2016 ഇസ്വെന്ത് പെദ്രു നാടക് ഘെവ്ന് ലോഗോസ് ഥിയേടർ ട്രൂപ് പംഗ്ഡാൻ സുർവാത് കെല്ലി ഭൊംവ്ഡി യശസ്വി 7 വർസാം സംപയ്ല്യാ ഉപ്രാന്ത് ഹ്യാ വർസാ അട്വ്യാ വർസാച്യാ ഭൊംവ്ഡെക് തയാർ ജാല്യാ. ഹ്യാ വർസാ അട്വ്യാ വർസാചി ഭൊംവ്ഡി ത്യാ ദെകുൻ ആട് നാടക് ഘെവ്ന് ആട് കുശിക് ഭായ്ര് സർല്യാംവ് മ്ഹണുൻ ആയോജകാംനി കളയ്ലാം. ഹ്യാ വർസാച്യാ ഭൊംവ്ഡെചെം ചലാവൺ മംഗ്ളുർ ദിയെസെജിച്യാ ഗൊവ്ളി ബാപാംനി, അധിക് മാനാദിക് ബാപ് ദൊതൊർ പീടർ പാവ്ല് സൽഡാനാ ഹാണിം കെലെം. ഉപ്രാന്ത് ബജ്ജോഡി ഫിർഗജെച്യാ സഭാംഗണാന്ത് എമ്മാവ്സ് നാടകാചെം പ്രദർശൻ സാദർ ജാലെം. സുവാർതെ ഭൊംവ്ഡെചെ സർവ് നാടക് ബാപ് ദൊതൊർ ആല്വിൻ സെരാംവ് ഹാണിം ബരയ്ല്യാത്. ലൊകാങ്ക് നാടകാ മുഖാന്ത്ര് ശിക്ഷിത് കരുൻ, കലെച്യാ മാധ്യമാം ദ്വാരിം സുവാർതാ പർഗട്ണെചെം കാര്യ് ശ്ലാഘനീയ് മ്ഹണുൻ ഗൊവ്ളിക് ബാപാംനി കളയ്ലെം. സുവാർതെ ഭൊംവ്ഡെക് ലൊകാം ഥാവ്ന്, ഫിർഗജെ ഥാവ്ന് ഭർപൂർ പാടിംബൊ ലാബൊന്ദി മ്ഹണുൻ ബരെം മാഗ്ലെം.
ബജ്ജോഡി ഫിർഗജെചെ വിഗാർ ബാപ് ഡൊമിനിക് വാസ് , ലോഗോസ് പംഗ്ഡാചെ മുകെലി ബാപ് ആല്വിൻ സെരാംവ്, അസ്തിത്വ പംഗ്ഡാചി ഝീനാ ബ്ര്യാഗ്സ് ഹാജർ അസ്ലി.
സുവാർതെ ഭൊംവ്ഡി 2016 ഇസ്വെന്ത് സുർവാതുൻ എദൊൾ മ്ഹണസർ 10 നാടകാഞ്ചിം ദൊൻശ്യാം വയ്ര് പ്രദർശനാം ദേശ് വിദേശാന്ത് സാദർ ജാല്യാന്ത്, ലഗ്ബഗ് ദോൻ ലാഖ് പ്രേക്ഷകാംനി പ്രദർശനാം പളെയ്ല്യാന്ത്…
BOOKINGS OPEN…..
Contact:
Rev. Dr. Alwin Serrao (8050310755)
Christy (9113226234)
Canwin (9964440776)
