२-७-२०२३वेर एकुणिसावी पोयेटिका कविगोषठी इयान केर्स पौंडेशन मूरुकावेरी, किन्निगोळी हांगासर साधर जाली.
किन्निगोळी फिर्गज याजक मा| बा| फावोसतीन लोबो, पोयेटिका पंगडाचो आडमीन नवीन पिरेरा सुरत्कल तशेंच साहिती हेमाचाऱ्य वेदीर हाजर आसल्ले.
मा| बा| फावोसतीन लोबो हाणीं पिक्तांडी बडोवन काऱ्याचें उग्तावण केलें. हेमाचाऱ्य हाणीं मानाच्या सयऱ्यांक फुलांचो तुरो दीवन स्वागत केलो. मा| फावोसतीन लोबो हाणीं प्रासतवीक उत्रां उलोवन, कोंकणेचो महत्व आनी कवितेचीं उत्रां कशें काळजा मनांक दादोस करुंक सक्तात म्हळ्ळ्या विश्यांत बर्पूर ज्ञान पाटवन सर्व कवी कवयत्रिंक बरें मागलें.
२० कवी-कवयत्रिंनी आपल्यो आपूरबायेच्यो कविता सादर केल्यो. क्रिसटोफर रोशन लोबो, ‘क्रीस बेन म्यूसीक’ हाणीं दिंवचें ‘आयकोवप्यांनी विंचल्ली अत्युत्तम कविता’ इनाम पेद्रू प्रभू ताकोडे हांकां फावो जालें.
रेमंड डिकुन्हा ताकोडे आनी जोयस पिंटो किन्निगोळी हाणीं कविगोषठिचें सुंकाण सांबाळ्ळें. लविटा डिसोज नक्रे हिणे काऱ्येंस निर्वाहण केलें.
कविगोषठी उपरांत नवीन पिरेरा सुरत्कल हाणीं कविता वाचाना विशीं काऱ्यागार चलवन व्हेलें. किन्निगोळी परिसराचा पोयेटिका कविंनी ह्या कविगोषठिचें पोषकपण घेतʼल्लें. जेवणासवें काऱ्यें आखेर जालें.
वर्दी आनी तस्वीऱ्यो: लविटा डिसोज, नक्रे.
