എകാങ്കികാ
സൈമാചൊ ഈശ്ട് : ( യെവ്ന് ) വിടയ്ലെം, സാമ്കെം വിടയ്ലെം. പാംയ് ഘാൽതലൊ ജാല്യാർ ജാഗൊ ദവ്രൂങ്കനാ ഹ്യാ മൻശ്യാംനി. ദെവാ, പരമെശ്വരാ, തുമ്ച്യാ ധർതരെചി വിട്ംബനാ കെലി ഹ്യാ മൻശ്യാംനി. കിത്ലി സൊബീത്, കിത്ലി നിവ്ള്, നിർമൾ ആസ്ലി ഹി ധർതരി. പൂൺ ഹ്യാ ധർതരെചി വാട് ലാവ്ന് ഉഡയ്ലി. ഹ്യാ-ഹ്യാ മൻശ്യാംനി…! തൊ പളയ് കസൊ ഉഗ്ഡ്യാർ ബസ്ലാ തൊ. ആരെ ബാബാ, മാത്സൊ ആഡ്സാക് തരി ബസ്…! രസ്ത്യാച്യാ കുശീക് അശെ ഉഗ്ഡ്യാർ ബസ്താത് ഹെ കരൂക്. ( ദൊൻ ബൊടാ ദാക്വൊൻ ) ലജ് കശി ദിസ്നാ ഹാങ്കാം. മൻശാൻ ആപ്ലി ലജ് ഭാജൂൻ ഖാല്ലി മ്ഹണ്ടാത് തെം ഖരെ…! ഹാംവെം കെന്നാ ചിന്തൂക് നാസ്ലെം, ധർതരെചെർ ഹി അശി പരിസ്ഥിതി യെത്ലി മ്ഹൺ. ധർതരെചി ഹി പരിസ്ഥിതി പളൊവ്ന് മ്ഹജ്യാ കാൾജാക് ഖൂബ് ദൂഖ് ഭൊഗ്താ. ദെവാ പർമെശ്വരാ, ആതാം തൂച് കർ കിതെം തരി…! ഹ്യാ മൻശ്യാഞ്ച്യാ ഗിന്യാനാക് കിതെം ജാലാ? ഹ്യാ മൻശ്യാഞ്ചി അക്കൽ ഖംയ് ഗെല്യാ? ആപ്ലെഞ്ച് ആവ്യ്ചി അശി ഹി വിട്ംബനാ?
ബാളു : (ഹാതാൻ രികാമി താംബ്യൊ ഘെവ്ന് യെതാ. താകാ പളൊവാൻ ) ഹാം ഹൊ ആനി കൊൺ? കൊണാക് സൊദ്താ കായ്…? യെ മൻശാ. ( താകാ ഉലൊ കർതാ )
സൈമാചൊ ഈശ്ട് : ഹാംവ് മനീസ് ൻഹയ്.
ബാളു : തും മനീസ് ൻഹയ്? കൊൺ തർ തും? പുരാണീക് നാട്കാന്തലെം പാത്ര്?
സൈമാചൊ ഈശ്ട് : ഹാംവ് നാട്കാന്തലെം പാത്രയ് ൻഹയ്.
ബാളു : മനീസ് ൻഹയ്, നാട്കാന്തലെം പാത്രയ് ൻഹയ്. കൊൺ തർ തും? ആനി ഹാംഗാ കൊണാക് സൊദ്താ?
സൈമാചൊ ഈശ്ട് : ഹാംവ് സൈമാചൊ ഈശ്ട്. ഹിം ഝാഡാം, വെലി, ഫുലാം, ൻഹംയ്, സുക്ണിം മ്ഹജി സാംഗാതി. ( താകാ ഹാന്ത് ലായ്താ ബാളൂക് ഝട്കൊ ലാഗ്ല്യാവരി ജാതാ ) ആനി ഹാംവ് ഈശ്ട് താഞ്ചൊ.
ബാളു : തും സൈമാചൊ ഈശ്ട്? പൂൺ ഹൊ മ്ഹാകാ ഝട്കൊ ലാഗ്ല്യാസാരകൊ…!?
സൈമാചൊ ഇശ്ട് : ഹൊ ഝട്കൊ ൻഹയ്. തുജ്യാ അന്തസ്കർണാക് സ്പർശ് കെലാ ഹാംവെം.
ബാളു : മ്ഹജ്യാ അന്തസ്കർണാക് തുമി സ്പർശ് കെലാ? പൂൺ കിത്യാക് മ്ഹൂൺ?
സൈമാചി ഈശ്ട് : ഹി തുമ്ചി കർമാ ദാഖൊവ്ന് ദിവ്പാക്.
ബാളു : ആമ്ചി കർമാ? മ്ഹള്യാർ ഹാംവ് സമ്ജൂങ്ക് നാ.
സൈമാചൊ ഈശ്ട് : ഹയ് തുമി സമ്ജൂങ്ക് നാ. പൂൺ, ആതാം തരി സമ്ജൂംൻ ഘെയാത്. ഹി ധർതരി തുമ്ചി ആവയ്. സാംബാളാത് തികാ, ജത്നായ് ഘെയാത് തിചി, രാഖൺ കരാത് തുമ്ചെം ആവയ്ചി.
ബാളു : ധർതരി… ആവയ്…! കിതെം സാംഗൂക് സൊദ്താ തുമി?
സൈമാചൊ ഈശ്ട് : തൊ പളയ്… കൊയ്ര് ഹാംഗാ ഥംയ് ഉഡൊവ്ന് ഗാർബെജിചി കെല്യാ രാസ്. ദുയെംസാങ്ക് ആമന്ത്രൺ ഹെഉ, സൊസൂങ്ക് ജായ്നാ ഘാംണീചൊ വാംസ്.
ബാളു : ഹയ് വാംസ് തർ ബരൊച് യെതാ ഹാംഗാ.
സൈമാചൊ ഇശ്ട് : ഹെം തുമ്ചെച് ഉപ്കാർ സഗ്ളെം.
ബാളു : ആമ്ചെ ഉപ്കാർ?
സൈം ഈശ്ട് : ഹയ്! തുമ്ചെച്, ഹാതാന്ത് താംബ്യൊ ഘെവ്ന് ഖംയ് ഗെല്ലൊ?
ബാളു : തൊ ഹാംവ് ഹെകാ ( ദൊൻ ബൊടാ ദാകയ്താ ) ഗെല്ലൊ.
സൈമാചൊ ഈശ്ട് : ഹെഉച് തെം. അശെം ഉഗ്ഡ്യാർ തുമി ശിം കരൂക് ബസ്താ. മാഗീർ ഘാണി പഡ്ചിനാ തർ കിതെം? ദുയെസാങ്ക് ആമന്ത്രൺ ൻഹയ് ഹെം?
ബാളു : മാഫ് കരാത് ചുക്ലെ മ്ഹജെ. പൂൺ ഹാംവ് എക്ലൊ മ്ഹൂൺ കിതെം കർതലൊ, ആനി സൻഡാസ് ബി തർ നാ ആമ്ചെ. മാഗീർ ഉപായ് നാസൂൻ ഉഗ്ഡ്യാർ ബസ്ചെ പട്ടാ.
സൈമാചൊ ഈശ്ട് : സുർവാത് ഹി സ്വതാപാസൂൻ കർചി ആസ്താ. ദരെക് മനീസ് സ്വതാച് ആപ്ണാക് സാഫ് ആനി നിതൾ ദവ്രതാ, ആപ്ലെ ഘർ നിതൾ ദവ്രതാ. തസൊച് ആപ്ലൊ ഗാംവ് നിതൾ ദവ്രൂങ്ക് ജായ്. ഘർ നിതൾ ആസ്ല്യാർ ഗാംവ് നിതൾ ജാത്ലൊ, ഗാംവ് നിതൾ ജാല്യാർ ദെശ് നിതൾ ജാത്ലൊ. ദരെകാൻ ആപ്ലൊ സ്വതാചൊ സൻഡാസ് ബാന്ദൂക് ജായ്.
ബാളു : പൂൺ സൻഡാസ് ബാന്ദ്പാക് ആമ്കാം ജാഗൊ ഖംയ് ആസാ?
സൈമാചൊ ഈശ്ട് : ജാഗൊ സർകാർ ദിതാ. സർകാരി യെവ്ജെണെഞ്ചൊ ഫായ്ദൊ ഘെയാത്, സർകാരി മജ്തീചൊ ഫായ്ദൊ ഘെയാത്. അശെം ഉഗ്ഡ്യാർ ഹെകാ ബസൂൻ ആപ്ല്യാച് ഗാംവ്ചി അബ്രു ഘാലൊവ് നാകാത്. അശെം ഉഗ്ഡ്യാർ ബസ്താനാ കൊണൂയ് പർക്യാ ഗാംവ്ചൊ ലൊക് പളൊവ്ന് തുമ്ച്യാ വിശി കിതെം ചിന്ത്തലെം ഹെം ചിന്ത്ലാ തുമി? തുമ്ച്യാ വാഡ്ലെല്യാ ചല്യാങ്ക് അശി ഉഗ്ഡ്യാർ ബസ്താനാ കൊണെംയ് പളയ്ത് തർ തുമ്കാം തെം ബരെം ദിസ്തലെം?
ബാളു : ഹയ് ഈശ്ടാ, തുമി മ്ഹജെ ദൊളെ ഉഗ്ഡലെ, ആതാം മ്ഹജ്യാ സഗ്ളെം ലക്ഷാന്ത് ആയ്ലെം ഈശ്ടാ. (താച്യാ പാംയാർ ഘാലൂൻ ഘെതാ )
സൈമാചൊ ഈശ്ട് : ഉട് ഉട്, ആനി ലാഗ് കാമാക്, വെൾ ഹൊഗ്ഡാവ് നാകാ. ജാഗയ് സഗ്ള്യാ ഗാംവാക്, ആതാം പാസൂൻ ലാഗാത് കാമാക്. ഗൊംയ് സൊബീത് ആസാ, താചി സൊബീതകായ് സാംബാളാത്. സൈമാചി രാഖൺ കരാത്, സൈമാചി രാഖൺ കരാത്. ( തൊ വതാ)
ബാളു : ഈശ്ടാ… ഈശ്ടാ, ഗെലെ. ഖര്യാനീച് ഹെ സൈമാചൊ ഈശ്ട് ആയില്ലെ ഹാംഗാ? കായ് ഹാംവ് സപ്നാന്ത് തർ … ( താംബ്യൊ പളയ്താ ആനി തൊ സകയ്ല് ഉഡയ്താ ) നാ നാ! ഈശ്ടാ ഹാംവ് തുമ്കാം സപൂത് ദിതാ. ആമ്ചെ ഗാംവ്ചി സൊബീതകായ് രാഖ്പാ ഖാതീർ ഹാംവ് വാവുരതലൊ, സൈമാചി രാഖൺ കർച്യാ ഖാതീർ. സ്വതാക് പാസൂൻ സൊംപയ്തലൊ, ഹൊ ഹാംവ് തുമ്കാ സൊപൂത് ദിതാ.
