  ‘ചാൽത്യാ മൻശാ ചൽ തും പാടിം’  ആനി ‘സഗ്ള്യാൻ ചൊംവ്ചി ചഞ്ചാൾ ആശാ’ ഹെ വൊളിംനി എകാച് നമുന്യാചെം വെഞ്ജൻ ‘ച്’ പർത്യാൻ പർത്യാൻ വെവെഗ്ള്യാ സബ്ദാഞ്ചെ സുർവെർ വാപരുൻ (iടിiണiചിട ചിടടiണeഡിചിണioടി) കവിൻ കവിതെചി സൊഭായ് വാഡയ്ല്യാ മാത്ര് ൻഹയ് കവിതാ വാച്തല്യാക് സംഗീതാചൊ അൻഭോഗ് കരുൻ ദിലാ.  അസലിച് ഏക് രീത് സബ്ദാഞ്ചെ ആകേരിക് ഹാഡ്‍ല്ലി ‘ക്ഷൺ, ജികുൻ, ലിപുൻ’ (ഛിoടിsoടിചിടിഛിe) ഹെ വൊളിന്ത് ഝൾകെക് യെതാ.

കവിതെചെ ബാന്ദാവളിം വിശിം ആഭ്യാസ് കർതല്യാ കൊങ്കണി കവിംനി ജരൂർ ജാവ്ന് വാചിജെ ജാല്ലി കവിതാ ഹി.

ലുവീസ് മസ്കരെഞõÁച്യാ ജിവിതാ കാളാർ ജായ്തെ കവി ഉദെവ്ന് ഗെല്യാത്.  ത്യാ പയ്കി ഹാംവെം ഉല്ലേക് കരിജായ് ജാല്ലിം നാംവാം മ്ഹള്യാർ: ഫാ. സില്വെസ്ടർ മിനേജ്, ഫാ പി. എൽ. ബുതെല്ലൊ ആനി ഫെലിക്സ് പാവ്ല് നൊരെഞõï.

ഫാ. സില്വെസ്ടർ മിനേജാൻ ബരയില്ല്യാ `പാശാംവാചെം ഗീത്’  കാവ്യാന്ത് 2,320 വൊളി ആസാത്. ഫാ. ബുതെല്ലൊ വിസാവ്യാ ശതകാച്യാ ചാളിസാവ്യാ തശെം പന്നാസാവ്യാ ദശകാംനി ആപ്ല്യാ വിനോദിക് കവിതാം മാരിഫാത് ജായ്തൊ ഫാമാദ് ആസല്ലൊ. താച്യാ `കാവ്യാം ഝെലൊ’ പുസ്തകാന്ത് എക്ശെം കവിതാ ആസാത്. ഥൊഡ്യൊ ഭക്തിക് കവിതായ് താണെ രച്ല്യാത്. ഫെലിക്സ് പാവ്ല് നൊരെഞõÁൻ ബരയില്ല്യൊ ചഡശ്യൊ കവിതാ ധാർമിക് വിഷയാം ഭൊംവ്തിം രെവ്ഡല്ല്യൊ.

ലുവിസ് മസ്കരെഞõÁക് ധരുൻ ഹ്യാ സർവയ് കവിഞ്ചിം കാവ്യാം ആമി വാച്ലിം ജാല്യാർ തിം ഏക്‍ച് ധർമാച്യാ വിഷയാഞ്ചെർ ബരയില്ലിം, നീത് ശികൊംവ്ചിം. പ്രാസാഞ്ചിം മ്ഹള്ളെം കൾതാ.

ചാ.ഫ്രാ. ദെകൊസ്താചൊ കാൾ:

ലുമ കാളാ നന്തർച്യാ കാളാന്ത് ഉടുൻ ദിസ്ചൊ കവി മ്ഹള്യാർ ചാ. ഫ്രാ. ദെകൊസ്താ. ചാ.ഫ്രാ. ദെകൊസ്താ കർനാടകാന്ത് മാത്ര് ൻഹയ് മുംബയ് തശെം ഗൊംയാന്ത് നാംവ് കെല്ലൊ കവി.  കവിതെംനി താണെം ഉബ്യൊ കർച്യൊ പ്രതിമാ, അപ്രൂപ് ഉത്രാഞ്ചി വിഞ്ചവ്ണി ആനി വ്ഹാളൊ, ജിവിതാചെർ താണെം മാർചി നദർ, മാഗീർ ഹെം സഗ്ളെം കവിതെദ്വാരിം വ്ഹാൾതാനാ പ്രാസ് ആനി അലങ്കാർ ഗുന്തല്ല്യാൻ കാനാങ്ക്, കാൾജാങ്ക് ദാധൊസ്കായ് ദിംവ്ചെം സംഗീത് – ഹെം സഗ്ളെം ചാഫ്രാക് ആനി ചാഫ്രാക് മാത്ര് സാധ്യ്.  താണെം ആപ്ല്യാ കവിതെംനി ജാംവ്, ഹെർ സാഹിത്യ് പ്രകാരാംനി ജാംവ് വാപരല്ലെ ഭാശെചി ഗിരേസ്തകായ് കൊങ്കണിന്ത് മാത്ര് ൻഹയ് ഹെർ ഭാസാംനീംയ് വാചുങ്ക് മെൾചി കഷ്ട്.  താചി `ഹാഡ് ചെഡ്വാ ബുഡ്കുലൊ’ കവിതെൻ ഹര്യെകെ കവിഗോഷ്ടിംനി രസികാങ്ക് ധലയ്ലാം.  താചെഥാവ്ന് പ്രേരൺ ജൊഡല്ലെ കവി സഭാർ.  താച്യാ കവിതാഞ്ചി ഛാപ് ജായ്ത്യാ കവിഞ്ച്യാ കവിതെംനി ഝൾകതാ.

ചാഫ്രാച്യൊ കവിതായ് ലുമ കാളാന്ത്ല്യാ കവിതാംബരി പ്രാസാഞ്ച്യൊ.  കാംയ് ചാർ-പാഞ്ച് കവിതാ ഫ്രീ വർസാചെർ ബരയില്ല്യൊ തുകാ മെൾതിത് സൊഡ്ല്യാർ ചാഫ്രാച്യൊ കവിതാ പ്രാസാക് സൊഡുൻ രാവനാന്ത്.

ചാഫ്രാച്യൊ കവിതാ ഗാംവ്ച്യൊ. ഗാംവ്ച്യാ ഭൊംവാരാന്ത്ല്യൊ. ആപ്ല്യാച് സമാജാച്യാ സമസ്യാം ഭൊംവ്തിം രെവ്ഡല്ല്യൊ.  താച്യാ കവിതാംനി രാഷ്ട്രീയ് യാ അന്തർരാഷ്ട്രീയ് വിഷയ് ഹാതാള്ളലെ ഝൾകനാന്ത്. തൊ താച്യാ ഭൊംവ്തണിച്യാ സമാജാന്ത്ല്യൊ സമസ്യാ ആപ്ല്യാ കവിതാംനി ഹാഡ്താ. ൽഹാൻ സാൻ സംഗ്തി ഭോവ് സുക്ഷിമായെൻ പളെവ്ന് വിനോദിക് ഢംഗാൻ പേശ് കർതാ. തൊ ഉത്രാം സാംഗാതാ ഖെൾചൊ കവി.

ലുമ ഥാവ്ന് ചാഫ്രാ ദെഖ്താനാ കവിതാം ഖാതീർ വിഞ്ച്ച്യാ വിഷയാഞ്ചി ബദ്ലാവൺ ജാല്ലി ദിസ്താ. ലുമക് ധർം മൊഗാചൊ തർ, ചാഫ്രാക് ധർമാൻ വാട്ചെം തശെം വാണ്ട്ചെം വീക് ദിസ്താ. ലുമ തശെം ചാഫ്രാച്യാ കവിതാംനി ധർം പർത്യാൻ പർത്യാൻ യെതാ തരീ, സൊണ്ഡാം ഘുംവ്ഡാവ്ന് യെതാ:

തെണെ ആവയ് രഡ്താ:

ലാംവ്ച്യാക് നാ, മർതാം ഹാംവ്

ഹെണെ ബാപയ് മ്ഹൺതാ:

ദിംവ്ച്യാക് നാ ഝർതാം ഹാംവ്

മദെം ഭുർഗെം ദൊഡ്താ

ഖാംവ്ച്യാക് നാ, സർതാം ഹാംവ്

ക്രിസ്താംവ് ഹാതിം വാതി ഘെതാ

ബാവല്ലിം ചാർ ഫുലാം ഘെതാ

ആനി വാട്‍ഭർ മ്ഹണത് വെതാ

വെഗിം മരാ പുർതാം ഹാംവ്

ക്രിസ്താംവാഞ്ച്യാ, പാദ്രിഞ്ച്യാ ജിണ്യെരിതിക് സവാലാം കർചിം ജായ്തിം കവിതാ ചാഫ്രാചിം ആസാത്.

ചാഫ്രാചി `തിസ്രൊ ശകുനി’ കവിതാ വാചാ:

ആംബ്യാ മുളിം ശെത് ആശെതാ പാവ്സ് മൊടൊ

ആംബ്യാച്യാ മാത്യാർ കൊഗുൾ ഖർശെതാ പാവ്സ് ഖൊടൊ

മായാചൊ മഹിനൊ മൊരൊൻ വെതാ മൊഡ് മദെതാ

വൃഷ്ടി സൃഷ്ടിലെം ലഗൻ ജാതാ ശെൾ ഉദെതാ

കെസ് കൊവ്ളുൻ രസ്മാം ആവ്ളുൻ ഖംയ്ഗൊ വെതാ

ബദ്കാചി ചാൽ ഉദ്കാന്ത്ല്യാൻ ജാതാ കൊണാലി സുതാ

ഹാതാന്ത്ലി സത്രി ശെതാന്ത് ലക്താ വാരെം വൊൾതാനാ

ചാൽ ജെമെതാ ഗാൽ ഭിണ്ഡെതാ ധാർ ഗൾതാനാ

എക്ലെം ദ്രൌപദി, ദോഗ് ശകുനി ആസാഗൊ തിസ്രൊ

ലാഗിം ഝൊപ്ഡ്യാന്ത് ശിരാന്ധാരെന്ത് മ്ഹജൊഗൊ ആസ്രൊ

ചാഫ്രാചി `ഥെംബെ’ ആനി `ദര്യാക് ഉജൊ പെട്ലാ’ കവിതാ മാത്ര് താച്യാ ഹെർ കവിതാം പ്രാസ് വെഗ്ള്യൊ. ത്യൊ ഫിലൊസൊഫികൽ കവിതാ. ഉരല്ല്യൊ പുരായ് ഗാംവ്, ധർം-ദേവ്, താച്യാ ഭൊംവ്തണിചി സമാജ് ആനി സമസ്യാ, സംസ്കൃതി ആനി താന്തും രെവ്ഡല്ലെ വിഷയ് – ഹ്യാ സംഗ്തിംനി മാത്ര് രെവ്ഡല്ല്യൊ ദിസ്താത്.   ചാഫ്രാച്യൊ കവിതാ ലുമച്യാ കവിതാം ബരി പാരംപാരിക് കവിതാ. പ്രാസാങ്ക് ത്യൊ സൊഡ്ന് ദീനാന്ത്. ഫകത് സൃജനാത്മക് വിഷയാങ്ക് ലാഗുൻ ആനി താംണി വ്യക്ത് കർച്യാ ഭാരാക് ലാഗുൻ ത്യൊ വെഗ്ള്യൊ ദിസ്താത് സൊഡ്ല്യാർ താങ്കാം ആധുനിക് കവിതാഞ്ച്യാ മാഞ്ചിയെവയ്ല്യാൻ പളെംവ്ക് ജായ്നാ.

