“konnak auddum va na auddum, aiz bazarvadi veustha dexachim sorkaram choloita. Hea zagotikoronnachea avatthant zo soxokt asa toch tog martalo. Ani zachea bhitor kxomota asa toch tigtolo. Hea bodoltea somikoronnam bhitor konknnichi hostokxepokari takod amkam vaddounk zai. Ani axil’lea somsadhanachem yogy niozon amkam korpak zai.” oxem mhonnali gõychi famad konkonni lekhoki, somikxok, onuvadoki toxench konkonnichea vividh andholonamni sokri-i sohobhag ghetl’li konknni karykort xrimoti hema naik novembor 4 tariker mongllurchea xoktinogorantlea vixv konkonni vottharantlea bosti vamon xennoi vedithaun uloun. Ti 25vem okhil bharoti-i konkonni sahity som’mell ugtaunn korn uloitali. Mukarun tinne- “konknnicho prosar ani veapti hi prosthapit chollvollechea amvattha bhair paulea. Goroz asa tachi dakhol gheupachi. Zor chollvoll hachi dakhol ghena zalear chollvollicho sondorbh bhousak lagcho na. Mhalghoddeamni hatllil’lem prosn aiz tornnattea pillgekodde sompoupacho vell aila” mhollem ani konkonni bhaxechea udorgote pasot veginch konknnechem fuddarponn yuvosoktekodden dimvchem bhovo chodd gorjechem, dekun, okhil bharot mott’ttar ʻal inddia konkonni yuth ligʼ hachea sthaponachi gorz ucharli. Konkonni sahiteacho probhavo raxttr ani ontoraxttri-i mott’ttar poddaje tor konknnentlem unchlem sahity her bhasank torzonn zaije. Lipicho vad gheun kudre bandcheaki ekvottan matr konkonni bhaxechi grestkai uroun gheuyet mhonn tinne lipi vixeant chuk somzonni aslelea mhalghoddeank ekvottacho ulo dilo.
Ugtaunn kareacho mukel soiro, hindintlo famad kovi toxem vimorxok manest udoin vazopeyi hanne aplea uloupant ʻsahity ani jivitʼ hea vixoyacher uloun “dexachea prostut porigotent chintpi toxem boroupi ʻsomaz virodiʼ zaleat. Sot ulounko addvarlam. Bodlek, aplem dixttikonn bodlun bonddvollxahi veusthesongim raji zaunko dobavo ghaltat. Boroupean hacho virod korn donnsal’leancho avaz zamvchem chodd gorjechem. Vigean yantrik jinni xikoita. Fokot sahity ani kola matr monxa jivit, somaz jivit, prokriti toxem monzatinchem jivit protifolit korta” mhonnalo.
Kareachea surver yeukar somiticho odhyokx xri moikol ddisoza hamnni zomleleank svagot kelo. Vedicher ayozon somiticho upadhyokx xri nondgopal xennoi, gokuldas probhu, kareadhyokx xri hech em’ pernal, porixodecho odhyokx xri orunn ubhoikor, porixodecho sochiv xri gourix vornnekor vedir hazor asl’le. Hea kareavellim vividh lekhokanchim ikra pustokam mokllik zalim. Pattlea vorsamni sahity okaddemithaun puroskar zoddl’leank heach vedir man kelo. Xri onont ogni hanne karyem choloilem. Sochiv xri gourix vornnekor hannem dhonyovad pattoile.
Konkonni sahity som’mellonachea poilea disacho poilo porisomvad do| narainn desayi hanchea mukhelponnar chol’lo. ʻkonkonni sahity chollvoll ani protsahona khatir paulamʼ ho poilea porisomvadacho vixoi zaunasl’lo. Poiyon’nur romex poi, fa| jeson pintto, do| prokax vojhrikar, xri alfi montero hea porisomvadache vanttekar zaunasl’le ani tannim tancho vichar manddlo. Do| sunita kannekar ani do| orovindo xanbhag hannim char prapatrancher nirikxonn kelem.
Donparam uprant som’mellanacho poilo sahity sadorikoronn chol’lo. Do| razoi povar hannim gody sador kelo. Anddryu el. Ddikunha, krixnnokumar kamot, soiyod somiul’l, rozario pintto, novin bhokto, felsi lobo, hannim apapleo kovita sador keleo. Maya khorongotte, dinex mornnerkar, anttoni barkur, hannim kotha sador keleo, vinsi pintto hannim neano kanneo sador keleo. Sondex bandekar hannim ek lekhon sador kelem. Remondd ddikunha hannim apli chiknni kotha ani charolli sador kelim.
Dusro porisomvad ʻballsadohity ani yuvo lekhokanchem sahityʼ hea vixoyacher chol’lo. Hea porisomvadak do| prokax porienkar odhyokx zaunaslo. Balokrixnno molyo, roxu bojpe, rotnomalo divkor, onvexona singbal hea porisomvadache vanttekar zaunasl’le ani tannim tancho vichar manddlo. Do| proxanti tolponnkor hannim nirikxonn kelem.
Uprant ʻsomokalin lekhokam mukhlim sovalamʼ hea vixoyacher chol’lel’lea porichorchent udoin vazopeyi ani momota sagor hamnni vantto ghetlo. Puruxot’tom’ billimole hea porichorchecho odhyokx zaunasl’lo.
Porichorcha uprant sanjer monorenjvonachim samskoøtik karyim sador zalim. Kola ani somskriti khatem gõy sorkar hanchea adaran cholcho sateri khellbayi lokmamll paroddexvor keri sot’teri pongodd gõy, hanni gõychi paromporik lokna ch fugddi, dekhnni, douli mandd, divli nach, kollxi fugddi nach sador kelo. Nimannem, mongllurchea ʻostitvoʼ pongddan ʻzugariʼ nattok prostut kelo.