( കാളൊഖ് ജാവ്ന് ദെഖാവ് പയ്ലൊ സൊംപ്താ )
(ദെഖാവ് ദുസ്രൊ. ഉജ്വാഡ് ജാവ്ന് മാച്യെർ കാംയ് ഘരാം ദിസ്താത്, മാച്യെചെ എകെ വടെൻ എക് ബായ്ല് ആയ്ദനാ ധുതാ, തർ ദുസ്രെ വടെൻ എക് മനീസ് ഉദക് ൻഹാതാ. പളയ്ത് ഥംയ് കൊയ്രൂഞ്ച് ദിസ്താ. എക് ഉദ്കാചെ പിമ്പ് ആസ്താ. എക് മനീസ് ബ്രശ് കരീത് പിമ്പാമ്ഹര്യാന്ത് യെവ്ന് തൊണ്ഡ് ധുതാ. വയ്ര് സാവ്ന് കാംയ് ഗാർബെജീച്യൊ പൊത്യൊ ഭരില്ല്യൊ പഡ്ടാ. എക് മനീസ് പിമ്പാന്ത്ല്യാൻ ഉദക് കാഡൂൻ ഘെവ്ന് വതാ. എക് മനീസ് ഹാന്താൻ താംബ്യൊ ഘെവ്ന് യെതാ ആനി പാംയ് ധുതാ. )
ബാളു : ( യെവ്ന് ) ശി ശി ശി ശി ഖര്യാനീച് ദെവാ ഹീച് ഖരി വിടംബനാ തുമ്ചെ സൊബീത് ധർതരെചി. ഹൊച് ഖരൊ അന്യായ്, അത്യാചാർ ആമ്ചെ ആവയ്ചെർ. ജെ ആവയ്ന് ആമ്കാം ആപ്ലെം വെഗെന്ത് വാഡയ്ലെ, സാംബാളലെ, തെ ആവയ്ചി അശി അവസ്ഥാ? നാ ദെവാ ഹെം ആനീക് ഹാംവ് സൊസൂങ്ക് ശക്നാ. ആമ്ചി ഹി ആവയ് ആമ്കാം സാംബാൾച്യാ ഖാതീർ കിത്ലെം സൊസ്താ. സ്വതാച് മ്ഹെളി ജാവ്ന് ആമ്കാം നിതൾ ദവ്രതാ, ആനി ആമി മനീസ്… ഥു ആമ്ചെർ!
നിർമൽ : ( ആയ്ദനാ ധുതാ തി ബായ്ല് ൽഹവു-ൽഹവു ഉഠ്താ, ബാളൂച്യാ മ്ഹര്യാന്ത് യെവ്ന് ) ബാളു ഭാഉ, അശെം എക്ലൊച് കിതെം ബഡ്ബഡടാ? ആയ്ജ് സകാളി സകാളി കസ്ലെം ഭാശൺ പാട് കർതാ?
ബാളു : തുജെ നാംവ് നിർമൽ മഗൊ?
നിർമൽ : ഹയ്, ഹാംവൂച് നിർമൽ. അശെം കിതെം?
ബാളു : നിർമലാചൊ അർഥ് ജാണാ തും? ( കാംയ് വെൾ വഗി ) ഹൊ ജാഗൊ ആയ്ദനാ ധുവ്പാചൊ? ആനി തൊ ൻഹാതാലൊ തൊ കൊൺ ഗൊ? ഹ്യാ ജാഗ്യാർ ഭുർഗ്യാംനി ഖെൾ ഖെൾപാചെ, ത്യാ ജാഗ്യാർ തുമി ൻഹാതാ, ധുതാ? ഹാഞ്ചൊ പരീണാം ജാണാ തുമി?
നിർമൽ : പൂൺ ഭാഉ…
ബാളു : എക് ജാപ് നാകാ, അസ്ലി ഹി ഹൾശീക് കരൂൻ തുമി സ്വതാച് ദുയെസാങ്ക് ആപൊവ്ണെ ദിതാ. ഡെംഗ്യു, മലെരീയാ ഹ്യാ സാർക്യാ ജൊരാക് ആപൊവ്ന് ഘെതാ. ( വയ്ര് സാവ്ന് ഗാർബെജീചി പൊതി പഡ്ടാ ) ഹെ… ഹെ പളയ്, കൊണാചെ പാർസൽ ഹെ?
നിർമൽ : ( വയ്ര് പളയ്താ ആനി ) ശെംവ്തൂചെ, ശെംവ്തു ആക്കാ!
ബാളു : ശെംവ്തൂക് കിതെം എലമ്പികാൻ ഗുളൊ ശെവ്ടൂക് ഭാംഗ്രാ പദക് മെളില്ലെം? കായ് ഹെ ഖെപ് മെളവ്പാചൊ യത്ന് ചാലു ആസാ.
നിർമൽ : പൂൺ ഭാഉ, ഹാവ് കിതെം മ്ഹണ്ടാ…
ബാളു : കാംയ്ച് മ്ഹൺപാചി ഗരജ് നാ സാംഗ്ലാ ഹാംവെം ( ബ്രശ് കരൂൻ ഥുകില്ല്യാ കൊൽഗെടാക് ) ഹൊതൊ ചുനൊ കൊണെം കാഡ്ലാ ഥംയ്? ഫെസ്താ ലാഗി പാവ്ലി കി ഖുർസാങ്ക് കാട്ടാ തസൊ. ( കാംയ് വെൾ വഗി )
നിർമൽ : ശാണൊ കാകാ, ശെംവ്തു ആക്കാ, വ്ഹനിബായ്. യെയാത് ഹൊ… മാത്സി ബെഗീൻ യെയാത്. ഭാഉ പിസൊ ജാലാ. ( ഫടാഫട് സഗ്ളി യെതാ, ബരൊച് ലൊക് പുജവ്താ ) പള്യാത് ഗെ ഹൊ ഭാഉ കസൊ വാഗ്താ തൊ ആയ്ജ് വിചീത്ര് കസൊ ജസൊ കി പിസൊ ജാലാ.
ശാണൊ : കിതെം ജാലെം ഗൊ? ഭാഉ പിസൊ ജാലാ മ്ഹണ്ടാ, ആരെ ബാളു ഭാഉ കിതെം സാംഗ്താ രെ ഹെം?
ബാളു : പിസൊ ഹാംവാ ൻഹയ്, പിശി തുമി ജാല്യാ സഗ്ളിം…! ശാണൊ മരെ തും? ഖര്യാനീച് ശാണൊ കായ് നാംവാചൊ.
ശാണൊ : ഹെ കിതെം ഉലയ്താ ഭാഉ തുമി?
ബാളു : ഹൊ ജാഗൊ ൻഹാവ്പാചൊ? തും ൻഹാവൻ ധുവ്ന് ചക്ചകീത് ജാലൊ മരെ? ഹി ഹൾശീക് ജാതാ തി ദിസ്നാ രെ? തെം രെബ്… ഖെൾടാ-ഖെൾടാ ഭുർഗ്യാഞ്ചൊ ബാൽ ത്യാ രെബാന്ത് പഡ്ടാ. ഭുർഗെ രെബ്യാന്തലൊ ബാൽ ഹാന്ത് ഘാലൂൻ കാഡ്ടാ ആനി ഭുസ്കൊടാക് പുസ്താ. ആനി മാഗീർ താങ്കാം ജാതാ രൊഗ്, പൂൺ ആമ്കാം ഹെം ഖബർ നാ ഹെ ആമ്ച്യാച് കർമാചെ ഭൊഗ്.
ശെംവ്തു: പൂൺ ഭാഉ തുമി അച്കീത് സ്വച്ഛ് ഭാരത് മിശ്നാന്ത് പാവ്ലെ ശെ… ജിവാക് ബരെം ദിസ്താ ൻഹയ് തുമ്ച്യാ?
ബാളു : സധ്യാ തരി മ്ഹജ്യാ ജിവാക് കായ് ജാവങ്ക് നാ ഹാ. പൂൺ ആമി അശീഞ്ച് വാഗത് രാവ്ലി തർ എക് ദീസ് സഗ്ള്യാഞ്ച്യാച് ജിവാങ്ക് ഖൂബ് വ്ഹഡ് ധൊപ്കൊ ലാഗും ശക്താ.
ശെംവ്തു : ഹെം കിതെം ഉലയ്താ തുമി ഭാഉ ആയ്ജ്!
നിർമൽ : ഹയ് ഗെ… വദൾ സാവ്ന് അശെച് ഉലയ്താ! പിച്ചെരാന്ത്, നാട്കാന്ത് ഭാശൺ ഉലയ്ല്ല്യാ വരി.
ശാണൊ : ( ഭിയെത്, ഭിയെത് ബാളു മ്ഹര്യാന്ത് യെവ്ന് ) ഭാഉ, ഹെ പളയ് ഭാഉ, തുമി ബസാത്, സുശെഗാത് ബസാത് ആനി…
ബാളു : ഹൊ വെൾ സുശെഗാത് ബസ്പാചൊ ൻഹയ് ശാണ്യാ, ആമി കിതെം തരി ഖട്പട് കരൂങ്ക് ജായ്… ആമ്ച്യാ ഭുർഗ്യാഞ്ചെ ഭവിശ്യ് ബരെം തരെൻ ഘഡൊവങ്ക് ആമ്കാം ഝുജ്ചെ പഡ്ടലെം, ആമി സഗ്ള്യാംനി എക്ഠാംയ് യെവ്ന്, എക്ഠാംയ് വാവുരചെം പഡ്ടലെം, ഗാംവ് ആമ്ചൊ നിതൾ ദവ്രൂങ്ക്, ആമ്ച്യാ ഗാംവ്ചി സൊബീതകായ് വാഡൊവങ്ക്, സൈമാചി രാഖൺ ആമ്കാഞ്ച് കർചി പഡ്ടലി.
