एडवीन जे. एफ. डी’सोजाच्या उण्या भावाडताचे दोळ्यांनी कोडियाळ परिसर आनी संसकृती

जो. सी. सिद्धकट्टे

सार सब्द: संसकृती, परिसर, उण्या भावाडताचे

सारांश

खाण-जेवण, न्हेसण आनी दिस्पडतें जिवीत – हे खंच्याय संसकृतिचे महत्वाचे आनी मुळावे घटक जावनासोन, साहित्यांतल्या सांकेतिकता आनी अर्थाचे गिरेसत मूळ जावनासात. पात्रांचें प्रेरण, पात्रां मधलो संघर्श, विश्व दिश्टिकोन रूपीत कर्च्याक धर्म आनी पात्येणी गूंड पात्र खेळतात.

ह्या लेखनांत एडवीन जे. एफ डी’सोजाच्या उण्या भावाडताचे कादंबरिंत कोडियाळ आनी भोंवतिचें परिसर आनी संसकृती कशी चित्रीत जाल्या, कादंबरिंत दाखयिल्लो धर्मीक आनी आध्यात्मीक अंश पात्रांच्या बळवंत चित्रीकरणाक कसो पूरक आनी कादंबरिंतल्या पात्रांनी संदर्भाक सरी जावन घेंवच्या निर्णयांचेर आनी संवादाचेर कसो परिणाम घाल्ता – हाचो खोलायेन विचार चलयला.

कथानकाचें सेट्टिंग आनी भौगोळिकता समजोन घेवन कथानकाच्या पात्रांचेर आनी तांच्या वाडावळिचेर हाचो परिणाम कसो जाला म्हळ्ळ्याचो अभ्यास ह्या लेखनांत जाला मात्र न्हय, हें उण्या भावाडताचे कादंबरिच्या संकीरणतेक आनी साहितीक गिरेसतकायेक दिल्ल्या योगदानाची गूंड समजणी वाचप्याक दिता.