मंगळूरू विश्वविद्यानिलय कोंकणी अध्ययन पीठाथावन उडुपिंतल्या एंजिएं कोलेजिंत अगोसत २० तारिकेर कोंकणी मान्यता दिसाचें आचरण चल्लें. विश्वविद्यालयाचो उपकुलपती डा. जयराज अमीन हांणी ह्या काऱ्याचें अध्यक्ष स्थान घेतल्लें. उडुपी नगरसभेचो माजी अध्यक्ष गुज्जाडी प्रभाकर हांणी ह्या संभ्रमाचें उदघाटन केलें. कोंकणी बरवपी डा जेरालड पिंटो संपन्मूळ व्यक्ती जावन हाजर आस ल्लो. ताणे आपल्या उलवपांत, मान्यताय मेळल्ले वर्वीं कोंकणी भास मराठिच्या मुटिथावन कशी मुक्त जाली म्हळ्ळ्याचो उगडास केलो. मंगळूर विश्वविद्यानिलय कोंकणी आद्ययन पीठाचे समन्वयक डो| जयवंत नायक हांणी ह्या काऱ्याक येवकार मागलो. ह्या काऱ्याक एंजिएं कोलेजिचे प्राद्यापक आनी हेर मानेसत हाजर आसल्ले.