ചാഫ്രാച്യാ കാളാന്ത്ലെ ആനി ഹാംവെം പസന്ദ് കെല്ലെ കവി മ്ഹള്യാർ ജെബി മൊരായസ്, ആനന്ദ് വർടി, ഗൌരീശ കായ്കിണി, അരുണാ രാവ്, എക്സ് എം ഉദ്യാവർ ആനി കാവ്യദാസ്.  ജെബി ശികേർ സയ്തി ഹ്യാച് കാളാചെ കവി. താങ്കാം അകാഡെമിചി പ്രശസ്തീയ് ലാബ്ല്യാ. പുൺ  മ്ഹജ്യാ പസന്ദെച്യാ വൊള്യാഭിതർ ഹാംവ് താങ്കാം ധരുങ്ക് സകനാ. (ജെ ബി മൊരായസ്, ജെബി ശികേർ ആനി അരുണാ രാവ് മഹാരാഷ്ട്രാചെ കൊങ്കണി കവി ജാല്ല്യാൻ താഞ്ചെവിശിം ഹാംഗാസർ ചഡീത് ഉല്ലേക് കരുങ്ക് നാ).

ഗൌരീശ് കായ്കിണിചെം ‘മീനാക്ഷി’, ആനന്ദ വർടിചെം ‘അക്ഷയ് ദിവൊ’, അരുണാ രാവാചെം ‘സാക്ഷാത്കാർ’, കാവ്യദാസാചിം ‘ദേവ് ഹാസ്ലൊ’ ആനി ‘ദെണിം ദെവാചിം’, എക്സ്. എം. ഉദ്യാവരാചെം ‘ശൃദ്ധാഞ്ജലി’, ജെ. ബി. മൊരായസാചെം ‘ഭിതർലെം തൂഫാൻ’, ‘ഏക് ധേണ്ട്, ഏക് പാൻ’, ജെ.ബി. സികേരിചെം ‘കാൾജാചെ ഉമാളെ’ – മഹത്വാചിം പുസ്തകാം.

ചാഫ്രാ ച്യാ കാളാർ‍ച് ബരൊവ്ന് ആസല്ലൊ ആന്യേക്ലൊ കവി മ്ഹള്യാർ ഡൊ എഡ്വർഡ് നൊരൊൻഹാ. മൈസൂർ വിശ്വവിദ്യാനിലയാന്ത് കന്നഡ ഭാഷെചൊ തൊ പെÇ്രഫെസർ ആസല്ലൊ. കൊങ്കണിക് ആപ്ല്യാ പാണ്ഡിത്യപണാചിം ആപുർബായെചിം കവിതാം താണെം ദില്യാന്ത്. `കീർ തും മ്ഹജൊ’ താചൊ കവിതാ സംഗ്രഹ്. ഗോവിന്ദ പൈൻ കന്നഡാന്ത് ബരയില്ല്യാ ഗൊൽഗൊഥാ കവിതെചെ ഥൊഡെ അധ്യായ് താണെ കൊങ്കണിക് തർജൺ കെല്യാത്. മ്ഹാകാ ദിസ്താ കർനാടകാച്യാ കൊങ്കണി കവിതെന്ത് ആധുനിക് കവിതെചെം യെണെം താച്യാ മാരിഫാത് ജാലെം. മ്ഹജെ പ്രകാർ ചാഫ്രാ ഉപ്രാന്ത്ലൊ തൊ പ്രബുദ്ധ് കവി. പുൺ താകാ ഗർജെചെം നാംവ് മെള്ളെഞ്ച് നാ. താച്യൊ കവിതാ കൊണേംയ് അധ്യയൻ കരുങ്ക് ഘെത്ല്യൊച് നാന്ത്. കന്നഡാന്ത്‍ച് തൊ സമാധാൻ പാവ്താലൊ ജാല്ല്യാൻ കൊങ്കണിന്ത് അസലെം ഏക് നാംവ് ജൊഡിജായ് മ്ഹണുൻ താകാ ഭൊഗ്ലെംനാ ആസ്യെത്.  ഡൊ എഡ്വർഡ് നൊരൊൻഹാച്യൊ കവിതാ, കൊങ്കണി കവിതെചെം അധ്യയൻ കർതല്യാംനി ജരൂർ ശികുങ്ക് ജായ് അശെം ഹാംവ് ചിന്താം.

സാഷ്ടാംഗ് പഡല്ല്യാ മ്ഹജ്യാ കാൾജാന്ത്

പ്രഹ്ലാദാചി ഭക്ത്

കർണാൻ ദില്ല്യാ ദാനാചി

തഡ്വൊങ്ക് നാശില്ലി ഉർബാ

ത്രിന്ദാദിചെഞ്ച് ദേവ്പൺ

ദൊള്യാം മുകാർ കാനൊനിജാർ സാന്തിപെÇൺ

കാൾജാക് രെവൊഡ് ഘാല്ലെ സൾസളെ

രൊംബ്‍ല്ലെ, വാവ്ളെകട് – പാലെല്ല്യൊ വാലി

പാക്ള്യാം സമേത് ഫുലൊൻ

വെംഗെന്ത് ഉബ്ജാല്ലെം ഫെÇൾ

ബൊളാവ്ന്, ഗൊഡ്ശെം ഖാവവ്ന്, ഉസ്ക്യാർ

നിദായില്ലെം സുഖ്

ഖെൾതാം ഖെൾതാം ചുകാമുകിം –

തെൽതൊ വിലുദെചൊ ഘാഗ്രൊ

നിസർതാനാ, ദൊള്യാങ്ക് തൊപ്ലെ –

പായ് വിദ്രൂപ്, ആവ്യാ-

കൊഡാ മാതിയെചെ

കർനാടക കൊങ്കണിന്ത് ആധുനിക് കവിതെചെം യെണെം എഡ്വർഡ് നൊരൊൻഹാച്യാ കവിതാം മുഖാന്ത്ര് ജാലെം മ്ഹൺ ഹാംവെം സാംഗ്ലെം.  ഇത്ലെം സാംഗ്താനാ ആധുനിക് കവിതാ മ്ഹള്യാർ കിതെം മ്ഹള്ളെം സവാൽ ഉദെതെലെഞ്ച്.

ആധുനിക് കവിതാ ഖംയ്സർ കെദളാ സുരു ജാലി? ഹെം സവാൽ‍ച് ഗർജെചെം ൻഹയ് മ്ഹണുൻ ഭൊഗ്താ.  കിത്യാക് മ്ഹള്യാർ സാംസ്കൃതിക് പ്രകാർ എകെ ആമ്കെ താരികെർ, എകാ ആമ്ക്യാ ജാഗ്യാർ സുരു ജാതാത് മ്ഹണുൻ സാംഗ്ചെബരി നാ.  തെച് പരിം, ആധുനിക് കവിതെച്യാ ജൽമാക് എക്ലൊ മാത്ര് കവി കാരൺ മ്ഹണുൻ സാംഗ്ചെ ബരി നാ. കർനാടക കൊങ്കണിന്ത് കാംയ് എഡ്വർഡ് നൊരൊൻഹാ ഥാവ്ന് സവ്കാസ് ആധുനിക് കവിതാ ഉദെവ്ന് ആയ്ല്യാ ജാംവ്ക് പുരൊ.  തശെം മ്ഹൺതാനാ മെല്വിൻ രൊഡ്രിഗസ്, എച്ചെം പെർനാൽ, ഹാഞ്ചി ദേൺഗി കൊണേംയ് നാതല്ലി മ്ഹണുങ്ക് ജായ്നാ.

ആധുനിക് ഇംഗ്ലിഷ് കവിതെന്ത് എജ്രാപൌണ്ഡാൻ അനുവാദ് കെല്ല്യാ പ്രാചീൻ ചീനീ കവിതെചൊ പ്രഭാവ് ആസാ മ്ഹണുൻ സർവാഞ്ചി അഭിപ്രായ്.  പുൺ ചീനീ കവിം പ്രകാർ ആധുനിക് ചീനീ കവിതെന്ത് എജ്രാ പൌണ്ഡാച്യാ കവിതെഞ്ചൊ പ്രഭാവ് ആസാ മ്ഹണുൻ മാന്താത്. അശെം മൂൾ കാരൺ സൊധുൻ ഗെല്ല്യാബരി ആമി സങ്കഷ്താങ്ക് സാംപഡ്താംവ്.  അസല്യാ സങ്കഷ്ടാങ്ക് ഏക് അർഥ് ആസുങ്കയ് പുരൊ.  മ്ഹള്യാർ എജ്രാ പൌണ്ഡാൻ പുരാതൻ ചീനീ കവിതാ ആസാ തശ്യൊ അനുവാദ് കരുങ്ക് നാന്ത് ജാംവ്ക് പുരൊ, ത്യാ അനുവാദാന്ത് താചി സൃജനാത്മക് ദേൺഗി ഖൂബ് ആസല്ലി ജാംവ്ക് പുരൊ. ഹിച് ബദ്ലാവൺ കാംയ് ചിനീ കവിങ്ക് ആധുനിക് കവിതാ രച്ച്യാന്ത് പ്രേരൺ ജാല്യാ ജാംവ്ക് പുരൊ.

