ಭಾರತಾಂತ್ಲ್ಯಾ ಅಂತರ್-ಧರ್ಮ್ ಸಂವಾದಾಚಿ ಸುರ್ವಿಲಿ ದೇಖ್‌ ಜಾವ್ನ್‌ ಫಾ. ಥೊಮಸ್ ಸ್ಟೀಫನ್ಸ್ ಹಾಂಚೆಂ ‘ಕ್ರಿಸ್ತಪುರಾಣ್’

ವಿನೊದ್ ಎಸ್. ಸೈಲಸ್ತ

ತರ್ಜಣ್:‌ ಜೋಕಿಮ್‌ ಪಿಂಟೊ

https://orcid.org/0009-0002-5099-7446

ಸಾರ್ ಸಬ್ದ್: ಕ್ರಿಸ್ತಪುರಾಣ್, ಧಾರ್ಮಿಕ್ ವೆವೆಗ್ಳೆಂಪಣ್, ಸಾಮಾಜಿಕ್ ಎಕ್ವಟ್, ಅಂತರ್‌ಧರ್ಮೀಯ್ ಸಂವಾದ್, ಸಾಂಸ್ಕೃತಿಕ್ ಸಂವೇದನಾ, ಭಾಶೀಕ್ ಅನುಕೂಲನ್, ಸಮನ್ವಯ್, ಅಂತರ್ಗತ್ ಸಮಾಜ್, ಭಾರತೀಯ್ ಇಗರ್ಜ್‌ಮಾತಾ

ಸಾರಾಂಶ್:‌

ಹೆಂ ಲೇಖನ್ ಫಾ| ಥೊಮಸ್ ಸ್ಟೀಫನ್ಸ್ ಹಾಂಚೆಂ ಕ್ರಿಸ್ತಪುರಾಣ್ ಭಾರತಾಂತ್ ಅಂತರ್‌ಧರ್ಮ್ ಸಂವಾದಾಚಿ ಸುರ್ವಿಲಿ ದೇಖ್ ಜಾವ್ನ್ ಘೆವ್ನ್ ಸಮಕಾಲೀನ್ ಮಿಶೊನರಿ ವಾವ್ರಾಕ್ ತಾಚಿ ಪ್ರಾಸಂಗಿಕತಾ ಕಿತ್ಲಿ ಮ್ಹಳ್ಳ್ಯಾಚೆರ್ ಧ್ಯಾನ್ ಕೇಂದ್ರಿತ್ ಕರ‍್ತಾ. ಕ್ರಿಸ್ತಿ ಸಂದೇಶ್ ಪ್ರಭಾವಿಕ್ಪಣಾನ್ ಕಳಂವ್ಕ್ ಸ್ಟೀಫನ್ಸ್ ಹಾಣೆಂ ಥಳೀಯ್ ಭಾಸ್, ಸಾಂಸ್ಕೃತಿಕ್ ಅಂಶ್ ಆನಿ ಭಕ್ತಿಚೆ ಸಂಪ್ರದಾಯ್ ಉದ್ದೇಶ್‌ಪೂರ್ವಕಿಂ ವಾಪಾರ‍್ಲಲೆ ದಾಕವ್ನ್ ದಿತಾ. ಹ್ಯಾ ಲೇಖನಾಂತ್ ಸಾಂಸ್ಕೃತಿಕ್ ಸಂವೇದನಶೀಲತಾಯ್ (cultural sensitivity), ಭಾಶೀಕ್ ಅನುಕೂಲನ್ (linguistic adaptation/ಭಾಶೆಚೆಂ ರೂಪಾಂತರಣ್) ಆನಿ ಆಧುನಿಕ್ ಮಿಸಾಂವಾಂತ್ ಥಳೀಯ್ ಸಂಪ್ರದಾಯಾಂಕ್ ದೀಜೆ ಜಾಲ್ಲೊ ಗೌರವ್ (ದೇಶಿ ಪರಂಪರೆಕ್ ಮಾನ್)- ಹ್ಯಾ ವಿಷಯಾಂಚೆರ್ ಭೊರ್ ದಿಲಾ. ಹೆ ಅಭ್ಯಾಸ್ ಆಪ್ಣಾಂವ್ಚೆ ಮಾರಿಫಾತ್ ಇಗರ್ಜ್‌ ಮಾತಾ ವೆವೆಗ್ಳ್ಯಾ ಸಮುದಾಯಾಂ ಮದೆಂ ಬರೊ ಸಂಬಂಧ್ ರುತಾ ಕರ‍್ಚ್ಯೆ ಸಂಗಿಂ ಎಕಾಮೆಕಾಚಿ ಸಮ್ಜಣಿ ವಾಡಂವ್ಕ್ ಸಕ್ತಲಿ ಮ್ಹಳ್ಳೊ ವಾದ್ ಮಾಂಡ್ತಾ. ಧಾರ್ಮಿಕ್ ಅಸಹಿಷ್ಣುತಾಯ್ ಪರಿಹಾರ್ ಕರುಂಕ್, ಸಾಮಾಜಿಕ್ ಎಕ್ವಟ್, ನ್ಯಾಯ್ ಆನಿ ಸಮನ್ವಯ್  ಉತ್ತೇಜಿತ್ ಕರುಂಕ್ ಆನಿ ಶಾಂತಿನ್ ಭರ‍್ಲಲ್ಯಾ ಆನಿ ಸಮಾವೆಶಾಕ್ ಸಮಾಜಾಕ್ (inclusive society) ಯೊಗ್ದಾನ್ ದಿಂವ್ಚ್ಯೆ ಪಾಸತ್ ಸಹಯೋಗಾಚೊ ಪ್ರಯತ್ನ್ ಕರುಂಕ್ ಲೆಗುನ್ ಹೆಂ ಲೇಖನ್ ಉಲೊ ದಿತಾ.