hamvem boroyil’le kovitent mogachi bhas asa
sopnantlea fulankuy nisorgik vas asa
ken’na tori amche khatir thambil’lo khinn
zaum goir tuka punn mhaka to khas asa
natim punzaitona kistinim ximpddolam polloi
pijil’lea hea kallzak tuji as asa
jivitachea gol’lear purai gonnit ghuspolam
dista gollea bhomvti udaricho fas asa
pauxi kumpanim surea gillun uddoilo mhozo
xert mhojea paulank kallkhacho tras asa
mhoje kannyek aplench mukkam’ khobor na
tori dor patracho tika khoroch dheas asa
ximtorichea darak te gid tellun rauleat
upaxi pottar mel’leak kitlem mas asa
jivachem ran korun xetant konnsam dholoilim
merer raupeachea tonddant mhozo ghas asa
tumkam somzotoli mhoji kimot hamv votkoch
sod’deak he kuddint minnminnotto svas asa
