ಕಾಳಾಂತರಾನ್ ಕೊಂಕಣಿ ಭಾಶೆಚ್ಯೆ ವಾಡಾವಳಿಚೆರ್ ಭಾಶಾಶಾಸ್ತ್ರಿಕ್ ನದ್ರೆನ್ ನಿಯಾಳ್

ಜೇಸನ್ ಪಿಂಟೊ

ಸಾರ್ ಸಬ್ದ್: ಪೊರ್ನಿ ಕೊಂಕಣಿ, ಪೊರ್ನಿ ಮರಾಠಿ, ಭಾಶೆಚೆಂ ಪ್ರಮಾಣೀಕರಣ್

ಸಾರಾಂಶ್

ಭಾಶೆಚಿ ವಾಡಾವಳ್ ಏಕ್ ಲಾಂಬ್ ಪಯ್ಣ್. ಹ್ಯಾ ಪಯ್ಣಾಕ್ ಭಾಸ್, ಸಂಸ್ಕೃತಿ ಆನಿ ಐತಿಹಾಸಿಕ್ ಸಂಗ್ತಿಂ ಥಾವ್ನ್ ರೂಪ್ ಮೆಳ್ಟಾ. ಎಕೆ ಸಮಾಜೆಚ್ಯಾ ಮುಳಾವ್ಯಾ ಸಂವಾದಾತ್ಮಕ್ ಗರ್ಜೆ ಪಾಸೂನ್ ಸುರು ಜಾಂವ್ಚಿ ಭಾಸ್, ಉಲೊವ್ಪಿ ಸಂವಾದ್ ಕರ್ತಾನಾ ಆನಿ ಆಪ್ಲೆ ವಿಚಾರ್ ಆನಿ ಅಣ್ಭವ್ ಎಕಾಮೆಕಾ ಸಂಗಿಂ ವ್ಯಕ್ತ್ ಕರ್ತಾನಾ ಭಾಸ್ ವಿಕಸಿತ್ ಜಾವ್ನ್‍ಚ್ ವೆತಾ. ಖಂಚಿಯ್ ಭಾಸ್ ಆರಂಭಾ ಥಾವ್ನ್‍ಚ್ ಪ್ರಮಾಣೀಕೃತ್ ಜಾವ್ನ್ ಆಸಾನಾ. ಕಾಳಾ ಪರ್ಮಾಣೆ ಸಮಾಜ್ ವಾಡತ್ ವೆತಾನಾ, ಭಾಶೆಚ್ಯಾ ಬೊಲಿಂ ಮಧ್ಲೊ ವ್ಯತ್ಯಾಸ್, ವಿವಿಧ್ ಪ್ರದೇಶಾ ಮಧೆಂ ಶಿಂಪೆÇ್ಡನ್ ಆಸ್ಚ್ಯಾ ಭಾಶೆ ಮಧ್ಲ್ಯಾ ವ್ಯತ್ಯಾಸಾ ಬರಾಬರ್, ಹೆರ್ ಭಾಶೆಚ್ಯಾ ಸಂಪರ್ಕಾ ಮಾರಿಫಾತ್ ಏಕ್ ಭಾಸ್ ಸಮೃದ್ಧಿ ಆನಿ ರೂಪಾಂತರ್ ಜಾವ್ನ್‍ಚ್ ವೆತಾ. ತಶೆಂಚ್ ಧ್ವನಿ ವಿಗ್ಯಾನ್, ವ್ಯಾಕರಣ್, ಶಬ್ದ್‍ಸಂಗ್ರಹಣ್ ತಸಲಿಂ ಭಾಶೆಚಿಂ ಲಕ್ಷಣಾಂ ಸಾಮಾಜಿಕ್, ರಾಜಕೀಯ್ ಆನಿ ತಾಂತ್ರಿಕ್ ಪ್ರಭಾವಾಚ್ಯಾ ಸಂಕೀರ್ಣ್ ಪ್ರಕ್ರಿಯೆ ಸಂಗಿಂ ವಾಡೊನ್ ವೆತಾತ್. ಬರ್ಪಾ ಲಿಪಿಚೆಂ ರಚನ್ ಆನಿ ವ್ಯಾಕರಣ್ ನಿಯಮಾಂಚ್ಯಾ ವಾಡಾವಳೆ ಮಾರಿಫಾತ್ ಭಾಶೆಕ್ ಔಪಚಾರಿಕ್ ರೂಪ್ ಮೆಳ್ತಾ. ಕೊಂಕಣಿ ಭಾಶೆಕ್ ಅಸಲೆಂ ರೂಪ್ ಫಕತ್ ಪಾಂಯ್ಶಿಂ ವರ್ಸಾಂ ಆರ್ವಿಲೆಂ. ಹ್ಯಾ ಕಾಳಾ ಭಿತರ್ ವಿಶೇಸ್ ಕರ್ನ್ ಪೊರ್ನೆ ಕೊಂಕಣಿ ಬರ್ಪಾವಳ್ ವಿಶ್ಲೇಷಣ್ ಕರ್ನ್ ಕೊಂಕಣಿ ಭಾಶೆಚ್ಯಾ ವಾಡಾವಳಿಚೆರ್ ಭಾಶೆ ಶಾಸ್ತ್ರಾಚ್ಯಾ ನದ್ರೆಂತ್ಲ್ಯಾನ್ ನಿಯಾಳ್ ಕರ್ತಾ ಹೊ ಪ್ರಬಂಧ್.