‘മ്ഹജ്യെ നദ്രെന്ത്ല്യാൻ’ കേന്ദ്ര് സാഹിത്യ് അകാദെമിചെം കാര്യെം കേരളാന്ത്ല്യാ കയകുലം ശ്രീ വിഠോഭ വിദ്യാ നികേതൻ ഇസ്കൊലാന്ത് ജുലായ് 23വെർ ചല്ലെം. സാഹിത്യ് അകാഡെമി ഹർ വർസാ സാഹിത്യാക് യോഗ്ദാൻ ദില്ല്യാ കവി/കവയത്രിച്യാ ഉഡാസാക് ‘മ്ഹജ്യെ നദ്രെന്ത്ല്യാൻ’ കാര്യെം മാണ്ഡുൻ ഹാഡ്താ. ഹെം കാര്യെം ഹ്യാ വർസാ ദെവാധിൻ ജാല്ല്യാ ദൊ| സുനിത് ബായി ഹാഞ്ച്യാ ഉഡാസാക് മാണ്ഡുൻ ഹാഡ്ല്ലെം . കൊങ്കണി സാഹിതി, ശിക്പാ തജ്ഞ്, ദൂരദർശനാചൊ സഹായക് നിർദേശക് ദൊ| ഹരീന്ദ്ര സർമാ ഹാണെം കൊങ്ക്ണെചൊ സാഹിതി ആനി ശബ്ദ്കോശ്കാർ ദൊ| ദെ| സുനീതാ ബായി ഹാഞ്ച്യാ സാഹിത്യാചെം തശെം ജിവിതാചെം അവലോകൻ കെലെം.
ഹ്യാ കാര്യാച്യെ സുർവെർ സാഹിത്യ് അകാഡെമി, ഡെല്ലി, ഹാച്യാ കൊങ്കണി ഭാഷാ സലഹാ സമിതിചൊ സാന്ദൊ കു| നമ്രതാ പി. കിണി ഹിണെം പ്രാസ്താവിക് ഉലവ്പ് ദിലെം. മുൻസിപൽ കൌൻസിലർ വി. രാജേശ് കാമത് ഹാണെം ബരൊ യെവ്കാർ മാഗ്ലൊ. കാര്യാച്യാ സുർവെർ സാഹിത്യ് അകാഡെമി, ഡെല്ലി, ഹാച്യാ കൊങ്കണി ഭാഷാ സലഹാ സമിതിചൊ ആദ്ലൊ സാന്ദൊ, മ്ഹാൽഗഡൊ ലേഖക് ശ്രീ പയ്യന്നൂർ രമേശ് പൈ ഹാങ്കാം കാര്യാ വെളാർ മാൻ കെലൊ. പ്രദീപ് കുമാർ ഹാണെം സമാപൻ ഉലവ്പ് ദിലെം. കു| നമ്രതാ പി. കിണി ഹിണെം ധന്യവാദ് സമർപൺ കെലെം.
