साहित्य अकाडेमी थावन बदियडकांत ‘ग्रामलोक’ कोंकणी साहित्य काऱ्यें

साहित्य अकाडेमी तर्फेन बदियडक संसकृती भवनांत ‘ग्रामलोक’ म्हळ्ळें कोंकणी साहित्य काऱ्यें चल्लें.

कोंकणी साहिती, भाषा तज्ञ दो| कसतूरी मोहन पै काऱ्याचो अध्यक्ष जावनासल्लो . ताणें आपल्या उलवपांत ‘ह्या प्राकाराच्या काऱ्यावळी मारिफात साहित्य अकादमी खऱ्या अर्थान गांवटी लोका मधल्या साहितिंक पेÇ्रत्साह दिवंक प्रेतन कर्ता.  ही प्रक्रिया चालूच उराजय. त्या मारिफात असल्या ल्हान हळ्ळेंतल्या कविंनी मुखेल व्हाळ्यांतल्या कविता रसिकां पऱ्यांत पावजय’ म्हळें.

काऱ्याच्ये सुर्वेर केंद्र साहित्य अकाडेमिच्या कोंकणी सलहागार समितिचो निमंत्रक श्री मेलवीन रोड्रिगस हाणें ‘ग्रामलोक’ काऱ्याविशीं माहेत दिवन जम्ल्ल्यां क बरो येवकार मागलो. बदियडक ग्राम पंचायत सांदो श्री डी. शंकर हाणें ग्रामलोक काऱ्यक्रमा खातीर बदियडक तसलो ल्हान गांव विंचून काडल्ले  पासत अकाडेमिच्या वांगड्यांचो उपकार बावुडन ‘असलें काऱ्यें आयोजीत कर्न साहित्य अकाडेमीन बदियडकाच्या कोंकणी समाजाक मान केला. ग्रामलोक काऱ्याक अकाडेमी आमची हळ्ळी विंचतली म्हण आमी केदनांच चिंतुंक नातल्लें . आनी मुकारीय असलीं काऱ्यीं हांगासर कर्चीं तर आमी संपूर्ण रितिचो सहकार दितल्यांव’ म्हळें.

काऱ्यावेळार यूव साहिती वेंकटेश नायक, श्वेता पै मंजेश्वर, रोशन पेरियडक हाणीं कविता वाचल्यो तर स्ट्यानी बेळान मटवी काणी  प्रसतूत केली.