मैसूरʼच्या कोंकणी क्रिश्चियन असोसियेषन (केसिए) हाणीं अगोसत २० वेर आयतारा कोंकणी भवनांत कोंकणी मान्यता दीस आचरण केलो. मिसा उपरांत चल्लेल्या काऱ्याक दैजिवरलड आडळतें निर्देशक मानेसत वाल्टर नंदळिके मुखेल सयरो जावन हाजर आसʼल्लो.
काऱ्या वेळार जात-कात-मत लेकिनासतां दुबळ्या विद्यार्थिंक, वैद्यकीय खर्सा बाबतीन दुबळ्या पिडेसतांक दुडवा कुमोक आनी दैहीक ऊण आसलेल्या व्यक्तीक व्हील चेर दिलें.
कोंकणी लोकाच्या एकवटा पासत आनी कोंकणी संसकृतिच्या उदर्गते पासत निस्वार्थʼपणीं वावुरलेल्या डा रिचर्ड पिकार्डो, जान जोसेफ पिंटो, विन्सेंट नोयेल क्रासटो, ग्रेसियन रोड्रिगस, पियूस सलडान्हा, नेल्सन लोबो, नेल्सन कोयेल्हो आनी एडवीन पिंटो ह्या आट जणांक ह्या वेळार मान केलो. काऱ्याच्या निमाणे युवजणांथावन सांसकृतीक काऱ्यक्रमाचें प्रदर्शन चल्लें.
केसिए अध्यक्ष जान डिसोजान स्वागत केलो. प्रधान काऱ्यदर्शी जोयस सिकवेरा हाणे वर्दी वाचली. खजांची अनील सलडान्हा हाणें विद्यार्थिंक, दुबळ्या पिडेसतांक आनी निर्गतिकांक दुडवा कुमोक वांटली. उपाध्यक्ष स्ट्यानी लोबो हाणे उपकार बावुडलो. उपाध्यक्षीण मीना डायास हिणें काऱ्यें चलयलें. मैसूर, चामराजनगर, कोडगू आनी मंड्य जिल्ल्यांतल्या कोंकणी लोकान ह्या संभ्रमांत वांटो घेतलो. केसिए तर्फेन लोकाक जेवणाची व्यवस्था आसा केल्ली.
