ಕೊಂಕ್ಣಿ ಮ್ಹಾನ್ ಸಾಹಿತಿ ಎಡ್ವಿನ್ ಜೆ. ಎಫ್. ಡಿ’ಸೋಜಾ: ವ್ಯಕ್ತಿತ್ವ್ ಆನಿ ಸಾಹಿತ್ಯ್

ಕಾನ್ಸೆಪ್ಟಾ ಫೆರ್ನಾಂಡಿಸ್

ಸಾರ್ ಸಬ್ದ್: ಎಡ್ವಿನ್ ಜೆ. ಎಫ್. ಡಿ’ಸೋಜ, ಸಾಹಿತ್ಯ್, ಕೊಂಕಣಿ ಕಾದಂಬರಿ.

ಸಾರಾಂಶ್

1964 ರ‍್ಸಾ ಕೊಂಕಣಿ ಸಾಹಿತ್ಯ್ ಸಂಸಾರಾಂತ್ ಪಾಂಯ್ ತೆಂಕುನ್ 33 ಕಾದಂಬರಿ ಆನಿ ಶೆಂಭರಾಂ ವಯ್ರ್ ಮಟ್ವ್ಯೊ ಕಾಣಿಯೊ, ಅಂಕಣಾಂ, ಪ್ರಬಂಧ್ ಬರವ್ನ್ ಫಾಮಾದ್ ಜಾಲ್ಲೊ ಕೊಂಕಣಿ ಲೇಖಕ್ ಎಡ್ವಿನ್ ಜೆ. ಎಫ್. ಡಿ’ಸೋಜಾ ಹಾಚಿಂ ಜಾಯ್ತಿಂ ಬರ್‍ಪಾಂ ವಿವಿಧ್ ಭಾಶೆಕ್ ಅಣ್ಕಾರ್ ಜಾಲ್ಯಾಂತ್. ಅಂತರ್‌ರಾಶ್ಟ್ರೀಯ್ ಪ್ರಶಸ್ತೆ ಸವೆಂ ವೆವೆಗ್ಳ್ಯೊ ತೆರಾ ಪ್ರತಿಶ್ಟಿತ್ ಪ್ರಶಸ್ತ್ಯೊ ಫಾವೊ ಜಾಲ್ಲ್ಯಾ ತಾಚಿ ಏಕ್ ಕಪ್ ಕೊಫಿ, ಚೊಕ್ಲೆಟ್ಸ್ ತಸಲ್ಯೊ ಕಾಣಿಯೊ ಸಾಹಿತ್ಯಾಚ್ಯಾ ಗೌರವಾನ್ವಿತ್ ಸಂಕಲನಾಂನಿ ಫಾಯ್ಸ್ ಜಾಲ್ಯಾತ್.

ತಾಚ್ಯಾ ಸಾಹಿತ್ಯಾನ್ ಕೊಂಕಣಿ ಸಾಹಿತ್ ಶೆತ್ ಭೊವ್‌ಚ್ ಗಿರೇಸ್ತ್ ಕೆಲಾಂ ಮಾತ್ರ್ ನ್ಹಯ್, ಸಂಸಾರಾಂತ್ಲ್ಯಾ ಹೆರ್ ಭಾಶೆಚ್ಯಾ ಉಂಚ್ಲ್ಯಾ ಸಾಹಿತ್ಯಾ ಸವೆಂ ಕೊಂಕಣಿ ಸಾಹಿತ್ಯಾಕ್‌ಯಿ ಮಾನ್ ಮೆಳೊಂಕ್ ಕಾರಣ್ ಜಾಲಾಂ.

ಹ್ಯಾ ಲೇಖನಾಂತ್ ಕೊಂಕಣಿ ಭಾಶೆಂತ್ಲ್ಯಾ ಸಾಹಿತ್ಯಾಕ್ ಎಡ್ವಿನ್ ಜೆ. ಎಫ್. ಡಿ’ಸೋಜಾ ಹಾಚಿ ದೆಣ್ಗಿ ಕಿತೆಂ ಮ್ಹಳ್ಳ್ಯಾಚೆಂ ವಿಶ್ಲೇಶಣ್ ಕರ್‍ತಾನಾ, ತಾಣೆಂ ರಚ್‌ಲ್ಲ್ಯಾ ಸಾಹಿತ್ಯಾಂತ್ಲೆ ವೆವೆಗ್ಳೆ ಘಟಕ್ ಆನಿ ಸಾಮೂಹಿಕ್ ಜಾವ್ನ್ ಹ್ಯಾ ಘಟಕಾಂನಿ ಕೊಂಕಣಿ ಭಾಶೆಕ್ ದಿಲ್ಲ್ಯಾ ದೆಣ್ಗ್ಯಾಂಚೆಂ ಸಮಗ್ರ್ ಅವಲೋಕನ್ ಕರ್‍ತಾ.

ಸಾರ್ ಸಬ್ದ್: एडवीन जे. एफ. डी’सोज, साहित्य, कोंकणी कादंबरी

ಸಾರಾಂಶ್

1964 वरसा कोंकणी साहित्य संसारांत पांय तेंकून 33 कादंबरी आनी शेंभरां वयर मटव्यो काणियो, अंकणां, प्रबंध बरवन फामाद जाल्लो कोंकणी लेखक एडवीन जे. एफ. डी’सोजा हाचीं जायतीं बरपां विवीध भाशेक अणकार जाल्यांत. अंतरराश्ट्रीय प्रशसते सवें वेवेगळ्यो तेरा प्रतिश्टीत प्रशसत्यो फावो जाल्ल्या ताची ‘एक कप कोफी’, ‘चोकलेटस’ तसल्यो काणियो साहित्याच्या गौरवानवीत संकलनांनी फायस जाल्यात.

ताच्या साहित्यान कोंकणी साहीत शेत भोवच गिरेसत केलां मात्र न्हय, संसारांतल्या हेर भाशेच्या उंचल्या साहित्या सवें कोंकणी साहित्याकयी मान मेळोंक कारण जालां.

ह्या लेखनांत कोंकणी भाशेंतल्या साहित्याक एडवीन जे. एफ. डी'सोजा हाची देणगी कितें म्हळ्ळ्याचें विशलेशण कर्ताना, ताणें रचल्ल्या साहित्यांतले वेवेगळे घटक आनी सामूहीक जावन ह्या घटकांनी कोंकणी भाशेक दिल्ल्या देणग्यांचें समग्र अवलोकन करता.