ಎಡ್ವಿನ್ ಜೆ. ಎಫ್. ಡಿ’ಸೋಜಾಚ್ಯಾ ಕಾದಂಬರಿಂನಿ ಸ್ತ್ರಿಯೊ

ಡೇವಿಡ್ ಡಿ’ಸೋಜಾ

ಸಾರ್ ಸಬ್ದ್: ಸ್ತ್ರೀ ಪಾತ್ರ್, ಸಮಾನತಾ, ಸಮಾಜಿಕ್ ವರ್ತನ್, ಪ್ರತಿನಿಧಿತ್ವ್.

ಸಾರಾಂಶ್

ಎಕಾ ಲೇಖಕಾಚ್ಯಾ ಸಾಹಿತ್ಯಾಂತ್ಲ್ಯಾ ಸ್ತ್ರೀ ಪಾತ್ರಾಂಚೆಂ ವಿಶ್ಲೇಷಣ್ ಕೆಲ್ಲ್ಯೆ ವರ್ವಿಂ ಸ್ತ್ರಿಯಾಂ ವಿಶಿಂ ತ್ಯಾ ಕಾಳಾಚ್ಯಾ ಸಮಾಜೆಚಿಂ ವರ್ತನಾಂ ಕಿತೆಂ ಆನಿ ಕಸಲಿಂ ಮ್ಹಳ್ಳ್ಯಾಚೆಂ ಚಿತ್ರಣ್ ಮೆಳ್ತಾ, ಮಾತ್ರ್ ನ್ಹಯ್, ಇತಿಹಾಸಿಕ್ ತಶೆಂಚ್ ಸಾಮಾಜಿಕ್ ಸಂದರ್‍ಭಾಂಚಿ ಅಂತರ್‌ದೀಶ್ಟ್‌ಯಿ ಲಾಬ್ತಾ. ಹಿ ದೀಶ್ಟ್ ಲಿಂಗ್ ಗತಿವಿಗ್ಯಾನಾಚಿ ಗೂಂಡ್ ಸಮ್ಜಣಿ ದಿತಾ ಆನಿ ಪ್ರತಿನಿಧಿತ್ವ್ ಆನಿ ರೂಢಿವಾದಾಚಿ ವಿಮರ್‍ಶಾತ್ಮಕ್ ತಪಾಸ್ಣಿ ಕರುಂಕ್ ಸಕ್ತಾ. ಹಿ ಸಮ್ಜಣಿ ಆನಿ ತಪಾಸ್ಣಿ ಸಾಹಿತ್ಯ್ ಆನಿ ಸಾಮಾಜಿಕ್ ಸಂವಾದ್ – ದೊನ್‌ಯಿ ವಾಡೊಂಕ್ ಕಾರಣ್ ಜಾತಾ.

ಎಡ್ವಿನ್ ಡಿಸೋಜಾಚ್ಯಾ ಸಾಹಿತಿಕ್ ಕ್ಯಾನ್ವಾಸಾಂತ್ ಚಡ್ ಕರುನ್ ಅಸ್ತಮ್ತಿ ಸ್ತ್ರೀಯಾಂಚೆ ಶೆಗುಣ್-ಆತ್ಮ್‌ವಿಶ್ವಾಸ್, ಆಕರ್ಶಿಕ್ ವ್ಯಕ್ತಿತ್ವ್, ಸೊಬಾಯ್- ಚಡ್ ಪಳೆಂವ್ಕ್ ಮೆಳ್ತಾ ತರೀ, ತಾಚ್ಯಾ ಕಾದಂಬರಿಂನಿ ಪಾರಂಪರಿಕ್ ಭಾರತೀಯ್ ಸ್ತ್ರಿಯಾಂಚೆಂ ಖಾಶೆಲೆಂಪಣ್ ಪಾಂಗುರ್‍ಲಲ್ಯಾ ಸ್ತ್ರಿಯಾಂಕ್‌ಯಿ ಪಳವ್ಯೆತಾ.

