27-08-2023 tariker aitara Stephen Vas Kelarai, hanchea ghora Poetica pongdda thaun 20vi kovigoxtthi sador zali.
Kelaraicho Vigar Baap Joseph Mascarenhas, firgojecho upadhyokx Santhosh D’Costa, gurkarn Veena Vas, Poetica pongddacho mukheli Naveen Pereira Surathkal, Stephen Vas ani tachi auy Teresa Vas vedicher uposthit aslim.
Koxem dud omrot, nitoll ani vaddaullicho sonketʼgi toxench kovitechim bhognnam porixud’dh. Poetika oxench vaddondi mhonnon kutt’ttembor dud chembak otun vixixtt ritin udghatton kel’lea manadhik Baap Joseph Mascarenhas hannim sorvank aplo sondex dilo.
Stephen Vas haka 19 vorsam prayer ovghodd zaun patticheakhonneak mar zal’lo. Pattlea 18 vorsam thaun to vil cheracher asa. To ek boro kovi. Sundor kovita to rochta. Tottacheo, krixecheo gozali to korta. Mam-i bhaxecho husko taka asa. Tachea atm’ʼvixvasan taka jiunt dourla. Tachye thoim aslolo sokaratmok monobhavo polleun poyettika pongddachea mukhelponnakhal kovi kouyotri ani rosikam thaun oivaz songroh korn rupoi 1,50,000 hea kareavellar taka hotantor kele.
ʻporgamvantlea kovitemʼt Dr. Austin D’Souza Prabhu Chicago hanchi kovitaDr. Deepa Rebellon vachon keli. 20 kovi kouyotrimni bovo apurbayen kovita vachon kelem.
Kalasampat mukheli Dr. Austin D’Souza Prabhun kareachem sompurnn poxokponn ghetʼl’lem. Karyokromak kuttmanchim, vaddeacho lok toxench obhimani hazor asʼl’lim.
Chris Ben Musichannim dimvchem ‘lokak mechvalli ot’tyut’tom’ kovita’ Cash Prize ani Trophy mai bhaxe vixeant kovita boroyil’lea Stephen Vas Kelarai-k favo zali.
Kovigoxtthichem sunkann Rony Crasta Kelarai ani Eddie Cardoz, Taccode hanni hatim dhorʼl’lem.
Merlin Mascarenhas, Derebail hinne karyem nirvahonn kelem.
Poetica pongddacho mukheli Naveen Pereira Suratkal hanchea mukhelponnar pattlea vis mohineamni vis kovigoxtteo poixilea bengllurant toxem vivid zageamni choloileat.
Vordi: Merlin Mascarenhas, Derebail
Tosvireo: Juliet Moras, derebail.