ഡേവിഡ് ആർകെലാൻ ബരയില്ല്യാ ഐooഞiടിg ജിoഡി ഐചിജിoഡിgue പുസ്തകാ പ്രകാർ ജർമനിച്യാ ശ്ലാംഗെൻ‍ബാദ് ജാഗ്യാർ ആധുനിക് കവിതാ പയ്ലി ജൽമലി.  ആർകെലാ പ്രകാർ ആധുനിക് കവിതെച്യാ ജൽമാക് ജൂൽസ് ലാഫെÇീർഗ് കാരൺ (1860-87).  അർകെലാചി ഹി സാംഗ്ണി ആമ്കാം വിശേസ് ദിസുങ്ക് പുരൊ.  ആപ്ല്യാ സത്താവീസ് വർസാം പ്രായെർ മരൺ പാവല്ല്യാ ഹ്യാ ഫ്രെഞ്ച് കവിൻ എലിയെട് തശെം എജ്രാ പൌണ്ഡ് തസല്യാ കവിഞ്ചെർ പ്രഭാവ് ഘാലാ മ്ഹൺ സാംഗ്ല്യാർ പാത്യെംവ്ക് കശ്ട് മാർതാത്.

ജൂൽസ് ലാഫെÇീർഗ് ജൽമല്ലൊ ഉരുഗ്വെന്ത്. ജിയെല്ലൊ ഫ്രാൻസാന്ത്.  തൊ ഗ്രാജ്യുയേട് ൻഹയ്. ഫ്രാൻസാച്യാ ന്യാഷനൽ ബിബ്ലിയോതെകാന്ത് സാംപ്രദായിക് ശികപ് ശിക്താനാ ജായ്ത്യാ വിഷയാംനി തൊ അധ്യയൻ ചലയ്താ.  തവൾച്യാ സമകാളീൻ കവിം പയ്കി വിശേസ് ഗിന്യാനാചൊ കവി മ്ഹണുൻ താകാ നാംവ് മെൾതാ തരീ കുഡിന്ത് തശെം മതിന്ത് ദെദെസ്പൊർ ജാതാ. ബയാലജി, വയ്ജകീയ്, ധർം ആനി ഫിലൊസൊപി വിഷയാഞ്ചെർ താചി ആസക്ത് വാഡ്താ ജാല്ല്ല്യാൻ ഹെ സഗ്ളെ വിഷയ് കവിതെന്ത് ഹാഡുങ്ക് തൊ പ്രേതൻ കർതാ. ലാഫെÇീർഗാച്യാ ആധുനിക് കവിതെച്യൊ സുർവെചെ സങ്കേത് ഹെ. ആപ്ല്യാ ബാവീസ് വർസാം പ്രായെർ ജർമൻ എംപ്രെസ് ആഗസ്ടാചൊ ഫ്രെഞ്ച് രീഡർ ജാവ്ന് തൊ കാം കരുങ്ക് ലാഗ്താ. നിമാണെം ലിയാ ലീ ഇംഗ്ലിഷ് ടിചെരിച്യാ മൊഗാർ പഡുൻ ഇംഗ്ലെണ്ഡാക് തൊ വെതാ.  ഥൊഡ്യാച് തെംപാൻ ലീ സാംഗാതാ പാടിം യെതാനാ ഖെവാദെചി പിഡാ ഘെവ്ന് യെതാ. ഉപ്രാന്ത് തിം ദൊഗാംയ് ചഡിത് കാൾ ജിയെനാന്ത്.

എംപ്രെസ് അഗസ്ടാക് ശ്ലാംഗെൻ‍ബാദാന്ത് രീഡർ ജാവ്ന് വാവുർതാനാ ലാഫെÇർഗാൻ ഈഷ്ട് ഗുസ്താവ് കാഹ്നാക് ഏക് പത്ര് ബരയില്ലെം.: ഹാംവ് മ്ഹജെ കവിതെച്യൊ ഹസ്ത്‍പ്തതിയൊ കരെക്ഷൻ കരീത് ആസാം.  പ്രാസ് ഘാലുങ്ക് വിസർതാം. അക്ശരാം മെജുങ്ക് മീടർ മെജുങ്ക് സല്വതാം, വൊളി രചുങ്ക്‍യ് വിസർ പഡ്താ. വൊളി മാർജിനാചെർ ആരംഭ് ജാതാത്, ഗദ്യാബരി. ആതാം ബരയില്ലെബരി വെഗ്ളെ രിതിൻ ഹാംവെം കെദളായ് കവിതാ ബരയില്ലി നാ.  – ഹിഞ്ച് ഫ്രീ വർസാചിം സുർവിലിം ലക്ഷണാം മ്ഹണുൻ ആർകെൽ സാംഗ്താ.  തശെം മ്ഹണുൻ ഫ്രീ വെർസാന്ത് താച്യാകി പയ്ലെം കൊണേംയ് കവിതാ ബരൊംവ്ക് നാന്ത് മ്ഹണുൻ ൻഹയ്. ബരയ്ല്യാത്. ആമേരികാചൊ കവി വ്ഹിടമനാൻ ആപെÇ്ല്യ ചഡാവത് കവിതാ ഫ്രീ വെർസാന്ത് ബരയ്ല്യാത്. ഫ്രെഞ്ച് കവി രിംബോൻ ഥൊഡ്യൊ കവിതാ ഫ്രീ വെർസാചെർ ബരയ്ല്യാത്. തോയ് ലാഫെÇീർഗാച്യാ കാളാന്ത്ലൊ കവി.  വ്ഹിട്‍മനാച്യൊ ജായ്ത്യൊ കവിതാ ലാഫെÇീർഗാൻ ഫ്രെഞ്ച് ഭാഷെക് അനുവാദ് കെല്യാത്, ത്യോയ് ഫ്രീ വെർസാന്ത്.  തശെം മ്ഹൺതാനാ ആധുനിക് കവിതെച്യാ ജൽമാക് ലാഫെÇീർഗാ സാംഗാതാ വ്ഹിട്‍മൻ ആനി രിംബോ സയ്ത് കാരൺ ആസാത് മ്ഹൺ ജാലെം.

ആദ്ല്യാ പാരംപാരിക് കവിതെന്ത് എകാ വിഷയാ ഭൊംവ്തണിഞ്ച് ഉത്രാഞ്ചൊ വ്ഹാളൊ ഘുംവ്ചൊ ദിസാ. കാവ്യാക് ഏക് വസ്ത് ജായ്, വിഷയ് ജായ്, തൊ വിഷയ് സൊഭിത് കരുൻ സാംഗുങ്ക് ജായ് – ഹെഞ്ച് പ്രാസാഞ്ച്യാ, പാരംപാരിക് കവിതെചെം ലക്ഷൺ.  പുൺ ആധുനിക് കവിതാ അസല്യാ ധോരണാ ഥാവ്ന് ബരയ്തല്യാക് സുട്കാ ലാഭയ്താ.  വ്ഹാൾച്യാ ഉദ്കാക് തരീ, ഗുരുത്വാകർശണാചി സകത് നിർദേശൻ ദിതാ.  പുൺ അസല്യാ ആധുനിക് കവിതെക് കൊൺ, കിതെം നിർദേശൻ ദിതാ മ്ഹള്ളെം സവാൽ സഹജ്‍പണിം ഉദെംവ്ക് പുരൊ.  സൈകൊലൊജിന്ത് മുക്ത് സംബന്ധ് യാ ജിഡിee ചിssoഛിiചിണioടി മ്ഹള്ളി കൽപനാ ആസാ. മ്ഹള്യാർ മതിക് ആപ്ലെസ്തകിം വ്ഹാളുങ്ക് സൊഡ്ചെം യാ ചിന്തുങ്ക് സൊഡ്ചെം.   ലാഫെÇീർഗാചി രീത്‍യ് അശീച്.  ഹാംഗാസർ കേന്ദ്രികരൺ ഉണെം, വികേന്ദ്രികരൺ ചഡ്. അസലെം വികേന്ദ്രികരൺ മുക്ത് സംബന്ധ് സൊധുൻ ചലുനച് ആസ്താ.

മുക്ത് ഛന്ദ് യാ ഫ്രീ വെർസ് ഫകത് ഏക് ശൈലി ൻഹയ്, തെം ഏക് ജിവിതാചെം ധോരൺ സയ്ത്.  മുക്ത് സംബന്ധ് കൊൺ സ്വീകാർ കർതാ, എകെച് ദിഷ്ടിച്യാ വൊള്യാന്ത് ദൊംഗർ തശെം തള്യാക് സാംഗാതാ ഹാഡുങ്ക് സക്താ.  ലാഫെÇീർഗാചി കവിതാ അസല്യാ ഥരാചി. ഹാംഗാസർ തൊ ഹെർ കവിന്ഥാവ്ന് ധാരാൾ ഘെതാ, തുക്ലായ്താ, ആജ് ആധുനിക് കവിതെചെ പാട്ലാവ് കർചെ ആമി, ഹെരാന്ഥാവ്ന് ധാരാൾ മാപാൻ ഉസ്ണെം ഘെതാംവ്. ലാഫെÇീർഗാച്യാ കാളാർ ഉസ്ണെം ഘെംവ്ച്യാന്ത് അപായ് ആസല്ലൊ.

കർനാടകാന്ത്ല്യാ സമകാലീൻ കവിം പയ്കി മാവ്രിസ് ഡെസാ, ഫ്രെഡ് കുമാർ, കിശൂ ബാർകൂർ, ശകുന്തലാ ആർ കിണി, ആ്യൻസി പാലഡ്കാ – ഹെ കവി/കവയിത്രി ജിം ആസാത്, തിം ആജൂൻ പാരംപാരിക് കവിതാ ശൈലി ഥാവ്ന് ഭായ്ര് യേംവ്ക് നാന്ത്. വിഷയ് വിഞ്ചവ്ണെചെ ദിഷ്ടിൻ താഞ്ച്യൊ കവിതാ ഉഞ്ച്ല്യാ പാംവ്ഡ്യാർ രാവ്താത്.

