सां लुवीस कोलेज (स्वायत्त) कोंकणी संस्थो आनी कोंकणी लेखक संघ, कर्नाटक हांच्या जोड आशऱ्याकाल सां लुवीस कोलेजिच्या साभांगणांत कोंकणी भाषेच्या फुडाराच्या पाटथळार `राश्ट्रीय शिकपा नीत-२०२० आनी नैसर्गीक भास संसकरण’ म्हळ्ळ्याचेर एक विचार सातें मांडून हाडल्लें.
`राश्ट्रीय शिकपा नीत-२०२०’ विश्यांत सां लुवीस कोलेजिचो कुलसचीव जावनासच्या डा| आलवीन डे’सा हांणी उलवन- `मांयभास आनी प्रादेशीक भासो उरंवच्याक `राश्ट्रीय शिकपा नीत-२०२०’ पूरक जावनासोन, ह्या नितिद्वारीं अंगनवाडी थावन आटव्या क्लासी पऱ्यांत जर भुर्ग्याक आपल्या मांय भाशेंतच शिकप दिंवच्या विश्यांत चड महत्व दिला म्हण सांगलें. पूण राश्ट्रीय शिकपा नीत ज्यारी जाल्यार कोंकणी शिकोंक जाय आसच्या पाठबूकांचो उणव जांवचो संभव आसा. ह्या विश्यांत कोंकणी संस्थ्यान शिकपा शेतांतल्या तज्ञां सांगाता समालोचन कर्न कोंकणी भाषेंत अंगनवाडिथावन आटव्या क्लासी पऱ्यांत जाय आसच्या सगळ्या विषयांच्ये पाठपुसतक तयार करुंक मुखेल्पण घेजे’ म्हण उलो दिलो.
मुकारून ताणे `वावरा खातीर हेर राज्यांथावन येंवच्या कामेल्यांक स्थळीय लोकासंगीं संवहन कर्चे पासत मुळावी कोंकणी शिकंवचे मटव्या आवदेच्यो कोंकणी क्लासी आसा करिजे. नर्सां तशेंच हेर वृत्तिपर कामेल्यांक हें चड उपकाराचें जायत’ म्हळें.
उपरांत `नैसर्गीक भास संस्सरणा’ विश्यांत उलवन गोंयच्या देंपें कोलेजिच्या गणकÀ विज्ञान विभागाची सहायक प्राध्यापकी श्रीमती अन्नी राजन हिणे `नैसर्गीक भास संसकरण म्हळ्यार कितें? कोंकणी भाषेच्या उदर्गतेक नैसर्गीक भास संसकरण शिकपाचे गर्ज कितें? गोयांत ह्या विशीं कितें सक्कड वाडवळ जाल्या?’ म्हळ्ळ्या सवालांचेर उज्वाड फांकवन विवर दिलो. “अधुनीक संसार तंत्रगिन्यानांत भोव चड वेगान मुकार वेता आनी तंत्रगीनयी वेगान बदल्ते आसा. ही वाडावळ दाखल करुंक सकानातल्ल्यो भासो क्रमेण ताचें असतित्व होगडावन घेतेल्यो. अधुनीक तंत्रगिन्यानांत खंचीय भास उपयोग करुंक त्या भाषेच्या सब्दांचें संपन्मूळ गर्ज. कोंकणिंत सब्दांच्या संपन्मूलाचो गंबीर उणव आसा, मात्रन्हय लिपिंचो तशेंच चाळीस आनी दोनां वयर बोलिंचो गोंदोळ आसा. ह्यो सर्व अडकळी निवारल्यार कोंकणी भाषेक बरो फुडार आसा” म्हळ्ळी अभिपराय उचारली.
काऱ्याच्या सुर्वेर विचार सात्याचें अध्यक्ष स्थान सोभयिल्लो कोंकणी संस्थ्याचो निर्देशक, दो| फा| मेलवीन पिंटो जे.स. हाणीं स्वागत केलो. जोश्वा आनी पंगडान प्रार्थन गीत गायलें. काऱ्याचो संयोजक श्री जोकीम पिंटो हाणें काऱ्यें चलवन व्हेÉलें. कू| डेलविटा वेगस हिणें धन्यावाद पाटयले. ह्या काऱ्याक्रमाक सैंट जोसेफ इंजिनिरिंग कालेज वामंजूर, सां लुवीस कोलेज (स्वायत्त) हांगाच्या विद्यार्थिंनी आनी आसक्त लेखकांनी भाग घेतल्लो.