charoi votten koronacho chol’la samvar.
Hozarani xenkddeani mornnacheo khobro
koslo ho vaitt kall.
Charoi votten ek bhirankull xant’ta.
Hea nirou xantotet
xarachea kodder, ambea ponda
tin bilddige kuxin
ek mhatari gamvddinn
mukhar tin char bhajyecheo chuddeo,
chittkimittokicho ek vantto
barik dudi ,don char
vangeachi gollam
gheun boslea.
Rostear ek monis na
donparochem vot rokhrokhota.
Pulisacheo gaddeo heutten teutten
sairon vazoit bhomvtat.
Ek patoll virvirit mask
tinnem nakar doul’la.
Tijem barik khoddboddit kallem rakott hat
surkutol’leat.
Eka dolleat ful poddla,
tea dolleatlean porot porot udok yeta.
Ti porot porot pusta udok.
Kuxichea balkonit ubo raun konn’tori
vhoddauhoddan mitthacho gollgollo gheta,
thoddovell to avaz
xantota chirit rauta.
Votacho ho bhar sonxit
ti bosolea koronacho ho mohabhomyokor
aghat sonxit
aplea bhajyecho manddun mandd.