മാവ്രിസ് ഡെസാൻ സുർവാതിച്യാ കാളാർ പ്രാസാഞ്ച്യൊ കവിതാ ബരയ്ല്യൊ തരീ, മനോഹർ രായ് സർദേസായിൻ ബരയില്ല്യാ ഥികാം ബരി – ജാങ്കാം ഥികാം മ്ഹണുൻ ബാകിബാബ് ബോർകരാൻ സാംഗ്ലാം – ജായ്ത്യൊ കവിതാ ബരയ്ല്യാത്. കാംയ് ഥൊഡിം ഹാംഗാ ദിതാം:

പായ് നിസ്രത്

പഡ്ല്യാരി ഉട്ശി

ജീബ് നിസ്രത്

ഉടല്ലെ തിത്ലൊ പഡ്ശി

ദുബ്ള്യാക് കിതേംയ് ജിർതാ

പുൺ മെളനാ

ഗ്രേസ്താക് കിതേംയ് മെൾതാ

പുൺ ജിരനാ

വൊണ്ടാർ ആസ്താം ഫെÇഡ്

ഉമൊ ലാഗ്താ ഗോഡ്

മാവ്രിസ് ഡെസാൻ കാംയ് ആപുർബായെച്യൊ കവിതാ ബരയ്ല്യാത്. ദോൻ കവിതെചിം പുസ്തകാം താചിം പർഗട് ജാല്യാന്ത്. തരീ പാട്ല്യാ ഥൊഡ്യാ വർസാം ഥാവ്ന് താണെം ബരൊംവ്ചെഞ്ച് രാവയ്ലാം മ്ഹള്ളി ദുഖാചി ഗജാൽ.

വിഷയാഞ്ചെ വിഞ്ചവ്ണെന്ത് ആ്യൻസി പാലഡ്കാ, കിശൂ ബാർകൂർ തശെം ഫ്രെഡ് കുമാർ ഹാഞ്ച്യൊ കവിതാ ഉഞ്ചായെച്യാ പാംവ്ഡ്യാർ ആസാത് തരീ, ആജൂൻ താംണി പ്രാസാഞ്ചൊ സാംഗാത് സൊഡുങ്ക് നാ.

ആ്യൻസി പാലഡ്കാ ആജ് കാൽ ചഡിത് കരുൻ ഭുർഗ്യാം ഖാതീർ കവിതാ ബരൊംവ്ച്യാന്ത്‍ച് ധ്യാൻ ദീംവ്ക് ലാഗ്ലാ. ഫ്രെഡ് കുമാർ ആമേരികാന്ത് വസ്തി കരുങ്ക് ലാഗ്ലാ ഉപ്രാന്ത് താചി കവിതാ അർധ്യാർ ഥാംബ്ല്യാ. കിശൂ ബാർകൂർ കവിതാ സൊഡുൻ നവലികാ തെവ്ശിം ധ്യാൻ ദിതേ ആസാ ആനി ത്യാ ശെതാന്ത് തൊ ബള്വന്ത് ദിസ്താ.

കമ്യുനിസം പ്രത്യേക് കരുൻ ലെനിൻ‍വാദ് കവിതെന്ത് ധാരാൾ വ്ഹാളയില്ലൊ കവി വിത്തി ബെംഗ്ളുർ. താച്യാ കവിതാങ്ക് `താംബ്ഡ്യൊ കവിതാ’ച് മ്ഹണുൻ നാംവ്. രാജകീയ് ഫുഡാരി, ധാർമിക് ഫുഡാരിങ്ക് ധരുൻ ജി ആമ്ചി സാമാജിക്, ധാർമിക് വ്യവസ്ഥാ ആസാ, താഞ്ചെർ സവാലാം കർചിം താചിം ധാരാൾ കവിതാ ആസാത്. തരീ താചെം പുസ്തക് ആജൂൻ പർഗട് ജാംവ്ക് നാ.

കർനാടക കൊങ്കണി കവിതാ ശെതാന്ത് ആധുനിക് കവിതെചെം യെണെം ജാല്ലെം എഡ്വർഡ് നൊരൊൻഹാ ഥാവ്ന് തരീ താന്തും തൊ എക്ലൊ എക്സുരൊ ൻഹയ്. കർനാടക് കൊങ്കണിന്ത്ല്യാ ആധുനിക് കവിതെച്യാ സർവാംഗ് വാഡാവളിക് മെല്വിൻ രൊഡ്രിഗസ് തശെം എച്ചെം പെർനാൾ കാരൺ മ്ഹള്യാർ ചൂക് ജായ്ശിനാ. ഹ്യാ ദൊഗാംനി പാട്ല്യാ ധാ വർസാംനി കെല്ലെ പ്രയോഗ് കൊങ്കണി കവിതെക് ആജ് നവി ഏക് ദിശാ ദീംവ്ക് പാവ്ല്യാ. താഞ്ചെഥാവ്ന് ഉമെദ് ഘെവ്ന് ജായ്ത്യാ യുവ ബരൊവ്പ്യാംനി അസലി വാട് താഞ്ചി കർൻ ഘെത്ല്യാ. ആധുനിക് മ്ഹൺതാനാ ഫകത് രുപാന്ത് മാത്ര് ൻഹയ്, വിഷയാംനി സയ്തി വിശേസ് ബദ്ലാവൺ ജാല്ലി ഝൾകതാ.

രാജകീയ് വിശയ്:

മെല്വിൻ രൊഡ്രിഗസാൻ രാഷ്ട്രീയ് തശെം അന്തരാഷ്ട്രീയ് രാജകീ ഗജാലിഞ്ചെർ ജായ്ത്യൊ കവിതാ ബരയ്ല്യാത്.  താച്യാ `ഝുജ്’ കവിതെചെർ `സാഹിത്യ ആനി വിമർസൊ’ പുസ്തകാന്ത് സ്ടീവൻ ക്വാഡ്രസാൻ ചാർ പാനാഞ്ചൊ ലാംബ്-ദീഗ് വിമർസൊ ബരയ്ലാ. തി കവിതാ അശി ആസാ:

ഝുജ്

വാജപേയി ആനി ആഡ്വാണിച്യാ കദെലാഞ്ചൊ

ഏക് പായ്

ആപ്ല്യാ ഉത്രാംനി മൊഡുൻ

മുശാർരഫാചെ മിലിടരി ഫവ്ജെചി

തോഖ്ണായ്

കർതാം, ഭാരതാക് ബെണ്ഡുൻ

ധാവ്യാ ഹാതാൻ ഖാഡ്കി ഉക്ലുൻ

ഉജ്വ്യാ ഹാതാൻ വാകൊർ ധരുൻ

ഹൊ പാകിസ്താനി കെൽസി

മ്ഹജ്യാ ഗള്യാലാഗ്ചെം ഖാഡ് കാഡ്താ!

പാകിസ്താനി സൊജെരാഞ്ച്യാ ഹാതാന്ത്

സാംപ്ഡാല്ല്യാ

ഭാരതീയ് സൊജെരാചി കാംപ്

മ്ഹജ്യാ ശിരാംനി

ഖിണാക് സൊജെരാചൊ ആവ്താർ ജാവ്ന്

ഗളൊ കാപിത് കൊണ്ണാ

മ്ഹള്ളി ഭിരാന്ത്!

രാത് ഇക്രാങ്ക് തെങ്ക്ല്യാ

സെലുനാന്ത്

ആമ്ച്യാ ദൊഗാംവിണെം തിസ്രൊ നാ

ദാവൊ ദൊളൊ തിർസൊ കരുൻ

സെലുനാന്ത്ല്യാ ആർശാഭായ്ര്

ജനെരാച്യാ ഹിംവാന്ത്ലൊ

നിദൊങ്ക് ഗെല്ലൊ, ദുബായാന്ത്ലൊ

മാരൊഗ് ദെഖ്താനാ

കാർഗിൽ ദൊംഗ്രാവയ്ല്യാ കുൽകുല്യാന്ത്‍യ്

ഝുജ്‍ല്ല്യാ സൊജെരാംബരി

ഗൊമ്ട്യാച്യൊ കാതി

വാകൊരാചെ ധാരിംലാഗിം

ഝുജ്താത് ഭൊഗ്താ

ഹാംവ് `മൽബാരി’ യാ ‘മദ്രാസി’

തൊ വിചാർതാ:

`മംഗ്ളുരി’ മ്ഹജി ജാപ്

`ആമ്ചിം മിസ്സായ്ലാം ആതാം

വയ്ർഥാവ്ന് സകയ്ല്‍പാസൂൻ

തുമ്ച്യാ കേരളാചിം സയ്ത് ഖിമാം

കർചെ താക്തെചിം’

തൊ മ്ഹജെ ഗൊമ്ടെചി കാത്

വോഡ്ന് ധർൻ ഉർല്ലിം ഖാഡാചിം

ഥൊഡിം മുൾകാടാം ഖർവടായ്താ

`സഗ്ളെം കാശ്മീർ ആമ്ചെം

ഹൊ കണ്ട്രോലാചൊ ഗീട് വൊഡ്ലാ ദെകുൻ

ആകാന്ത്‍വാദാചെം പീട്

ഫുഗനാസ്താം രാവ്താ?’

മധെം മധെം ഉർദുന്ത്

ഗാളി ദീവ്ന് ആസ്‍ല്ലൊ കെൽസി, എകാനേക്

`ബുൽ‍ശിട്’ മ്ഹണൊൻ

ദാർ ഉഗ്ദൊൻ ഭായ്ര് ഥിംപി ഥുക്താ

ഓൽദ് സ്പായ്സാചെ ഥൊഡെ ഥെംബെ

മ്ഹജ്യാ ഗാലാഞ്ചെർ പുസ്താനാ

ജാംവ്ച്യാ ഹുലൊപാൻ

ലാഹോർ സൊല്ല്യാചിം കൊസാൾ‍ല്ലിം രുപാം

മ്ഹജ്യാ ദൊള്യാം സാമ്കാർ കുപാം

ജാവ്ന് മാണ്ഡ്താത്

`ആമി ബോർഡരാവയ്ലെ മനീസ്

ഇണ്ഡിയാച്യാ ഗുള്യാങ്ക്

ആമ്ചെ സംബന്ധ് തുട്താത്

കാൾജാം ഫാൾതാത്

ആനി കുട്മാം കൊസാൾതാത്

തരി ആമി

ഭിയാൻ നിദനാംവ്

ആമി രഗ്താന്ത് ൻഹാതാംവ്

ആനി ഹര്യെകാ മൻശാസംബന്ധാഞ്ച്യാ മധേംയ്

എകെ ബൊന്ദുകെക് ജാഗൊ ദിതാംവ്!

