‘म्हज्ये नद्रेंतल्यान’ केंद्र साहित्य अकादेमिचें काऱ्यें केरळांतल्या कयकुलम श्री विठोभ विद्या निकेतन इसकोलांत जुलाय २३वेर चल्लें. साहित्य अकाडेमी हर वर्सा साहित्याक योगदान दिल्ल्या कवी/कवयत्रिच्या उडासाक ‘म्हज्ये नद्रेंतल्यान’ काऱ्यें मांडून हाडता. हें काऱ्यें ह्या वर्सा देवाधीन जाल्ल्या दो| सुनीत बायी हांच्या उडासाक मांडून हाडल्लें . कोंकणी साहिती, शिकपा तज्ञ, दूरदर्शनाचो सहायक निर्देशक दो| हरींद्र सर्मा हाणें कोंकणेचो साहिती आनी शब्द्कोश्कार दो| दे| सुनीता बायी हांच्या साहित्याचें तशें जिविताचें अवलोकन केलें.
ह्या काऱ्याच्ये सुर्वेर साहित्य अकाडेमी, डेल्ली, हाच्या कोंकणी भाषा सलहा समितिचो सांदो कू| नम्रता पी. किणी हिणें प्रासतावीक उलवप दिलें. मुन्सिपल कौन्सिलर वी. राजेश कामत हाणें बरो येवकार मागलो. काऱ्याच्या सुर्वेर साहित्य अकाडेमी, डेल्ली, हाच्या कोंकणी भाषा सलहा समितिचो आदलो सांदो, म्हाल्गडो लेखक श्री पय्यन्नूर रमेश पै हांकां काऱ्या वेळार मान केलो. प्रदीप कुमार हाणें समापन उलवप दिलें. कू| नम्रता पी. किणी हिणें धन्यवाद समर्पण केलें.
