कला निकेतन गोंय, माजोर्डा आनी फादर आग्नेल कोलेज एफ आर्ट्स अंड कोमर्स हांच्या फुडार्पणाखाल ʻ कला, संसकृती आनी साहित्यांतल्यान कोंकणी समाजाचो एकवटʼ म्हळ्ळ्या विषयाचेर दोन दिसांचो राषट्रीय मट्टाचो परिसंवाद गोंयच्या आनी फादर आग्नेल कोलेजिंत अगोसत १९ आनी २०वेर चल्लो.
ह्या राषट्रीय परिसंवादाची सुर्वात पारंपारीक प्रार्थन गीत आनी नाचाद्वारीं जाली. ह्या गितांत गोंयच्या समुदायांच्या संबंधाच्या सम्मिलनाचो सार आसल्लो. गोंयच्या मायकल ग्रासियासान रचʼल्लें हें गीत, सां. लुवीस कोलेज (स्वायत्त) मंगळूर हांगाच्या विद्यार्थिंनी गायलें. ह्याच कोलेजिची विद्यार्थीन कू| रेमोना पिरेरा हिणे ह्या गीताक भरतनाट्यम नाचाचें प्रदर्शन दिलें.
राज्यांत, गोंया भायर, आनी विदेशांनी कोंकणी मळार वावुर्पी नाम्नेच्या कोंकणी व्यक्तिंक काऱ्यावेळार कोंकणी पुरसकार भेटयले. ʻकोंकणी रत्नʼ पुरसकार फादर मेन्युएल पासकोल गोम्स आनी संदेश प्रभुदेसाय हांकां फावो जालो. ʻकोंकणी भूषणʼ पुरसकार मंगळूरʼच्या श्रीमती फ्लोरा कासतेलिनो आनी द गोंय औटʼरीच असोसियेशन मुंबय हांकां भेटयले. दुबयच्या जेम्स मेंडोन्सा आनी कुवैटʼच्या डोमिंगोस अरौजो हांकां कोंकणी विभूषण पुरसकार दिलो.
मुखेल सयरो जावन हाजर आसʼल्ले गोंयचे आदले मुख्यमंत्री दिगंबर कामत हांणी आपल्या उलवपांत ʻआमची आवय भास सांबाळपाची आनी प्रचार कर्पाची गरज आसा आनी फकत आमची आवय भास कोंकणीच आमकां गोंयकारांची वळख दिवंक शक्ताʼ अशें सांगलें. मंगळुरी कोंकणी समाजाक, गोंयचो प्रामाणीक मांडो शिकोवन गोंयची संसकृताय गोंयच्या गडी भायर व्हर्पा खातीर आनी फादर अग्नेल कोलेजी वांगडा हात मेळोवन गोंय, महाराषट्र, कर्नाटक, चंडीगढ आनी केरळाच्या लगबग २०० युवजणांक एका मांताखाल सांगाता हाडुंक केल्ल्या प्रेतनाक कलानिकेतन गोंय हाका उल्लास पाटवन, फुडाराच्या तांच्या वावरांत सगळ्यांक मजत आनी आदार दिवपाची आश्वासन तांणी दिली.
उग्तावण काऱ्याच्या निमाणे वेवेगळ्या म्हाविद्यालयांतल्या विद्यार्थ्यांक पोसटर आनी कविता वाचन स्पर्दो मांडून हाडʼल्लो. निमाणे सयऱ्यांनी कोंकणी कविता वाचन केलें. कविता स्पर्द्याच्या व्हरयणारां तर्फेन फामाद लेखक, नाटकिसत, सीरियालांचो दिरेक्तोर तशें दायजिवरल्ड डोट कोम हाचो मुखेल सह-संपादक मानेसत स्ट्यानी बेळा हाणे कवितेविशीं मार्गदर्शक उलवप दिलें.
दूसऱ्या दिसा पयल्या सर्तांत ʻकोंकणी मनीसʼ म्हळ्ळ्या अस्मितायेखाल कोंकणी समुदायाचो एकवट (फा| ओनासीस डिक्रूज), तियात्रा मारिफात कोंकणी समुदायाचो एकवट (डो| ग्ल्यानीश मेंडोन्सा), दूसऱ्या सर्तांत कला आनी संसकृती मारिफात कोंकणी समुदायाचो एकवट (दो| पांडुरंग फल्देसाय) साहित्या मारिफात कोंकणी समुदायाचो एकवट (फा| जेसन पिंटो), निमाण्या सर्तांत ʻएकवट वाडंवच्यांत प्रायोगिकताʼ म्हळ्ळ्या विषयाचेर कोंकणी भाशा मंडळाची अध्यक्षीण अन्वेशा सिंगबाल, दल्गादो कोंकणी अकाडेमिचो अध्यक्ष सेलषो फेर्नांडीस आनी मंगळुर्च्या सां आग्नेस कोलेजिचो प्राध्यापक प्रो| एल्सन डीʼसोजा हांणी प्रबंध मंडन केले. हे परिसंवाद ,दो| (फा.) लूयीस गोम्स, प्रो| रामराव वाघ, दो| पूर्णानंदʼचारी हांणी चलवन व्हेल्यो.
काऱ्याच्या आखेरीक तन्वी बांबोलकार, व्हिन्सी क्वाड्रोस, फादर मायरन बारेट्टो (गोंय) आनी रेमोना इव्हेट पिरेरा (मंगळुरू) हांकां राषट्रीय पांवड्यार मान्यताय मेळिल्ल्या संदर्भीं हांच्या कोंकणेंतल्या योगदाना खातीर मान केलो.
