ʻKola Niketono, Mozorddaʼ hamnni asa kel’lea ʻsomskritayechem daizʼ – raxttri-i mott’ttachea konkonni doddem gain spordheachem dusrem semi foinols soptembor 15ver Mangllur sam luvis kolejichea Fa| Eric Mathias sobhasalant chol’lem. Spordheant bhag ghetʼl’lea 40 spordhikam poiki 16 zonnam ontim’ konnont goyant okttobor 25 tariker cholounko aschea foinol spordheak vinchun ailim.
Mongllurant semi foinols spordho sam luvis kolez ani Kola Niketon Gõy hanchea zodd asreakhal manddun haddʼl’lo. Sam luvis kolejicho prinsipal Do| Fa| Praveen Martis SJ hamnni tonnio marn ani sam luvis xikpa somstheanche rector Fa| Melwin Pinto hamnni gumttam boddomvche marifat spordeachem ugtaunn kelem. Kareache mukhel soire zaun ʻtiatristanchi somsthaʼ hacho odhyokx Arnald D’Costa toxench ʻkola niketono, mozorddaʼ hacho odhyokx toxem spordeacho sonchalok Michael Gratius vedir hazor asʼl’le. Hanche somvem spordheache vhoroinnar Joel Anthony Ribeiro, George Gonsalves, Xavier Fernandes alias Xavier de Moira stholli-i somyozok Flora Castelino, konknni songhacheo odhyokxinnim Sevrine Pinto, Sarita Crasta, Rechal vedir hazor asl’lim.
Vixex akorxonn zaun asa kel’lea gõychea khannanchem sttol ‘kumido’, Fr| Melvin Pinto SJ. Rector hannim axirvochon kelem. Do| Fa| Praveen Martis SJ. Hannim ugtaunn sondex dilo. Arnald D’Costa hamnni somarop sondex dilo. Kareachea surver videarthi Malcon D’Souzan swagot kelo. Joshwa Sequeiran dhonyovad dilem. Sweedel Mendoncan karyem nirvohonn kelem.
Poilem semi foinol: ʻsomskritayechem daizʼ – raxttri-i mott’ttachea doddem gayan spordeachem poilem semi foinol septembor 10 tariker ponnjechea insttittyutt minezos broganza sobha salant chol’lem. Chouda spordhikamni hantum bhag ghetlo. Velma Fernanddis, Dr| Glenis Menddonsa ani George Gonsalvis vhoroinnar zaun hazor asʼl’le.
