സാം. ലുവിസ് കൊലെജ് (സ്വായത്ത്) മംഗ്ളുർ ഹാചൊ കൊങ്കണി സംഘ് ആനി കൊങ്കണി ഭാഷാ മണ്ഡൾ ഹാഞ്ച്യാ ജോഡ് ആസ്ര്യാഖാൽ അഗൊസ്ത് 18വെർ കൊലെജിച്യാ എരിക് മഥായസ് സഭാസാലാന്ത് കൊങ്കണി മാന്യതാ ദിസാചെം ആചരൺ ചല്ലെം. ദുബായ്ചെ ഉദ്യമി ശ്രീ ജേമ്സ് മെണ്ഡൊൻസാ ഹ്യാ കാര്യക്രമാചെ മുഖേൽ സയ്രെ ജാവ്നാസ് ല്ലെ. താംണി ആപ്ല്യാ സന്ദേശാന്ത് മംഗ്ളുരാന്ത് കൊങ്കണി ഖാതിർ വാവുർച്യാ സർവ് സംസ്ഥ്യാങ്ക് അനിവാസി ഭാരതീയാഞ്ച്യാ നാംവിം ബരെം മാഗ്ലെം. ഹ്യാ സന്ദർബാർ പ്രൊ. സ്ടീവൻ ക്വാഡ്രസ് ഹാഞ്ചൊ ‘ജമ്യാന്ത്ല്യാൻ’ മ്ഹള്ളൊ ലേഖന സംഗ്രഹ് ബൂക് ലൊകാർപൺ കെലൊ. കൊലെജിചൊ കുലസചിവ് ഡാ. ആല്വിൻ ഡെസാ ഹാണിം ബുകാചെം പ്രസ്താവൻ കെലെം. അധ്യക്ഷ് സ്ഥാൻ ഘെത് ല്ലൊ പ്രഭാർ പ്രാശുംപാൽ ഡാ. ഡെന്നിസ് ഫെർനാണ്ഡിസ് ഹാണിം കൊങ്കണി ഭാസ് ആനി സാഹിത്യാച്യാ ഇതിഹാസാചി പാട്ʼഭുംയ് ഘെവ്ന് മാന്യതാ ദിസാച്യാ മഹത്വാചെം വിശ്ലേഷൺ കെലെം.
ഹ്യാച് വെളാർ കൊങ്കണി സംഘച്യാ ഹുദ്ദെദാരാഞ്ചി ഹുദ്ദൊ ഹസ്താന്തരാചി പ്രക്രിയ കൊങ്കണി ശിക്ഷകി ശ്രീമതി ഫ്ലോരാ കാസ്തെലിനൊൻ ചലവ്ന് വ്ഹെലി. വേദിർ സംഘാചെ ഹെർ അധ്യക്ഷ് ആനി കാര്യദർശി ഹാജർ ആസ് ല്ലിം. കാര്യാച്യാ നിമാണെ നാചാ സവെം മാന്യതാ ഗീത് ഗായൻ ഗായ്ലെം. കാര്യാച്യാ സുർവെർ കാര്യദർശി ജൊയൽ ക്രാസ്താൻ സ്വാഗത് കെലൊ. മെൽകനാൻ ഉപ്കാർ ആടയ്ലെ. ജോശ്വ സിക്വേരാൻ കാര്യക്രം ചലൊവ്ന് വ്ഹെലെം.
