`കൊങ്കണി ഭാശെക് ഫുഡാർ ആസാ, ഫുഡെം സര്യാം’- ഹേമാചാര്യ

By

‘കൊങ്കണി ഭാശെക് ബരൊ ഫുഡാർ ആസാ, ദെകുൻ കൊങ്കണി ബരവ്പ്യാംനി ചിന്ത്നാൻ ആനി ബർപാൻ ഫുഡെം സരാജെ, ‘നിസ്രൊൻ പഡ്‍ല്ല്യാക് ലൊടുൻ ഘാൽചൊ’ മനൊഭാവ് സാണ്ഡുൻ, ഭാശെച്യാ ഫുഡാരാചെ ദിശ്ടിൻ എക്വടാൻ ഫുഡെം സരാജെ. ആതാം പരിഗത് ബദല്ല്യാ – കൊങ്കണിച്യാ സെവെക് ബരൊച് പാടിംബൊ ലാബ്താ. എകാ കാളാർ കൊങ്ക്ണെചി സെവാ കെല്ല്യാ മാൽഘഡ്യാംനി കാംയ് ജൊഡ്ച്യാ ബദ്ലാക് ഹൊഗ്ഡായില്ലെഞ്ച് ചഡ്. തരീ, താണി ആപ്ല്യാ മാംയ്‍ഭാശെക് സാംബാൾൻ ഹാഡ്ലാം തെം വിസ്രാനായെ…” അശെം മ്ഹണാലൊ നാംവാഡ്ദീക് കൊങ്കണി ബരവ്പി, പത്ര്‍കർത് ശ്രീ ഹേമാചാര്യ 2023 എപ്രിൽ 30 താരികെർ നന്തൂർച്യാ സന്ദേശാ മിനി സഭാ സാലാന്ത് ചൽ‍ല്ല്യാ ‘മുക്ത് മുലാഖത്’ കാര്യാവെളിം. കൊങ്കണി ലേഖക് സംഘ്, കർനാടക് ഹാണിം ഹെം കാര്യെം മാണ്ഡുൻ ഹാഡ്‍ല്ലെം. ശ്രീ ലോയ്ഡ് രേഗൊ താകൊഡെ ഹാണെം ശ്രീ ഹേമാചാര്യ സംഗിം മുലഖാത് ചലയ്ലി.

മുലാഖതെ വെളാർ ഹേമാചാര്യാൻ ആപ്ല്യാ ബാൾ‍പണാവിശിം, പത്രികോധ്യമാവിശിം, സാഹിത് വാവ്രാവിശിം തശെഞ്ച് നാടക് ആനി ടിവി മാധ്യമാവിശിം ആപ്ലൊ അൻബൊഗ് ജം‍ല്ല്യാ താച്യാ അഭിമാനിം സംഗിം വാണ്ടുൻ ഘെത്ലൊ.

ഹ്യാ കാര്യാച്യാ ഭാഗാന്ത് ശ്രീ രിച്ചി മിരാന്ദ ഹാണെ ബരയില്ലൊ ‘ഗുലൊബാച്യൊ പാക്ള്യൊ’ മ്ഹള്ളൊ ബൂക് ശ്രീ എച്. ആർ. ആള്വാ ഹാണെം മൊക്ളിക് കെലൊ. ബൂക് മൊക്ളിക് കർൻ ഉലയില്ലൊ ശ്രീ എച്.ആർ. ആള്വ- ബൂകാന്ത് ബരയില്ലെം ശാശ്വിത്. ദെകുൻ കൊങ്കെന്ത് ചഡ് ആനി ചഡ് ബൂക് യേജെ, ൻഹയ് ഫകത് കവിതാഞ്ചെ, അപ്രൂബ് കാണിയാഞ്ചെ, ബഗാർ ഹർ നമൂന്യാചെ ബൂക് യേജെ. എകാ ഭാശെച്യാ ഉദർഗതെക് ത്യാ ഭാശെന്ത് യെംവ്ചെം വിവിദ് പ്രകാരാചെം സാഹിത്യ് കാരൺ ജാതാ. ദെകുൻ കൊങ്കണിന്ത് വിവിദ് പ്രകാരാചെം സാഹിത്യ്‍യി ബുകാ രുപിം ഉജ്വാഡാക് യേംവ്ദി മ്ഹൺ ആംവ്ഡെതാം’ അശെം മ്ഹണാലൊ.

കാര്യാച്യാ സുർവെർ കൊങ്കണി ലേഖക് സംഘ് ഹാച്യാ സുങ്കാൺ സമിതിച്യാ മാനെസ്ത് രിചർഡ് മൊരാസ് ഹാണെ പ്രാസ്താവിക് ഉലവ്പ് ദീവ്ന് സർവാങ്ക് സ്വാഗത് മാഗ്ലൊ. മാനെസ്ത് അനിൽ ഡി’കുൻഹാ ഹാണെ കാര്യെം ചലയ്ലെം. ശ്രീമതി ഫെൽസി ലോബൊ ഹിണെം ധന്യവാദ് അർപിലെ.

 

Leave a Comment

Your email address will not be published.

You may also like

Latest Posts