`konkonni bhaxek fuddar asa, fuddem soream’ – hemacharya

‘konkonni bhaxek boro fuddar asa, dekun konkonni boroupeamni chintnan ani borpan fuddem soraje, ‘nisron podd‍l’leak lottun ghalcho’ monobhavo sanddun, bhaxechea fuddarache dixttin ekvottan fuddem soraje. Atam porigot bodol’lea – konkonnichea sevek boroch pattimbo labta. Eka kallar konknnechi seva kel’lea malghoddeamni kaim zoddchea bodlak hogddayil’lench chodd. Tori, tanni aplea mam-i‍bhaxek samballn haddlam tem visranaye…” oxem mhonnalo namvadd’dik konkonni boroupi, potr‍kort xri hemacharya 2023 April 30 tariker nonturchea sondexa mini sobha salant chol‍l’lea ‘mukt mulakhot’ kareavellim. Konkonni lekhok songh, kornattok hannim hem karyem manddun hadd‍l’lem. Xri loidd rego takodde hannem xri hemacharyo songim mulokhat choloili.

Mulakhote vellar hemacharean aplea ball‍ponnavixim, potrikodhyomavixim, sahit vauravixim toxench nattok ani ttivi madhyomavixim aplo onbog zom’‍l’lea tachea obhimanim songim vanttun ghetlo.

Hea kareachea bhagant xri richchi mirando hanne boroyil’lo ‘gulobacheo paklleo’ mholl’llo buk xri ech. Ar. Allva hannem mokllik kelo. Buk mokllik korn uloyil’lo xri ech.Ar. Allvo- bukant boroyil’lem xaxvit. Dekun konkent chodd ani chodd buk yeje, nhoi fokot kovitanche, oprub kannianche, bogar hor nomuneache buk yeje. Eka bhaxechea udorgotek tea bhaxent yemvchem vivid prokarachem sahity karonn zata. Dekun konkonnint vivid prokarachem sahity‍yi buka rupim ujvaddak yemvdi mhonn amvddetam’ oxem mhonnalo.

Kareachea surver konkonni lekhok songh hachea sunkann somitichea manest richordd moras hanne prastavik uloup diun sorvank svagot maglo. Manest onil ddi’kunha hanne karyem choloilem. Xrimoti felsi lobo hinnem dhonyovad orpile.