Pattim ghumvon polloitana mhojea jivitant mhojea vantteak ayil’le ovkas hamve borean vaparleat mhonnchi vhodd tripti mhaka asa” mhonnalo do| jeo lobo, kulxekor.
Do| lobo, mongllara, 14 ver, sam. Luvis porigonnit vixvovidealoyachea konknni somstheachea moineallea bolkamv kareavollint uloitalo.
“hamv mottvo dekun lhan astana mhaka xastri mhonn chiddaitale. Zoi zovan – zoi kisan naro dil’lea xastricher mhaka vorto obhiman aslo. Tachea okalik mornnachea misteran khontistt zaleam poikim hamvyi eklom. Ani heach karonnak lagon, videxang khateant dexabhailea sevecho ovkas mhojea vantteak yetana, londdon tosolo zago soddn hamve taxkentt vinchlo. 2004 vea vorsa xastrichi zolmaxotabdi asa mhonn mhaka khobor asli ani ho ovkas taxkenttant astana hamve borean vaparlo. Xastrichea namvar ek vostusongrohaloi, udean ani to moronn paulelea taxkenttant bharoti-i samskritik kendr tachea namvar bodlilem. Hem mhojea jivitantlem vhodd sadhon mhonn hamv lektam”
“vhoddle monis oxech vhoddle zainant, tanchethoim thodde vixes gunn astat” mhonn rajivo gandicho uddas kaddun lobon – tin murti bhounant eka karyokromant videxi videarthim lagim uloyil’lea, toull dexacho prodani zaunaslelea rajivo gandin, karyokromant videxi videarthimni dil’lem tonddpaxi dur aikon, tanchea koleanna khatir koxem krom’ ghetlem mholl’lle vixeant sonkxipt vivor dilo. Sangatach morixiyos meyor ddi kruz mhonn koll’llea uprant plaza thiettorant karyokrom’ manddun haddunk tachem ‘nam’ koxem ‘ham’ zaun bodlilem, pitt’ttasi ani videxi dvexi mhonn somajent jeral obhiprai aslelea godrez kompnnechea mhaloka thaun samskritik karyokromank mat noi, videxi videarthinchea xikpak soit koxi kumok mellcheporim kelem – he vixeant marmik gozalinchim drixttantam diun logbog ek vor do| lobon, bolkamv ordhea vorachea uloupacho somprodai moddun, konnakch ubgonn yenaxem apurbayechem uloup sador kelem.
‘bolkamv’ kareavollichem porikolpon ani sunkann samballun aschea echchem’, pernal hachea konkonni kauyem : rupam ani rupokam bukak 2025 vea vorsacho raxttri-i pamvddeacheo protixtthit sahityo okademi puroskar favo zal’lea suvallear bolkamv pongodd, konknni somstho, sam. Luvis porigonnit vixvovidealoi torfen malghoddo sando xri alon si. E. Pirera ani uloupi jeo lobo hanni xol ani fulam jhelo diun man kelo. Hea vellim obhinondonachim utram uloyil’lea xri alon si. E. Pirera hanni “…Konkonni sahiteache choritrent sahity vimorxak raxttri-i mott’ttar proxosti mell’lli hich poile pauttim. Ti kirt vimorxok echchem’ pernalak favo zata. Pernal tosolea lhan gamvant ubzal’lem hem kittall kornattokant ujvadd fankoun asa-tem dex toxem ontoraxttri-i mott’ttar ujvadd fankouchi divtti zaun porzollondi…” mhonn borem maglem. Hea vellim aplea konknni sorkos bukak kornattoko konkonni sahityo okaddemi thaun lekhonam vibhagant ut’tim’ pustok puroskar apnnayil’lea bolkamv sando roxu, bojpe haka fulam turo diun do| jeo lobon bolkamv pongdda torfen man kelo.
Bolkamv kareavollicho mukel solohadar do| alvin ddesa hanni oddio sondexa mukantr bolkamv ruvari echchemak borem maglem.
Sam. Luvis porigonnit vixvovidealoyacho pradheapok monoz fernand hanne karyem choloun velem ani echchemachea sahiteachi sonkxipt ollok dili.
Konknni somstheacho karyokrom’ sonchalok pintto vamonzur hanni jeo lobok yeukar maglo, sohaiki vonita hinne sohokar dilo.
Karyoull survatche poilem pattlea disamni somsari poinn sompoun sorgim razak gel’lea sam. Luvis xikpa somstheanchom rekttor ba| melvin zosef pintto hancho uddas kaddun, minuttachem maun samballun, tanka bolkamv pongdda torfen xanti magli.
Bolkamv kareavollik hazor zal’lea sorv sandeank mogachi kannik zaun jeo lobo hanni kornattoko konkonni sahityo okaddemin fais kel’lo tanchea atmokothonacho buk ” ek jivit: ovkas oporimit” hostakxor korun dilo.
Kareavollik pealestini kovi, potrkort nojvan ddarvix ani bengllurant ef.Ke.Si.E. Toxem her songhottonanchom ruvari ani promuk somajik mukeli xri charls goms, xirvam, ronaldd olivera poddukonne ani her manest hazor asle.
