साहित्य अकाडेमी न्यू डेल्ली आनी भारतीय कथोलीक यूव संचलन हांच्या जोड आसऱ्याखाल २०२३ अगोसत १३वेर निर्काणांत ‘ग्रामलोक’ म्हळ्ळें विशिषठ काऱ्यक्रम चल्ले. सां तोमास इसकोलाच्या सभांगणांत चल्लेल्या ह्या काऱ्यक्रमाचें अध्यक्ष स्थान कवी जियो अग्रार हाणीं सोभायिल्लें
काऱ्यांत कवी सुरेश बाळिगा, पंचू बंटवाळ, श्रीमती रोसलीन मोरास, किरण निर्काण तशेंच जियो अग्रार हाणीं आपल्यो कविता सादर केल्यो.
काऱ्याच्या सुर्वेर साहित्य अकाडेमिच्या कोंकणी भाशा सलहा समितिचो सांदो श्री एच. एम. पेर्नाल हाणीं साहित्य अकाडेमिच्या विवीध काऱ्यक्रमां विशीं माहेत दिली. भारतीय कथोलीक यूव संचलन, निर्काण घटकाची अध्यक्षीण कू| स्विडल रोड्रिगस आनी साहित्य अकाडेमिच्या कोंकणी सलहागार समितिचो निमंत्रक श्री मेलवीन रोड्रिगस हाणीं मानाच्या सयरांक गुलोब दिवन स्वागत केलो.
काऱ्याच्या आकेरीक स्विडल रोड्रिगस हिणें धन्यवाद पाटयलें. कवी मेलवीन रोड्रिगस हाणीं सयऱ्यांक उडासाची काणीक अर्पिली. लगबग १०० जणांनी ह्या काऱ्यांत वांटो घेतल्लो.
