“കവിതാ സാങ്കൾ ഏക് മാർൻ ഗെല്ലെം ഝഡ് വാരെം. ഏക് പാവ്ടിഞ്ച്യാക് സുക്യാ ഖൊലിയാം സാംഗാതാ തർനി പാനാം ഝഡൊവ്ന് ഗെല്ലെബരി കവിതാ ഫേസ്ബുകാർ എക്ടാംയ് കെല്ലെം ഘഡിത് തെം. ഹ്യാ ഗജാലിക് ഏക് രിവിസിട് കരുങ്ക് മെൾല്ല്യാൻ നിജായ്കി ജായ്ത്യൊ സംഗ്തി ഹ്യാ ഘഡിതാ വർവിം ഘഡ്ല്യാത് മ്ഹൺ കളൊൻ സന്തൊസ് ജാലൊ” – അശെം മ്ഹണാലൊ കൊങ്ക്ണി കവി ആനി നാടക് രച്പി ജൊ. സി. സിദ്ധകട്ടെ. മുകാരുൻ “കലെക്, ബർപാക് വാ കവിതെക് പ്രചോദൻ ദിംവ്ക് ദോൻ സംഗ്തി ജായ് – ആകാന്ത് ആനി ഏകാന്ത്. ഭൊവ്’ശാ ഏകാന്ത് യെംവ്ക് നാത്ലൊ തർ കവിതാ സാങ്കൾ ജാംവ്ക് അസാധ് ആസ്ലെം. ഹൊ സ്പർധൊ ൻഹയ് ആസ്’ല്ലൊ, ഏക് സ്വയം പ്രേരിത് ചള്വൾ കശി സാങ്കൾ ഘുന്തുൻ ആയ്ലി” മ്ഹണാലൊ തൊ.
ജുലൈ 6വെർ സാം ലുവിസ് പരിഗണിത് വിശ്വ്വിദ്യാലയാച്യാ കൊങ്കണി സംസ്ഥ്യാൻ മ്ഹയ്ന്യാവാർ ചലംവ്ച്യാ ‘ബൊൽകാംവ്’ സാഹിതിക് സംവാദ് കാര്യാന്ത് താണെം സുർവാതുൻ ഭോവ്’ച് ലോകാമൊഗാൾ ജാല്ല്യാ കവിതാ സാങ്ക്ളെവിശിം മാഹെത് ദിവ്ന് ഉലയ്താലൊ.
ത്യാ ഉപ്രാന്ത് ലഗ്ബഗ് 20 മിനുടാം സംവാദ് ചല്ലൊ. സുമാർ 20 സാഹിതിംനി ഹാന്തും വാണ്ടൊ ഘെത്ലൊ
കൊഫി-ഫ്ഹളാരാ സംഗിം കാര്യെം ആകേർ ജാലെം.
