Sahity Akademi New Delhi ani Konknni lekhok ani kolakar songh, Mongllur hanchea zodd asreakhal September 2ver mongllur St Aloysius kolejichea gelge holant ‘through my window’ namvachem karyem ayojit kel’lem. ʻkonknni dirvemʼ sthapok Sordar Aloysius Kannappa hachea jinnyecher nodor marʼl’lea hea kareak namnnechi lekhika, Sordar Aloysius Kannappachea bhavachi nat Mrs Shyamala Madhav mukhel soiri zaun hazor asʼl’li. Zomlelea soryeamni kareachea surver Sordar Aloysius Kannappachea tosvirek fulancho man bhettoilo. Uprant Shyamala Madhav hinne Sordar Aloysius Kannappachea jivita vixim uloup dilem.
Shyamala Madhav hichea uloupa uprant somvad karyem chol’lem. Hantum Shyamala Madhav hicho bhavo Shri G. Mohonan zomleleanchea sovalank zapi dileo. “Aloysius Kannappak dhormavixim vixal monobhavo asl’lo. Unchlem xikop ani aplea vaurak lagon lokasongim bhorson asʼl’lench haka karonn. Sorvankʼyi soman ritin polleun aslelea tanne jinnyent zaite koxtt sosle. Inglix bhaxecher chodd vodd aslelea tanne inglix odhyoinacho vixoi zaun boibol vinchlo. Nimanne boibolathaun prerit zaun tanne kristi dhorm’ apnnailoʼʼ oxem mhonnalo. Mukarun, “tanne motantor zal’levellim mongllurant lhan mott’ttacho golattoch zalo. Haka lagon tanne mottvea audek gamv soddije poddlo. Kristamv dhorm’ aplailelea konn’nnoppan kristamv alkunz gheje mhonn yazokan dabavo ghal’le vellim tanne aplo ixtt luvis moskorenhos hachem namvʼch aplem alkunz zaun ghetlem ani oxem to sordar luvis konn’nnoppo zalo. Tori aplea nimannea disamni tanne aplea kuttmachea sandeank dhorm’ bodlinakat mholl’lli soloha dil’li” mhonnalo manest mohon.
English bhaxecher taka mog asʼl’lo. Haka lagon tanne ʻMangaloreʼ mholl’llem english nemallem survatlem. Punn tem veginch bond poddlem. Upranto tanne tacho ixtt Aloysius Mascarenhas hachea Konknni Dirvem potrak pattimbo dilo ani haka lagon konknni potrikodhyomak bunead poddli.
Surver, sahity okaddemicho vangddi HM Pernal hannem sahity okademichea karyvidanacher ujvadd ghalo ani kareachea nimanne dhonyovad pattoile. Sahityo okaddemichea konkonni soloha somiticho nimontrok toxem karyokari monddollacho sando Melwyn Rodriguesan sorvoi kolakorank fulam ture diun svagot kelo. Nimanne Sordar Aloysius Kannappachem pintur St Aloysius College Konkani Institute hacho direktor Dr| Fr| Melwyn Pintok hotantor kelem.
Kareavellar sahity okaddemicho vangddi Stany Bela, konkonni somstheacho direktor Dr| Fr| Melwyn Pinto, dani manest William D’souza, kanoddi bhaxechi lekhoki B.M. Rohinni, Konkonni Bhaxa MonddollKarnatak hacho odhyokx xri Vasanth Rao, kovi , sahiti, Aloysius Kannappachea kuttmache sande, toxem St Aloysius kolejiche konkonni videarthi, videarthimni hazor asʼl’lim.
