2023 ജൂൻ 11വെർ മംഗ്ളുർ ശക്തിനഗരാന്ത്ല്യാ വിശ്വ് കൊങ്കണി കെന്ദ്രാന്ത് കന്നഡാചൊ ഫാമാദ് ലേഖക് ദെവാധീൻ യശവന്ത ചിത്താല ഹാച്യാ സാഹിത്യാചി ആനി ജിണ്യെചി ഝളക് ദിംവ്ചെം `ചിത്താല ചിത്ത’ മ്ഹള്ളെം കാര്യെം മാണ്ഡുൻ ഹാഡ്‍ല്ലെം. ഹ്യാ വെളാർ ഫാമദ് കന്നഡ ലേഖക് ശ്രീ ജയന്ത് കായ്കിണി ഹാണിം താഞ്ചൊ ആനി യശവന്ത് ചിത്താല മധ്ലൊ സംബന്ധ്, ചിത്താലാച്യാ സാഹിത്യാചൊ പ്രഭാവ്, താചി ബർപാ ശൈലി ആനി താച്യാ ഗിന്യാനാച്യാ സക്ത്യെവിശിം വിസ്താർ വിവർ ദിലൊ. `ചിത്താലാചെം സാഹിത്യ് മൻശ്യാപണാചൊ ഘഡ്യൊ ബാന്ധുൻ ദവർചെം’ മ്ഹള്ള്യാ താണെം, താചെം സാഹിത്യ് വാച്ചെ മാരിഫാത് മാത്ര് ആമി താകാ സൂക്ത് മാൻ ദിവ്യെത് മ്ഹളെം.
അന്യേക് നാമ്ണെചൊ സാഹിതി, പത്ര്‍കർത് ശ്രീ വിവേക് ശാൻ‍ഭൊഗ് ഹാണിം ചിത്താലാച്യാ സാഹിത്യാചി വിസ്താർ മാഹെത് ദിലി. താച്യാ ലേഖൻ ശൈലെചെർ, ഭാസ് ആനി ഉത്രാം വാപാർച്യാ താച്യാ സമർഥെചെർ ശാൻ‍ഭൊഗ് ഹാണിം ഉജ്വാഡ് ഫാങ്ക്ലൊ.
ഹ്യാ കാര്യാച്യാ സുർവെർ വിശ്വ് കൊങ്കണി കെന്ദ്രാന്ത്ല്യാ `ഹൊൽ ആഫ് ഫേം’ ഹാംഗാസർ യശവന്ത ചിത്താലാചി തസ്വിർ അനാവരൺ കെലി. വിശ്വ് കൊങ്കണി കേന്ദ്രാചൊ അധ്യക്ഷ് ശ്രീ നന്ദഗോപാല ശെണൈ കാര്യാചൊ അധ്യക്ഷ് ജാവ്നാസൊൻ ജം‍ല്ല്യാങ്ക് ബരൊ സ്വാഗത് മാഗ്ലൊ. സിഇഒ ഗുരു ബാളിഗ ഹാണെ ധന്യവാദ് പാടയ്ലെ. ശ്രീമതി ശകുന്തലാ ആർ. കിണി ഹിണെം കാര്യെം ചലയ്ലെം.
