ദാമോദർ മാവജോ ഹാഞ്ചി സാഹിത്യ അകാഡെമി പ്രശസ്തി വിജേത് കാദംബരി കാർമെലിൻ ഏക് സംഘർശാഞ്ചിം കാണി. ഹ്യാ കാദംബരിന്ത് ഏക് നയ് ജായ്തി സംഘർശ് ആസാത് – ഭിതരെ ആനി ഭായ്ദെ നയ്തികതാ ആനി വെച്ചാരികതാ … അശെം വെവെഗ്ളെ മധ്ലൊ, വർഗ് ആനി ജാതി മധ്ലൊ, ദുഡ്വാദാർ ആനി ദുബ്ള്യാം മധ്ലൊ, മഝാ ആനി മദ്ദൂരെ മധ്ലൊ സംഘർശ് ബോവ് ആപുർബായെൻ ലേഖകാൻ കാദംബരിന്ത് പിന്ത്രായ്യാത്” മ്ഹണാലൊ ബ്യാങ്ക് ഒഫ് മഹാരാഷ്ട്ര ഹാചൊ വിശ്രാന്ത് സി.എം.ഡി അലൻ സി. എ. പിരേരാ.
മാനെസ്ത് പിരേരാ സാം. ലുവിസ് പരിഗണിത് വിശ്വവിദ്യാലയ്, കൊങ്ക്ലി സംസ്കൃാച്യാ ബൊൽകാംവ് :12 കാര്യാവളിന്ത് ദാമോദർ മാവജോ ഹാഞ്ചി കാർമെലിൻ കാദംബരി ; ഏക് വാചപ് ഹ്യാ വിശയാചെർ ആപ്ലെ വിചാർ തൊ മാണ്ഡ്താലൊ.
മുന്ദരുൻ താണെ മ്ഹളെം ” ഗൊംയാന്ത് തീൻ വർസാം ബ്യാങ്കാന്ത് ശാഖാ വെവസ്ഥാപക് ജാവ്ന് ഹാംവെ കാം കെലാം. പയ്ല്യാ മാളിയെച്യാ മ്ഹജ്യാ ബ്യാങ്ക് ദഫ്തരാന്ത്ല്യാൻ മ്ഹാകാ ഇസ്കൊലാചെം മയ്ദാൻ സാർകെം ദിസ്താലെം. ഥംയ്സർ ശിക്ചിം ഭുർഗിം ദിസാക് ഹജാരൊം രുപ്യാഞ്ചൊം ക്യാണ്ഡി – ഖാണാഞ്ചൊ വ്യാർ കർതാലിം. പൂൺ ഇസ്കൊലാചി ഫീ ഭരുങ്ക് ആമ്യാ ബ്യാങ്കാക് രീണാക് യെതാലിം. കാരൺ വ്ഹഡിലാംനിം ഭായ്യാ ഗാംവാന്ത് ഘോളൊൻ ശിക്പാക് മ്ഹൺ ഭുർഗ്യാഞ്ച്യാ ഖാത്യാക് ദാഡ്ല്ലൊ ദുഡു തിം അശെം വിബാഡ്താലിം. ക്രിസ്താംവാം മധെം ജാത് ആനി വർഗാചൊ ബേദ് തവൾ ദാട് ആസ്ലൊ ഹാംവെ ഖുദ് പാർകിലാം. എകാമെകാ ലഗ്നാം ജായ്നാത്ലിം. കാര്യാങ്ക് വചാനാത്ലി”
“കാർമെലിൻ കാദംബരി ആമി ചാർ വാണ്ടെ കരുൻ പളവൈത്. പയ്യാ വാണ്ട്യാന്ത് – ഗൊംയാന്ത് ആയില്ലൊ സാങ്ക്രാമിക് ടൈഫായ്ഡ് താപ്, ആവയ് – ബാപയ് ഹൊഗ്ഡാവ്ന് അനാഥ് ജാല്ലെം ഭുർഗെം കാർമെലിൻ. ദുസ്ര്യാ വാണ്ട്യാന്ത് കാർമെലിനാചെ കാജാരി ജിവിതാന്ത് ആയില്ലെം വാദാൾ, പിംവ്ഡൊ ആനി ജുഗാരി ഘോവ്. തിസ്ര്യാ വാണ്ട്യാന്ത് – കുവേയ്ടാന്ത് കാർമെലിനാചെം കാം ആനി ആപ്ലി പരിഗത് ധുവെക് യെംവ്ചി നാകാ മ്ഹൺ കാർമെലിനാൻ കർചൊ സാക്രിഫിസ് ആനി ചവ്ത്യാ വാണ്ട്യാന്ത് – നയ്തികതാ ആനി വെവഹാരികതാ മധ്ലെം ഝുജ്”
“തിച്യാ ധുവെൻ തിചെപരിം ജായ്നാസ്താം, ബരെം ശികപ് ജൊഡുൻ ഗൊംയാന്ത്ച് ബരെം ജിവിത് സാരിജെ മ്ഹണ്ണെം കാർമെലിനാചെം സപൺ, തിചി ധുവ് ശിക്ഷാന്ത് നാഫാസ് ജാവ്ന് ‘ഹാംവീ തുജെം പരിം കുവേയ്ഡ് വചൊൻ ദുഡു കമായ്താം’ മ്ഹൺ സാംഗ്ലെ സവെം തുട്താ. ആനി തവൾ കാർമെലിനാചെം സയ്രാൺ ചുക്താ ആനി ധുവെച്യാ കപാലാർ ഥാപഡ് ബസ്താ. കാണിയെചൊ ഹൊ സമാരോപ് ആപ്ടാക് ആംവഡ്ലെ” മ്ഹൺ അലൻ പിരേരാ മ്ഹണാലൊ.
സുർവെർ ബൊൽകാംവ് കാര്യാവളിചൊ സഞ്ചാലക് എച്ചെം, പെർനാൽ ഹാണി ഉലവ്പി അലൻ സി. എ. പിരേരാ ഹാഞ്ചി സയ്ര്യാങ്ക് ഒളക് കരുൻ ദിലി. കാര്യാകാരി നിർദേശക് ദൊ| ആല്വിൻ ഡെസാ ഹാണി ബൊൽകാംവ് ഡായ്രി ദീവ്ന് താഞ്ചൊ സ്വാഗത് കെലൊ.
ഉലവ്പാ ഉപ്രാന്ത് ചല്ലെല്ല്യാ സംവാദാന്ത് എച്. ആർ. ആള്വ, ഡൊ। ജീതാ ലോബൊ, ഡൊ। പ്രേം മൊരാസ് ആനി ജ്യോ ലോബൊ, കുൽശേകർ ഹാണി വാണ്ടൊ ഘത്തൊ. മുക്ലൊ ബൊല്യാംവ് 13 വൊ അവസ്വർ എപ്രിൽ 12 വെർ ദുസ്ര്യാ ആയ്താരാ ചലംവ്ചൊ നിർധാർ ഘെത്ലൊ.
കൊങ്കണി സംസ്ഥ്യാചൊ സംയോജക് പിണ്ടൊ, വാമഞ്ജൂർ ഹാണി ദിന്വാസ് പാടയ്ലെ. കു| വനിതാ ഹിണെം സഹകാർ ദിലൊ.