മ്ഹജ്യാ സാത് വർസാഞ്ച്യാ

ഫാതിമാചൊ അത്മൊ

ബോർഡരാചെർ പാസായൊ മാർതാ

ആനി ആമ്ചെകുശിം ഉസാൾച്യാ

ഗുളിയാഞ്ചി ദിശാ ബദ്ലിതാ..

തശെം ആമി

ഭിരാന്തെവിണെം ഭൊംവ്താംവ്’

മ്ഹജ്യാ ഗാലാഞ്ചെർ

നീവിയാ ക്രീം മാഖ്താനാ

താച്യാ തളാതാഭിതർ

കാംപ്ച്യാ ശിരാഞ്ചൊ ശിർശിരൊ

മ്ഹജ്യാ ഗാലാഞ്ചെ കാതിവയ്ല്യാൻ

ചരൊൻ കാൾജാക് കസ്കസായ്താ

ഹാംവ് ഉട്താം

ആനി ഹർശെഞ്ച്യാക്‍യ് പാഞ്ച് ധിരാം

ചഡ്തിക് ബക്സിസ് ദിതാനാ

`ശുക്രിയാ സാഹീബ്

ബഡി മെഹർബാനി ആപ്‍കി’

തൊ മ്ഹൺതാ ആനി ഭായ്ര് വെച്യാക്

ദാർ ഉഗ്തെം കർതാ

കാളൊകാന്ത്ല്യാ ദുബായാന്ത്ല്യാ രസ്ത്യാർ

ചലൊൻ വെതാനാ

മ്ഹജ്യാ ഗാലാങ്ക് ആപഡ്താം

സകഡ് സാഫ് സഫായ് ജാലാം

മ്ഹള്ള്യാചി ഖാത്രി കർചെ ആദിം

രസ്ത്യാബഗ്ലെച്യാ രുകാചെർ

സൊജെരാഞ്ചെ കൊണ്ണാ

ദോൻ അത്മെ

കിഡ്കിഡ്ചെ ആയ്കതാത്

മ്ഹജെ മതിന്ത് നവ്യാൻ

ഏക് ഝുജ് സുരു ജാതാ

ആകേർ നാത്‍ല്ലെം ഝുജ്!

മെല്വിൻ രൊഡ്രിഗസ്

ജുലായ് 31, 2002

സംയുക്ത് അരബ് എമിരെതാന്ത് മെല്വിൻ രൊഡ്രിഗസ് കാംയ് പന്ദ്രാ വർസാം രാബിതൊ കർൻ ആസല്ലൊ. താകാ ഥംയ്ചെം രാജകീയ് മ്ഹണ്യാം, ശേക്‍ഡമാചെം രാജകീ ബരെം കളിത് ആസാ.  ഭാരത്, പാകിസ്താൻ, ആമേരിക, രുശിയാ, ഇംഗ്ലെണ്ഡ് തശെം ഹെർ രാഷ്ട്രാഞ്ച്യാ പ്രഭാവാൻ എമിരെത് ഗാംവ് കസൊ ചഡ്പഡുൻ ആസാ മ്ഹള്ളെവിശിം താണെ ബരയില്ലി കവിതാ `രെംവെചെ കൺ’ വാചാ:

രെംവെചെ കൺ

ഹെ കൺ രെംവെചെ

സുകെ സുകെ സുടെ സുടെ

ആയ്ലൊ വാരൊ, ചുക്ലൊ ഥാരൊ

സുരു ജാലെ ആടെവിടെ

ഏക് കൺ അന്ത്രളാചെർ

ഏക് കൺ ധർതെകൊണ്ഡാ

ഏക് കൺ ദര്യാവൊർലാന്ത്

കൊൺ ധാംവ്താ മെളൊങ്ക് മിണ്ഡാ

പാവ്സാ ഭിജ്ലൊ വൊതാ സുക്ലൊ

ലിസാംവ് ആജൂൻ ശിക്ലൊനാ

എക്താരാഞ്ച്യെ മെളിന്ത് കെദിം

മായാമൊഗാൻ ഠിക്ലൊനാ

ആമെരികി വാരെം ജാല്യാർ

ഗിർ‍ഗിർ ഗിർഗിരായ്താ

ഖംയ്ച്യാൻ ഉബ്ചെം ഖംയ്ച്യാൻ പഡ്ചെം

ഖിണാഖിണാക് ഥർഥരായ്താ

ത്യായി ഹവ്യാന്ത് ആസ്താം ഉജൊ

ദുസ്മാൻ രായ് സുധാമാചൊ

മാത്യാർ മൊചെ സൊജെരാഞ്ചെ

ഖിമാം കർതാത് താഞ്ചൊ ഭെജൊ

ബ്രിടനാചെം വാരെം ജാല്യാർ

കാളീജ് ഭരൊൻ വൊമ്താലെം

തെലാഥെംബെ പിളുൻ പിതാം

ധർതെക് പർത്യാൻ ശെവ്ടാലെ

ഇണ്ഡിയാചെം വാരെം തർ

‘അണ്ഡർ‍വൽദ്’ കർകരെ

ദുഷ്ടാ ദാവിദാക് ലാഗൊൻ

ആയ്കൊങ്ക് പഡ്താത് പുർപുരെ

രുശിയാചെം വാരെം മാർല്യാർ

കുലൊ മണിയെർ ഉരനാ

ഥാനാം ധനാം കണാ മനാം

ഥാർല്യാകഡെ ഥാരനാ

ജരി വ്ഹാൾതിത് വാര്യാശിരൊ

പാകിസ്താനി ധർതെച്യൊ

മുശ്-ഭുട്ടൊ-ശരീഫ് ഘൊഡ്യാം

ലാളി രൊംബ്തിത് മസ്തെച്യൊ

ഹെ കൺ രെംവെചെ

സുകെ സുകെ, എക്ടെ സുടെ

ആയ്ല്യാർ വാരൊ, ചുക്താ ഥാരൊ

ബുരാക് പഡ്തിത് അൻകിടെ

മെല്വിൻ രൊഡ്രിഗസ്

എപ്രിൽ 1, 2003

മെല്വിനാൻ മാത്ര് ൻഹയ് രൊബർട് ഫെർനാണ്ഡിസ് ആനി ആ്യണ്ഡ്ര്യൂ ഡികുൻഹാ തസല്യാ കവിംനി സയ്ത് അന്തരാഷ്ട്രീയ് രാജകീ ഗജാലി ആപ്ല്യാ കവിതാംനി ഹാഡ്ല്യാത്. രൊബർട് ഫെർനാണ്ഡിസാചി `ഹി കസ്ലി ജീക്?’ കവിതാ ഇസ്രായെൽ-ലെബനാൻ ഝുജ് രാവ്ല്യാ ഉപ്രാന്ത് മരൺ പാവല്ല്യാങ്ക് സാമൂഹിക് മർണാ സംസ്കാർ മാണ്ഡുൻ ഹാഡല്ല്യാ സന്ദർഭാർ ഉദെവ്ന് ആയ്ല്യാ:

ആക്രേക് തരീ ഝുജ് സംപ്ലെം

ആജ് മെല്ല്യാങ്ക് പുർചൊ ദീസ്

സർവാംനി മെളൊൻ ആമ്ച്യാ നിർജീവ് കുഡിങ്ക്

ലാഗിം ലാഗിം ൽഹാൻ ൽഹാൻ ഫെÇണ്ഡാംനി ധാംപ്ലെം

ഒലിവ് രുകാ സാവ്ളെന്ത് സാംഗാതാ മെളൊൻ

ആപാലിപാ ഖെളൊൻ ഖർചില്ലെ തെ ദീസ്

ജാത് കാത് ലെകിനാസ്താം എകാമെകാ

സംഗിം വാണ്ടുൻ ജെവല്ലെ തെ ദീസ് ഗെലെ സരൊൻ

മാഗ്ദാ, മരിയം, മനാൽ, ഹബീബ്

ജൈനാബ്, ജാക്കെവ്, ജാഫർ, ലബീബ്

ആമ്ചി ഇഷ്ടാഗത് ഇത്ലീയ് ഖരി കി

മർണാന്തയ് ആമി ഏക് ജാല്യാംവ്

`ധുളി ഥാവ്ന് ആയില്ലിം ധുളിക് പാടിം’

ആഗ്മെന്താചെ ചാർ ഥെംബെ മുസ്കരാർ പഡ്താനാ

`ലാ ഇലാഹി ഇല്ലല്ലാ’ ഥൊഡെ ഉദ്ഗാർതാനാ

പയ്ശില്യാൻ ഥാവ്ന് ഏക് ബളാധിക് ബൊബാട്

കാനാർ ആമ്ച്യാ പഡത് ആസ്ലി

`ആമി ജിക്ല്യാംവ്, ആമി ജിക്ല്യാംവ്’

ആമ്ച്യാ മർണാന്ത് ഹാഞ്ചി ജീക്?

സമ്ജനാ, ഹി കസ്ലി ജീക്?

ആ്യണ്ഡ്ര്യു ഡികുൻഹാചി കവിതാ ഏക് ഇസ്രായെൽ-പാലെസ്തീൻ ഝുജാചെ പാട്‍ഭുംയ്ചെർ ബരയില്ലി ആസാ. ഹജാരോം വർസാം ഥാവ്ന് ലജ് ധാംപുങ്ക് വാപരല്ല്യാ ‘ആഞ്ജുരാചെം പാൻ’ രൂപകാചെം ബൾ ഖിണാൻ നാസ് കർചെ കവിതെച്യൊ ഥൊഡ്യൊ വൊളി അശ്യൊ ആസാത്:

ഗർജ് പഡ്ലെം പയ്ല്യാ മൻശാങ്ക്

ലജ് ധാംപുങ്ക്

ആഞ്ജുരാചെം പാൻ.

കിത്ലെം ധാംപ്ല്യാരീ

പർത്യാൻ പർത്യാൻ ഉഗ്തെം ജാലെം

പാതൾ പിഞ്ജ്കർ ജാവ്നച് ഗെലെം

ഫാസ്ളൊൻ നിസ്രൊൻ വിസ്രൊൻ ഗെലെം.

ആജ് കസലി ലജ്?