ಹೆಂ ಲೇಖನ್ ಎಡ್ವಿನ್ ಡಿಸೋಜಾಚ್ಯಾ ನಿಮಾಣಿ ಶೆಳಿ (1967), 1969 ಇಸ್ವೆಂತ್ ದೋನ್ ಭಾಗಾಂನಿ ಬರಯಿಲ್ಲಿ ಶೆತಾಂತ್ಲಿಂ ಫುಲಾಂ– ದೋನ್ ಭಾಗ್ (ದುಸ್ರೊ ಛಾಪೊ 1983) ಮೊಗಾಚಿ ರಾತ್ (1972), ಕೆಂಬೆರಳ್ಳಿ (1984), ದರ್ಯಾಂತ್ ಪಾವ್ಸ್ ಪಡ್ಲೊ (1995) ಕಾದಂಬರಿಂತ್ಲ್ಯಾ ಸ್ತ್ರೀ ಪಾತ್ರಾಂಚೆಂ ವಿಶ್ಲೇಷಣ್ ಕರ್‍ತಾ. ಹೆಂ ವಿಶ್ಲೇಷಣ್ ವಿಶಾಲ್ ಸಾಮಾಜಿಕ್ ವರ್ತನ್ ಆನಿ ಸಾಮಾಜಿಕ್ ಪ್ರಭಾವ್ ಎಡ್ವಿನಾಚ್ಯಾ ಕಾದಂಬರಿಂತ್ಲ್ಯಾ ಸ್ತ್ರೀ ಪಾತ್ರ್‌ದಾರಿಂನಿ ಕಸೊ ಪ್ರತಿಫಲಿತ್ ಕೆಲಾ ಮ್ಹಳ್ಳೆಂ ದಾಕಂವ್ಚ್ಯೆ ಸಂಗಿಂ, ಲೇಖಕಾಕ್ ಹ್ಯಾ ಥರಾಚ್ಯಾ ಪಾತ್ರಾಂಚ್ಯಾ ಚಿತ್ರಣಾ ಪಾಟ್ಲೆಂ ಪ್ರೇರಣ್, ತಾಕಾ ಕಾರಣ್ ಜಾಲ್ಲಿ ಸಾಂಸ್ಕೃತಿಕ್ ಭರ್‍ಶಿಕಾಯ್ ಆನಿ ಸಾಮಾಜಿಕ್ ನಿರೀಕ್ಷಣಾಚೆಂ ವಿಶ್ಲೇಷಣ್‌ಯಿ ದಾಖಲ್ ಕರ್‍ತಾ.

ಸಾರ್ ಸಬ್ದ್: स्त्री पात्र, समानता, समाजीक वरतन, प्रतिनिधित्व.

ಸಾರಾಂಶ್

एका लेखकाच्या साहित्यांतल्या स्त्री पात्रांचें विशलेषण केल्ल्ये वरवीं स्त्रियां विशीं त्या काळाच्या समाजेचीं वर्तनां कितें आनी कसलीं म्हळ्ळ्याचें चित्रण मेळता, मात्र न्हय, इतिहासीक तशेंच सामाजीक संदरभांची अंतरदीश्टयी लाबता. ही दीश्ट लिंग गतिविग्यानाची गूंड समजणी दिता आनी प्रतिनिधित्व आनी रूढिवादाची विमर्शात्मक तपासणी करुंक सकता. ही समजणी आनी तपासणी साहित्य आनी सामाजीक संवाद – दोनयी वाडोंक कारण जाता.

एडवीन डिसोजाच्या साहितीक क्यान्वासांत चड करून असतमती स्त्रीयांचे शेगूण-आत्मविश्वास, आकर्शीक व्यक्तित्व, सोबाय- चड पळेवंक मेळता तरी, ताच्या कादंबरिंनी पारंपरीक भारतीय स्त्रियांचें खाशेलेंपण पांगुरलल्या स्त्रियांकयी पळव्येता.

हें लेखन एडवीन डिसोजाच्या निमाणी शेळी (1967), 1969 इसवेंत दोन भागांनी बरयिल्ली शेतांतलीं फुलां– दोन भाग (दुस्रो छापो 1983) मोगाची रात (1972), केंबेरळ्ळी  (1984), दऱ्यांत पावस पडलो (1995) कादंबरिंतल्या स्त्री पात्रांचें विशलेषण कर्ता. हें विशलेषण विशाल सामाजीक वर्तन आनी सामाजीक प्रभाव एडविनाच्या कादंबरिंतल्या स्त्री पात्रदारिंनी कसो प्रतिफलीत केला म्हळ्ळें दाकंवच्ये संगीं, लेखकाक ह्या थराच्या पात्रांच्या चित्रणा पाटलें प्रेरण, ताका कारण जाल्ली सांसकृतीक भर्शिकाय आनी सामाजीक निरीक्षणाचें विशलेषणयी दाखल करता.