ശാണൊ : ആതാം ആയ്ലെം മ്ഹജ്യാ ലക്ഷാന്ത്…! പൂൺ ഭാഉ, തുമ്ച്യാ ലക്ഷാന്ത് ഹെ കശെം ആയ്ലെം?
ബാളു : സൈമാചൊ ഈശ്ട്… ഹയ് താണെഞ്ച് മ്ഹജെ ദൊളെ ഉഗ്ഡലെം. ഹ്യാ ആമ്ച്യാ സൊബീത് സൈമാചി സൊബീതകായ് കശി നശ്ട് ജാതാ തെം താണീഞ്ച് മ്ഹാകാ പടൊവ്ന് ദിലെം. ആയ്ജ് ഫാതൊഡെർ മ്ഹാകാ ത്യാ ഈശ്ടാചെ ദർശൻ ഘഡ്ലെം ആനി തെന്നാച് മ്ഹജ്യാ ഗിന്യാനാചെർ ഉജ്വാഡ് പഡ്ലൊ…! ചവ്ഥെച്യാ പുസ്തകാംനി മഹാത്മാ ഗാന്ധീജീച്യൊ കാണ്യൊ സഗ്ള്യാംനീച് വാച്ല്യാ ആസ്തല്യൊ. താഞ്ചെ സപൻ ആശില്ലെം ആമ്ചൊ സഗ്ളൊ ദെശ് സാഫ് ജാവ്ചൊ മ്ഹൂൺ, ആംഗാർ അർദ് കപ്ഡെ ഘാലൂൻ തൊ സ്വതാച് രസ്തൊ സാഫ് കർതാലൊ. താണെം ഹാന്താന്ത് ആപ്ല്യാ ഝാഡു ഘെവ്ന് രസ്തൊച് ൻഹയ് തർ ഭ്രസ്ടാചാരൂയ് സാഫ് കെല്ലൊ. ആതാം താച്യാച് പാവ്ലാംനി ആമി ചൽപാചെ. താഞ്ചൊച് ആർദശ് ഘെവ്ന് വാവുരചെം. ദെശ് സാഫ് കർപാക്, ഗൊംയ് നിതൾ ദവ്രപാക് ഭാശ്ണാചി ഗരജ് പഡ്നാ. താച്യാ ഖാതീർ ഗാംവാം- ഗാംവാംനി എക് തരി ഗാന്ധീജി തയാർ കർചൊ പഡ്ടലൊ… തരൂച് ജാത്ലൊ സ്വച്ഛ് ഭാരത്, നിതൾ ഗൊംയ്.
ശാണൊ : ടാള്യൊ ( സഗ്ളി ടാള്യൊ മാർതാ ) വ്വാ! ബാളു ഭാഉ വ്വാ!! ആയ്ജ് തുമി തുമ്ച്യാ കാൾജാന്ത് ഗാന്ധീജീക് നിർമാൺ കെലൊ. ആനി ആമീയ് ബി ആയ്ജ് ആമ്ച്യാ കാൾജാന്ത് കമീത് കമി തുമ്കാം തരി നിർമാൺ കർപാചൊ യത്ന് കർതലെം അസൊ ആമി സപൂത് ഘെതാ.
നിർമൽ : ബാളു ഭാഊചൊ…. ( സഗ്ളി ജയ് മ്ഹണ്ടാ )
ബാളു : രാവാത്… രാവാത്…. ജയ് മ്ഹജൊ നാകാ, ജയ് കരാത് മഹാത്മാ ഗാന്ധീജീചൊ! മ്ഹണാത്, മഹാത്മാ ഗാന്ധീജീചൊ ( സഗ്ളി ജയ് മ്ഹണ്ടാ കാളൊഖ് ജാവ്ന് ദെഖാവ് ദുസ്രൊ സൊംപ്താ )
(ദെഖാവ് തിസ്രൊ )
( ഉജ്വാഡ് ജാതാ, തൊച് ജാഗൊ ദുസ്ര്യാ ദിസാ. സഗ്ളി സാഫ് സഫാഇ കർതാ )
ബാളു : ( യെവ്ന് ) വ്വാ! വ്വാ!! അശെഞ്ച് ദരെകാൻ ആപ്ല്യാ ഘരാ പാസൂൻ സുർവാത് കരപ് ഗർജെചെ… അശെം കരൂംൻ ആമ്ചൊ ഗാംവ് തർ സാഫ് ജാത്ലൊച്, പൂൺ ദെശയ് ബി സാഫ് ജാത്ലൊ അശി ആസ് ആമി ധരി യെതാ.
ശാണൊ : ഹയ് ബാളു ഭാഉ, ആമ്ചൊ ഗാംവ് തർ ആമി സഗ്ളി ഗാംവ്കര്യാ മെളൂൻ നീതൾ ദവർതാലി. പൂൺ ബാകിച്യാ ഗാംവാഞ്ചെ കിതെം. ആമ്ചൊ എക് ഗാംവ് സാഫ് ആസൂൻ കിതെം ഫായ്ദൊ.
നിർമൽ : ആമി ദരെക് ഗാംവാൻ ഹി കബർ ധാഡൂക് ജായ്. ഗാംവാത്ല്യാ ദരെക് മൻശാക്, ഗാംവ് സാഫ് ആസ്ല്യാചെം ബരെം ഫായ്ദെ ജാതാ. മൻശാചെ മൻ, വിചാർ താജെ ജാതാ, മനീസ് നിരൊഗി ജാതാ. ഹെ പടൊവ്ന് ദിവങ്ക് ജായ്.
ബാളു : ഹയ് സാർകെ ഊലയ്ലെം നിർമൽ ബായ്ന്. ഹെ ബരെം കാം ആമ്കാഞ്ച് കർചെ പഡ്ടലെം ആനി എക്… ഖൂബ് മഹത്വാചെം, ദരെക് ഘരാക് ആപ്ലൊ സ്വതാചൊ സൻഡാസ് ആസൂങ്ക് ജായ്. സൻഡാസ് സ്വതാച് ആപ്ല്യാക് ജായ് തസൊ ബാന്ദൂൻ ഘെവ്ക് ജായ് ആനി തൊ വാപ്രൂങ്ക് ജായ്.
ശെംവ്തു : പൂൺ ഭാഉ, സൻഡാസ് ബാന്ദ്പാക് ആമ്ചെ കഡെൻ ജാഗൊ ഖംയ് ആസാ തർ. ഹൊ ജാഗൊ ഭാട്കാരാചൊ ആനി ഭാട്കാർ കസ്ലൊ, തെ തർ തുമി ജാണാച്.
ബാളു : ഭാട്കാർ കസ്ലൊ ആസു! സൻഡാസ് ബൊരൊ ആസൂക് ജായ്. ഉഗ്ഡ്യാർ സൻഡാസ് കരൂൻ ഗാംവ് കെന്നാച് നീതൾ ജാംവ്ചൊ നാ, ദുയെസാ പയ്സ് ജാംവ്ചെ നാ.
പൂൺ ഹെ കശെം ശക്യ് ആസാ?
ബാളു : കെല്യാർ കിതെം ശക്യ് നാ, കരൂനച് സഗ്ളെ ജാതാ. പൂൺ പയ്ലി കരൂക് തരി ജായ്.
നിർമൽ : പൂൺ ഭാഉ, ഭാട്കാർ…
ബാളു : ഭാട്കാർ ഗെലൊ തെൽ ലായ്ത്…! ആമി സഗ്ളെ ഗാംവ്കാർ എക് ആസത് തർ ഭാട്കാരാച്യാൻ കിതെം കരു യെതാ?
ശാണൊ : ഭാട്കാർ ആമ്കാം സൻഡാസ് ബാന്ദ്പാക് ജാഗൊ ദിത്ലൊ…? ആപ്ല്യാ ജാഗ്യാർ തൊ ലൊകാങ്ക് ഗാഡി ദവ്രൂക് ദിനാ, ഭുർഗ്യാങ്ക് ഖെൾപാക് ദിനാ. ജാല്യാർ സൻഡാസ് ബാന്ദ്പാക് ജാഗൊ കസൊ ദിത്ലൊ?
ബാളു : ദിത്ലൊ ജാഗൊ തൊ…! താകാ ദിവ്ചൊച് പഡ്ടലൊ, ആതാം കായ് വെളാൻ ഭലായ്കെ ഖാത്യാചെ മനീസ് യെവ്പാചെ ആസാ. ജെ കിതെം കർപാചെ ആസാ തെ തെഞ്ച് കർതലെം ആതാം, ആമി ഫകത് ആമ്ചൊ എക്വൊട് ദാഖവ്പാചൊ.
നിർമൽ : ഹയ്, വയ് ഹാംവ് സഗ്ള്യാക് കർതാ എക്ടായ്, ആഗെ മാവ്ശെം, ആക്കാ, താഇ, മാഇ . ( അശെ മ്ഹണീത് വതാ )
ശെംവ്തെ : ഭാഉ, ദുസ്ര്യാ വാഡ്യാവയ്ല്യാക് ആപൊവ്യാ! താങ്കാംയ് ബി സൻഡാസാ വിശി ജാണീവ് ജാത്ലി.
ശാണൊ : നാകാ ഹാം… സൻഡാസാ വിശി സഗ്ള്യാകൂച് ജാണീവ് ആസ്താത്. തെ കൊണാക് സാംഗൂക് നാകാ, തെ സഗ്ല്യാചെച് സദ്ചെ കാം.
ബാളു : ശാണൊ മരെ തും…? ഉലൊയ്ലൊ പിശ്യാ സാർകൊ…? താചെം മ്ഹണ്ണെ അശെം കി സൻഡാ ബാന്ദ്പാചെ യെവ്ജണെ വിശി താങ്കാം ജാണീവ് ജാത്ലി. സാർകെച് ഉലയ്ലെം തെം. ഹി എക് സർകാരി യെവ്ജൺ. ഘരാ-ഘരാന്ത് സൻഡാസ്. ആനി സർകാരി യെവ്ജണെചൊ സഗ്ള്യാനീച് ഫായ്ദൊ ഘെവ്ചൊ.
ശാണൊ : ശെംവ്തു ആക്കാ… വതാത് ൻഹി ദുസ്ര്യാ വാഡ്യാർ… പൂൺ രൊക്ഡീച് യൊ ഹാം, ഖബ്രി മാരൂങ്ക് രാവ്നാകാ.
