रयतांचें मास किस्पर्जेतितलें मार्न पुरो जाल्लो पोलीस
बसक्क कर्न वोंकलो.
जिरनासतां तशिंद रसत्यार पडल्लीं शितां म्हणाली –
“तुज्या पोटांत जेवण जांवच्याकयी
म्हाका उत्पत केल्ल्याच्या पांयामुळा सारें जांवचें बरें!”
————————————————–
ताणें धमकी दिली –
“आनी एक उतर तूं चड उलयशी तर
म्हजे पांय धुल्लें उदक तुवें पियेजे पडत”
रयतान शांतपणीं जाप दिली –
“हांवें गुड्डायिल्ल्ये मातियेंत किरलल्लेंच
तूं बोशियेंत घालन जेवन आसाय!”
————————————————-
चरबेल्लो ग्रेसत दंद्यावालो जेंवचो वेळ.
‘फळार’ म्हण एकाच्चाणें जनेलाचो आर्सो फुटवन
भितर रीगल्लो फातर
रुप्याच्या बोशियेंतच पडलो!
घाबरेल्ल्या दंद्यावाल्यान बोब घाली –
“रयत म्हज्ये बोशियेक फातर उडयता, ताका गडिपार करा”
फात्राक हुंकल्ल्या शितांनी जाप दिली –
“रयतान उडवन तुज्ये बोशियेंत पडल्लो फातर न्हय आमी.
साध तर तुज्ये बोशियेथावन आमकां भायर घाल!”
———————————————–
कठीण पिडेन वळवळोन आसच्या
एका म्हाताऱ्या फुडाऱ्याक भूक लागली.
व्हळू खाटल्याथावन बोशियेक हात वोड्डायलो ताणें.
आदीं रयताविरोधी कानूनाक सलीसायेन दसकत घाल्लीं बोटां
आज कांप्तालीं.
बोशी चुकोन सकला पडलीच.
धर्णीर शिंपडल्ली शितां ताकां अशीं दिसलीं –
आदी रसत्यार प्रतिभटनाक बसल्ल्या रयतांबरी!
————————————————
प्रतिभटन कर्तल्या रयताचें
एक थंबो दूक धर्णीर पडलें.
त्या थेंब्यांत पुर्तो भीजल्लो एक फातर म्हणालो –
“हांव तांदू जाल्लों तर
ह्या दुकाथेंब्यांतल्या उज्याकच उकडन शीत जातों!”
———————————————–
च्यानेलाच्या स्टूडियोंत बसोन
वोरांगाटल्यान रयताविरोध बोबो घाल्लो निरूपक
काऱ्यें संप्तच जेवणाक बसलो.
जेवंक म्हण हात घाल्ताना कितें देक्तलो…
बोशिभर बंदूकेच्यो गुळियो!
ताची बोशी पुर्पुरिलागली –
“थोड्या वेळा आदीं
रयतांक टेररिसट म्हण वोलायिल्लेंय तुवेंच ने…
बोवशा तुजीं उत्रां तुज्येच बुतियेंतल्या शितांनी आयकलीं जायजे…”
————————————————–
प्रभुत्वाक होगोळसून कविता बरयिल्लो कवी
सन्मान संपोन गत्तान घरा रिगलो.
वेदीर मेळल्लें एवार्ड मेजावयर दवरून
ताची सोभाय चाकित्त जेवंक तयार जालो.
पूण हात घाल्ताना बोशी खाली!
“शीत खंय आसा?” बोबाटल्ल्या ताका
रित्ये बोशियेर शितांनी लीखल्लो संदेश दिसलो –
“आमकां व्हय केल्ल्यांच्या कश्टांक
तुवें स्पंदन करुंक नांय देकून
आमिंच रसत्याक देंवजे पडलां.
सद्द्याक एवार्ड लेंवोनच तुजी भूक थांबय!”
————————————————