ಕೊಂಕಣಿ ಭಾಸ್ ಆನಿ ಲಿಪಿ -ನವೆ ನದ್ರೆನ್

ಫಾ| ಜೇಸನ್ ಪೀಂತ್

ಸಾರ್ ಸಬ್ದ್: ಪ್ರಮಾಣೀಕರಣ್, ಲಿಪೀವಾದ್, ಬೊಲೀವಾದ್, ಏಕ್‍ರೂಪಿ ಕೊಂಕಣಿ

ಸಾರಾಂಶ್

ಕೊಂಕಣಿಚಿ ವಿಶಿಶ್ಟತಾ ಮ್ಹಳ್ಯಾರ್ ಹಿ ಭಾಸ್ ವಿವಿಧ್ ಧರ್ಮಾಚ್ಯಾ ಲೊಕಾಚಿ ಮಾಂಯ್ ಭಾಸ್ ತಶೆಂಚ್ ವಿವಿಧ್ ಲಿಪ್ಯೆಂನಿ ಬರವ್ನ್ ಆಸ್ಚಿ ಭಾಸ್ ಆನಿ ವಿವಿಧ್ ರಾಜ್ಯಾಂನಿ ಶಿಂಪ್ಡೊನ್ ಆಸ್ಚಿ ಭಾಸ್. ತರಿಕೀ ಕೊಂಕಣಿ ಉಲಯ್ತೆಲ್ಯಾ ಮದ್ಲ್ಯಾ ಎಕ್ವಟಾಕ್ ಕೊಂಕಣಿಚ್ಯೊ ಹೊ ವಿಶಿಶ್ಟತಾಚ್ ಸಮಸ್ಸ್ಯಾಂಚ್ಯೊ ಜಾಲ್ಯಾತ್ ಮ್ಹಣ್ಯೆತ್. ಮುಕೆಲ್ ಜಾವ್ನ್ ಕೊಂಕ್ಣೆಚ್ಯಾ ಅಭಿವೃದ್ಧೆ ಖಾತಿರ್ ವಾವುರ್ತೆಲ್ಯಾಂಕ್. ಭಾರತಾಂತ್ ಏಕಾ ವರ್ನಿ ಚಡ್ ಲಿಪಿಯೊ ವಾಪಾರ್ಚೊ ಜಾಯ್ತ್ಯೊ ಭಾಸೊ ಆಸಾತ್. ಹಾಂಚೆ ಪಯ್ಕಿ ಕೊಂಕ್ಣೆಕ್ ಯೆದೊಳ್‍ಚ್ ಲಿಪ್ಯಾಂತರ್ ಕರ್ಚೆಂ ಸೊಫ್ಟ್‍ವೇರ್ ಫಾವೊ ಜಾಲಾಂ, ತರೀ ಹ್ಯಾ ಭಾಶೆಚೆಂ ಪ್ರಮಾಣಿಕರಣ್ ಜಾಯ್ನಾತ್‍ಲ್ಲೆ ವರ್ವಿಂ ಹಾಚೊ ಉತ್ತೀಮ್ ರಿತಿಚೊ ವಾಪಾರ್ ಜಾಯ್ನಾ ಮಾತ್ರ್ ನ್ಹಯ್ ಭಾಶೆ ಭಿತರ್ಲ್ಯಾ ಗೊಂದೊಳಾಕ್ ಲಾಗೊನ್ ಹ್ಯಾ ಸೊಫ್ಟ್‍ವೆರಾಚೆ ಪರಿಷ್ಕøತ್ ಆವೃತ್ತಿ ಅಜೂನ್ ತಯಾರ್ ಜಾವ್ನಾ. ಕೊಂಕಣಿ ಭಾಶೆಚ್ಯಾ ಉಜ್ವಲ್ ಭವಿಶ್ಯಾ ಖಾತಿರ್ ಭಾಶೆಚ್ಯಾ ಪ್ರಮಾಣಿಕರಣಾಚೊ ವಾವ್ರ್ ಭೋವ್‍ಚ್ ಚಡ್ ಗರ್ಜೆಚೊ ಮ್ಹಳ್ಳೆಂ ಹಿ ಭಾಸ್ ಉಲಯ್ತೆಲ್ಯಾಂಕ್ ಆನಿ ಹ್ಯಾ ಭಾಶೆಚ್ಯಾ ಅಭಿವೃದ್ಧೆ ಖಾತಿರ್ ವಾವುರ್ತೆಲ್ಯಾಂಕ್ ಕಳಿತ್ ಆಸ್ಚೊಚ್ ವಿಚಾರ್ ತರೀ, ಹ್ಯಾ ಸಮಸ್ಸ್ಯಾಕ್ ಪರಿಹಾರ್ ಸಾದ್ಯ್‍ಗೀ ಮ್ಹಳ್ಳೆಂ ಸವಾಲ್ ಉಡಂವ್ಚ್ಯಾ ಸಂಗಿಂ ಪರಿಹಾರಾಕ್ ಥೊಡೆ ಸಂಪೆ ಉಪಾಯ್ ದಿಂವ್ಚೆಂ ಲೇಖನ್ ಹೆಂ.