കൊങ്കണിച്യാ ഫുഡാരാച്യാ പാട്‍ഥളാർ രാശ്ട്രീയ് ശിക്പാ നീത് ആനി നൈസർഗിക് ഭാസ് സംസ്കരൺ ഹാചെർ ഏക് വിചാർ സാതെം

By

സാം ലുവിസ് കൊലെജ് (സ്വായത്ത്) കൊങ്കണി സംസ്ഥൊ ആനി കൊങ്കണി ലേഖക് സംഘ്, കർനാടക ഹാഞ്ച്യാ ജോഡ് ആശ്ര്യാകാൽ സാം ലുവിസ് കൊലെജിച്യാ സാഭാംഗണാന്ത് കൊങ്കണി ഭാഷെച്യാ ഫുഡാരാച്യാ പാട്‍ഥളാർ `രാശ്ട്രീയ് ശിക്പാ നീത്-2020 ആനി നൈസർഗിക് ഭാസ് സംസ്കരൺ’ മ്ഹള്ള്യാചെർ ഏക് വിചാർ സാതെം മാണ്ഡുൻ ഹാഡ്‍ല്ലെം.

`രാശ്ട്രീയ് ശിക്പാ നീത്-2020’ വിശ്യാന്ത് സാം ലുവിസ് കൊലെജിചൊ കുലസചിവ് ജാവ്നാസ്ച്യാ ഡാ| ആല്വിൻ ഡെ’സാ ഹാംണി ഉലവ്ന്- `മാംയ്‍ഭാസ് ആനി പ്രാദേശിക് ഭാസൊ ഉരംവ്ച്യാക് `രാശ്ട്രീയ് ശിക്പാ നീത്-2020’ പൂരക് ജാവ്നാസൊൻ, ഹ്യാ നിതിദ്വാരിം അംഗനവാഡി ഥാവ്ന് ആട്വ്യാ ക്ലാസി പര്യാന്ത് ജർ ഭുർഗ്യാക് ആപ്ല്യാ മാംയ് ഭാശെന്ത്‍ച് ശികപ് ദിംവ്ച്യാ വിശ്യാന്ത് ചഡ് മഹത്വ് ദിലാ മ്ഹൺ സാംഗ്ലെം. പൂൺ രാശ്ട്രീയ് ശിക്പാ നീത് ജ്യാരി ജാല്യാർ കൊങ്കണി ശികൊങ്ക് ജായ് ആസ്ച്യാ പാഠ്‍ബൂകാഞ്ചൊ ഉണവ് ജാംവ്ചൊ സംഭവ് ആസാ. ഹ്യാ വിശ്യാന്ത് കൊങ്കണി സംസ്ഥ്യാൻ ശിക്പാ ശെതാന്ത്ല്യാ തജ്ഞാം സാംഗാതാ സമാലോചൻ കർൻ കൊങ്കണി ഭാഷെന്ത് അംഗനവാഡിഥാവ്ന് ആട്വ്യാ ക്ലാസി പര്യാന്ത് ജായ് ആസ്ച്യാ സഗ്ള്യാ വിഷയാഞ്ച്യെ പാഠ്‍പുസ്തക് തയാർ കരുങ്ക് മുഖെൽപൺ ഘെജെ’ മ്ഹൺ ഉലൊ ദിലൊ.

മുകാരുൻ താണെ `വാവ്രാ ഖാതിർ ഹെർ രാജ്യാന്ഥാവ്ന് യെംവ്ച്യാ കാമെല്യാങ്ക് സ്ഥളീയ് ലൊകാസംഗിം സംവഹൻ കർചെ പാസത് മുളാവി കൊങ്കണി ശികംവ്ചെ മട്വ്യാ ആവ്ദെച്യൊ കൊങ്കണി ക്ലാസി ആസാ കരിജെ. നർസാം തശെഞ്ച് ഹെർ വൃത്തിപർ കാമെല്യാങ്ക് ഹെം ചഡ് ഉപ്കാരാചെം ജായ്ത്’ മ്ഹളെം.

