ಬದ್ಲೊನ್ ಯೆಂವ್ಚ್ಯಾ ಕೊಂಕ್ಣಿ ಕಥೊಲಿಕ್ ಲಗ್ನಾ ಸಂಸ್ಕೃತೆಚೆಂ ಅಧ್ಯಯನ್

ಪ್ರೀತಾ ಲಿನೆಟ್ ಪಿರೇರಾ

ಸಾರ್ ಸಬ್ದ್: ಕಾಜಾರ್, ವರ್ಡಿಕ್, ಸರ್ಪಳಿ, ವ್ಹೊರ್.

ಸಾರಾಂಶ್

ಕಥೊಲಿಕ್ ‘ಲಗ್ನ್’ ಎಕ್ಯೆ ವೆಕ್ತಿನ್ ಆಪ್ಲ್ಯಾ ಜಿವಿತಾವ್ದೆಂತ್ ಘೆವ್ಯೆತ್ ಜಾಲ್ಲ್ಯಾ ಸಾಕ್ರಾಮೆಂತಾಂ ಪಯ್ಕಿ ಏಕ್ ಜಾಲ್ಲ್ಯಾನ್ ಕಾಜಾರ್ ಮ್ಹಳ್ಳ್ಯಾ ಹ್ಯಾ ಸಂಸ್ಕಾರಾಕ್ ಕಥೊಲಿಕ್ ಧರ್ಮಾಂತ್ ವಿಶೇಸ್ ಆರ್ಥ್ ಆಸಾ. ಗೊಂಯಾಂ ಥಾವ್ನ್ ದಕ್ಷಿಣೆಕ್ ಆಯಿಲ್ಲೆ ಆದ್ಲೆ ಕಥೊಲಿಕ್ ಪುರ್ವಜ್ ಸಮಾಜಿಕ್ ಸಂಗ್ತಿಂಕ್ ಮಹತ್ವ್ ದಿತಾಲೆ. ಜೊಗಾಸಾಣೆನ್ ಆಪ್ಲಿ ಸಂಸ್ಕøತಿ ತಾಣಿಂ ರಾಕುನ್ ಘೆತ್ಲ್ಯಾ. ಅಶೆಂ ಕರ್ನಾಟಕ, ಕೇರಳ, ದಕ್ಷಿಣೆಚ್ಯಾ ಗಾಂವಾಂಕ್ ದೆಂವುನ್ ಆಯಿಲ್ಲ್ಯಾ ಗೊಂಯ್ ಮುಳಾಚ್ಯಾ ಲೊಕಾನ್ ಹ್ಯಾ ಗಾಂವಾಚ್ಯಾ ಲೊಕಾಚಿ ಸಂಸ್ಕøತಿ ಆಪ್ಣಾಚಿ ಕರುನ್ ಥಂಯ್ ಥಾವ್ನ್ ಹಾಡ್ನ್ ಆಯಿಲ್ಲ್ಯಾಕ್ ಆನಿ ಥೊಡೆಂ ಸೆರ್ವುನ್ ಸೊಬಿತ್ ಸಂಸ್ಕøತಿ ರಚ್ಲಿ. ಕೊಂಕ್ಣಿ ಕಥೊಲಿಕಾಂ ಮಧೆಂ ಕಾಜಾರಾ ಸಂಬಂಧಿ ಸಂಪ್ರದಾಯಾಂತ್ ಆದಿಂ ಥಾವ್ನ್ ಆತಾಂ ಮ್ಹಣಾಸರ್ ವಿವಿಧ್ ಬದ್ಲಾವಣ್ ಚಲುನ್ ಆಯ್ಲ್ಯಾ. ಗೆಲ್ಯಾತ್ಯಾ ವರ್ಸಾಂನಿ ಕಥೊಲಿಕ್ ಕಾಜಾರಾಂಕ್ ಪಾಶ್ಚಾತ್ಯ್ ಸಂಸ್ಕøತಿಚೊ ವೊಸೊ ಲಾಗುನ್ ಪುರ್ವಿಲ್ಯಾ ಕಥೊಲಿಕಾಂ ಮಧೆಂ ಆಸ್‍ಲ್ಲ್ಯೊ ಥೊಡ್ಯೊ ರಿತಿ-ರಿವಾಜಿ, ಸಂಪ್ರದಾಯ್ ನಪಂಯ್ಚ್ ಜಾಲ್ಯಾತ್ ತರ್ ಥೊಡ್ಯೊ ನವ್ಯೊ ರಿವಾಜಿ ಚಲಾವಣೆರ್ ಆಸಾತ್. ಪೂಣ್ ಹ್ಯಾ ರಿವಾಜಿಂಚೊ ಖರೊ ಆರ್ಥ್ ಕಳಿತ್ ನಾಸ್ತಾನಾ ಆದಾರ್ಚೆ ಹೆ ಸಂಪ್ರದಾಯ್ ಫಕತ್ ಪ್ರದರ್ಶನ್ ಕಲಾ ಜಾಂವ್ಚೊ ಅಪಾಯ್ ಚಡ್. ಹ್ಯಾ ಲೇಖನಾಂತ್ ಕೊಂಕ್ಣಿ ಕಥೊಲಿಕ್ ಕಾಜಾರಾಂನಿ ಆದಿಂ ಚಲುನ್ ಆಯಿಲ್ಲಿ ವಾಟ್ ಆನಿ ಪ್ರಸ್ತುತ್ ಆಧುನಿಕ್ ಕಾಜಾರಾಂನಿ ಚಲುನ್ ಆಸ್ಚ್ಯಾ ಆಚರಣಾಂ ವಿಶಿಂ ತುಲನಾತ್ಮಕ್ ಅಧ್ಯಯನಾಚೆಂ ಪ್ರಯತನ್ ಕೆಲಾಂ.