ജിണിച് നാഗ്ഡി ധാംപ്തെലെം കിതെം

ആഞ്ജുരാചെം പാൻ?

കർപതലെം പാൻ പയ്ലെം

മനിസ് നിമാണെം

മൻശാകൂൾ സംപ്താനാ

മെൾചെംനാ ധാംപുങ്ക്

ആഞ്ജുരാചെം പാൻ!

മെല്വിൻ രൊഡ്രിഗസ് ആപ്ല്യാ `ബൂസാ’ കവിതെന്ത്ല്യാൻ സംവ്സാരാന്ത്ലെ മ്ഹാശക്തിചൊ മുഖെലി ബുശാചെർ തീർ ജൊക്താ. ത്യാച്യാ പുസ്തകാക് പ്രസ്താവൻ ബരയില്ല്യാ പുണ്ഡലീക് നായ്കാൻ സാംഗ്ചെബരി ബുശാമുഖാർ ശരണാഗതി സ്വീകാരൂൻ നാച്പ്യാഞ്ചിം തൊ ഖെബ്ഡാം കർതാ.  ആമെരികെൻ ചലയില്ല്യാ ശോഷണാചെം, മാർ‍പെടാചെം, ആകാന്ത്‍വാദാചെം വർണൻ കരുൻ കവി മ്ഹൺതാ, ആമേരികാ ആമ്കാം ഫടയ്താ, നാഡ്താ, പിഡ്താ, കുസയ്താ കാരൺ –

ബൂസാ ബൂസാ ബൂസാ ബൂസാ

ആമെരികി ബൂസാ

താഞ്ചെലാഗിം ദേവ് ശീദാ

സംപർക് ദവർൻ ആസാ

ഏക് ഭയാങ്കൃത് പൂൻ വാസ്തവ് അശെ തരെചെം ഹെം സത് കവി പ്രഗട് കർതാ. ഹെ കവിതെന്ത് ഫകത് ആമേരികെചി മുജോർ‍ശാഹിച് പ്രഗട് ജായ്നാ തർ, ദെവാച്യാ അസ്ഥിത്വാചോയ് പ്രശ്ന് ഉപ്രാസ്താ.

ആമെരികാൻ അപ്ഘാനിസ്താനാചെർ ദാഢ് ഘാല്ല്യാ സന്ദർഭാചെർ ബരയില്ലി `നശിബാചി ഭുക്’ തശെം ആമെരികാന്ത്ലെം എംപായർ ബിൽഡിംഗ് നാസ് കെല്ല്യാ പാട്‍ഭുംയ്ചെർ ലിഖ്‍ല്ലി `കൊസാൾ‍ല്ലിം ബുരുജാം’ കവിതായ് മെല്വിനാൻ ലിഖ്ല്യാത്.

മ്ഹൺതാനാ ആമ്ചെ കവി, ഫകത് ആപ്ല്യാ ഗാംവാ ഭൊംവ്തിം പാസായൊ മാരുൻ നാന്ത്. തെ ഗഡി ഉത്രുൻ, വൊംയൊം ഉത്രുൻ സംസാർ‍ഭർ ഭൊംവുൻ ആസാത്.  താംണി താഞ്ച്യാ കവിതാംനി ഹാതാൾച്യാ വിഷയാങ്ക് മേർ നാ ജാല്യാ. സംസാരാച്യാ കെദ്യാ വ്ഹഡ് വ്യക്തിക്‍യ് സവാൽ കരുങ്ക് തെ പാടിം സരനാന്ത്. ഫകത് ഭാരതീയാഞ്ച്യാ കാൾജാഞ്ചെ മാത്ര് ൻഹയ്, സംസാരാന്ത്ല്യാ ഹര്യെകാ നാഗരികാഞ്ചെ ഹാൽ താകാ കൾതാത്.

വിദേശി കവി ആനി കൊങ്കണി കവിതാ:

വിൽസൻ കടീൽ ഹൊ തർനൊ കവി, ഉദെതൊ കവി. പ്രാസാഞ്ചെർ തൊ ചഡിത് ബരയ്നാ. വിദേശി കവിങ്ക് ചഡിത് തൊ വാച്താ. തമീൾ ഭാസ് തൊ ബരൊ ജാണാ ജാല്ല്യാൻ താന്ത്ലെം സാഹിത്യ്, കവിതാ തൊ ചഡ് വാചുൻ ആസാ. ആപ്ല്യാ കവിതാംനി തൊ ശീദാ, ഉഗ്തെം, ഭിരാന്ത് നാസ്താം, ലജ് നാസ്താം ഉലയ്താ. വിൽസൻ കടീലച്യാ ആനി എച്ചെം പെർനാലാച്യാ കവിതാംനി സില്വിയാ പ്ലാത്, ബൊദിലേർ തശെം പാബ്ലൊ നെരുഡാ തസല്യാ കവിഞ്ചൊ പ്രഭാവ് പഡല്ലൊ ഝൾകതാ. എച്ചെമ്മാചി ഏക് കവിതാ അശി:

സില്വിയാ….

വാചുൻ തുകാ സില്വിയാ …

സബ്ദ് മ്ഹജെ മൊനെ ജാലെ

മൊർനാ മുകാർ തുജ്യാ മ്ഹജി

ജിണി ഏക് മിസ്തെർ ജാലി

വാചുൻ തുകാ സില്വിയാ …

ആവാജ് മ്ഹജെ സ്തബ്ദ് ജാലെ

ജിണ്യെ മുകാർ തുജ്യാ മ്ഹജി

കവിതാ ഏക് സവാൽ ജാലി

വാചുൻ തുകാ സില്വിയാ …

ഭുർഗിം മ്ഹജിം അനാഥ് ജാലിം

കവിതെ മുകാർ തുജ്യാ മ്ഹജി

മൊഗാശിർ തുടൊൻ ഗെലി

ആതാം …

അൻ‍വൊൾകി ഹ്യായി ഗാംവാന്ത്

മൊർനാന്ത് തുജ്യാ മിസ്തെർ സൊധ്താം

കവിതെന്ത് സവാലാചി ജാപ്

ആനി ജിണ്യെന്ത് മൊഗാചി ശിർ

തുകാ മെളനാത്‍ല്ലി … ?

-എച്ചെം, പെർനാൾ

വിൽസൻ കടീലാചി ഏക് കവിതാ ആയ്കാ ജി സില്വിയാ പ്ലാതാചെർ ബരയില്ലി:

സില്വിയാ- തുകാ വാചുൻ

“ഹാംവെം ജെന്നാ ആസ്ഡ്യൊ വൊഡ്ല്യൊ

സംസാർ സഗ്ളൊ മരൊൻ പഡ്ലൊ”

ആദ്ല്യാ ട്രങ്കാചെം ദാർ ഉഗഡുൻ

തിൾചി മാജ്വല്ലി തസ്വീർ,

കാള്യാ ധവ്യാ ദൊള്യാംനി ലെഗൂൻ

ഫുലൊൻ യെംവ്ചെം വോഡ്ത്

പർനെ ഡൈരിച്യാ പാനാം ഇഡ്യാന്ത്

പിഞ്ജുൻ ദവർ‍ല്ലെം പത്ര്,

ഉത്രാൻ ഉതർ ഗഡ്ശിതാം ദിസ്ചി

നവ്യാ അർഥാചി വോൾ

ഹെം പൂരാ… പൂരാ സാണ്ഡുൻ

പയ്സ് ഖംയ്‍ഗീ യാശെം ഭൊഗ്താ

സപ്ണാം പഡനാത്ല്യാ ഗാംവാക്

പഡ്ല്യാരീ

യാദ് ഉരനാത്ല്യാ ഗാംവാക്

പിഡേസ്ത് തുജെം കാവ്യെം വാചുൻ‍ഗൊ

സില്വിയാ, മ്ഹജ്യാ

സിമിസ്ത്രെന്ത്ല്യാ എകെ വൊളിക്

ജീവ് ആയ്ലാ

കാൽ രാതിം ഖട്ല്യാർ ജൊഡ്‍ല്ലൊ

ഗുപിത് വൊഡ്നെചൊ അൻഭോഗ്,

മൊഡ്കർ മെജാർ ഹാന്തുൾൻ ദവർ‍ല്ലെം

അർധെം ഗിച്ചില്ലെം പാൻ

കശെം ലിക്ല്യാരീ തൃപ്തി മെളനാസ്താം

മാർ‍ല്ലി `എക്സ്’ കുർഹു,

ത്യായ് വയ്ര് വൊമ്തൊ നിദ്‍ല്ലൊ

അർധൊ വാച്‍ല്ലൊ ബൂക്

ഹെം പൂരാ… പൂരാ സാണ്ഡുൻ

പയ്സ് ഖംയ്‍ഗീ യാശെം ഭൊഗ്താ

കാവ്യെം ഉദെനാത്ല്യാ ഗാംവാക്

ഉദെല്യാരീ

കവി ബുഡനാത്ല്യാ ഗാംവാക്

മർണാചൊ തുജ്യാ അർഥ് സൊധുൻ‍ഗൊ

സില്വിയാ, മ്ഹജ്യാ

കവിതെന്ത്ലെ ഥൊഡെ സബ്ദ്

പിശെ ജാല്യാത്.

– വിൽസൻ, കടീൽ

(ആമേരികാചി ഇംഗ്ലിഷ് കവയിത്രി സില്വിയാ പ്ലാതാചൊ ഉഡാസ് കാഡുൻ)

തർനെ കവി മൊഗാച്യൊ കവിതാ ബരയ്താനാ താഞ്ചൊ മോഗ് പാളാം രൊംബയില്ലൊ ആസനാ.  വിൽസൻ കടീൽ തസല്യാ എകാ വർഗാന്ത്ലൊ ൻഹയ്. ഇത്ലെ തർനെ പ്രായെർ താചൊ മോഗ് ബോദിലേരാചെ ജിണിയെഥാവ്ന് ത്രാൺ ജൊഡ്താ ജാല്യാർ ഹെ കവിചെ താക്തെചെം ഥൊരും കിത്ലെം ബളാധിക് തെം ജാണാ ജാവ്യെത്.  കൊങ്കണി പത്രാംനി മെല്വിനാച്യാ, എച്ചെമ്മാച്യാ ഗള്യാക് ഫുലാം ഘാൽചിം സൊഡുൻ വിൽസനാച്യാ, എരിക് സോൻസാച്യാ, ദിനേശാച്യാ ഗള്യാക് ഘാലിം ജാല്യാർ കൊങ്കണി കവിതാ വെഗിഞ്ച് ഫുൽതലി മ്ഹൺച്യാക് ദുഭാവ് നാ.

