एडविनाच्या साहित्यांत विग्यान आनी तत्वग्यान

किशोर गोन्सालवीस

सार सब्द: एडवीन जे. एफ. डी’सोजा, विग्यान, तंत्रग्यान, कादंबरी

सारांश

आपल्या निरंतर अध्ययनाच्या तानेन आनी खळमीत नातल्ल्या वाचपान, नव्या संगतिंक पटलून धर्च्या उग्तेपणांत, कोंकणेंत दूसऱ्यांनी चिंतुंक सयत नातल्ल्या विषयांचेर काणियो, कादंबरी बरयिल्लो एडवीन जे.एफ. डिसोज स्वताच्या जिणयेंतल्यान आनी भंवतणिंच्या संसाराक सूक्षीम नदरेन पळेवन कथानकांक पिंत्रांवचो कलाकार. आपणें बरयजे जाल्ल्या विषयाचेर गूंड अध्ययन कर्न साहित्य रसच्या ताणें आपल्या साहित्यांत तात्वग्यानीक सवालांक कोंकणी सामाजीक संदरभांक मिसळून, वाचप्यांनी तांच्या स्वताच्या अस्थित्वा कळवळ्यांक फूड कर्न तांकां तांचिंच स्वताचीं सोदनां करच्या प्रक्रियेंक वोवळीग दिंवचे, मनशा अनभोगांच्या सारवत्रीक संघशऱ्यांचें रुपां दाकंवचे आर्शे कशे वापारले. एडविनाच्या कादंबरिंनी विग्यान आनी तत्वग्यान काळाच्या गरजे तेकीद एक वांटो जावन आयला म्हळ्ळें ह्या लेखनाचें धोरण.