bara voranchea kotthinn votacho gham’ pusun chembant asâl’lea udkan hamvem mhoji tan bhagoili. Chembu sokoil dourtana linabai ghora thaun bandun haddâl’li bhuti ugti korn, mhaka rakun asâl’li. Punn hem amchem sodanchem nhoi aslem. Bara voram uprant disachem kam’ sompoun hamvem ghorach jeunnak vechem aslem.
Az kiteak bai hanga gadeak ailam mhonn hamvem taka vicharchye poilench, bayen mhaka ek rongall envolopantlem ek kardd kaddn dakoilem. Punn tem vachunk matr, jeunna uprant mhonn hat bhaxen mhaka tannem hixaro kelo. âzaitâ mhonn hamvem-i mhojem jemvchem karyem sompoilem.
Sobit fulanchem anglem nhesâl’lem mhojem mogachem linabai, mhaka ek bhoinn toxich ek auy zaunaslem. Poppa sorâl’lea uprant mom’man khattâch dhorâl’li. Kitlim voktam kelearâyi ti osvostâch khottlear poddun asâl’li. Bayek mhojer ani mhaka bayecher vixes mog aslo. Punn poppa sorâl’lea uprant tachea tonddar haso nopomych zal’lo. Tem hasunk visorlengi kitem mhonn hamvem thodde pauttim chintchem aslem. Punn az matr tachea tonddar hamvem haso polloilo. Tachem fulanchem sobit anglem ani bandâl’leo don pantio bayechem vixes akorxonn zaunaslem. Mhoji dixtt tachea kanar poddli.
Az bayen kanachem ghal’lem! khonddit zaun az kitengi borem aikunk asa mholl’lle axen hamvem jeunn zata title vegim gill’llem.
Tumchye borinch eka borea kristamv kuttmant hamv zolmol’lom. Ami sagollegar. Disak xetant vochun gade besai korn ami amcho dispoddto gras zoddtaleamv. Punn durâdoivan amcho poppa kenkrechye piddek vollog zaun, amkam onath korn panch vorsa adim somsarak ontorlo. Mom’mak tichea jivitant aur ayil’lye borim bhoglem. Tinnem jiemvchi humedâch sanddli. Osolye kotthinn poristhitent tichi bholaiki bhigddoli ani ti vollvoll’lli. Poppa sortana mhoji pi.Yu.Si zal’li matr ani bayechem bi.Kom’. Disak gade besaichem kam’ korn, donparam jeun, baye songi ghorchem kam’ tirsun sanjer naitt-kalejint mhojem unchlem xikop mukarun hamvem sonod apnnaili.
Ddigri mellâl’lea uprant porgamvak vechi olochon hamvem kel’li. Punn ghora konnâyi dadlo monis natâl’lean hamvem hem chintop kuxik dourlem. Ani dusro kosoloch poryai mhaka natâl’lo. Kuttmadaramni legun amchi kosolich porva keli na. Klippi bappun soit husko dakoilona!
xohora thaun pois amcho gamv asâl’lean adhunikoronnacho probhavo amcher titlo poddunk natâl’lo. Ek sadi jinni jieun, deva tum pavo mhonnun, tannem dil’lye pikaullik orgam divn ami pattlim panch vorsam sarlim. Bayek kazarak bhorti ponchvis vorsanchi prai zal’li… Tachem hatant asâl’lem potr kaim tachye soirikek punni nhoi mu? hamvem ondaz kelo.
Punn mhozo ondaz chuklo. Tem potr zosinta bayechea kazarachem potr zaunaslem. Zosinta bai poppachea nimannea bhavachi klippi bappuchi eklich dhuv.
Klippi bappun dha vorsam dubai kam’ korn ani magir mongllurant lugttanchi angodd ghaln boro duddu  komoyil’lo. Punn poppa sorâl’lea uprant amchem natem to visorlo. Mom’mi aspotrent asâl’lea vellar soit to mom’mak bhettunk ailo na. Torâyi az posttam mukantr aplye dhuvechea kazarachem apounnem dil’lean amkam lagim yeunko ek ovkas mell’llo.
Nirasponnan bhorâl’lea amchea hea jivitant kazaracho ho sombhrom’ sontosachi ek bori khoborâch soi. Ghora yeun hat pam-i dhuvn hamvem kazarachi tarik ani hol khoimsor asagi mhonn potrean ek pauttim vachlem. Abba! kazar yemvchea hofteantâch mongllurchea eka faiv-sttar hottelant asâl’lem. Fokot kazarak matr apounnem asâl’lem, rosak nhoi. Mom’mak bayen kazarachi khobor edollâch dil’li. Tednanch mhojea mobailar ek kol ailem. Zosinta bayechem namv tacher zhollkolem.