ശെംവ്തു : ആത്താ വതാ ആനി രൊക്ഡീച് യെതാ പളയ്… ( വതാ )
( ഭലായ്കി ഖാത്യാചെ ദൊഗ് മനീസ്, എക് മെഡം യെതാ. എക്ല്യാച്യാ ഹാന്താന്ത് ഫായ്ലി ആസ്താ, തൊ പിവ്ന് ആസ്താ. )
ബാളു : ( യെവ്കാർ ദിവ്ന് ) യെയാത്, യെയാത് ആമി തുമ്ചീച് വാട് പളയ്താലിം.
ശാണൊ : ( എക് മൊഡില്ലി കദെൽ ഹാഡ്താ) ഘെയാത് സാംബാളൂൻ ബസാത് ഹാം, മാത്സി മൊഡ്ല്യാ തി. ( സംൻഡാസാക് ബസ്ല്യാ വരി ആപൂൺ സകയ്ല് ബസ്താ)
സർ : മൊഡില്ലെം കദെലീർ ബസ്ചെ നാസ്താ, ബസ്താത് തർ ബരെ ജെതാൻ ബസ്പാചെ. സൻഡാസാക് ലെഗീത് ബസ്തലൊം ജാല്യാർ എക് വെഗ്ളി പൊജ് ആസ്താ, ദൊൻ ഫാത്രാചെർ ബസൻ തൊൽ സാംബാളനാ. ( ശാണൊ ബെഗി-ബെഗി ഉഠ്താ )
മെഡം : ദെഖൂൻ തർ സർകാരാൻ ഹി യെവ്ജൺ ചാലീക് ലായ്ലാ. മ്ഹാരാ ഭശെൻ കാം കർപാചെ ആനി രാജാ ഭശെൻ…
ശാണൊ : ( തികാ മദീച് ഥാരൊവ്ന് ) കള്ളെ, കള്ളെ മെഡം. രാജാ ഭശെൻ കിതെം കർപാചെ തെ കള്ളെ.
മെഡം : കള്ളെ ൻഹയ്? ആസു… ആതാം കാമാചെ ഉലവ്യാ, തർ സർകാരാൻ… ( ഖൂബ് ലൊക് യെതാ ) സഗ്ളി മൻ ലാവ്ന് ആയ്കയാത്, ഖബർ ഖൂബ് ഗർജെചി ഹി. സർകാരാൻ ഹി യെവ്ജൺ ഹാണ്ഡ്ലാ തുമ്ച്യാ ആമ്ച്യാ ഫായ്ദ്യാചി, ആമി സഗ്ള്യാനി പാലൻ കരൂക് ജായ് മനീസ് പണാച്യാ കായ്ദ്യാചി.
സർ : ഉൽഹാസ് തും സഗ്ള്യാചി നാംവാം ബരൊവ്ന് ഘെ.
ഉൽഹാസ് : ബരെ സർ…
സാർ : തുമി ജാഗ്യാ വയ്ല്യാൻ ഹാൽനാകാ, ഹൊ ഉൽഹാസ്, തുമ്ചി നാംവാം സാർകി ബരൊവ്ന് ഘെത്ലൊ. തുമി സാർകി സാംഗാത് താകാ. തൊ ആമ്ചൊ പിവ്ന്…! ഹാ ഹാ സൊരൊ പിവ്ന് ൻഹയ്. ആെഫിസാതലൊ പിവ്ന്.
ബാളു : ഹാ… മെഡം, ലൊകാങ്ക് സൻഡാസാചെ ഫായ്ദെ, ലുക്സാൺ സാംഗാത് ൻഹി.
മെഡം : തർ തുമ്കാം സൻഡാസാചൊ ഫായ്ദൊ ഖബർ ആസാ..? നാ തെ തുമ്കാം ഖബർ നാ. കായ് നജൊ ഹാംവ് തുമ്കാം സാംഗ്താ…! സൻഡാസ് ജാല്യാർ പൊട് സാഫ് ജാതാ, തൊ ഫായ്ദൊ…. ആനി സൻഡാസ് ജായ്നാ തർ പൊടാന്ത് ഘാൺ തെ ലുങ്ക്സാൻ.
ബാളു : ആരെ മെഡം ഹെ കിതെം സാംഗ്താ താങ്കാം…?
മെഡം : ഖരെ തെച് സാംഗ്താ… ഹയ് ദെഖൂൻ ആമി സദാച് സൻഡാസാക് വചൂക് ജായ്… ആനി സദാച് സൻഡാസാക് വച്ച്യാ ഖാതീർ ആമ്കാം എക് സാഫ്, നീതൾ, നീവ്ള് സൻഡാസ് ജായ്. തൊ ആമ്കാം സർകാർ ദിതാ.
ബാളു : ടാള്യൊ, ടാള്യൊ മാരാത്…( സഗ്ളി ടാള്യൊ മാർതാത് )
മെഡം : ദെവാൻ ആമ്കാം മൻശാചി ജാത് ഫാവൊ കെലാ. ആമ്കാം ഹെർ ജാതി പരസ് ചഡ് ഗിന്യാൻ ദിലാ. പൂൺ ആമീച് ആമ്ചെ ഗിന്യാൻ വാപ്രൂക് കമി പഡ്ടാ. ദൊൻ ശരിരാചെ മെളപ് ജാതാ ചാർ വണട്ടി ആഡ്, മനീസ് ജൽമതാ പഡ്യാ ആഡ്, ആവംയ് ആപ്ല്യാ ഭുർഗ്യാക് ആപ്ലെം ഹഡ്ഡയാത്ലെ ദുധ് പിവ്യ്താ ആപ്ല്യാ പദ്രാ ആഡ്. ജാല്യാർ ആമി സുണ്യാ മാഞ്ജ്രാ സാർകെ ഉഗ്ഡ്യാർ സൻഡാസാക് കാത്യാക് ബസ്ചെം?
ബാളു : പർതൂൻ എക് ഫാവ്ട് ടാള്യൊ ( ലൊക് ടാള്യൊ മാർതാ )
സർ : മൊഗാൾ ഭാവാംനൊ ആനി ഭയ്ണീംനൊ, ഹ്യാ തുമ്ച്യാ ബാളു ഭാഊൻ ആമ്കാം സഗ്ളി ഫാവൊ തി മ്ഹായ്തി ദില്യാ. തുമി ഫകത് തുമ്കാം സൻഡാസ് ഖംയ് ജായ് തെ സാംഗ്ചെ, ജാഗൊ ഭാട്കരാ കഡ്ല്യാൻ കസൊ ഘെവ്പാചെ തെ കാം ആമ്ചെ ആനി തെ ആമി കർതലെ. തുമ്കാം ഹെ സർകാരി യെവ്ജണെചൊ ലാഭ് കരൂൻ ദിത്ലെം ഹെ ഉതർ ദിതാ. ഫുഡ്ല്യാ ആഠവ്ഡ്യാൻ സൻഡാസ് ബാന്ദ്പാചൊ മുർഹൂത് കാഡ്പാചൊ ആനി ബെഗൊ ബെഗ് തുമ്കാം തുമ്ചൊ സ്വതാചൊ സൻഡാസ് വാപ്രൂക് മെൾടലൊ. ആയ്ചി ഹി ബസ്കാ ഹാംഗാച് സൊംപയ്താ. ആനി ആമി ആമ്ച്യാ ഫുഡ്ല്യാ വാവ്രാക് ലാഗ്താ. തൊ പര്യന്ത് സ്വതാക് സാംബാളാത്, നിത്ളകായ് ദവ്രാത് ആനി എക്വടാൻ രാവാന്ത്.
( ലൊക് ടാള്യൊ മാർതാ, കാളൊഖ് ജാതാ തിസ്രൊ ദെഖാവ് സൊംപ്താ. )
( ദെഖാവ് ചവ്ഥൊ ഉജ്വാഡ് ജാവ്ന് )
ഭാട്കാർ : ( യെവ്ന് ) ഖംയ് ആസാ രെ തൊ മാൽകിര്യാദ്! ലൊകാങ്ക് ബുദി ദിതാ. ആയ്ജ് ഹാംവ് തുകാച് ബുദ് ശികയ്താ.
നിർമൽ : ( യെവ്ന് ) ആരെം ഭാട്കാർ മരെ, കസൊ ആസാ ഭാട്കാരാ?
ഭാട്കാർ : ഹാംവ ആസാ ബരൊ, തും മ്ഹാകാ സാംഗ് തുമ്ചെം ഹെം കിതെം ചല്ലാ?
നിർമൽ : ആമ്ചെ കിതെം ചല്ലാ തർ! ഹാം, തെ ഭാട്കാർ, സർകാർ ആമ്കാം സൻഡാസ് ബാന്ദൂൻ ദിതാ ഖംയ്.
ഭാട്കാർ : സൻഡാസ് ബാന്ദൂൻ ദിതാ…? സൻഡാസ് ബാന്ദ്പാക് ജാഗൊ കൊൺ ദിതാ?
നിർമൽ : ജാഗൊ തെ തുമ്ചെ കഡ്ല്യാൻ വികത് ഘെത്ലെം ഖംയ്.
ഭാട്കാർ : വികത് ഘെത്ലെ ഖംയ്, ഹാംവ് വിക്ല്യാർ വികത് ഘെത്ലെം ൻഹയ്?
നിർമൽ : ആമ്ച്യാ സൻഡാസാക് ലാഗ്തലൊ ജാഗൊ തുമി വിക്ചെ നാത്?
ഭാട്കാർ : നാ. ഹാംവ് വിക്ചൊനാ!
നിർമൽ : പൂൺ ഭാട്കാർ, കിത്യാക് വിക്ചെനാ തം?
ഭാട്കാർ : കിത്യാകതർ മ്ഹജെകഡെൻ ഖൂബ് പയ്ശെ ആസാ. ആനി ആനീക് മ്ഹാകാ ചഡ് പയ്ശെ നാകാ ദെഖൂൻ.
ബാളു : ( യെവ്ന് ) തുമ്ചെകഡെൻ ഖൂബ് പയ്ശെ ആസാ, ത്യാ പയ്ശാംനി ഥൊഡി അക്കൽ വികത് ഘെയാത് ഭാട്കാരാ. കൊൺ തി വിക്താ ജാല്യാർ.