ഫ്രെഞ്ച് കവി ബോദിലേർ (1821-1867) പയ്ലൊ നവ്യ കവി.  `ജിണി അർധി ഉരല്ലി സിഗ്രെട്’ മ്ഹള്ളൊ തൊ, ജിയെല്ലൊ അർധിച് ജീൺ.  തേംയ് ശിരാപ് പഡ്‍ല്ലെബരിച്.  ത്യാ കാളാർ കാവ്യാക് അസ്പഷ്ട് ജാവ്ന് ആസ്‍ല്ലിം വേശ്യാ, സിഗ്രെട്, ജുഗാർ ഹ്യാ സർവ് വ്യസനാങ്ക് കവിതെചെ ആൽതാരിർ ചഡയില്ലൊ കവി തൊ.  ഹ്യാ സംസാരാന്ത് ദേവ് ആസാ തർ ഫുലാഞ്ച്യാ പർമളാന്ത്, വേശ്യാഞ്ചെ ചഞ്ചലന്തെന്ത് ആനി ജുഗാർ ഖെളാന്ത് -അശെം വ്യാഖ്യാൻ ദില്ലല്യാ താചൊ പയ്ലൊ കവിതാ പുഞ്ജൊ `ലേ ഫ്ലൂർ ദു മാൽ’ (യെമ്കൊണ്ഡാന്ത്ലിം ഫുലാം) ബുകാക് വിമർശകാംനി ആനി സർകാരാൻ ഭാരിച് വിരോധ് ദാകവ്ന്, താകാ സത്ത്യാനാസ് കെല്ലൊ. താച്യാ പ്രഭാവാൻ വിൽസനാൻ ബരയില്ലി കവിതാ വാച്യാം:

ബിഡിയെച്യാ ചെഡ്വാക്

തുജ്യാ പാല്വാ സുതാങ്ക്-ഗൊ

പർമൾ ബിഡിയെ ഖൊല്യാഞ്ചൊ

ഹാത് ചരയ്താനാ വൊണ്ടാർ പെട്താ –

താൻ ഉജൊ പിയെംവ്ചി

തുജെ രാന്ദ്ണിന്ത് ഫാന്തെം ജൾച്യാക്

മ്ഹജെ സന്തതെൻ ഝരയില്ല്യൊ

കാഡിയാം-തക്ല്യൊ കിത്ല്യൊ ജാതിത്!

ബോദിലെരാചെ കുളിയെചൊ-ഗൊ ഹാംവ്

ബൊടാം ഫാപുഡ്താനാ ഝഡ്താ ഗൊബൊർ

ലാസൊൻ വെചെ ജിണിയെചൊ.

-വിൽസൻ കടീൽ

ആയ്ച്യാ കൊങ്കണി കവിതെംനി സാങ്കേതികതാ ധാരാൾ മാപാൻ ഝൾകതാ.  എച്ചെമ്മാചി `ജനെൽ’ കവിതാ ഘെവ്യാം:

ജനെൽ

ഘർചെം ജനെൽ ദാരാ തെദെം

വ്ഹഡ് കാംയ് നയ്, പൂൺ . . .

ദാരാന്ത്ല്യാൻ പളെംവ്ക് ജായ്നാത്ലെം

ജനെലാന്ത്ല്യാൻ മാത് പളെവ്യെത്

ദാരാന്ത്ല്യാൻ യേംവ്ക് ജായ്നാത്ല്യാൻ

ജനെലാന്ത്ല്യാൻ ഭിതർ രിഗ്‍യെത്

ദാർ സയ്ര്യാഞ്ചെം , ജനെൽ ചൊരാഞ്ചെം

തർ‍ഇ ദാരാർ ചാബ്കൊർ സുണെം

ജനെലാർ സൊഭിത് മാജാർ

ദാർ ഘൊവാചെം

ജനെൽ പ്രേമിചെം

ദേകുൻ മിസ്താ –

എകാ ഘരാക് ദാർ ഏക്

ജനെലാം മാത് സബാർ.

`ജനെൽ’ കവിതാ ആജ് ദേശാന്ത് വിസ്താരുൻ യെംവ്ച്യാ കോമുവാദാച്യാ ഗ്ലാമരാചെം ദർശൻ ദിതാ. ഹി കവിതാ വാച്താനാ സാദി ഭൊഗുങ്ക് പുരൊ, പൂൺ ഹാന്തും ബാരീകായെൻ പാർകില്യാർ വെഗ്ളെ അർഥ് മെൾടാത്. ഹ്യെ കവിതെന്ത് യെംവ്ചെം ഘർ ആമ്ചൊ ദേശ്, ബായ്ല് ഹ്യാ ദേശാചി പർജാ. ദാർ അസ്കത് വാ നഗണ്യ് ജാവ്ന് യെംവ്ചി സെകുലാർ സുവാത് തർ ജനെൽ സുംർഗാരുൻ യെംവ്ചൊ കോമുവാദ്. ഹ്യെ കവിതെന്ത് യെംവ്ചെ ഹെർ സങ്കേത് ഘൊവ് ആനി പ്രേമി ക്രമാൻ, അസഹായക് സെകുലാർ ചിന്തപ് ആനി അനയ്തിക് മൂൾ‍ഭൂത്‍വാദി സക്ത്യൊ. ചാബ്കൊർ സുണെം, രാജകീ പാഡ്ത്യൊ ജെ ഘൊങ്ക്താത് മാത് ആനി സൊഭീത് മാജാർ മീഡിയാ ജെം ആംഗ് മാത് പിസ്വായ്താ.  ഹ്യാ പാട്‍ഭുംയ്ചേർ ഹി ഏക് സാങ്കേതിക് കവിതാ.

മെല്വിൻ രൊഡ്രിഗസാൻ, ആ്യണ്ടനി ബാർകൂരാൻ‍യ് ജായ്ത്യൊ സാങ്കേതിക് കവിതാ ബരയ്ല്യാത്.

ആ്യണ്ടനി ബാർകൂർ തശെം ദിനേശ് കൊരെയാച്യാ കവിതെചെ വിഷയ് സയ്ത് വിദേശി ആസാത്.  ആ്യണ്ടനി ഇംഗ്ലെണ്ഡാച്യാ വസന്ത് കാളാവിശിം ബരയ്താ ജാല്യാരി ആമ്ച്യാ കൊങ്കണി വാച്പ്യാക് തി സമ്ജജായ് മ്ഹണുൻ ധാരാൾ ഗാംവ്ചിം രൂപകാം വാപർതാ.  താചി `രാണ്യെച്യാ ഗാംവാന്ത്’ ധാരാൾ രൂപകാംനി ഭർല്യാ ജാല്ല്യാൻ ഏക് വിദേശി വിഷയ് സമ്ജുങ്ക് സലീസ് ജാതാ.

രാണ്യെച്യാ ഗാംവാന്ത്…

രാണ്യെച്യാ ഗാംവാന്ത്

വൊതാക്‍ച് കട്ടി ലാഗ്താ.

പാനാം രുകാക് സാണ്ഡ്താത്,

ലൊക് ഥണ്ഡാക് ഖെണ്ഡ്താത്.

ഹിംവ് ഹാഡാം ഖാതാ.

വാര്യാ ൽഹാരാങ്ക്

കര്യാ മാരാങ്ക്

ധർതി ധവ്സാട് ജാതാ.

കാതി സുക്താത്,

പ്രാണി ഥക്താത്.

ജിണി ഥാംബ്താ.

ആനി..

ജെന്നാം ഭുമി രുദാൻ

മൊൾബാ പര്യാന്ത് പാവ്താ…

സുര്യൊ പരത് തിൾതാ.

ബരഫ് ഹിംവ് ജാതാ

ഹിംവ് ധുംവ്രി ജാതാ…

ധുംവ്രി ധോവ് ജാതാ

ധോവ് മായാഗ് ജാതാ..

സുര്യാച്യാ എകാ ഹാശ്യാക്

ഭുമിച്യാ എകാ ഹിശാര്യാക്

രാകൊൻ ആസ്‍ല്ല്യാബരിം

വസന്ത് യെതാ.

ആനി അബ്ളെ…

ഫുൽതാത്….

ഡ്യാഫെÇഡിൽ ആനി ടുലിപ്,

ഡൈസി ആനി ലിലി,

ലാംബാ ലാംബ്…

ഗാംവാൻ ഗാംവ്…

ഘാണ്ട് മാർ‍ല്ലാ തക്ഷൺ

ഭായ്ര് പഡ്ച്യാ ഭുർഗ്യാംബരിം

രാശി രാശി

ഹാരി ഹാരി

ഹൾദുവിം ആനി താംബ്ഡിം,

നിൾശിം ആനി രഗ്താംബോൾ…

ഫെസ്താന്ത്ല്യാ ലൊകാബരിം,

പ്രായെച്യാ ചലിയാംംബരിം.

ആനി രാണ്യെ ഭുർഗിം-

ഗൊരിം ആനി കാളിം,

നിതൾ തശിം മ്ഹെളിം:

വൊതാന്ത് ഖെൾതാത്,

വൊതാന്ത് ലൊൾതാത്,

വൊത്‍ച് ഗിൾതാത്…

ഭികാര്യാൻ

ശിത് ഭൊകായില്ല്യാബരിം.

വസന്താച്യാ ഥൊഡ്യാച് ദിസാംനി

സഗ്ളെം വർസ്‍ച് ജിയെതാത്…!

-ആ്യണ്ടനി, ബാർകുർ

നയീഫ് രസ്ത്യാച്യാ ഗല്ല്യാംനി…

നയീഫ് രസ്ത്യാച്യാ ഗല്ല്യാഗല്ല്യാംനി

ത്യാ അണ്ഡർഗ്രൌണ്ഡ് ചരണ്ഡ്യാംനി

ദൊനീ ദൊളെ ഉഗ്ഡൊൻ പളെയാ…

സഭാരാഞ്ചിം സഭാർ സൊഭിത് സപ്ണാം

ആവ്രാതശിം വ്ഹാളൊൻ ആസാത്

രഗ്താ വാസാൻ, ധവ്ശാ രംഗാൻ!

