അസ്തിത്വ (രി.) മംഗ്ളുർ പാട്ല്യാ സബാർ വർസാം ഥാവ്ന് അസല്യൊ ജമാതി, കാമാസാൾ മാണ്ഡുൻ ആയ്ലാം. ആമ്ച്യെ ഭൊംവാരി ആമ്ചെം മധെം സബാർ മ്ഹാൻ മനിസ് വെവെഗ്ള്യാ ശെതാംനി കാം കർതേ അസാത്. താഞ്ച്യെ സാംഗാതാ സംവാദ് ചലൊവ്ന്, താഞ്ചൊ അൻഭവ് വാണ്ടുൻ ഘെവ്ന് താഞ്ച്യെ ഥാവ്ന് കിതെംയ് പ്രേരൺ ആമ്ച്യാ കാമാന്ത് വാ ദിസ്പഡ്ത്യാ ജിവിതാന്ത് ഘെംവ്ക് ഹെം ‘പട്ടാംഗ’ മ്ഹള്ളി ശിങ്കൾ മാണ്ഡുൻ ഹാഡ്ല്യാ. പയ്ലൊ വാണ്ടൊ ജാവ്ന് കൊങ്ക്ണെന്ത്ലൊ ഉഞ്ച്ലൊ നാടകിസ്ത് അമർ ചാഫ്രാ’ചി നാടക് കൃതി ‘ഭാംഗാർ മനിസ്’ വാചുങ്ക് ആനി ത്യാ നാടകാ പാട്ല്യാൻ ആസ്ചി കാണി ജാണാം ജാംവ്ക് ഹൊ സംവാദ് മാണ്ഡുൻ ഹാഡ്ലൊ. ചാഫ്രാ ദെകൊസ്താചൊ ശിസ് ഡെനിസ് മൊന്തെർ ഹാണെം ഹ്യാ പയ്ല്യാ സംവാദാചെം സുങ്കാൺ ഹാതിം ഘെത്ലെം. മാൽഗഡൊ നാടകിസ്ത് എഡ്ഡി സികേർ ഹാജർ ജാല്ലൊ ആനി ഭാംഗാർ മനിസ് നാടകാചൊ താചൊ അൻഭോഗ് താണെം വാണ്ടുൻ ഘെത്ലൊ. ‘പട്ടാംഗ’ ശിങ്ക്ളെന്ത് ആനികീ ജായ്തിം കാര്യക്രമാം ആസാത്, മ്ഹയ്ന്യാക് ഏക് പുണീ സംവാദ് മാണ്ഡുൻ ഹാഡുങ്ക് പ്രേതൻ കർതല്യാംവ് മ്ഹണുൻ ആയോജകാംനി സാംഗ്ലാം.
