वर्सा आदीं गायन रावयिल्लो ʻकोंकण कलाश्रीʼ बिरुदांकीत क्लोड डिसोजा हाचो उडास काडून ʻ ʻहजार सलाम तुका अमर क्लोड डीʼसोजाʼ म्हळ्ळी ताच्याच पदांनी विणलेली विशिषट संगीत सांज मंगळुर्च्या सां आग्नेस कोलेजिच्या शतमानोत्सव सभासालांत साल भर लोका समोर प्रसतूत जाली. अगोसताचे १५वेर सादर जाल्ल्या ह्या संगीत सांजेवेळार क्लोड डिसोजाच्या पदांचें पेनड्रैव आनी तांतल्या पदांचें पुसतक्यी मोकळीक कर्न क्लोडाक मान भेटयलो.
मंगळुरांतलें फामाद कला संघटन ʻकरावळ कोंकणसʼ हांणी मांडून हाडलेल्या ह्या काऱ्याक अनिवासी भारतीय उद्यमी एरोल स्याम्युयेल, कोंकण मैना मीना रेबिंबस; दैजिवरलड संस्थापक वाल्टर नंदळिके, संगीत गुरू जोयल पिरेरा, सां आग्नेस कोलेजिची प्रिन्सिपाल सी| वेनेस्सा, क्लोड डीʼसोजाची पतीण श्रीमती मारी, धुवो मौश्मी आनी मेलिस्सा, करावळी कोंकणस हाचो अध्यक्ष लेसली रेगो हाजर आसोन, क्लोड डिसोजाच्या तस्विरेक फुलां अर्पून नमन भेटयलो.
वेदी काऱ्यावेळीं क्लोड डिसोजाच्या सर्व संगीत काऱ्यांक संगीत दिल्ल्या पप्पन आनी करावळी कोंकणस हांच्या सर्व विन्यास आनी छाप्या वावरांत सहकार दिंवच्या जोकीम पिंटो वामंजूर हांकां फुलां दीवन मान केलो.उपरांत क्लोडाच्या संगीत जिण्ये पयणार सांगात, सहकार आनी पाटिंबो दिल्ले क्रिसटोफर मसकरेन्हस (क्रिसटी), जोस्वीन पिंटो आनी लेसली रेगो हांकां क्लोड डीʼसोजाच्या कुटमा तर्फेन श्रीमती मारी, मौश्मी आनी मेलिस्सा संगीं देरेबयल फिर्गजिचो विगार मा| बा| जोसेफ मार्टीस, बेंदूर फिर्गजिचो विगार मा| बा| वाल्टर डीʼसोजा तशेंच ʻसंपदʼ हाचो निर्देशक मा| बा| रेजिनालड पिंटो हाणीं शोल पांगूर्न, उडासाची काणीक अर्पून सन्मान केलो.
ह्या वेळार उलयिल्लो विगार मा| बा| जोसेफ मार्टीस ʻआपल्या संगीत, नटन तशेंच साहित्य देण्यां मारिफात क्लोड डिसोजान पन्नास वर्सांच्याकी चडीत काळ कोंकण मायेची सेवा केली आनी कोंकण लोकाथावन ʻकोंकण कलाश्रीʼ म्हळ्ळें बिरूद घेवन अमर जालो. आज तो आमचे मधें ताच्या पदां, साहित्य आनी संगीता मारिफात हाजर आसा. असल्या महान कोंकणी कलाकाराक भोव सहज जाल्ली शृद्दांजली आयोजन केल्ल्या ʻकरावळी कोंकणसʼ हांकां दिन्वासʼ अशें म्हणालो. हें काऱ्यें फामाद काऱ्यें चलयणार डोलफी सलडान्हा हाणे चलवन व्हेलें. ʻकरावळी कोंकणसʼ हाचो आदलो काऱ्यदर्शी, आतां सांदो रान्सम सलडान्हान धन्यवाद समर्पण केलें.
त्या उपरांत प्रसतूत जाल्ल्या संगीत सांजेचें सुंकाण फामाद काऱ्यें निर्वाहक तशेंच ʻकरावळी कोंकणसʼ हाचो अध्यक्ष लेसली रेगोन घेतल्लें. लेसलिच्या घणघणीत तशें मनाकर्शीक उत्रां सवें संगीत सांज प्रसतूत जाली. ह्या संगीत काऱ्यावळिंत क्लोड डीʼसोजाचीं भोवच लोकामोगाळ १५ विंचणार पदां रोनी डीʼकुन्हा, गालडीन डीʼसोज, डो| मुसताफा, आलवीन नोरोन्हा, किरण मिनेजस, आशा मिनेजस, जोयेल डीʼसोज, रान्सम सलडान्हा, बबिता पिंटो, शालन पिंटो, शांती पिंटो, बिंदू कुटिन्हा, विविना डीʼसोज, शेरील तावरो, मुनीट वेगस, ब्लोसम रेगो हांणी, फामाद संगीत निर्देशक जोडी ʻपप्पन-जोस्वीनʼ हांच्या मनां धलंवच्या संगीता संगीं प्रसतूत केलीं. भांग्राळ्या ताळ्याचो गावपी ऐवन डिसोजा हाणे गावून, फामाद नट जोस्सी रेगो आनी प्रशसती विजेत नाचपीण रेमोना इवेट पिरेरान नटन कर्न प्रसतूत केल्लें क्लोड डीʼसोजाचें भोवच सिंतिमेंताळ पद ʻधुवे म्हज्येʼ जम्लेल्या संगीत प्रेमिंच्या दोळ्यांनी दुखां हाडुंक पावलें.
संगीत पंगडांत शब्बीर दास (तबला आनी धोलक), गणेश (रिदम प्याड), आशीत पिंटो (बास गिटार), रूबेन मचादो (पिरलूक आनी स्याक्सोफोन), नैझील (ट्रंपेट) आनी शाजू (पिटील) हांणी सांगात दिलो. कू| रेमोना पिरेरा हिच्या शो स्न्याचर्स पंगडाचो आकर्शीक नाच, तशेंच लेसली रेगो आनी डोल्ल हांचीं फोकणां जम्ल्ल्या प्रेक्षकांक संपूर्ण मनोरंजन दीवंक पावलीं.
क्रीस इलेकट्रोनिक्स हांचो आवाज, रोज एरेंजर्स हांची वेदी आनी अरूण डिसोजा हांचो उज्वाड ह्या संगीत सांजेक वैभव दीवंक पावलो.
Pics: Daya, Kukkaje
