2023 മാർച് 28വെർ ഖ്യാത് കൊങ്കണി ബരവ്പി എഡി നെട്ടൊക് പയ്ലൊ കൊങ്കണി ലേഖക സംഘ് പ്രശസ്തി ഫാവൊ ജാലി. സന്ദേശ ഫൌണ്ഡേശനചെ നിർദേശക് ഫ്രാൻസിസ് അസ്സിസി അൽമേഡാ, മംഗ്ളുർ വിശ്വവിദ്യാനിലയചെ കന്നഡ പ്രാധ്യാപക് പ്രൊ. ധനഞ്ജയ കുംബ്ളെ ഹാംണി എഡി നെട്ടോ ഹാങ്കാ സന്മാൻ കർൻ, ശാൽ, ഫൂലാഞ്ചൊ തുരൊ ആനി രു. 25,000 ദീവ്ന് ഗൌരവ് കെലൊ.
കൊങ്കണി ലേഖക് സംഘചെ സഞ്ചാലക് രിചർഡ് മൊരാസ് പ്രാസ്താവിക് ഉലൊവ്പ് ഉലവ്ന്, കൊങ്കണി ലേഖകാഞ്ചൊ സംഘ് വർസാം ആദിം കർനാടകാന്ത്ല്യാ മാൽഗഡൊ ആനി ഫാമാദ് (പ്രസിദ്ധ്) കൊങ്കണി ബരൊവ്പ്യാനി രചുൻ, കൊങ്കണി ലേഖകാങ്ക് താഞ്ച്യാ സാഹിത്യ് കൃതിയെന്ത് പാടിംബൊ(മജത്) ദിംവ്ചെ സംഘാചൊ മുഖ്യ് ധ്യേയ വാക്യ് ജാവ്നാസാ. കൊങ്കണിന്ത് താഞ്ച്യാ കാമാന്ത് ആധാർ ദീവ്ന്, വിവിധ് ചടുവടിക്യൊ, സാഹിത്യ് സ്പർധൊ ആനി പ്രശസ്തി സവെം ഉദെവ്ന് യെംവ്ച്യാ ബരൊവ്പ്യാങ്ക് പ്രോത്സാഹ് ദീവ്ന് ആസാ. ആമ്ചി പയ്ലി പ്രശസ്തി മാൽഗഡൊ ബരൊവ്പി എഡി നെട്ടൊക് ദീവ്ന് സന്മാൻ കരുങ്ക് ആമി ഖുശി പാവ്താംവ്.
കോർ കമിടിചൊ സദസ്യ് ഡാ. എഡ്വർഡ് നജരെത് ഹാംണി ആയ്ല്യാ സമെസ്താങ്ക് എഡി നെട്ടൊചി വളക് കർൻ ദിലി. “സ്വഭാവന്ത് എഡി നെട്ടൊ സ്പഷ്ട് ഉലൊംവ്ചെ മനിസ് ആനി താഞ്ചാ തത്വാന്ത്(സിദ്ധാന്ത്) ആനി ചിന്ത്നാനി കെദ്നാഞ്ച് സൊഡ്‍ദൊഡ് കരിനാന്ത്. താംണി കൊങ്ക്ണെന്ത് വ്ഹഡ് വിഷയ് ബരയ്ല്യാത്. കൊങ്ക്ണെന്ത് താഞ്ചെ സാഹിത്യ് ഛാപാനാത്ലെം നെമാളിം വാ പത്രാം നാന്ത്. രാജകീയ വിശ്ലേഷണാകാർ ജാവ്നാസ്ച്യാ താംണി കെദ്നാഞ്ച് പക്ഷപാതാഞ്ചെ ലേഖനാം ബരൊംവ്ക് നാന്ത്. താഞ്ച്യൊ (ബഹുമത്) സുമാർ കാണിംയൊ സാമാജിക്, സമുദായ് യാ സമാജെചെ സമസ്യാ വയ്ര് പ്രതിബിംബിത് ജാല്യാത്. താഞ്ച്യൊ കാണിയൊ ജോസാ കുട്മാക് സെർവാല്യാത് മ്ഹൺ ആമ്കാം സാംഗ്യെത്. താംണി പാൾചെ നിരന്തരതാ ചഡ് ഉപ്കാരാക് പഡ്ചെം ആനിം യുവ ബരൊവ്പ്യാങ്ക് ആദർശ് ജാവ്നാസാത്” മ്ഹൺ താംണി സാംഗ്ലെ.
