ಚಪ್ಟೇಕಾರ್ ಸಾರಸ್ವತ್ ಬ್ರಾಹ್ಮಣ್ ಸಮುದಾಯ್ ಆನಿ ತಾಂಚೆಂ ಆಚರಣ್ – `ಗೋಂದೋಳು’

ಚಂದ್ರಕಲಾ ನಾಯಕ್

ಸಾರ್ ಸಬ್ದ್: ಚಪ್ಟೇಕಾರ್, ಗೊಂದೋಳು, ಸಾರಸ್ವತ್ ಬ್ರಾಹ್ಮಣ್

ಸಾರಾಂಶ್

ಜೆರಾಲ್ ರಿತಿನ್ ಆರ್‍ಎಸ್‍ಬಿ ಮ್ಹಣ್ ಒಳ್ಕೊಂಚೆ ರಾಜ್‍ಪುರಿ ಸಾರಸ್ವತ್ ಬ್ರಾಹ್ಮಣ್, ಸಾರಸ್ವತ್ ಬ್ರಾಹ್ಮಣ್ ಸಮುದಾಯಾಚೊ ಏಕ್ ವಾಂಟೊ ಜಾವ್ನಾಸಾತ್. ಹಾಂಚಿ ಮಾಂಯ್ ಭಾಸ್ ಕೊಂಕಣಿ. ಪುಡ್ತುಗೆಜಾಂಚ್ಯಾ ಕಾಳಾರ್ ಇಂಕ್ವಿಜಿಸಾಂವಾಕ್ ಲಾಗೊನ್ ಗೊಂಯ್ ಸಾಂಡುನ್ ಕರ್ನಾಟಕ್ ಕರಾವಳಿ ಆನಿ ಕೇರಳ ಕರಾವಳಿಕ್ ಆಯ್ಲೆಲ್ಯಾ ಸಾರಸ್ವತಾಂ ಪಯ್ಕಿ, ಚಪ್ಟೇಕರ್ ಸಾರಸ್ವತ್ ಬ್ರಾಹ್ಮಣಾಂಚೊ ಸಮುದಾಯ್ ದಕ್ಷಿಣ್ ಕನ್ನಡ್, ಕಾಸರ್‍ಗೋಡ್ ಆನಿ ಉಡುಪಿ ಜಿಲ್ಲೆಂತ್ ಶಿಂಪಡ್ಲಾ. ಹೊ ಸಮುದಾಯ್ ಹಿಂದು ಧರ್ಮಾಚಿಂ ಚಡ್ತಾವ್ ಸರ್ವ್ ಫೆಸ್ತಾಂ ಆಚರಣ್ ಕರ್ತಾತ್ ತರೀ `ಗೋಂದೋಳು’ ಮ್ಹಳ್ಳೆಂ ಏಕ್ ಆಚರಣ್ ಹ್ಯಾ ಸಮುದಾಯಾಚಿ ವಿಶಿಶ್ಟತಾ. ಹ್ಯಾ ಆಚರಣಾವಿಶಿಂ ಯೆದೊಳ್ ಕೊಣೆಂಯ್ ಸೊಧ್ ವಾವ್ರ್ ಕರ್ನ್ ಬರಯಿಲ್ಲೆಂ ವಾ ಛಾಪ್‍ಲ್ಲ್ಯಾಚೊ ದಾಖ್ಲೊ ನಾ. ಕೊಂಕಣಿ ಪದ್ಯುತ್ತರ್ ಡಿಪ್ಲೊಮಾ ವಿದ್ಯಾರ್ಥಿನ್ ಶ್ರೀಮತಿ ಚಂದ್ರಕಲಾ ನಾಯಕ್ ಹಿಣೆ ಸಂಸೊದ್ ಕರ್ನ್ ಬರಯಿಲ್ಲೊ ಪ್ರಬಂದ್ ಹಾಂಗಾಸರ್ ದಿಲಾ.