Okhilo bharoti-i konkonni sahity som’mellon hachea dusrea disachea poile porisomvadache vixoi ʻkonkonni rongmamvochiechi doxa ani dixaʼ- hem bosti vamon xennoi vedir chol’lem. Hea porisomvadache odhyokx zaun do| honumont chopddekor, soho pradhyopok, konkonni vibhag, gõy vixvovideaniloi, toxench hantu vanttekar zaunasche el. Krixnno bhott, edd’ddi sikvera, dipraiz satorddekar hannim aplo vichar manddlo. Hea tini vicharancher do| tonvi kamot bambollkor ani prokax xennoi hannim nirikxonn kelem. Porisomvadache akrek odhyokx do| honumont chopddekor hannim aplim bhognnam ucharn ho porisomvad somorop kelo.
Okhilo bharoti-i konkonni sahity som’mellon hachea dusrea disachem dusrem porisomvad onont probhu hancha odhyokxoponnar ʻkonkonni sahiteache udorgotint nemallim ani somaz madhyomanchem yogodanʼ hea vixoicher porisomvad chol’lo. Do| horindro xormo kerollachea konkonni sahiteache udorgotint nemallim ani somaz madhyomanchem yogodan hea vixoicher propatr manddlo, toxench monglluri konkonni sahiteachea nemallim ani somaz madhyomavixim vilson kottil hannim aplo vichar manddlo. Gõychea konkonni sahiteachea nemallim ani somaz madhyomavixim do| zointi naik hannim aplo propatr manddlo. Moharaxttrachea konkonni sahiteachea mollar nemallim ani somaz madhyomamvixim vol’li kvaddros hannim aplo vichar manddlo. Hea char vicharancher manosi dhauskar hannim nirikxonn kelem. Akrek porisomvadacho odhyokx onont probhu hannim aple vichar ucharn ho porisomvad somorop kelo.
Don porisomvada uprant vividh konkonni sahiteachem sadorikoronn chol’lem. Stteni bella, kovindr folldelosayi, zofa gonsalvis, hannim apleo kotha sador keleo. Gleanix marttis, momota verlekar, sarika naik, sagor vellip, visvoprotap povar, mohadevo gamvkar, govind mopkar mongex horizon, akax gamvkar, hannim apleo kovita sador keleo. Hemont oyyo hannim lolit lekhon sador kelem. Odvoit sallgamvkar hannim lhan lekhon sador kelem.
Okhilo bharoti-i konkonni sahity som’mellonan tharavo manddunk vinounni kel’li ani te tharavo somarop karea poilem manddle. 25vea okhilo bharoti-i konkonni sahity som’mellonache karyodhyokx ech. Em’. Pernal hannim tharavo vachun sangle. ʻkonkonnichem unchlem sahity soglleanki vachunk ani odhyoin korunk sompe zamvche khatir lipeantor korchem mixon konkonnicho ek vantto zaunko zai ani hem karyorupak haddchi gorz asa. Hea vorvim konknnentle yedollchem ani fuddorantlem sahity lipincho doro utron vallchi gorz asa. Ho poilo tharavo zaunaslo anddyru el. Ddikunha hancho. Hachi gorz somzon ho tharavo okhilo bharoti-i konkonni porixodecho odhyokx cheton acharyo hannim monzur kelo. Dusrem suchon fa| jeson pintto es.Ddi.Bi. Hamnni dil’lem- ʻokhilo bharoti-i konkonni porixode thaun vividh lipimni boromvchea boroupea modhem koso sonko bandcho ani okhil bharoti-i konkonni porixoden konkonni monxamni cholomvchea xallamni konkonni xikomvche vixi koxem survat kanngheuyetʼ. Toxench som’mellonachea poilea disa do| puruxot’tom’ billimole hannim tanchea porichorchavellar ʻsogllea bhasank raxttri-i manyotai mellounko vaur cholazoiʼ mhonn suchon dil’lem. He tin tharavo 25vea okhilo bharoti-i konkonni sahity som’mellonachi odhyokx he. Ma. Naik hankam hotantor kele. Uprant he. Ma. Naik hannim te tharavo ghetle ani te karyorupak haddunk sorkara sangata uloitam mhonn bhasaun he karyem somorop kelem.
Somarop karyem:
25vea okhilo bharoti-i konkonni sahity som’mellonachea somorop kareant odhyokx he. Ma. Naik, hannim don disamni zal’lea sorv kareachi zhollok dili. Momota ji. Sagar somorop kareachi mukhel soiri zaun hazor asl’li. Hea kareavellim, konkonni mayechi seva korn vividh xetant vaur dil’lea tegam manestank sonman kelo. Konkonni xikxonn xetant kel’lea sadhona khatir do| kosturi mohon poi, konkonni sahity xetant dil’lea seve khatir ron roch kassia, ani konkonni sahity chollvolle khatir seva dil’lea do| xivoram’ kamot kumtta hankam sonman chol’lo.
Okhil bharoti-i konkonni sahity porixod hacho kareadhyokx cheton acharea hamnni svagot kelo, kareachea akrek ayozon somiticho sochiv xri ttoittos noronha hannim som’mellonachea yoxosvek karonn zal’lea somestancho upkar bhavuddlo. Uprant uloyil’lo yeukar somiticho odhyokx xri moikol ddisoza hamnni vixv konkonni kendrak bhett dimvchea mhalghoddeank solisayen choddonk zamvche khatir eskolettorachi vyoustha korn ditam mhonn bhasailem. Monoz fernanddis kirem hannim karyem choloilem.