ഭാട്കാർ : തും…! തുജി ഇത്ലി കാപാസ്താദ്, മ്ഹാകാ സാംഗ്നാസ്തനാ തും ഹ്യാ ഗാംവ്കാര്യാങ്ക് സൻഡാസ് ബാന്ദൂൻ ദിതാ ഖംയ്?
ബാളു : ഗാംവ്കാര്യാങ്ക് സൻഡാസ് ഹാംവ് ബാന്ദൂൻ ദിനാ ഭാട്കാർ, തൊ സർകാർ ബാന്ദൂൻ ദിതാ.
ഭാട്കാർ : ബാപായ്ചൊ ഫാത് തൊ? കശെ ബാന്ദ്തലെ സൻഡാസ് പളയ്താ ഹാംവ്… ( ശാണൊ യെതാ )
ബാളു : അശെം കിതെം കർതാ ഭാട്കാർ, ആദിം എക് ജാലെം തെ ജാലെം. ആതാംയ് ഉഗ്ഡ്യാർ ബസ്പാചെം സൻഡാസാക്? സംസാർ കിത്ലൊ സുദ്രലാ, ഹ്യാ സുദ്രലെല്യാ സംവ്സാരാന്ത് ആമീച് കിത്യാക് ഫാടി രാവ്പ്.
ഭാട്കാർ : ഹെ ത്യൊ ബുദി മ്ഹാകാ ശികൊവ് നാകാ തും! മ്ഹജൊ ജാഗൊ സൻഡാസ് ബാന്ദൂംൻ വാപർ കരൂങ്ക് മെൾചൊനാ തുമ്കാം.
ശാണൊ : പൂൺ ഭാട്കാർ ആമി ആമ്ച്യാ ഘരാ കുശീക് ബാന്ദ്താ ൻഹയ് സൻഡാസ്, മദി മെക്ള്യാ ജാഗ്യാർ തർ ബാന്ദിനാ. ആനി ഹൊ ഖാച്കണെചൊ ജാഗൊ. ത്യാ ഭായ്ര് തുജ്യാ ജാഗ്യാചി ഫാവ് തി കിമ്മത് മെൾടലി മ്ഹൺതാത് തെ.
ഭാട്കാർ : ഹെ ശാണ്യാ, തുജി ശാണെപണാം മ്ഹാകാ നാകാ! ആനി ദുസ്രെഖെപ് മ്ഹജ്യാ മ്ഹര്യാൻ തക്ലി വയ്ര് കാഡൂൻ ഉലൊവ്ചെനാ തും, ആയ്കലാ മരെ?
ശാണൊ : ഹയ് ഭാട്കാർ, ചൂക് ജാലി.
ശെംവ്തു : ( യെവ്ന് ) കൊൺ മെല്ലൊ മൊട്-മൊട്യാൻ ആർഡടാ! ( ഭാട്കാരാക് പളൊവ്ന് ) ആരെ ഭാട്കാർ! ബാബു, തുമി കെന്നാ ആയ്ലെം ബാബു?
ബാളു : ശെംവ്തു ആക്കാ, ബാബു- ബാബു മ്ഹൂൺ ചഡൂയ് ലാവ്നാകാ ശാബു… ആദ്ലെം പദെർ മെലെം ആനി തെ ദീസ് ഗെലെം. ഹാച്യാ പയ്ലി ഖൂബ് ലായ്ലൊ ശാബു. ബാബു-ബാബു മ്ഹണൂൻ. ആതാം ഹൊ ബാബു ആമ്ച്യാ മാഥ്യാർ ബസൂങ്ക് ലാഗ്ലാ.
ഭാട്കാർ : ഹെയ്, ( ബാളൂച്യാ ആംഗാർ വചൂൻ ) ജത്നായ് ദവ്ര് തും ഭാട്കാരാ കഡെൻ ഉലയ്താ. ഹാംവ് തുമ്ചൊ ഭാട്കാർ ഹെ വിസ്രതാ തും!
ബാളു : ഹെട്ട്! കൊസ്ലൊ രെ തും ഭാട്കാർ, മുൺകാരാഞ്ചി പരിസ്ഥീതി സമ്ജൂൻ ഘെയ്നാ തൊ കസ്ലൊ ഭാട്കാർ. ആയ്ജ് ആമി ആമ്ചൊ ഗാംവ് നിതൾ, നിവ്ള് കരൂക് പളയ്താ. ആമ്ച്യാ ഗാംവ്ച്യാ ഭുർഗ്യാചെ ഭവിശ്യ് ബരെം കരൂക് വാവൂരതാത്. ഹി ഘാൺ… ഹി ഘാൺ പയ്സ് കരൂങ്ക്, ദുയെസാങ്ക് പയ്സ് ധാംവ്ഡാവപാചൊ യത്ന് കർതാത്. പൂൺ ഹെം, തും ഭാട്കാർ ജാവ്ന് തുജ്യാ ലക്ഷാത് യെനാ! ഹ്യാച് ഗാംവ്ചൊ ഭാട്കാർ ജാവ്ന്. അശെം പരിസ്ഥീതീൻ തുകാ ഭാട്കാർ ആമി മ്ഹണപ് കശെം?
ഭാട്കാർ : തെ തുജെ ന്യാൻ തും മ്ഹാകാ ശികൊവ് നാകാ, സൻഡാസാ ഖാതീർ മ്ഹജൊ ജാഗൊ മെൾചൊനാ. ഹൊ മ്ഹജൊ ശെവ്ടചൊ നിർണയ്. വതാ ഹാംവ്… ആനി ആയ്ക്, വഗീച് ശക്യ് നാ തി ഖട്പട് കർപാചി സൊഡ് ബാളു… ആനി ജമ്ല്യാർ രാതീക് മ്ഹജ്യാ ഘരാകഡെൻ യെവ്ന് മ്ഹാകാ മെൾ. ( ഭാട്കാർ വചൂക് )
ബാളു : വതാ-വതാ മ്ഹജീയ് ബി ദൊൻ ഉത്രാം ആയ്ക് ഭാട്കാരാ. തും ഭാട്കാർ ജായ്ത്, പൂൺ ആമി മുൺകാർ ആസാ ഹ്യാ ഗാംവ്ചെ ആനി ഭാട്കാരാ പരസ് മുൺകാരാങ്ക് ചഡ് വ്ഹഡ്വീക് ആപ്ല്യാ ഗാംവ്ചി. തും യത്ന് കർ ഗാംവ്കാര്യാങ്ക് വിബാഡപാചൊ, ഹൊ ഗാംവ് വിബാഡപാചൊ. പൂൺ ആമീയ് ബി യത്ന് കർതലെം കർപാക് ‘ സൊബീത്, സുന്ദർ ആമ്ചൊ ഗാംവ്.’
( കാളൊഖ് ജാവ്ന് ദെഖാവ് ചവ്ഥൊ സൊംപ്താ )
( ദെഖാവ് പാഞ്ച്വൊ, ഉജ്വാഡ് ജാതാ… മാച്യെർ ഘരാഞ്ച്യാ കുശീക് കാംയ് ഫുലാഞ്ചി ഝാഡാം ലായില്ലി ദിസ്താ, ശെംവ്തു ആക്കാ ഝാഡാങ്ക് ഉദക് ഘാൽതാ ആനി നിർമൽ സാരൻ മാർതാ. )
നിർമൽ : ആതാം ആമ്ചൊ വാഡൊ ഖൂബ് സൊബീത് ദിസ്താ ൻഹയ് ഗെ. പയ്ലിം സാർകി ഘാൺ ഗുട്ടാൺ നാ ആതാം.
ശെംവ്തു : ഹയ് ഗൊ ബായ്… ആതാം കശെം പളയ് ഥണ്ഡ് വാരെം യെതാ, ജിവാക് ലെഗീത് ഖൂബ് ബരെം ദിസ്താ.
നിർമൽ : ആനി ആതാം സൻഡാസ് ജാലെം കി എക് ഹുസ്കൊ മെക്ളൊ ജാത്ലൊ ൻഹി ഗെ ശെംവ്തു ആക്കാ.
ശെംവ്തു : ഹയ് ഗൊ…! പൂൺ തൊ ഭാട്കാർ മെല്ലൊ… ദൾഡിരൊ കസൊ. ആമ്ചെ സ്വതാചെ സൻഡാസ് ജാല്യാർ താകാ ഗൊ കസ്ലി ആഡ്ഖൾ?
നിർമൽ : ഹയ്… ആമ്കാം ഹാംഗാ കശെ ലിപ്ച്യാനി ഖെൾചെ പഡ്ടാ തെ ആമീച് ജാണാ, കൊൺ യെത്ലൊ കായ്, കൊൺ പളയ്താ കായ്. ഹ്യാ ഭംയാൻ സാമ്കെം ജായ്നാ ലെഗീത്.
ശെംവ്തു : ഹയ് തർ…! പൂൺ കായ് നജൊ… യെത്ലെം ആമ്ചെയ് ബി ബരെം ദീസ്. ബാളു ഭാഉ ആസാത് ൻഹി? ഘാൽതലൊ തൊ ജാഗ്യാർ സഗ്ളെം.
നിർമൽ : ഹയ് ഹാം, ബാളു ഭാഉ സാമ്കൊ ദെവ് മനീസ് കസൊ ഹ്യാ ഗാംവ്ചൊ, താചെ ഹെ ഉപ്കാർ ആമി കെന്നാ വിസ്രൂക് ജാതാ ഗെ?
ബാളു : ( യെവ്ന് ) കസ്ല്യൊ ഗജാലി ചല്യാത് ഗെ?
ശെംവ്തു : ആനീക് കസ്ല്യൊ? തുമ്ച്യാച് ഉപ്കാരാച്യൊ, സധ്യാ തരി ഹ്യൊച് ഗജാലി സഗ്ള്യാക്.
ബാളു : നാ ഹാ… കസ്ലെ മ്ഹജെ ഉപ്കാർ തെ. ഹാംവ് കിതെം പർകൊ? ഹ്യാച് ഗാംവ്ചൊ ആനി ആപ്ല്യാ ഗാംവ്ചെർ കൊൺ ഉപ്കാർ കരിനാ. തുമി കരൂങ്ക് നാ ഹ്യാ ഗാംവാ ഖാതീർ?
