കവി

മാപ് ഘെവൻ മ്ഹൊജ്യാ തജ്ഞാക്

പാവ്സാക് കിതെം ദിസത്?

കവി മാത്ര് ഹര്യെക് ഥെംബ്യാന്ത്

ജിണ്യെ ജിവ്സാൺ സൊധീത്

ഫുലാക് ചീർൻ പാർകൂൻ പളെവ്ന്

ജാണ്വായ് തുമ്ചി വാഡാത്

പർമൾ സെവൂൻ, സൊഭായ് ചാക്ല്യാ

കവിചൊ ആനന്ദ് മെളത്?

തന്ര്യാ ബാളാച്യാ ദൊള്യാന്ത് തുമിം

ഇഞ്ജ്നെർ ദൊതൊർ ദെഖ്ശാത്

കവി മാത്ര് ത്യാ കിൺകുള്യാ ഹാശ്യാങ്ക്

സംസാർ‍ച് വിസ്രാത്

വാര്യാ ബളാക് ഫാങ്കെം ഘുംവ്ഡാ

വീജ് തുമി കാഡ്ശാത്

ഥണ്ഡ് ഹവ്യാന്ത് കവി മാത്ര്

മൊഗാചി ഹാജ്രീച് ഭൊഗാത്

ഫാല്യാം വിഗ്യാനിക്‍യ് സവാൽ ഘാലൂൻ

വെഗ്ളെഞ്ച് രാജാംവ് ഉദെത്

പ്രകൃതെ വിജ്മിതാം ആരാവ്ന് ഘച്ര്യാങ്ക്

കവിക് കോൺ മിക്വത്?

മഹാൻ-രെ തൂം കവി ബാബാ

സന്തൊസ് ജൊഡ്തായ് പ്രകൃതെ ബാൾ

ജാംവ്ച്യാന്ത്

ആസ്‍ല്ലെം ആസ്‍ല്ലെപരീം ഭൊഗ്ച്യാന്ത്