എഡി നെട്ടൊ ഹാങ്കാം സന്മാൻ കർൻ ഉലയില്ല്യാ പ്രൊ. ധനചിജയ് കുംബ്ളെ, ‘അദ്ഭുത് പ്രശസ്തി സാഞ്ജ് തശെഞ്ച് അർഥപൂർൺ കൂടാക് കൊങ്കണി ലേഖകാഞ്ച്യാ സംഘക് മ്ഹജൊ വന്ദൻ(പ്രണാം, സലാം). ഹ്യാ ദിസാംനി സാഹിതി, സാഹിത്യ് (സബാർ കാരണാങ്ക്) കാരണാന്തർ കൊണീ പസന്ദ് കരിനാന്ത്(മാന്വനാന്ത്). പൂൺ കൊങ്കണി ലേഖക് സംഘ്, ലേഖകാങ്ക് പാർകുൻ (വൾകൊൻ) ചിന്തുൻ മാൽഗാഡ്യാ സാഹിതിക് പ്രശസ്തെക് വിഞ്ച്ലാ. ഹെം അത്യന്ത് (തൊൺകായെക്) പുഗാർണെക് ഫാവൊ ജാലാം. സംവിധാനാച്യാ ആട്വ്യാ വൊളെരിക് സെർവാല്ല്യാ ഉപ്രാന്ത് കൊങ്കണി ഭാസ് രാഷ്ട്ര് ഭാസ് ജാലാ മ്ഹൺ ആമാ സർവാങ്ക് കളിത് ആസാ. തശെ ആസ്താം ലേഖക് എഡി നെട്ടൊÉ്കീവൽ കൊങ്കൺ പ്രദേശ് വാ കരാവളി കർനാടക് മാത്ര് സീമിത് ജാവ്നാ. പുൺ രാഷ്ട്രമട്ടചെ ബരവ്പി ജാല്യാത്. കിത്യാക് മ്ഹള്യാർ താഞ്ചെം സാഹിതിക് കൃതിയൊ രാഷ്ട്ര് ഭാശെന്ത് ആസാത്. ആമി എകാ ബരൊവ്പ്യാക് സന്മാൻ കെല്യാർ, ആമി താഞ്ചെ സാഹിത്യ് കൃതിയൊ വാചുങ്ക് പ്രാരംബ് കർതാംവ് മ്ഹൺ അർഥ്.”
എഡി നെട്ടൊ ആനി കൊങ്കണി ലേഖക സംഘാക് പർഭി (അഭിനന്ദൻ) പാടയ്ല്യാ ഫ്രാൻസിസ്, “ഹാംവ് പിയുസിന്ത് ആസ്താനാ എഡി നെട്ടൊ തശെഞ്ച് അനേക് പ്രസിദ്ധ് ബരൊവ്പ്യാങ്ക് പളൊംവ്ചെ സപൺ ദെക്ലെം. ഉപ്രാന്ത് ഹാംവ് ഹാഞ്ചെ പയ്കി ഥൊഡ്യാങ്ക് വിവിധ് സന്ദർഭംനി ബെട്ലൊ. പൂൺ മ്ഹാകാ സന്ദേശ സംസ്ഥ്യാക് നെമ്ലല്യാ (ഠരായ്ല്യാ) ഉപ്രാന്ത്, ഹാഞ്ചെ പയ്കി സബാർ ജണാങ്ക് താന്തുയി മാൽഗഡ്യാ ലേഖാങ്കാങ്ക് കൊങ്കണി ലേഖകര സംഘച്യാ കാര്യാംനി ഭെട്ലാം. ആശെം ഹാംവ് സന്തൊസ് പാവ്താകീ സന്ദേശ സംസ്ഥ്യാ സവെം കൊങ്കണി ലേഖക് സംഘ് മെളൊൻ സബാർ കാര്യെ മാണ്ഡുൻ ഹാഡുൻ കൊങ്കണി ബരൊവ്പ്യാങ്ക് ദാർ ഉഗ്തെ കർൻ ദിലാ. ഉദേവ്ന് യെംവ്ച്യാ യുവ ബരൊവ്പ്യാങ്ക് ഥൊഡി കാര്യെം, ചടുവടിക്യൊ ആതാഞ്ചാ കാളാർ ഗർജെചെ ജാവ്നാസാത്. സംഘാൻ അസല്യൊ സ്പർധൊ ആസാ കെല്യാർ ഹാംവ് ബഹുമാനാം (ഇനാമാം) പോഷക് ദിതാം (പ്രയോജൻ കർതാം). പ്രതിഷ്ഠിത് പ്രശസ്തി ലാഭ്‍ല്ല്യാ എഡി നെട്ടൊ ഹാങ്കാ ഉല്ലാസ് പാടായ്താം ആനി താങ്കാ ബരി ബലായ്കി, സന്തൊസചെ ദീസ് മാഗ്താം.”
ഗൌവരാക് ജാപ് ദില്ല്യാ എഡി നെട്ടൊ, “ ആനി മുകാർ കന്നഡ ലിപിയെന്ത് കൊങ്കണി വാസ്താ ആനി ബരയ്താം. ഹെ മ്ഹജ്യാ നിരന്തരച്യെ ഘുട്. മ്ഹാകാ ഗൌരവ് (സന്മാൻ) കെല്ല്യാ കൊങ്കണി ലേഖക് സംഘാക് ആനി ഹാംഗാസർ ജമ്ലെല്യാ സർവാംവ് മ്ഹജെം വന്ദൻ.”
രാക്ണൊ ഹപ്താള്യാചെ നവെ സംപാദക് ഫാദർ രൂപേശ് മാഡ്താ ഹാങ്കാ സയ്ര്യാംനി സന്മാൻ കെലൊ. കൊങ്കണി ലേഖക് സംഘാൻ മാണ്ഡുൻ ഹാഡ്‍ല്ല്യാ മട്വ്യൊ കഥാ സ്പർധെന്ത് ജികല്ല്യാ ലേഖകാങ്ക് ഫാ. ഫ്രാൻസിസ് ആനി ധനജയ് ഹാംണി ബഹുമാൻ വിതരൺ കെലെം. ഹെന്രി മസ്കരേനസ് ഹാംണി മാനാച്യാ സയ്ര്യാങ്ക് ആനി ജമ്ലെല്യാ സർവാങ്ക് സ്വാഗത് കെലൊ. ലൊയ്ഡ് രേഗൊ ഹാംണി സന്മാൻ പത്ര് വാചൻ കെലെ (വാച്ലെം). ഡൊൽഫി കാസ്സിയാ ഹാംണി ധന്യവാദ് പാടയ്ലൊ. ഐരിൻ രെബെല്ലൊ ഹിണെ കാര്യെം ചലവ്ന് വെലെം.