നിർമൽ : നാ ഭാഉ, ഹെച് തുമ്ചെ മൊടെംപൺ. സഗ്ളെച് മനീസ് അശെ നാസ്താത്. നാതർ തൊ ഭാട്കാർ മെല്ലൊ…
ബാളു : ആസു…. ഭാട്കാരാചെം സൊഡാത്, ആയ്ജ് ഭലായ്കെ ഖാത്യാചെ മനീസ് യെവ്പാചെ ആസാത് ജാണാ ൻഹയ് തുമി? ആയ്ജ് സഗ്ളെ ജാഗ്യാർ പഡ്ടലെം സാംഗ്ലാ താണി. സഗ്ള്യാങ്ക് സാംഗൂൻ ദവ്രലാം ൻഹയ്?
ശെംവ്തു : ഹയ് ഭാഉ, സഗ്ളിം ആസാത് ആമി. താഞ്ചീച് വാട് പളയ്താത്. (ഭലായ്കി ഖാത്യാത്ല്യാൻ തിഗാ ജാണാ യെതാ പയ്ലി ആയില്ലിം തീച് )
ബാളു : യെയാത്, യെയാത് സർ ബസാത്…! മെഡം ബസാത്…
സർ : വ്വാ ബാളു, ആഠ് ദിസാംനീച് തുമി തുമ്ച്യാ ഗാംവ്ചെം രുപൂച് ബദ്ല്ലെം. വാലൊർ ഹാ തുമ്കാം ( സർ ബസ്താ, മെഡം ഹാംഗാ ഥംയ് ഝാഡാം പളയ്താ. ഖൂബ് ലൊക് ജമ്താ )
ബാളു : ഹയ് സർ … ഹൊ വാലൊർ ഗാംവ്കാര്യാങ്ക് ഫാവ്താ, താഞ്ച്യാച് കശ്ടാചെ ഫൾ തെം. ആതാം ഉർലാം തെം എകച് കാം.
മെഡം : സാരി ബാളു ഭാഉ, ഹെം കാം ജാവ്പാക് മാത്ശെം കഠീൺ. (ശാന്ത് വാതാവ്രൺ ജാതാ)
ബാളു : കഠീൺ കാം, മെഡം കിതെം മ്ഹൺപാചെ ആസാ തുമ്കാം?
മെഡം : ബാളു, സാംഗ്പാക് ഖൂബ് വായ്ട് ദിസ്താ, തുമ്ച്യാ സൻഡാസാചി ഫായ്ല് അഡ്കൂൻ ഉർല്യാ.
ബാളു : പൂൺ മെഡം, ആയ്ജ് യെവ്പാചെ ആസ്ലെം ൻഹയ് ഡായ്രെക്ടർ സർവെ കർപാക്?
സർ : ബാളു (താചെ ഫാടീർ ഹാത് ദവ്രൂൻ ) ഡായ്രെക്ടരാക് വികത് ഘെത്ലൊ സൊ ദിസ്താ.
ബാളു : മ്ഹണ്ല്യാർ?
സർ : ഡായ്രെക്ടരാക് ഖബർ ആശില്ലി കി ആയ്ജ് ഹാംഗാ സർവെക് വച്പാചെ ആസാ മ്ഹണൂൻ, പൂൺ ആജച് ഡായ്രെക്ടർ സുട്യെർ. ഇത്ലെച് ൻഹയ്, തർ ദൊഗൂയ് സർവെ കർപി ഡിവ്ടെംർ നാ, നാ മ്ഹണ്ല്യാർ താഞ്ചൊം തിഗായ്ചൊം ഫൊൻ ബന്ദ്… ആതാം കിതെം കരപ് തൂച് സാംഗ്.
ബാളു : ആതാം കിതെം കർതലെം, ജെ മദ്തഗാർ ആസാ താണീഞ്ച് ജർ ഫാട് കെലി തർ ആമി സാദാരൺ മൻശാംനി കിതെം കരപ്? ആയ്കല്ലെ, സപ്നാം ഖരി ജായ്നാ മ്ഹണൂൻ. തരി ലെഗീത് സൊബീത് സുന്ദർ ഗാംവ്ചെ സപൻ പളയ്ലെം, ഹാംവെം പളയ്ലെം തെ പളയ്ലെം പൂൺ ഹ്യാ ഭൊള്യാ-ബാവ്ഡ്യാ ഗാംവ്കാര്യാങ്ക്കൂയ് ദാഖയ്ലെം, അശെം കരൂൻ ഹാംവെം മ്ഹജ്യാ ഗാംവ്കാര്യാഞ്ചെ മൻ ദുഖയ്ലെം…. മ്ഹജ്യാ ഗാംവ്കാര്യാംനൊ മ്ഹാകാ മാഫ് കരാത്, മാഫ് കരാത് മ്ഹാകാ. ( ഗാവ്കാർ സഗ്ളെ ദുഖ്ഖി ജാതാ, കാംയ് ജാൺ രഡ്തായ് ബി )
മെഡം : ബാളു, അസൊ ദുഖ്ഖി ജാവംനാകാ. ആനി മനാന്ത്ല്യാൻ വിസ്വാസ് കാഡൂൻ ഉഡൊവ്നാകാ. ആമി തുകാ ഉതർ ദിലാം ഹ്യാ ഗാംവ്കാര്യാങ്ക് ഉതർ ദിലാം, സൻഡാസ് ബാന്ദൂൻ ദിത്ലെ മ്ഹണൂൻ ആസ് ദാഖയ്ലാ. ആമി ആമ്ചെ ഉതർ രാഖ്തലിം, ഗാംവ്കാര്യാഞ്ചി ആസ് പുരായ് കർതലിം.
സർ : ഹയ് ബാളു ആമി വയ്ര് മാഗ്ണി കർതലി. ഹി ഫകത് ഗൊംയ്ച്യാ ഗാംവ്ചീച് കാണി ൻഹയ്, ആഖ്ഖ്യാ ദെശാചി കഥാ ഹി. സർകാരാചി യെവ്ജൺ ഹി, സ്വച്ഛ് ഭാരത് അഭിയാൻ ഹെം… എക് മിനീട്, തുമ്ചെ കഡെൻ കൊണാകഡെൻ മൊബായ്ല് ആസാ തർ വിഡീവൊ രെകെഡീംഗ് കരാത്… താചി ഗരജ് ആമ്കാം ഫുഡാരാക് പഡ്ടലി. ( ദൊഗ് തീഗ് ജാൺ രെകൊർഡീംഗ് കർതാത് )
പഞ്ച് : ( യെവ്ന് ) ബാളു ബാബ് എക് ശെകെംൻഡ് ഹാംഗാ യെയാത്…! ( ബാൾ താച്യാ മ്ഹര്യാന്ത് വതാ, പഞ്ച് താച്യാ കാനാന്ത് കിതെം തരി സാംഗ്താ ആനി വതാ )
ബാളു : ഹാ ആതാം സമ്ജലൊ!
മെഡം : കിതെം സമ്ജലൊ ബാളു തും? ആനി തൊ കൊൺ, തുജ്യാ കാനാന്ത് സാംഗ്താലൊ തൊ? കിതെം സാംഗ്ലെം തുജ്യാ കാനാന്ത് താണെം?
ബാളു : ജാചൊ ഭംയ് ആസ്ലൊ, തെച് ജാലെം മെഡം.
മെഡം : കസ്ലൊ ഭംയ് ബാളു, ജാലെം കിതെം?
ബാളു : ( ബാളു മെഡ്മിച്യാ കാനാന്ത് സാംഗ്താ, മെഡം സരാച്യാ കാനാന്ത് സാംഗ്താ )
സർ : ഹാം അശി ഭാൻഗഡ് തർ…! ഹെം പള്യാത് ഗാംവ്കരാംനൊ, ആമി യെവ്ജില്ല്യാ പ്രമാൺ തുമ്കാം തുമ്ചൊ സൻഡാസ് മെൾടലൊ. ആതാം തർ ഖരി മജാ യെത്ലി കാം കരൂങ്ക്.
ശാണൊ : പൂൺ സർ താണെം കാനാന്ത് കിതെം സാംഗ്ലെം തെ…
സർ : കൊണാച്യാ കാനാന്ത് കൊണെം കിതെം സാംഗ്ലെം തെ തുമ്കാം നാകാ. തുമി ഫകത് സൻഡാസാന്ത് ബിന്ദാസ് കെന്നാ ബസ്പാക് മെൾടലെ തെം പള്യാത്. ആയ്ക് ബാളു… ദൊഗാം തിഗാം ഗാംവ്കാര്യാങ്ക് ഘെവ്ന് ഫാല്യാ മ്ഹാകാ എഫിസാന്ത് യെവ്ന് മെൾ, ആനി ഹാം തെ രികെഡീക് ഹാണ്ഡ്പാക് വിസ്രനാകാ… ആതാം വതാ ആമി. പളൊവ്യാ സൻഡാസ് കശെം ബാന്ദൂക് ദിനാത് തെ… ( തിം വതാ )
ബാളു : ഗാംവ്കാര്യാംനൊ… ബര്യാ രസ്ത്യാർ ചല്ല്യാർ ഖൂബ് ആഡ്മെളി യെതാത്, സത്യാചൊ രസ്തൊ ഹൊ ഖൂബ് കഠീൺ ആസ്താ. പൂൺ എക്വൊട് മൻശാക് ഘടായ് ദിതാ. ആമി എക്വൊടാൻ ഫുഡെ സര്യാ. രസ്തൊ ഹൊ കിത്ലൊയ് കഠീൺ ആസ്ലൊ തരി എക്ചാരാചി പാവ്ലാം കൊൺ ആഡൊവങ്ക് ശക്നാ. ഘരാ-ഘരാന്ത് സൻഡാസ് ഹി ആമ്ചി ഗരജ്, തൊ ആമ്ചൊ ഹക്ക്, ആനി ആമ്ചൊ ഹക്ക്, ആമ്ചൊ അധികാർ ആമ്കാം മെൾടലൊച്.
( കാളൊഖ് ജാതാ’ ദെഖാവ് പാഞ്ച്വൊ സൊംപ്താ )
( ദെഖാവ് സവൊ. ഉജ്വാഡ് ജാതാ, സഗ്ളെ ലൊക് ജമ്മില്ലെ ആസ്താത്. മെഡം ആനി സർ ബശില്ലി ആസാ, ബാളു എക് വടെൻ ഉബൊ. ദുസ്രെ വടെൻ ശാണു. )
മെഡം : ഭാട്കാരാക് ആപൊവ്ണെ ധാഡ്ലാം, പളൊവ്യാ തൊ യെതാ ജാല്യാർ.
