“कविता सांकळ एक मार्न गेल्लें झड वारें. एक पावटिंच्याक सुक्या खोलियां सांगाता तर्नी पानां झडोवन गेल्लेबरी कविता फेसबुकार एकटांय केल्लें घडीत तें. ह्या गजालीक एक रिविसीट करुंक मेळल्ल्यान निजायकी जायत्यो संग्ती ह्या घडिता वर्वीं घडल्यात म्हण कळोन संतोस जालो” – अशें म्हणालो कोंकणी कवी आनी नाटक रचपी जो. सी. सिद्धकट्टे. मुकारून “कलेक, बर्पाक वा कवितेक प्रचोदन दिवंक दोन संग्ती जाय – आकांत आनी एकांत. भोव’शा एकांत येवंक नातलो तर कविता सांकळ जावंक असाध आसलें. हो स्पर्धो न्हय आस’ल्लो, एक स्वयम प्रेरीत चळवळ कशी सांकळ घुंतून आयली” म्हणालो तो.
जुलै 6वेर सां लुवीस परिगणीत विश्व्विद्यालयाच्या कोंकणी संस्थ्यान म्हयन्यावार चलंवच्या ‘बोल्कांव’ साहितीक संवाद काऱ्यांत ताणें सुर्वातून भोव’च लोकामोगाळ जाल्ल्या कविता सांकळेविशीं माहेत दिवन उलयतालो.
त्या उपरांत लगबग 20 मिनुटां संवाद चल्लो. सुमार 20 साहितिंनी हांतूं वांटो घेतलो
कोफी-फ्हळारा संगीं काऱ्यें आकेर जालें.