ഉപ്രാന്ത് `നൈസർഗിക് ഭാസ് സംസ്സരണാ’ വിശ്യാന്ത് ഉലവ്ന് ഗൊംയ്ച്യാ ദെംപെം കൊലെജിച്യാ ഗണക്À വിജ്ഞാൻ വിഭാഗാചി സഹായക് പ്രാധ്യാപകി ശ്രീമതി അന്നി രാജൻ ഹിണെ `നൈസർഗിക് ഭാസ് സംസ്കരൺ മ്ഹള്യാർ കിതെം? കൊങ്കണി ഭാഷെച്യാ ഉദർഗതെക് നൈസർഗിക് ഭാസ് സംസ്കരൺ ശിക്പാചെ ഗർജ് കിതെം? ഗൊയാന്ത് ഹ്യാ വിശിം കിതെം സക്കഡ് വാഡവൾ ജാല്യാ?’ മ്ഹള്ള്യാ സവാലാഞ്ചെർ ഉജ്വാഡ് ഫാങ്കവ്ന് വിവർ ദിലൊ. “അധുനിക് സംസാർ തന്ത്ര്‍ഗിന്യാനാന്ത് ഭൊവ് ചഡ് വെഗാൻ മുകാർ വെതാ ആനി തന്ത്ര്‍ഗിൻ‍യി വെഗാൻ ബദൽതെ ആസാ. ഹി വാഡാവൾ ദാഖൽ കരുങ്ക് സകാനാത്‍ല്ല്യൊ ഭാസൊ ക്രമേൺ താചെം അസ്തിത്വ് ഹൊഗ്ഡാവ്ന് ഘെതെല്യൊ. അധുനിക് തന്ത്ര്‍ഗിന്യാനാന്ത് ഖഞ്ചിയ് ഭാസ് ഉപയോഗ് കരുങ്ക് ത്യാ ഭാഷെച്യാ സബ്ദാഞ്ചെം സംപന്മൂൾ ഗർജ്. കൊങ്കണിന്ത് സബ്ദാഞ്ച്യാ സംപന്മൂലാചൊ ഗംബീർ ഉണവ് ആസാ, മാത്ര്‍ൻഹയ് ലിപിഞ്ചൊ തശെഞ്ച് ചാളിസ് ആനി ദൊനാം വയ്ര് ബൊലിഞ്ചൊ ഗൊന്ദൊൾ ആസാ. ഹ്യൊ സർവ് അഡ്കളി നിവാർല്യാർ കൊങ്കണി ഭാഷെക് ബരൊ ഫുഡാർ ആസാ” മ്ഹള്ളി അഭിപ്രായ് ഉചാർലി.

കാര്യാച്യാ സുർവെർ വിചാർ സാത്യാചെം അധ്യക്ഷ് സ്ഥാൻ സൊഭയില്ലൊ കൊങ്കണി സംസ്ഥ്യാചൊ നിർദേശക്, ദൊ| ഫാ| മെല്വിൻ പിണ്ടൊ ജെ.സ. ഹാണിം സ്വാഗത് കെലൊ. ജോശ്വാ ആനി പംഗ്ഡാൻ പ്രാർഥൻ ഗീത് ഗായ്ലെം. കാര്യാചൊ സംയോജക് ശ്രീ ജോകിം പിണ്ടൊ ഹാണെം കാര്യെം ചലവ്ന് വ്ഹെÉലെം. കു| ഡെല്വിടാ വേഗസ് ഹിണെം ധന്യാവാദ് പാടയ്ലെ. ഹ്യാ കാര്യാക്രമാക് സൈണ്ട് ജോസെഫ് ഇഞ്ജിനിരിംഗ് കാലേജ് വാമഞ്ജൂർ, സാം ലുവിസ് കൊലെജ് (സ്വായത്ത്) ഹാംഗാച്യാ വിദ്യാർഥിംനി ആനി ആസക്ത് ലേഖകാംനി ഭാഗ് ഘെത്‍ല്ലൊ.

 

Leave a Comment

Your email address will not be published.

You may also like

Latest Posts