സർ : യെതാ ജാല്യാർ ൻഹയ്, താകാ യെവ്ചൊച് പഡ്ടലൊ ആനി ജാഗ്യാചൊ പ്രസ്ന് സൊഡൊവ്ചൊച് പഡ്ടലൊ.
ഭാട്കാർ : ( യെവ്ന് ) ഹെം കിതെം ചലയ്ലാ തുമി? മ്ഹാകാ സൊ ആഫയ്ലാ! മ്ഹാകാ കാമാ നാത്? തുമ്ച്യാ സാർകൊ ബെകാർ ആസാ ഹാംവ്?
സർ : ബെകാർ തും ൻഹയ്, ബെകാർ ആസാ ആമി ൻഹയ് രെ, പർതൂൻ-പർതൂൻ ഹാംഗാ യെവ്പാക്. ആതാം കിതെം ജാലെം? ഒർഡർ ആയ്ലി ൻഹയ് തുകാ, ജാഗൊ ദിവ്പാചി. ചൽ ആതാം വെൾ നാകാ. ഹ്യാ കാഗ്ദാചെർ സയ് കർ.
ഭാട്കാർ : ( രാഗാൻ കാഗ്ദാ ഘെതാ, പെൻ ഹാതാന്ത് ഘെവ്ന് സയ് കരൂക് ) ഹാംവ് തുമ്കാം സൊഡ്ചൊനാ.
മെഡം : ഭാട്കാർ, സൊഡ്ചൊനാ മ്ഹണ്ടാ തെം സൊഡ്…! പയ്ലി കാഗദ് ബരെ തരെൻ വാചൂൻ ഘെ ആനി മാഗീർ സയ് കർ. വാചൂക് തരി യെതാ ൻഹയ്?
ഭാട്കാർ : ( സയ് കർതാ ) തുമി ജബരദസ്തീൻ ഘെത്ലാ മ്ഹജൊ ജാഗൊ. ഹാംവ് തുമ്കാം സൊഡ്ചൊനാ…!
മെഡം : പർതൂൻ സൊഡ്ചൊനാ, ആരെ ഭാട്കാർ ഹട്ട് സൊഡ് ആതാം ആനി തുജൊ ജാഗൊ മ്ഹള്യാർ കിതെം? യെതാനാ ജാഗൊ ഘെവ്ന് ആയിലാലൊ തും ഹ്യാ സംവ്സാരാന്ത്? ( ലൊക് ഹാംസ്താത് )
ബാളു : ശെ! കൊണൂച് ഹാംസു നാകാ. ദുസ്ര്യാചെം പരിസ്ഥിതീർ കൊണെം ഹാസ്ചെം ൻഹയ്. പരിസ്ഥിതി ഹി സാംഗൂൻ കൊണാചെർ യെനാ.
മെഡം : നാ, ഹാംസാത് തുമി! ഹാസുന്ദി താങ്കാം, തെ താചെ പരിസ്ഥിതീർ ൻഹയ്, താച്യാ ഗിന്യാനാർ ഹാംസ്താ. ഹൊ അക്കൽ നാശില്ലൊ ഭാട്കാർ, താകാ മാന്തൂയ് കൾനാ. കി ജാഗൊ കെന്നാ എക്ട്യാകഡെൻ ഉർനാത് മ്ഹൂൺ. ആപ്ലൊ ജാഗൊ, ആപ്ലൊ ജാഗൊ കർതാ തൊ. ഖംയ്ച്യാൻ ഹാണ്ഡില്ലൊ ഹൊ ജാഗൊ തുവെം?
ഭാട്കാർ : ഹൊ ജാഗൊ മ്ഹാകാ മ്ഹജ്യാ പുർവജ്യാ കഡ്ല്യാൻ മെള്ളാ.
മെഡം : മെള്ളാ… ഹാ ഫുകട് മെള്ളാ ൻഹയ്? ആനി ഹെ ഗാംവ്കാർ തുമ്ചെ കഡ്ല്യാൻ ജാഗൊ വികത് ഘെവ്പാക് പളയ്താ തരി തും വിക്പാക് തയാർ നാ. കിത്യാക്? പയ്ശെ ചഡ് ജാല്യാത്? താങ്കാം ഹ്യാ ജാഗ്യാചി ഗരജ് ആസാ ഹെ തും ജാണാ തരി, ജാണാ ജാവ്നൂയ് ഹിം നാട്കാം കിത്യാക്. ഖബർ ആസാ ൻഹയ് തുകാ, നീട് ബൊടാൻ തൂപ് യെനാ ജാല്യാർ ബൊട് വാക്ഡെ കർചെ പഡ്ടാ. ആനി ജ്യാ രസ്ത്യാൻ ചലൂൻ തെം കാം ജായ്നാ തൊ രസ്സൊച് വാക്ഡൊ കർപീയ് മനീസ് ആസാ ഹ്യാ ഗാംവാന്ത്. ആപ്ലൊ ഗാംവ് സൊബീത് ജാല്ലൊ തുകാ നാകാ. ഗാംവ്ചി ഉദ്രഗത് ജാല്ലി തുകാ നാകാ. ഭാട്കാർ ജാലൊ മ്ഹണൂൻ കിതെം ജാലെം. ഭാട് ഹഡ്ഡ്യാർ ഘെവ്ന് തർ വയ്ചൊം നാ ൻഹയ് തും.
സർ : മെഡം, ആസു ആതാം. ആമ്ചെ കാം ജാലെം ൻഹയ് വചൂദി താകാ. ഹെ പളയ് ഭാട്കാർ, തുവെം ആതാം വചു യെതാ, തുജൊ ഹിശൊബ് രൊക്ഡൊച് ജാത്ലൊ… ( ഭാട്കാർ വതാ, വതാനാ ബാളൂക് രാഗാൻ പളയ്താ ) തർ ഗാംവ്കാര്യാംനൊ ആയ്ജ് ആമ്ചെ ചഡ് ശെ കാം ജാലെം… ആനി കാംയ് ദിസാംനി ഉർലാ തെ കാം സൊംപ്തലെം. മാഗീർ തുമി തുമ്ച്യാ കാമാക് സുർവാത് കർപാചി തി മ്ഹള്യാർ സൻഡാസ് വാപ്രപാചി. ഫാല്യാ സാവ്ന് സൻഡാസ് ബാന്ദ്പാചെ കാം സുരു ജാത്ലെം. കുലകർണി നാംവാചൊ എക് കൊന്ത്രാദൊർ താകാ ഹെ കാം ദിലാ. തുമി തുമ്കാം ജായ് തെ പരി ബാന്ദൂൻ ഘെവ് യെതാ. താകാ തുമി മജത് കരാത്. മ്ഹൺജെ തൊ കാം ബരെ കർതലൊ ആനി ബെഗീൻ കർതലൊ. കൾലെ തുമ്കാം
സഗ്ളി : ഹയ് സർ…..! ( കാളൊഖ് ജാതാ ആനി ദെഖാവ് സവൊ സൊംപ്താ )
ദെഖാവ് സാത്വൊ
( ഉജ്വാണ്ഡ് ജാതാ, സൻഡാസ് ബാന്ദൂൻ തയാർ ആസാ. ലൊക് ആപ് ആപ്ല്യാ കാമാന്ത് മഗ്ന്, കൊൺ ഫൊല്യൊ ലായ്താ, കൊൺ കൊർ കാഡ്ടാ. താംബ്ഡെ ഫിത് ബി ബാന്ദില്ലെ ആസ്താ. )
ബാളു : ( യെവ്ന് ) ഹാ ജാലി ൻഹയ് സഗ്ളി തയാരി? ആതാം ആമ്ചൊ മുഖെൽ മന്ത്രി യെവ്പാചൊ ആസാ. ആമ്ച്യാ സൻഡാസാചെ ഉക്താവൺ കർപാക്, തെ നിർമൽ ഖംയ് ഗെലെം?
നിർമൽ : ( യെവ്ന് ) ഭാഉ ആയ്ലെം ഹാംവ്.
ബാളു : ആയ്ലെം… ആരെ വ്വാ! സൊബീത് ൻഹെസ്ലാ മഗൊ തും സാഡി.
നിർമൽ : ഹയ് ഭാഉ, സഗ്ളെച് സൊബീത്, സുന്ദർ ജാലാ. ഗാംവ്കാര്യാഞ്ചി മനാംയ് ബി ആനി കാൾജാംയ്
ബാളു : ഹയ് ഹാ, ഹയ്. ദിസ്താത് തെ. പൂൺ തെ ബരെം ആസാ… കാതർ ഗൊ.
നിർമൽ : കിതെം കാത്രും ഭാഉ?
ബാളു : ആഗൊ ഹാംവ് തുകാ കാതർ മ്ഹണ്ടാ, കാതർ ഖംയ് ആസാ കായ് വിചാരതാ.
നിർമൽ : ഹാ തി കാതർ, കാത്രതാ തി… ഹാ തി താടാന്ത് ആസാ.
ബാളു : ഖംയ്ച്യാ താടാന്ത്?
നിർമൽ : ത്യാ… കാതർ ആസാ ത്യാ താടാന്ത്
ബാളു : ഹയ് ഗൊ പൂൺ തെ താട് ഖംയ്?
നിർമൽ : ഭിതർ ആസാ ഭാഉ!
ബാളു : ആസാ മഗൊ ഭിതർ..! തർ ഹാഡ് ൻഹയ്. മന്ത്രി യെവ്ചൊ ജാലൊ.
നിർമൽ : ആതാഞ്ച് ഘെവ്ന് യെതാ ഭാഉ. ( തെ വതാ )
ശാണൊ : ( എക് ഉദ്കാ ഭരില്ലൊ ഡൊബൊ ഘെവ്ന് യെതാ ) ഭാഉ മുഖെൽ മന്ത്രി ആമ്ച്യാ സൻഡാസാചെ ഉക്താവൺ കർതലെ ൻഹയ്, ഹാംവെം ഹൊ ഡൊബൊ ഭരൂൻ ഹാണ്ഡ്ലാ ഹാ.
ബാളു : ആരെ ഹൊ ഡൊബൊ സൊ കിത്യാക് ഹാഡ്ലാ?
ശാണൊ : നാ ഉക്താവണാ ഉപ്രാന്ത് തൊ ഹെം കർചൊനാ തർ.
