ಕೊಂಕ್ಣಿ ಭಾಸ್: ಕಾಲ್, ಆಜ್ ಆನಿ ಫಾಲ್ಯಾಂ- ಏಕ್ ಚಿಂತಪ್

ಫಾ| ವಲೇರಿಯನ್ ಫೆರ್ನಾಂದ್

ಸಾರ್ ಸಬ್ದ್:

ಸಾರಾಂಶ್

ವ್ಯಾಕರಣ್ ಎಕಾ ಭಾಶೆಚಿ ಹಾಡಾವಳ್ (Skeleton) ಮ್ಹಣ್ತಾತ್. ಭಾಸ್ ರಚ್ಣುಕೆಂತ್ ವ್ಯಾಕರಣಾಚೊ ಪಾತ್ರ್ ಕಿತೆಂ ಮ್ಹಳ್ಳ್ಯಾಕ್ ಯೆದೊಳ್ ಸರ್ವಾಂನಿ ಮಾಂದ್ಚಿ ಸಂಪಿ ಜಾಪ್ ಮೆಳೊನಾ ತರೀ, `ವ್ಯಾಕರಣ್ ಕಿತ್ಲ್ಯಾ ಮಾಪಾನ್ ಕಲಾಗೀ ತಿತ್ಲ್ಯಾಚ್ ಮಾಪಾನ್ ವಿಗ್ಯಾನ್’ ಮ್ಹಣ್ತಾತ್ ಭಾಶೆ ಪಂಡಿತ್. ಕ್ರಿಸ್ತಾಂವಾಂನಿ ಉಲಂವ್ಚ್ಯಾ ಕೊಂಕ್ಣೆಚೆಂಚ್ ಯೆದೊಳ್ ಪ್ರಾಮಾಣಿಕರಣ್ ಜಾಂವ್ಕ್ ನಾ, ಕಿತ್ಯಾಕ್ ಹಾಂಗಾಸರ್‍ಯಿ `ಸಾರ್ಕಿ ಖಂಚಿ, ಖಂಚಿ ಚೂಕಿಚಿ?’ ಮ್ಹಳ್ಳ್ಯಾಚೊ ನಿರ್ಧಾರ್ ವಾ, ಸರ್ವ್ ಬೊಲಿಂಚ್ಯಾ ಸಹಮಿಲನಾಚಿ ಪ್ರಾಮಾಣಿಕೃತ್ ಕೊಂಕ್ಣಿ ಯೆದೊಳ್ ಘಡೊನ್ ಹಾಡುಂಕ್ ನಾ ಜಾಲ್ಲ್ಯಾನ್, ಸಮಗ್ರ್ ಕೊಂಕ್ಣೆಚ್ಯಾ ವಾಡಾವಳಿಕ್ ಹಿ ಏಕ್ ಹರ್ಕತ್ ತಶೆಂ ಭೊಗ್ತಾ. ಅಸಲ್ಯಾ ಸಂದಿಗ್ದ್ ಸಂದರ್ಭಾರ್ ಕೊಂಕ್ಣಿ ಭಾಶೆಚ್ಯಾ ಫುಡಾರಾವಿಶಿಂ ಚಿಂತಪ್ ಆಟಂವ್ಚೆಂ ಲೇಖನ್ ಹೆಂ. ವಾಚಾ.