ವಸಾಹತೋತ್ತರ್ ಗೊಂಯಾಂತ್ ಕೊಂಕಣಿ ಆನಿ ಗೊಂಯ್ಚಿ ಅಸ್ಮಿತಾಯ್

ಇಂಗ್ಲಿಶ್ ಮೂಳ್: ಕ್ಯೊಕೊ ಮಟ್ಸುಕಾವಾ

ತರ್ಜಣ್: ಜೋಕಿಮ್ ಪಿಂಟೊ

ಸಾರಾಂಶ್

1961 ದಸೆಂಬರ್ 19 ತಾರಿಕೆರ್ ಗೊಂಯ್ ಪುಡ್ತುಗೆಜಾಂಚ್ಯಾ ಆಡಳ್ತ್ಯಾಥಾವ್ನ್ ವಿಮೋಚನ್ ಜಾಲೆಂ. ವಿಮೋಚನಾ ಉಪ್ರಾಂತ್ ಕೇಂದ್ರಾಡಳಿತ್ ಪ್ರದೇಶ್ ಜಾವ್ನಾಸ್‍ಲ್ಲೆಂ ಗೋಂಯ್, 1987 ಮೇ 30 ತಾರಿಕೆರ್ ರಾಜ್ಯ್ ಜಾಲೆಂ. ತಾಚ್ಯಾಕೀ ಪಯ್ಲೆಂ, 1987 ಫೆಬ್ರೆರ್ 4ವೆರ್ ಕೊಂಕಣಿ ಗೊಂಯ್ಚಿ ಅಧಿಕೃತ್ ಭಾಸ್ ಮ್ಹಣ್ ಕೇಂದ್ರ್ ಸರ್ಕಾರಾನ್ ಘೊಶಿತ್ ಕೆಲ್ಲಿ. ಗೊಂಯ್ ಪುಡ್ತುಗೆಜಾಂಚ್ಯಾ ಆಡಳ್ತ್ಯಾಥಾವ್ನ್ ವಿಮೋಚನ್ ಜಾವ್ನಾ ಆದ್ಲ್ಯಾ ವರ್ಸಾಕ್ (2021, ದಸೆಂಬರ್ 19) ಭರ್ತಿ 60 ವರ್ಸಾಂ ಜಾಲಿಂ. ಕೊಂಕಣಿ ಗೊಂಯ್ಚಿ ರಾಜ್ಯ್‍ಭಾಸ್ ಜಾವ್ನ್ ಹ್ಯಾ ವರ್ಸಾಕ್ (ಫೆಬ್ರೆರ್ 4) 35 ವರ್ಸಾಂ ಭರ್ಲಿಂ. ಹ್ಯಾ ವೆಳಾರ್ ಗೊಂಯಾಂತ್ ಕೊಂಕ್ಣಿ ಖಂಚ್ಯಾ ಪಾಂವ್ಡಾರ್ ಆಸಾ ಮ್ಹಳ್ಳೆವಿಶಿಂ ಕೊಣೆಂಯ್ ಅಧ್ಯಯನ್ ಕರ್ನ್ ಲೇಖನ್ ಫಾಯ್ಸ್ ಕೆಲ್ಲೆವಿಶಿಂ ಮಾಹೆತ್ ನಾ. ಪುಣ್ ಲಗ್ಬಗ್ 20 ವರ್ಸಾಂ ಆದಿಂ, ಮ್ಹಣ್ಜೆ 2002ವ್ಯಾ ವರ್ಸಾ ಗೊಯಾಂಕ್ ಭೆಟ್ ದೀವ್ನ್ ಗೊಂಯ್ಚ್ಯಾ ಆನಿ ಕೊಂಕಣಿಚ್ಯಾ ಅಸ್ಮಿತಾಯೆವಿಶಿಂ ಗುಂಡಾಯೆಚೆಂ ಅಧ್ಯಯನ್ ಕರ್ನ್, ಜಪಾನ್ ಮುಳಾಚಿ ಸಂಶೋಧಕಿ ಕ್ಯೊಕೊ ವತ್ಸುಕಾವಾ ಹಿಣೆ ಬರಯಿಲ್ಲ್ಯಾ ಸಂಸೊಧ್ ಪ್ರಬಂಧಾಚೊ ತರ್ಜುಮೊ ಹೊ. ಕೊಂಕಣಿಚೊ ಮಾಂಯ್‍ಗಾಂವ್ ಗೊಂಯಾಂತ್ಲ್ಯಾ ಕೊಂಕಣಿಚ್ಯೆ ಪರಿಗತೆಕ್ ಅರ್ಸೊ ಧರ್ಚೊ ಹೊ ಸಂಸೊಧ್ ಪ್ರಬಂಧ್ ವಾಚ್ತೆಲ್ಯಾ ಕೊಂಕಣಿ ಮೊಗಿಕ್ ಕೊಂಕಣಿಥಂಯ್ ಅಭಿಮಾನ್ ಚಡಯ್ತಲೊ, ಸಂಗಿಂ ಗೊಂಯಾಂತ್ಲ್ಯಾ ಕೊಂಕಣಿಚ್ಯಾ ಪರಿಗತೆವಿಶಿಂ ಬೆಜಾರಾಯ್ ಹಾಡಯ್ತಲೊ ಅಶೆಂ ಭೊಗ್ತಾ.