ബാളു : ശാണൊ മരെ തും. ഉക്താവണാ ഉപ്രാന്ത് തൊ ഹെ കർതലൊച് മ്ഹണൂൻ ആസാ? താകാ ജാല്യാർ കർതലൊ ൻഹയ് തൊ. ആനി ജാലെംയ് ജാല്യാർ ഹാചി കസ്ലി ഗരജ്, സൻഡാസാന്ത് ഹി സഗ്ളി വെവ്സ്ഥാ ആസാ.
ശാണൊ : ഹയ് ൻഹയ് ഭാഉ, ഹാംവ് ആപ്ലൊ ആദ്ലെച് ഘെവ്ന് ബസ്ലാ… ( സായ്രൻ വാജ്താ ) ഭാഉ മുഖെൽ മത്രി ആയ്ലെ ദിസ്താ ഹാ.
ബാളു : ഹയ് വയ് ആയ്ലെ ആയ്ലെ. യെ നിർമൽ യൊ ഗൊ ബെഗീൻ കാതർ ഘെവ്ന്. ( മത്രി ആനി ആനീക് ദൊഗ് ജാൺ യെതാ, നിർമൽ കാതർ ഘെവ്ന് യെതാ. ) നമ്സ്കാർ ഭാഇ…
മന്ത്രി : നമ്സ്കാർ, നമ്സ്കാർ…! ( സഗ്ള്യാക് നദർ ഭൊവ്ഡായതാ ) ആക്കൊ ഗാംവ് ബരൊച് നീതൾ കെലാ ഹാ…! അഖ്ഖ്യാ ഗാംവാർ പാസയ് മാരൂൻ പളയ്ലാ ഹാംവെം. ഗാംവ്ചെ ദരെക് ഘർ, ഘരാ കുശീചൊ വാഠാർ എക്ദം സാഫ്. ദരെക് ഗാംവാൻ തുമ്ച്യാ ഗാംവ്ചൊ ആർദശ് ഘെവ്ചൊ.
ബാളു : ഹെ സഗ്ളെ തുമ്ചെച് ഉപ്കാർ ഭാഇ. തുമ്ചെ മജ്തി ബഗാർ ഹെം ശക്കച് നാസ്ലെം.
മന്ത്രി : ആമ്ചി മജത് തർ ദരെക് ഗാംവാ ഖാതീർ ആസാ, പൂൺ ദരെക് ഗാംവ് തുമ്ച്യാ ഗാംവാ സാർകൊ നാ, ആനി ജർ ദരെക് ഗാംവ് തുമ്ച്യാ ഗാംവാ സാർകൊ സൊബീത് സുന്ദർ ജായ്ത് തർ ഗൊംയ് ഹെം സർഗാചെ ദുസ്രെ നാംവ് ജാത്ലെം.
ബാളു : ഹയ് ഭാഇ, ഗൊംയ് സർഗാ സാർകെ കർപാക് ആമി യത്ന് കർതലെം, ആമ്ച്യാ ഗാംവാ സാർകെച് ദുസ്രെയ് ബി ഗാംവ് ജാവ്ചെ ഹാച്യാ ഖാതീർ ഗാംവാ ഗാംവാനി ജാഗ്രുതകായ് കർതലെം, ഗൊംയ് ആമ്ചെ ഖൂബ് സുന്ദർ ആസാ താചി സുന്ദ്രതായ് തിഗൊവ്ന് ദവർച്യാ ഖാതീർ ആമി ഹെം കഠീൻ കാം കർതലെ.
മന്ത്രി : ഹയ് ഹെം തുമീച് കരൂക് ശക്താത്. തുമ്ചെ മൻ ഖൂബ് സാഫ് ആസാ ആനി മൻ സാഫ് തർ സഗ്ളെ സാഫ്. ആതാം ഫീത് കാപൂൻ ഉക്താവൺ കരുയാ. ( കാതർ ഘെവ്ന് ഫീത് കാപ്താ, സഗ്ളി താള്യൊ മാർതാ. കാളൊഖ് ജാവ്ന് ദെഖാവ് സാത്വൊ സൊംപ്താ )
ദെഖാവ് ആഠ്വൊ
( ഉജ്വാഡ് ജാതാ, മെഡം ആനി സർ യെവ്ന് സഗ്ള്യാക് പളയ്താ. ആപ്ല്യാതൂഞ്ച് സൊബീത് കായെചി തൊകൂണായ് കർതാ )
ബാളു : ( യെവ്ന് ) ആരെ മെഡം, സർ തുമി ആമ്ച്യാ ഗാംവാന്ത്?
മെഡം : തുമ്ച്യാ ഗാംവാന്ത് ആമി യെവ്പ് നാ രെ ബാളു.
ബാളു : നാ നാ മെഡം തശെം ൻഹയ്, തുമി മൊസ്ട് വെൽകം ആസാ. പൂൺ അച്കീത് അശി.
സർ : അച്കീത് യെവ്പാചെ കാരൺ ആസാ, തുമ്ചൊ ഗാംവ്ച് തസൊ സൊബീത് ആസാ, തുമ്ച്യാ ഗാംവാന്ത് പർതൂൻ-പർതൂൻ യെവ് അശെ ദിസ്താ ആനി ആയ്ലെം കി പർതൂൻ വചു നയെ ശെം ദിസ്താ.
ശാണൊ : ( യെവ്ന് ) മെഡം, സർ തുമി ആമ്ച്യാ ഗാംവാന്ത് യെവ്പ് മ്ഹണ്ല്യാർ ഹി ദെവാചി ദെൺഗി, കെന്നാ ആമി ആമ്ച്യാ ഗാംവാക് തർ കെന്നാ തുമ്ച്യാ പാംയാങ്ക് പളയ്താ.
മെഡം : ആരെ അശെം കിത്യാക് മ്ഹണ്ടാ ഹൊ.
ബാളു : ആപ് ആയെ ഹമാരെ ഘർ യെ ഖുദാ കി കുദ്രത് ഹൈ … തെ ആസാ ൻഹയ് തെ തൊ ആപ്ലെ തരെൻ മ്ഹണ്ടാ.
മെഡം : ഹാ ബരെം ബരെം ( തി ഹാസ്താ )
നിർമൽ : ( യെവ്ന്)പാവ്സ് പഡ്ച്യാ പയ്ലി ജഗ്ലാവണി, ഗഡ്ഗഡ് മാർതാ. വാദൾ ജാവ്ച്യാ പയ്ലി… ദര്യാ ശാന്ത് പഡ്ടാ പൂൺ തുമി യെവ്ച്യാ പയ്ലീഞ്ചി ഖുണാ കാംയ്ച് കൾ നാ മെഡം… പയ്ലി കളില്ലെം ജാല്യാർ, ച്യാ നാസ്ത്യാചി തരി വെവസ്ഥാ കർതലിം ആസ്ലി.
സർ : തുമ്ചെ വിചാർ ബരെച് ഫുഡെ പാവ്ല്യാത് ഹാം കൾടാ തെ.
ശെംവ്തു : ( യെവ്ന് ) ഹൊ സഗ്ളൊ നിത്ളസാണെചൊ അസർ, ആമ്ച്യാ ഗാംവാ വാംഗ്ഡാ ആമ്ചെ തൻ മൻ സഗ്ളെ സാഫ് ജാലെം സർ.
മെഡം : വ്വാ വ്വാ വ്വാ അശെം ഹെ ഭാഗ്യ് സഗ്ള്യാങ്ക് ഖംയ് മെൾടാ. തുമ്ച്യാ ഹ്യാ ഭാഗ്യാചൊ ഭാഗിദാർ ബാളു ബാബ്… ആനി എക് തുമ്ച്യാ ഖാതീർ ഭാഗ്യാചി ഖബർ ആസാ.
ബാളു : ഭാഗ്യാചി ഖബർ, ആമ്ച്യാ ഖാതീർ, ആമ്ച്യാ ഗാംവാ ഖാതീർ.
മെഡം : ഹയ്, തുമ്ച്യാ ഗാംവാ ഖാതീർ. സർ… ( സാംഗ്പാക് ഖുണയ്താ )
സർ : തർ ഖബർ അശി ആസാ… തുമ്ചൊ ഗാംവ് സഗ്ള്യാ ഗാംവാ പരസ് ‘ സൊബീത് സുന്ദർ ഗാംവ് ‘ മ്ഹണൂൻ വെഞ്ചൂൻ കാഡ്ലാ. ആനി തെ ഖാതീർ സർകാരാ കഡ്ല്യാൻ തുമ്ച്യാ ഗാംവാ ഖാതീർ ഇനാം ഫാവൊ ജാലാ… ഹെം ഘെയാത് പ്രമാൺ പത്ര് ആനി ഹൊ പഞ്ച്വീസ് ലാഖാഞ്ചൊ ചെക് ഇനാമാച്യാ രുപാൻ. ( ബാളു ചെക് ആനി പ്രമാൺ പത്ര് ഘെതാ താച്യാ ദൊള്യാംനി ദുകാം യെതാ സഗ്ളിം ഖൂശ് ജാതാ )
ബാളു : പളയ്ലെം ൻഹയ്. കശ്ടാചെ ഫൾ സദാഞ്ച് ഗൊഡ് ആസ്താ, ബളാ പരസ് ബുദ്ദ് വ്ഹഡ് ആസ്താ. സംവ്സാർ ഹൊ കിത്ലൊയ് വജ്നദാർ ആസ്ലൊ തരി മൊഗ് ഹൊ സഗ്ള്യാംൻ ജഡ് ആസ്താ. അസൊ ഹൊ ‘ സൊബീത് സുന്ദർ ആമ്ചൊ ഗാംവ് ‘ കിതെം? തുമ്ചൊയ് ഗാംവ് അസൊ സൊബീത് സുന്ദർ ജാവങ്ക് ജായ് തർ ആയ്ജ് പാസൂൻ നിത്ളസാണെക് സുർവാത് കരാത്. സ്വതാക് സാഫ് ദവ്രാത്, ഗാംവ് സാഫ് ദവ്രാത്. ഘരാ ഘരാന്ത് സൻഡാസ് ബാന്ദാത് ആനി താചൊ വാപർ കരാത്. തരച് ജാത്ലൊ ‘ സൊബീത് സുന്ദർ ആമ്ചൊ ഗാംവ് ‘
।। സൊംപ്താ ।।
