ಮೊಂತಿ ಫೆಸ್ತಾ’ಚ್ಯಾ ಇತಿಹಾಸಾ ಭೊಂವಾರಿಂ…

ಜೋಕಿಮ್ ಪಿಂಟೊ

ಸಾರ್ ಸಬ್ದ್:

ಸಾರಾಂಶ್

ಮಂಗ್ಳುರಿ ಕೊಂಕ್ಣಿ ಕಥೊಲಿಕಾಂಚ್ಯಾ ಅಸ್ಮಿತಾಯೆಚೊ ಗುರ್ತ್ ತಶೆಂ ಆಚರಣ್ ಕರ್ಚೆಂ `ಮೊಂತಿ ಫೆಸ್ತ್’ ಖಂಯ್ಸರ್ ಸುರ್ವಾತ್ಲೆಂ ಮ್ಹಳ್ಳೆಂ ಪಾಟ್ಲ್ಯಾ ಧಾ-ಬಾರಾ ವರ್ಸಾಂಥಾವ್ನ್ ಮಾದ್ಯಮಾಂನಿ ಚರ್ಚೆಚೊ ವಿಷಯ್ ಜಾಲಾ. ಮಂಗ್ಳುರಾಂತ್ ಆತಾಂ ಆಚರಣ್ ಕರ್ಚ್ಯಾ ಮೊಂತಿ ಫೆಸ್ತಾಕ್ ಆನಿ ಗೊಯಾಂತ್ ಸುರ್ವಾತಿಲ್ಲೆಂ ಮ್ಹಣ್ಚ್ಯಾ `ಮೊಂತಿ ಫೆಸ್ತಾ’ಚ್ಯಾ ಧಾರ್ಮಿಕ್ ರಿತಿ-ರಿವಾಂಜಿ ಮಧೆಂ ತಶೆಂಚ್ ಸಮಾಜಿಕ್ ಸಂಪ್ರದಾಯಾಂ ಮಧೆಂ ಎಕಾಮೆಕಾ ತಾಳ್ ಪಡಾನಾತ್‍ಲ್ಲೊ ಫರಕ್ ಆಸಾ ಮ್ಹಣ್ತೆಚ್ ಮೊಂತಿ ಫೆಸ್ತಾಚೆಂ ಮೂಳ್ ಕಳಾಜೆ ತರ್ ಆನಿಕ್‍ಯಿ ಗೂಂಡ್ ಸೊಧ್ನಾಂಚಿ  ಗರ್ಜ್ ಆಸಾ. ತರೀ, ಯೆದೊಳ್ ಮೆಳ್ಳೆಲ್ಯಾ ದಾಖ್ಲ್ಯಾಂ ಮಾರಿಫಾತ್ ಮೊಂತಿ ಫೆಸ್ತಾಚ್ಯಾ ಮುಳಾವಿಶಿಂ ಎಕಾ ನಿರ್ಧಾರಾಕ್ ಯೆಂವ್ಚೆಂ ಪ್ರೇತನ್ ಹ್ಯಾ ಲೇಕನಾಂತ್ ಕೆಲಾಂ