രാതിഞ്ച്യാ ബാരാ വൊരാഞ്ച്യാ

ശഹരാച്യാ ഉജ്വാഡാന്ത്‍യീ ഥൊഡെ

സുശിക്ഷിത് കാളകീ കൊൻശെ…

ഹ്യാ കൊൻശ്യാംനി ഥൊഡൊസൊ കസ്താൾ

ദിസനാ-തിത്ലോയ് നിതൾ, നിസ്കൾ!

ഹാംഗാസർ രംഗാൾ ടായ്, ഖഡക്ക് ഇസ്ത്രെചിം

ജോർഡാനൊ ശർടാം, രിങ്കൽ ഫ്രീ ജീൻസാം

ലേടെസ്ട് ഫ്യാശനാചിം സല്വാർ ഖമീജാം

മ്ഹാരഗ് മൊവാൾ ലേടെക്സാം

അശിക്പി, സുശിക്പി, ജാത്-കാത്,

ഓചിണioടിചിടiണഥിചൊ ബേധ്-ഭാവ് സൊഡ്‍ല്ലിം

ചിക്സാം-

ഭായ്ര്-ഭിതർ, ഭായ്ര്-ഭിതർ

യെതാത്-വതാത്, യെതാത്-വതാത്.

ദീസ്-രാത് അവിരത്

വ്ഹാൾച്യാ വ്ഹാള്യാംനി

സപ്ണാം ഥൊഡിശിം-

ഇല്ലിശിം പർഗാംവാന്ത്, ഥൊഡിശിം ഘരാന്ത്…

തിം ഹാംഗാച്യാ രംഗാൾ രാതിഞ്ച്യാ ഫെസ്താ-സാന്തെന്ത്

കൊണാചെ മതിക് യെതാത്?

ഫകത് ലൊടാ ഖെടിചൊ, ലുക്കാ-ഛുപ്പിചൊ

ആവ്ര് ജാവ്ന് വ്ഹാൾതാത്!

ആസാത് സപ്ണാം ഹജാർ തരീ

ഹ്യാലോജൻ ദിവ്യാച്യാ

ഥൌജûണ്ഡ് വാട്സാച്യാ ഉജ്വാഡാക്‍യ് സപ്ണാം സാംപ്ഡനാന്ത്,

സമ്ജനാന്ത്.

കസലി സകത് ഹി-

കസല്യായി മൻശാചൊ എകാന്ത് തപസ് മൊഡുൻ

ഊഞ്ച് ശിഖരാക് പാവംവ്ചി?

കസല്യായീ മുഖമളാംനി

സർവ് സൊഭിത്-

ആഞ്ജ്‍ഭഡ്വൊ മാത്

കിത്യാക് ദിസ്താ?

സഗ്ള്യാഞ്ചിം സപ്ണാം കാളകാന്ത് ധാംപ്ല്യാന്ത്;

കൊൻശാ ലിപ്ല്യാന്ത്!

രഗ്താചെ ഥെംബെച്-

കെദ്നാം പേജ് നാ തരീ തേജ് ആവ്ര് ജാതാത്

ഥൊഡൊസൊ ഘാം മിസ്ളൊൻ, ഘമാസാൻ നംയ് ജാവ്ന്

വ്ഹാൾതാത് ….

സവായ് ജാല്യാന്ത് ഉദ്കാം,

സവയെർ പഡ്ല്യാന്ത് നാകാം!

ഹാംഗാസർ കായ്ദെ, കാനുനാം, പവിത്ര് പുസ്തകാം

സഗ്ളിം ഹ്യാച് ആവ്രാന്ത് വ്ഹാളൊൻ വതാത്

സാംഗാതാ

ഝരിച്യാ ഉദ്കാന്ത് ജൽമൊൻ ജിയെംവ്ച്യാ

പയ്ശില്യാ പില്യാഞ്ചീയ്

ഫാല്യാഞ്ചിം സപ്ണാം

വേൾ വിഭാഡിനാസ്താം

മിനുടാംനി

മുനിസിപാലിടിച്യാ പായ്പാംനി

നപംയിഞ്ച്, നാഞ്ച് ജാതാത്!

– ദിനേശ് കൊരെയാ, പെർനാൽ

മെല്വിൻ രൊഡ്രിഗസ്, എച്ചെം പെർനാൽ, വിൽസൻ കടീൽ, ആ്യണ്ടനി ബാർകൂർ, രൊബർട് ഫെർനാണ്ഡിസ്, ദിനേശ് കൊരെയാ – ഹാങ്കാം വാച്ല്യാ മാഗീർ ഏക് ഗജാൽ നഖ്ഖി ജാതാ. ഹെ കവി കൊങ്കണിൻ ബരൊംവ്ചെ അന്തർരാഷ്ട്രീയ് കവി. താഞ്ചെ വിഷയ് സഗ്ള്യാ വിശ്വാക് വിസ്താർല്യാത്.  തെ ആധുനിക് കവിതാ ബരയ്താത് ദെകുൻ കവിതെംനി ആസ്യെത് ജാല്ലെം സംഗീത് താംണി സംപൂർൻ രിതിൻ തിരസ്കാർ കെലാം സാംഗുങ്ക് ജായ്നാ.

മെല്വിൻ രൊഡ്രിഗസാചെ `വാട്’ കവിതെച്യൊ പയ്ലെഞ്ച്യൊ വൊളി ഘെവ്യാം:

ഹി മാട് / പഡല്ലി വാട് / പാട് കർൻ / സാട് സുമാൻ സർലെ

ഹാംഗാസർ ഫകത് നോവ് ഉത്രാം ആസാത്. ഹ്യാ നോവ് ഉത്രാഞ്ചി മാണ്ഡാവൾ പളെയാ. `മാട്’ `വാട്’ `പാട്’ `സാട്’ – ഹ്യാ ച്യാർ ഉത്രാംനി സ്വർ സാമ്യ് ആസാ മാത്ര് ൻഹയ് `അന്ത്യ് അനുപ്രാസ്’ ആസാ. തിത്ലെഞ്ച് ൻഹയ് `സാട് സുമാൻ സർലെ’ മ്ഹൺതാനാ ഹാംഗാസർ അനുപ്രാസ് ഝൾകതാ. പ്രാസ് നാസ്താനാംയ്, ആധുനിക് ഫ്രീ വർസാചി കവിതാ ആയ്കതാനാ കാനാങ്ക് സംഗീത് കശെം ലാഗ്താ മ്ഹൺച്യാക് ഹി കവിതാ ഗൊവായ്.

കർനാടകാന്ത്ലി സമകാളീൻ കൊങ്കണി കവിതാ കശി പയ്ലെ പാവ്ടിം ആധുനിക് കാവ്യാച്യാ പാംവ്ഡ്യാന്ത്ല്യാൻ ഉത്രുൻ ആസാ മ്ഹള്ളെവിശിം ഹാംവെം വിവർ ദിലൊ. ഇത്ലെം സാംഗ്താനാ ആധുനിക് കവിതെചെ ഥൊഡെ സങ്കഷ്ട് സാംഗ്യാം അശെം ഭൊഗ്താ:

കവിതെക് തിചെ ഇത്ല്യാകച് സൊഡിജായ്; തിചെവിശിം ചഡിത് ചിന്തുങ്ക് നജൊ മ്ഹണുൻ ചിന്ത്ല്യാരയ് വിചാരവന്ത് മൻശാങ്ക് തിചെവിശിം ചിന്തിനാസ്താം രാവുങ്ക് ജായ്നാ – തേംയ് ആമി ജിയെവ്ന് ആസ്ച്യാ ആയ്ച്യാ യുഗാന്ത്.  കവിതെന്ത്ലി വസ്ത് ലൊകാജിവിതാക് ലാഗിം ജായ്ജായ് ആനി കവിതെചി ഭാസ് ലൊകാംനി ഉലൊംവ്ചെ ഭാശെക് ലാഗിം ആസജായ് മ്ഹണുൻ ആധുനിക് കവിതാ ആശെല്ലി.  ഇത്ലെം ആസുനയ് ആധുനിക് കവിതാ ലോക് കിത്യാക് വാചിനാ.  വാചുൻ ആപ്ണാചി കർൻ ഘെനാ.  ആധുനിക് കവിതാ ഹ്യാ ദോനയ് രിതിംനി ലൊകാജിവിതാക് ലാഗിം ആസാ തരീ, ലൊകാക് അസല്യൊ കവിതാ അർഥ് ജായ്നാന്ത് മ്ഹണുൻ ആദിം ഥാവ്ന് ആയ്കുങ്ക് മെൾചൊ ആക്ഷേപ്. ആധുനിക് കവിതെചി അർഥഹീനതാ, ഭാവ് ശൂന്യതാ ആനി ക്ലിഷ്ടതാ നിവാരുങ്ക് ജായ്ത്യാ കവിംനി സർവാങ്ക് അർഥ് ജാംവ്ച്യാ ബരി അർഥ് ഭരുങ്ക്, ഭൊഗ്ണാലൊകാക് പാടിം വ്ഹരുങ്ക്, പ്രാസ് ലയ് ആനി സാദിം രൂപകാം ഹാഡുൻ പ്രേതൻ കെല്ലെം ആസാ.  ജാല്യാർ ലൊകാക് ലാഗിം ജാംവ്ച്യാ പ്രയത്നാന്ത് ലൊകാ ഥാവ്ന് പയ്സ് ജാല്ലി ആധുനിക് കവിതാ പർത്യാൻ ലൊകാ ലാഗിം പാംവ്ചിം ലക്ഷണാം ദിസനാന്ത്.  ആജ് ചുട്കുലാം, ഹൈകു തസല്യൊ കവിതാ ഖിണാക് ലൊകാക് മനോരഞ്ജൻ ദിതാത് ജാംവ്ക് പുരൊ.  അസല്യാ കവിതെംവർവിം ഗംഭീർ കവിതാ വാചുങ്ക് ആയ്ചെ കവി പാടിം സർതാത്.  ബോവ്ശാ കാൾ ഗെല്ലെബരി ബരൊംവ്ചേംയ് തെ രാവയ്തിത്.

(ഹ്യാ ഉപന്യാസാന്ത് ലേഖക് മാനേസ്ത് മെല്വീൻ രൊഡ്രിഗസാൻ വാപരില്ലി ബർപാരീത്‍ച് ആമീ സാംബാള്ള്യാ–സംപാദക്, “അമർ കൊങ്കണി” ശണ്മാസിക്)