अस्तित्त्ववाद, आयीन ऱ्यांड आनी हांव जियेतां

चंद्रलेखा डी’सोजा

सार सब्द: असतित्ववाद, आयीन ऱ्यांड, हांव जियेतां, एडवीन जे. एफ. डी’सोजा

सारांश

असतित्ववाद 1984 वरसा फायस जाल्ल्या फ्योदोर दोसतोयव्हसकी हाच्या “नोटस फ्रोम अंडरग्रौंड” ग्रंथांत उदेवन आयलो. त्या उपरांत Jean-Paul Sartre, Albert Camus, Samuel Beckett, Jeanette Winterson, Iris Murdoch, हाणीं आपापल्या साहित्यांत असतित्ववाद प्रतिपादन केल्लो आसा. असतित्ववाद वेयुक्तीक स्वातंत्र, कर्तव्य आनी अर्थाचो सोद हांचेर भर दिता. धर्म वा सामाजीक नेमांच्याकयी चड विंचवणे मारिफात वेकती आपलीं मोलां आनी महत्व रचून घेता – म्हळ्ळें प्रतिपादन करता असतित्ववाद.

असतित्ववाद परकिपण, आकांत, प्रामाणिकपह्वण आनी मनशाच्या असतित्वाच्या विसंगतिंक खोलायेन विशलेषण करचें असतित्ववाद, व्यक्तिंचेर पूर्व निरधरीत अर्थ लावपी पारंपारीक वेवस्थेची टिका करता. कांय जाणांक हो वाद व्यक्तिंक अर्थाभरीत जिणें जियेवंक सशक्त करता तर हेर थोडे असतित्ववाद संभाव्य शून्यवाद वा नैतीक सापेक्षतावादाक कारण जाता म्हळ्ळी जाग्वणी दितात.

एडवीन जे.एफ. डी’सोजा असतित्ववाद प्रतिपादन करच्या आयीन ऱ्यांडाच्या साहित्या थावन प्रेरीत जाल्लो. ह्या लेखनांत एडवीन जे. एफ. डिसोजा हांची हांव जियेतां कादंबरी आयीन ऱ्यांडाच्या साहित्या संगीं तुलन केल्ली पळव्येता.