âleansi tuka mhojea kazarachem invittexon mell’llem’mu?â, hamvem taka ul’las pattomvchea poilench tannem suru kelem. âtuvem ek boro sutt ghaln yeje ani linak ek boro skortt ani ttop xivounko sangâ tannem mukarlem. âanttik haddchi kaim gorz naâ oxem formaun tannem kol kott kelem. Mhaka ulounko ek ovkas soit divonko na.
Hamv mhojeach chintnamni mogn zalom. Ailevar amchea mongllurant ani gamvamni soit sombhromachi god’dollai vhodda mapan vaddot ani choddot asa. Porâch vilfi ankolachea putachea kumgarak tannim oddez lakam voir khorch kel’lo khoim.
Sokoilea hitlant ponchvis vorsam poilem, lokam hujir dubllikai, videyponn ani niskollponnachi xaxvot angounn kel’lye si| letisian vhodda dobazan aplo zublevo sombromlo. Hem korunk tichea kuttmadarank sumar char lakancho khorch boslo.
Aplye odd’dichi toyarai kortolea, mhojea sohopatti lorensak chodd addomboram korinastana unnea khorchar aplem karyem ochoronn korchem mhonn tannem seminorint astanach nirdhar kel’lo.
âtum amcho ekloch put neye re! padri zamvchem bhag sokddank favo zaina…. Ayil’lea soireank sudharsije ne!â mhonnun tachem karyem kazara borich ekdom’ godd’d kel’lem. Belea xohorant dubllo zolmol’lea ani kalvarir vinngo zal’lea jezuchi saks divonko bhair sorâl’lo lorens aplea auy bapoichye morje mukar monoch urlo. Seminorint apunn âdevak ani lokak mechvota tosoli sadi jinni jieun, galeliacheo vatto chomkol’lea tea nozaretâgar jezuk saks ditolomâ mholl’llem tachem soponn, teach disa xolanchea raximni, fulanchea tureamni duddvanchea kattamni ani airachea bharan soponnâch zaun urlem.
âtum mhozo klasâmett ani boro ixtt zal’lean hamvem tuka sangchemâ mhojye pattir hat dourn tachim bhognnam mom’mak polleunko ayil’lea vellar tannem mhaka ucharâl’lim.
Nizaiki amchea sombhromank aschi ti sorborai, teo lamb dig seremoni, man potrar likâl’li tim zoddayechim hogollsunchim utram, amchi rit nit kitli bodlolea! igorjent zoddchea sakramenta pras chodd mohotv bhair salant zamvchea kareak ami ditamv nhoiâgi? amich zoddchem ani amich moddchem. Amchem karyem sombhromunk eka gorib kuttmak kumok kelear koxem zait? hamvem apnna itleakâch chintlem.
Punn sutt gheunko ani bayek vostur ximvomvche titli got amchi natâl’li. Hea kallar gade besai kel’leak kitem mol?
zosinta bayechem ddimandds aikun mom’man tichem bhangar vikun, mellâl’lea poixeanchem vostur haddunk amkam sangâl’lem. Dusro kosoloi upavo natâl’lean amkam toxench korije poddlem.
Kazara disa, resperachea misak lina baye songi eksâpres bossar bosun ami mongllur pauleamv. Dha vorar resperachem mis torâyi zosinta bai khoimsorây mhaka dislem na. Bappu ani antti fottografora lagim uloitana tannim amkam deklem. Punn apunn biji asâl’lye borim tim korilaglim.
Souy dha vorar eka olonkrit dhouye gaddier zosinta bai kazarachem anglem nhesun ailem. Oxem ayil’lem zosinta bai igorjent misak vechea bodlak fottograforank apnnak dakoi laglem. Sumar ek ddozon tosvireo kaddâl’lea uprantâch bai igorje bhitor riglem.
Misa vellar hokol noureachem gomon mis bhettomvchea yazoka pras fottograforam thoim chodd kendrit asâl’lem. Mis zal’le tokxonn ami tea faiv sttar hottelak pauleamv. Bayek xubhaxoi pattounko namvadd’dik udyomi ani her lok ayil’lo. Nachpa uprant bayen saddo nhesunk soit inkar kelo. Jeunnak sobar nomuneachem jeunn asâl’lem. Vez ani non vezantâch ddozonam voir khaunko asâl’lem. Magir chainis kamvttor ani biriani kamvttor mhonnun jeunnachi rasâch ras. Hem sokkodd polleun hamv ozaplom.
Bappu ani antti, toxench zosinta bai amkam polleun vollok natâl’lye borim korilaglim. Amchem jeunn zal’lench ami thoim thaun nikoll’lleamv.
***
eka hoptea uprant hamv mongllurak yetana hamvem bappuger vechi alochon keli. Hamv bappuger vetana zosinta bai ani klippi bappu eka vokila songi ddoivorsak orji toyar korn asâl’lim…
To sombhrom’, ti god’dollai, tem addombor… Ekach hoptea bhitor orth hin zaun sokkodd kabar zal’lem!
