Rosary vannijy ani kola mohavidealoi navelim, saxtt ani Konkani Bhasha Mandal Madgao hanchea zoddpalovan ʻ Vers Lokgitam: Konknnichi Girest Sonskruti’ hea vixeacher 2024 febrer 3 eka disacho raxttri-i porisomvad ayojit kel’lo.
Porisomvadak bai Sharufa Fernandes ani bab Avison Gomes amchea videartheamni magnneache ritintlean survat keli. Uprant amchea mohavidealoyache prachary Prof. Helic M. Barretto hannim sobhaghorant hajir axil’lea sogllea manesotank ani videartheank yeukar dil’lo. Kareavollicho protyokxoponnan arombh korpa khatir kazarache yers mhonnpak vapropi tontracho – danteant tandull ghalun survat keli. Porisomvadachem prostavik uloup hea porisomvadache somyozok Fr. Roman Rodrigues hannem kele. Konknni bhaxa monddllache odhyokx ani porisomvadache zodd somyozok hea natean xrimti Anwesha Singbal hinnem aplem uloup kele. Dr. Fr. Melwyn Pinto SJ hannem hea porisomvadache bijbhaxonn kelem. Konknni vibhagache mukheli hea natean Dr. Denis Vaz hannem uktaunn suvalleachem upkarachem uloup kele. Uprant biz bhaxonn korpi Dr. Fr. Melwyn Pinto ani konknni bhaxa monddllache odhyokx xrimti Anwesha Singbal hankam yadstikam dil’lim. Uktaunn suvalleachem sutrosonchalon bai protikxa sangamvkar hannem kelem.
Chea zalea uprant porisomvadachem poilem sotr zalem, hea sotrant Dr. Pandurang Phaldessai, odhyokx mhonn labil’le. Hea sotrant, mongllur versanchi vattchal hea vixeacher xri. Joachim Pinto hannem obheas korun proptr toyar kelem zalear bai Miss DelvitaVeigas hinnem to sador kelo. Sotrantolem dusrem proptr Ms. Maya Morajkar hinnem gõychea versinchi vattchal hea mathallea khala obheasopurnn proptr manddlem. Versantlean ghoddil’li somajik obhivyokti hea vixeacher Fr. Roman Rodrigues, hannem sotrantolem tisrem proptr manddlem. Soglle proptr manddlea uprant sotrache odhyokoxan proptrancho saraxom kelo ani uprant prosna khatir machi ukti keli. Sobhaghorant axil’leanchea prosnancheo zapo dil’lea uprant bai Kalpitha hannem sotrant vantto ghetil’leanche upkar manle. Sotrant vantto ghetil’lea manestank yadstikam dilim.
Kazarachi rit ani yersanchem sadrikoronn hea dusrea sotrant mongllurchea pongddan ani gõychea pongddan yersanchem sadrikoronn kelem. Hea sotrant Dr. Glenis Mendonca hinnem aplem monogot vyokt kelem. Porisomvadak lognache riticher chodd korun vers gamvpachea vellar asil’lem svorup protyokxoponnan dakhoilem. Ms Violet Fernandes hannem hea sotrachem sutrosonchalon kelem.
Vers lokgitam: konknnichi girest somskriti hea eka disachea porisomvadachea somarop suvalleak pro. Helik borertto hannem yeukarachem uloup kelem. Mohavidealoyache proxask hea natean Fr. Gabriel Coutinho hannem aple vichar manddle. Sohaiyok pradheapok xrimti axa gamvkar hinnem soglleanche upkar manle ani eka disacho raxttri-i porisomvadak purnnoviram’ lailo.
