मंगळूरू: कोंकणी संस्थो, सां लुवीस कोलेज (स्वायत्तʼ मंगळूर हांणी अकटोबर १५ वेर ‘कोंकणी भास – नोवो संसार- नोवो दिसटावो’ – म्हळ्ळ्या विषयाचेर एका दिसाचो राषट्रीय परिसंवाद मांडून हाडल्लो.
काऱ्याचो मानाचो सयरो जावनासललो सां. लुवीस कोलेजिचो प्रांशुपाल
दो| (फा) प्रवीण मार्टीस एसजे हांणी आपल्या प्रासतावीक उलवपांत “खंचीय एक भास चड आनी चड वापारिजे तर त्या भाशेचीं संपन्मूळां धराळ आसाजे. तवळ ती भास शिकोंक, शिकल्ली भास वापारुंक सलीस जाता. हांव केमेसट्री प्राद्यापक. रसायन शासत्राचें खंचेंय एक लेखन, जर हांवें कोंकणेक हाडिजे तर थंयसर म्हाका सूक्त कोंकणी उत्रांचो उणव दोसतोलो तें नख्खी. कोंकणी भाशेंतलें हें उणेपण निवार्ची चड आनी चड गर्ज आसा. हाका लग्ती वावर जायजे. कोंकणेंत आज भाशेतज्ञ नांच म्हळ्ळे तितले उणे आसात. कोंकणेच्या प्रगतेक हांची गर्ज आसा. कांयथो्ड्या विद्यार्थिंनी तरी भासे विग्यान शिकोन linguists जांवची तुर्ताची गर्ज आसा. तशेंच कोंकणेंत संसोदाकांचोय जायतो उणव आसा. अशें, भास आनी भाशेचें रक्षण आनी अभिवृद्दी म्हणताना जायत्या संग्तीं विशीं अमी गुमान दीजे पडता. आयचो परिसंवाद हे दिशेन तुमकां चडीत चिंतुंक अवकास कर्न दींवदी म्हण अंवडेतां. तुमी कोंकणेच्या विद्यार्थिंनी, हे विशीं चिंतप आटवन कोंकणेच्या उदर्गतेक एक काऱ्यसूची तयार कर्न, वावर केल्यार हो परिसंवाद सार्थक जातलो. हांगासर सां लुवीस कोलेजिंत असल्या काऱ्याळ येवजणांक आमी चड आनी चड पाटिंबो दितांव” म्हळें.
गोंय कानकोन मल्लिकार्जून कोलेजिचो कोंकणी सह प्राध्यापक दो| पूर्णानंद चारी मुखेल सयरो जावना हाजर आसोन, आपल्या उलवपांत ʻमानाचो सयरो जावनासलेल्या प्रिन्सिपालन आमचे मुकार दवरल्ल्या सवालां बराबर कोंकणेच्या वाडावळीक जायत्यो अडकळी आसात. कर्नाटकांत कोंकणेच्या अभिवृद्धेक खासगी संस्थ्यां संगीं राज्य सर्कारानयी हात मेळयला ती संतोसाची गजाल. जर आयषो परिसंवाद दो| प्रवीण मार्टिसान आमचे मुकार दवरल्ल्या सवालांक जापी सोधुंक सकात तर नव्या दिसट्याव्यान कोंकणेच्या वाडावळेक काऱ्यासूची तयार कऱ्येतʼ अशें म्हणालो.
काऱ्याचो अध्यक्ष जावन हाजर आसल्लो सां लुवीस शिकपा संस्थ्यांचो रेकटर मा| बा| मेलवीन जोसेफ पिंटो एस.जे हांणी आपल्या उलवपांत ʻकोंकणी लिपिचो वाद पर्नो आनी झरोन गेल्लें नाणें. प्रसतूत आनी फुडें उदेंवच्या कोंकणी पिळगेक कोंकणी भास हतांत करिजे जाल्लें तुमी, लिपी मात्र न्हय, जात, भौगोळिकता, धर्म आनी राजकीय मिकवोन भाशेच्या फुडाराक जाय जाल्लें स्पश्ट काऱ्ययोजन तयार करुंक नवो दिसटावो आपणांवची गर्ज आसा. तुमी विद्यार्थिंनी हे विशीं वावराक देंवाजे, हेर संगळें अपापीं घडोन येता” म्हणालो.
कोंकणी शेतांतल्या तेगां तज्ञांनी प्रबंध मंडन केले. दो| फा. मेलवीन पिंटो SJ हांणी कन्नड लिपिंतल्या समग्र साहित्याचेर सुकण्या नदर मारली. डो| कसतूरी मोहन पै हे ʻभाशेच्या फुडाराखातीर शिकपांत कोंकणीʼ म्हळ्ळे विषयाचेर उलयले. ʻकोंकणी भास आनी लिपी-नव्ये नद्रेनʼ ह्या विषयाचेर. Fr जेसन पिंटो SDB हांणी उज्वाड फांकलो. दनपारां उपरांतल्या परिसंवादांत विद्यार्थिंनी पंगड तर्क चलयले आणी ताची वर्दी शिभिरार्थीं मुकार दवरली.
सां लुवीस कोलेज (स्वायत्त) कोंकणी विभागाची मुकेली श्रीमती फ्लोरा क्यासटलिनो हिणे स्वागत भाशन केलें. मीस टीन वरल्ड सूपर माडेल वेन्सिटा डायस हिणे काऱ्यें चलयलें. काऱ्याचो संयोजक श्री जोकीम पिंटो हांणी धन्यवाद पाटयले.
मनोरंजन काऱ्यें जावन `असतित्व मंगळूर’ हांणी `पयणारी’ काऱ्यें प्रसतूत केलें. गोंयच्या विद्यार्थिंनी मांडो आनी देकणी प्रदर्शन केलें, तशेंच गितां गायलें आनी कविता वाचन केलें.
गोंय विश्व विद्यालायच्या शेणय गोंय बाब भाषा मत्तू साहित्य इसकोलाच्या कोंकणी विभागाच्या आटतीस विद्यार्थिंनी आनी तेगां शिक्षकांनी, कानकोन श्री मल्लिकार्जून मत्तू श्री चेतन मंजू देसायी कोलेजिच्या पांच विद्यार्थिंनी आनी तेगां शिक्षकांनी, तशेंच सां लुवीस कोलेजिच्या एकेचाळीस विद्यार्थिंनी तशेंच कोंकणी लेखकांनी ह्या परिसंवादांत वांटो घेतल्लो.
