“Horyeka somudayak tanchich mholl’lli somskriti ascheporim amkam konknni bhaxikankyi ek somskriti asa. Hi pillgethaun pillgek vhallon ailea ani porivorton zaunm ch gelea. Somajent boro sombondh ruta korcheak somasompnn lekchem gorjechem. Bodlapachea vadallant amchi somskriti ani somprodai uroun gheun bhas ani somskritichea pallamsovem ovibhin’n zaun urchi amchi zovabdari zaunasa. Haka sahitinchi denngi dharall” oxem mhonnalo mongllur dhorm’ prateanchea seminoricho rekttor Ma| Do| Ronald Serao, aplea likhnnethaun konkonni sahity xetant aplich chhap marl’lea Do| Jerald Pintok obhinondon pattoun. Febrer 17ver sanjer bojjodi Sandesha sobhasalant chol’lelea konknni lekhok songh proxosti prodhan somarombhant to mukel soiro zaun hazor asl’lo.
Ma| Do| Ronald Serao, Alvas PU Kolejicho kon’noddo pradheapok Shri T.A.N Khandige, konkonni lekhok songh sonchalok Richard Moras, sande Do| Edward Nazreth, Dolfi Cascia, Henry Mascharenhas vedir ason, xelo, jhelo ghaln, moisur petto sozoun, follam, smoronnika manpo tr ani ru. 25,000/- diun do| jeraldd pinttok man kelo.
Gourou Shri T.A.N Khandige hannem uloun, ʻkoraull ek bohubhaxa songom’. Osolea vividhotent ek zaun samorosy bandhun haddunk konkonni bhaxikancho vaur hogllikek favo. Konkonni bhaxent zaitem sahity asa. Malghoddea sahitinchea mettamni chomkun, probud’dh sahity mukari rochon zamvʼ oxem sondex dilo.
Hea vixex sondorbhar ‘Poetika’ kovincho pongodd rochun konkonni kovita xetant aplich vollok dakoyil’lea addmin Naveen Pereirak 25 kovigoxtti choloyil’leak xabhaski pattoun man kelo. Toxench 2024vea vorsachi ‘sondexo sahity proxosti’ apnnayil’lea sahiti Vally Quadros Ajekar, haka man kelo. Hankam kroman sahiti ddolfi kassia ani kovi Andrew D’Cunhan fulam ture diun obhinondon pattoile.
Manest Anil D’Cunhan prarthon gailem. Sonchalok Richard Morasan prastavik uloup dilem. Do| Edward Nazrethan svagot kelo. Henry Mascharenhasan Do| Jerry Niddodichi vollok korn dili. Xrimoti Felcy Lobon sonman potr vachlem. Goerge Ligori D’Souzan dhonyovad pattoile. Maxim Ludrik Bondel, Dia Mascharenhas ani Keniso D’Souzan sohokar dilo. Ma| ba| Mark valdar, sevak sompadok ma| ba| Chethan Kapuchin, Raknno sompadok ma| ba| Roopesh Madtha, lekhok J. F. D’Souza Attavar, M.C.C. Bank nirdexok Irin Rebello, namnneche sahiti, potranche sompadok, obhimani hazor asl’le. Sahiti Lavi Ganjimata hinnem karyokrom’ niruponn kelem.
